吉豚屋吉列豬扒專門店

營業中

休息中

石門的變化很大, 多年前曾在石門工作, 當時就只有工廠飯堂. 如今竟有個商場, 還有不少食肆選擇, 沙漠中的一點綠洲. 雖然找來的是連鎖店, 但畢竟大家都沒有試過, 也試一下吧. ❣️吉列三重奏🐖貪心什麼都想試，三重奏太合適不過！內有吉列蝦🦐，豬扒和豚肉餅。吉列皮清脆聲音的聲音令人滿足，豬扒還有點肉汁💦，不會乾，豚肉餅味道挺豐富，送飯實在不錯。味噌湯🥣很多材料，喜出望外！⚜️吉列雞扒咖哩飯🥘雞扒不乾，沒有雪味，加上咖喱汁，是很實在的選擇。是一家想吃吉列豬扒過過口癊, 又不想大揮金錢的話, 這是極佳的選擇!

又到星期日，係個要去搵地方食晚餐的日子。阿仔一向鍾意食吉列豬扒飯，難得妹妹今晚唔喺度，咁就由佢揸fit揀咗呢間吉豚屋。呢間餐廳嚟過好幾次，所以嘅餐牌都算係熟悉的。雖然嚟嘅時候諗住要食吉列咖喱豬扒飯，但係睇到餐牌竟然有壽喜燒，於是乎就轉軚試食新嘢。三個人叫咗三個餐，分別係滑蛋吉列豬扒鰻魚飯，吉列三重奏定食同埋我要嘅雞扒牛肉壽喜燒鍋烏冬。老公叫嘅最先上，又豬扒又鰻魚，最啱佢呢種魚與熊掌兩者兼要的這種人。阿仔食佢一向鍾意嘅吉列三重奏，我個人會盡量避免食煎炸嘢，但係睇到佢食得津津有味，後生仔食得肥膩少少都唔緊要啦！我係極鍾意食壽喜燒的人，諗唔到喺呢度竟然有個咁嘅雞扒牛肉壽喜燒鍋烏冬餐。雖然個名聽落去有少少九唔搭八，但係出嚟嘅效果都算係幾好，起碼我覺得呢餐我係食得滿意的。埋單每人約90蚊，日本餐喎，價錢算係咁喇！

星期六12：30石門好多人， 好多食肆都排隊， 選擇此間， 以為唔駛排， 原來在店內排，幸好起碼有冷氣。內在環境好一般， 像日式快餐店， 仲要好嘈。剛坐在旁的3口子（媽在講大聲電話， 仔不 斷跳及嘈， 工人在旁扶實小孩） 。 小孩不斷走來我坐位， 又嘈叫， 好影響我， 頂唔順， 要求侍應轉位坐。 轉左位， 旁又有2名青少年， 嘈# 不過 好過3口子。滑蛋吉列豬排鰻魚丼$89跟巨鋒乳酸 +$9滑蛋唔多又唔滑， 炸豬排係厚但唔鬆， 鰻魚過份林滑蛋吉列3重奏。$69跟可樂。+$9炸雞， 炸蝦， 炸豬柳滑蛋唔多又唔滑， 炸蝦好厚炸槳， 蝦有d硬炸雞， 炸豬柳，唔鞋口， 冇咩味道，正常水準總評食物好一般。 5.8分環境好嘈， 唔清靜， 周圍仲要d食客好嘈， 有小朋友枱更嘈。 4分如置身在茶樓。 嘈

石門呢一間舖頭已經開咗好耐，但係我都係第一次去食，所以都幾有新鮮感。一入到去見面已經用一個典型嘅日本歡迎光臨嘅方式去同顧客講歡迎光臨，之後就直接帶你所屬咗坐嘅位置，我先嗌左一個，肥牛煎蛋雞扒飯，嚟到效果都唔錯，感覺上CP值都幾高。因為我見到佢擺位上有太多心機，而且有麵豉湯附送。麵豉湯都係比較濃郁嘅，但係越飲會越頸渴。而雞扒都係吉列煮嘅方式所以裏面比較白，而肥牛都好重牛肉嘅味道。再加上有咖喱汁可以用嚟撈飯亦都可以用來做調味喺雞扒同埋雞蛋，仲有肥牛方面都可以佩。

