吉豚屋吉列豬扒專門店 (已結業)

吉列豬扒其實食過好多次，去吉豚屋卻是第一次，看食評，好評不少，於是親自去試試。去到店大約6點50分， 一支公不用等位，叫了吉列豬扒定食。 豬扒炸得夠脆，份量夠多，但偏硬，不夠鬆化，味蹭湯材料豐富，有紅蘿蔔，白蘿蔔，豚肉，洋葱等等配料，值得一讚，但是太油，味道還可以接受。最抵讚是 豬扒醬不會太咸，帶點酸香， 比起勝博殿還要好。 以100 元都不用的價錢來看， 已經算不錯了。 當然對豬扒要求高的朋友就未必接受到了。總括而言，不論價錢還是味蹭湯還是值得一試。

送完老婆返學，6:00都未到趕得一切食佢個下午茶 我點左個迷你滑蛋吉列雞飯，因為是即叫即炸，所以等左一陣一打開個碗蓋真的有驚喜炸到脆卜卜的吉列雞，入口又熱又脆;滑蛋略為熟左d，不過都ok;飯用了珍珠米，以我來說份量就少左dd不過以tea和價錢來說真係抵食如果覺得唔夠味，枱上仲有豚肉醬和芝麻醬加入去下次一定帶老婆來食

日式吉列豬扒喺香港屬高級料理，炸得金黃鬆脆豬扒長期不乏捧場客，但真正做得出色嘅名店屈指可數，雖然人均消費動輒三，四百蚊，依然係人龍不斷。今日到新都城買嘢，肚仔餓閒逛搵嘢食，下午茶時間普遍餐廳都大把位，瞄到有間舖食吉列豬扒，所費無幾已經有份定食，就去試吓。TEA TIME嚟幫襯即時變咗VIP,侍應多過客，店內裝修似模似樣，都係以木傢俬為主調，㕑房設計成半開放式，整齊乾淨，雖然客人不多，但員工仍然各司其職，專業精神可嘉。既然有心試吓佢哋實力，點咗吉列豬扒定食同咖哩吉列豬扒飯。吉列豬扒定食-$45定食包野菜豚肉湯同白飯，上枱時心中暗喜，造型同餐牌一樣，秉承日式料理嚴謹嘅作風。豬扒炸得乾爽脆身，但我最擔心咁厚身豬扒，會唔會外脆內生？一啖咬落去，麵包糠鬆脆，外脆內軟，豬扒熟透而腍身，食落無渣，餐廳豬扒汁亦都同名店無分別，甜酸鹹兼備，令豬扒食落無咁熱氣兼開胃，成個餐計埋飲品加一都係$53!真係開心大發現。迷你吉列咖喱豬扒飯-$35日式咖喱有別於星馬泰及印度咖喱做法,唔會有椰汁花奶,入口偏香辛辣，少甜味。今次個咖喱飯除了豬扒同樣出色，飯粒同樣煙韌之外，咖喱汁香辛味攻鼻，香味四溢，濃郁咖喱汁混和軟熟米

夜晚九點左右去左寶琳個邊同friend想食野，咁岩呢間有一張四人枱，就走左入去食。見到個餐牌印著大大碗吉列豬排飯，我梗係叫左呢個食啦！驚唔夠飽，仲叫左加大個飯添。一黎到，嚇到呆左，碗飯真係好大碗！主打既吉列豬排真係好好味，外脆內軟唔在講，唔似普通既吉列豬排咁乾，食落去仲有肉汁，重點係切得夠細件，件件都差唔多size，可以一口一件，食落配飯就更加好味！吉列豬排既份量亦都足夠，唔會話太少變到淨係食飯。美中不足既係就算吉列豬排有肉汁，但係碗麵豉湯又偏鹹，仲要一大碗飯，要飲晒成杯凍奶茶先夠解渴，所以加大飯既時候記得加大埋個豬排。

素來很喜歡吃日本的吉列豬扒，知道吉豚屋是從日本過來的低價吉列豬扒店，一直也很想去吃的了，只是吃這個又很怕熱氣，總之擠不出一個比較安全的日子去吃，結果反而是先在日本吃，回來跟日本的來個比較。反正是比較就要來足全套，醬料的盛具和日本的也一樣，不過少了一罐醃蘿蔔，不過香港人大概也不愛吃這個，所以沒差喇。日本的吉豚屋是沒有下午茶的優惠的，但來到香港就有，也許是香港人對價錢真的很敏感，而且很多人總是覺得就一塊豬扒為甚麼要收我那麼貴。下午茶收費較低，份量自然有減，不過也沒有說份量很少就是了。觀察一下吉豬的模樣，瘦肉旁邊連著一點肥膏，炸漿很好附在肉上沒有皮肉分離，加上肉亦有相當的厚度，跟日本並沒有明顯的差別。咬一口，外層很香脆，肉就稍微韌了一點，肉汁亦較少，估計是火候和時間的掌握未夠精確，不過這近乎是吹毛求疪的挑剔了，想想多付一倍價錢的專門店質素也沒有提升一倍耶。吉豚屋的味噌湯是會放豬肉和蘿蔔的，比很多店鋪的更為足料，雖然在日本的酒店打過工的我，知道這些材料全部都是真空包裝運送的，不過聊勝於無喇。這個味噌湯倒是比日本的優勝，因為沒有那麼鹹，可能是因為香港人口味比較淡的關係所以煮出來也是減鹽版本吧，也

以一份二十九塊下午餐（迷你滑蛋吉列豬排飯）來說的話，完全是屬於一個可接受範圍。豬排雖然不夠香口和香脆，但尚算還可接受。滑蛋有點 overcooked 。醬汁味道剛剛好，配飯不錯 。以價錢來評核品質的話，這份下午餐尚算合格。環境整潔下次有機會會試試看晚餐的質素如何。

週末的晚飯時間，要在將軍澳找到有食肆可以享用晚餐絶對不是一件易事。在分散不同餐廳等位的時候，都等了十五分鐘左右才有一間問分開坐可否，但這當然不理想