《吉豚屋》可以說是我在石門工作四年多的第一餐。(全公司同事 Welcome 我加入的第一餐)。所以，當年並沒有去影相，寫評語。之後，因為經常要等位排隊同之後的疫情，阻礙左我再次去拜訪此店的機會。直至前幾個月，工作冇咁忙了，就決定來買個外賣回公司食。回味一下美味的炸吉列豬扒。因為當時疫情仍然嚴峻，所以我都是買外賣回公司食比較好。第一日來，我要了一份滑蛋吉列豬扒鰻魚便當。有厚厚的吉列豬扒，有充滿了濃濃醬汁的鰻魚，也有沾了醬汁味道，內心依然流心的香滑煎蛋。此外，以丼的形式盛盒給我，肉汁醬汁蛋汁完美地滲入米飯之中，真是美妙。 改日，我點的餐是吉列豬扒、雞扒便當。這一個是傳統的日式吉列扒餐，所以豬、雞扒同飯是另外裝的。吉列豬、雞扒的外層甚是香脆，內心就肉汁豐富，肉質又腍又香。加點日式醬汁，再一口扒，一口飯，絕對是一個美滿的感受。很滿意的午餐，份量十足兼美味，實在令人無法抗拒。是一間值得大家常來的好食店之一啊。難怪在疫情前，中午時段永遠都一位難求啦。

我寫呢篇嘢嘅時候 其實我已經食過呢間餐廳好幾次。佢嘅炸豬扒飯好好食。佢就即炸即上，所以每次食親都係新鮮熱辣，再配埋佢哋嘅椰菜，即刻將成個炸豬排飯既層次提升咗。唯一嘅美中不足就係佢製作需時，食客要有心理準備。我第二次就食咗佢個滑蛋雞扒飯。蛋量十分足夠，雞肉都煎得好好。聽講佢哋個curry做得都唔錯，如果下次有機會一定會去試下佢地個咖哩飯。總括而言，依間野係沙田既高質炸豬扒飯店。如果未開關又想食日本野都可以試下佢。

去到石門想食日本嘢，見到呢間係專門食吉列炸物嘅分店，久違地去食下先😗呢間分店嘅環境比旺角分店闊落得多，木系嘅裝潢都坐得幾舒服🙌🏻睇Menu都揀左一陣，因為都幾多類別以及配搭選擇，放縱自己一次食下熱氣野😆🔸雞扒牛肉壽喜燒鍋定食（HK$69）平時壽喜燒大多數都係配牛肉，呢款就加埋吉列雞扒，但留意返如果叫呢款，因為有湯汁浸住關係，吉列外皮會淋曬架🙈朋友表示鍾意食呢種淋左嘅texture🙊而雞蛋就略為太熟啦~🔸滑蛋吉列三重奏（HK$69）如果想一次過試曬幾款炸物，呢個三重奏就滿足到啦🤟🏻有齊炸蝦、炸雞以及炸豬柳，炸起身新鮮熱辣，但食到第二啖見到一個硬嘅膠異物😱同店員講完就馬上幫我地換左碗，食到後期就有啲太油膩啦，可能2個人share會好少少🧐🔸桂圓紅棗茶（HK$12）入口飲到紅棗嘅甜味，暖暖胃咁飲下都還可以～🔸繽紛檸檬柚子梳打（HK$15）呢到嘅特飲都幾有日式風，呢杯柚子梳打飲落好fresh，仲有啲配料增加下口感🍹

去開石門成日都會食呢一間😋😋由於係假期嘅關係，間舖頭冇得叫下午茶餐，只可以跟餐牌叫🙈🙈叫左個吉列雞扒定食🐣同埋吉列雞扒牛肉壽喜燒🐮🐣平時都會食吉列豬🐽今日轉一轉口味🙈食下吉列雞先🐥咁就講吓吉列雞扒定食先😊賣相都幾好😊雞扒炸完出嚟入邊仲有好多汁😌😌外邊好脆，裏便好滑👍🏽比想像中好食😋配埋佢個豬扒汁，簡直將成件事升華咗😏吉列雞扒牛肉壽喜燒雖然賣相一般，但味道又出奇地好喎😏😏牛肉好味，唔太韌，但個雞扒就差少少，可惜就係個壽喜燒汁浸林左個吉列雞扒皮🤦🏽‍♀️如果個汁唔係淋喺個雞扒面，咁就應該好好多，但整體來講呢個都係好食嘅😊都可以推介大家行開都可以過嚟食吓

炸物全部都好脆口！ 就算上枱時唔熱，食落仍然好脆！ 價錢相宜～定食會跟白飯(珍珠米) + 野菜豚肉湯～唔想要白飯的話，可 +$3 轉讚岐烏冬。武士漢堡扒吉列雞扒定食 $79吉列雞扒好脆，炸漿厚，煎蛋蛋黃流心，漢堡扒有洋蔥燒汁調味，粉比碎肉多，口感唔嚡，無juicy肉汁吉列豬柳泡菜湯烏冬鍋 $75吉列豬柳好脆，都係炸粉厚，烏冬幾大碗，口感滑溜特製他他醬炸蝦雞扒定食 $75炸蝦幾大隻，好脆！ 特製他他醬幾開胃好食___________________吉豚屋吉列豬扒專門店 (沙田)沙田石門安群街3號京瑞廣場一期地下G08舖___________________

本身對哩啲連鎖店既質素都無嘜信心 但男朋友話佢食過幾次都覺得唔錯就跟佢試下—————————————————-特製他他醬炸蝦雞扒定食 （$75）定食包左白飯同麵豉湯麵豉湯都叫做有啲小心思入面有唔少既洋葱蘿蔔豬腩片不過可能因為咁 多左啲蔬菜既甜味味噌味反而唔算濃烈米飯粒粒分明有嚼勁吉列脆漿炸得甚為鬆脆 唔會過於油膩亦都唔覺有咩油益味雞肉大大舊厚身 肉質尚算嫩滑炸蝦就正正常常 略嫌淡味左少少他他醬份量毫不吝嗇醬內混和左粒粒雞蛋碎酸酸甜甜咁送飯點雞扒食好夾開胃得黎可以減輕油膩感——————————————-以吉列炸物黎講鋪頭既質素一定唔算係上乘但哩個價錢 配合埋哩個味道同份量我覺得已經優勝過其他唔少坊間以「吉列XX」作招徠既餐廳路過一戰無妨

真係太耐冇飛日本🇯🇵咁唯有本地搵見佢平平地就試下3人食左3個餐再加豬加雞跟餐既炸豬…薄身旦肉實單叫既炸豬就肉散.旦勝在大件夾抵食炸雞$18有咁多就冇咩要求了服務來講.有個領導級既唔錯.佢有留意顧客一舉一動.見我望來望去佢好醒水知我要咩欠咩尼種服務大酒店都未必有完全收貨

石門站出地鐵口行2分鐘就可以見到 地理位置唔錯下午茶豬扒飯$45 一碗飯 一份豬扒 跟味增湯呢間味增湯好好味 裡面有豚肉 蘿蔔 唔係單單用粉沖出來個豬扒酥脆 多汁 肉一d都唔柴 淋上豬扒醬汁 正！另有芝麻醬可以用來配菜食 解膩烏冬豬扒飯 $50 烏冬好大一碗 香港下午茶都係細細份 估唔到會咁大一份 睇來似正餐多d ！另外追加左炸蝦 $5 無限量追加！都係炸到脆卜卜 裡面半透明 時間掌握的好好 冷氣一直滴緊水 3分鐘滴一滴 希望改善下 總體來講 性價比好高！所有茶餐都配飲品 超級抵

夜晚突然好想食吉列豬扒，同行朋友即刻提出吉豚屋😋 對吉豚屋嘅評價一向正面、性價比高，所以都好期待！🍚八點左右到達，排咗15分鐘後入座，店舖對於排隊輪候安排做得唔錯，有梳化俾等緊嘅人坐👍🏻 🍚即使主打炸嘢，餐牌選擇仍然好多今次叫咗和風汁吉列豬扒飯（梅）（$49）豬扒外觀炸得靚、金黃色；咬落熱辣辣又香脆，炸粉唔會過厚，好味😋隨餐附上咗椰菜絲又可以解膩👍🏻檯上有豬扒醬同芝麻醬俾客人自己斟～非常方便👍🏻

呢間係日式吉列炸物為主的餐廳，所以套餐都多數圍繞吉列豬，雞，蝦，魚等，配搭咖喱，蛋包飯過烏冬今日下午茶時間，食左鐵鍋咖喱烏冬配搭唐揚炸雞，雖然係下午茶優惠，但份量依然足夠，炸雞表面有點黑同老，貌似有點炸過龍，內裏嫩質尚可，咖喱烏冬味惹味~另外吉列炸蝦咖喱飯，炸蝦大大隻鮮美

吉豚屋吉列豬扒專門店Ca-Tu-Ya我們去吉豚屋食下午茶😍😍我們叫左泡菜豬腩片豬扒定食$59，豬扒加炸到金黃色，上面仲淋左d醬汁，好夾，仲有泡菜豬腩肉，份量多👍👍我們仲叫左吉列豬扒定食加吉列蝦$55，定食有飯有湯，賣相吸引😋😋地址：沙田石門安群街3號京瑞廣場一期地下G08舖整體評分：4/5味道：4/5價格：5/5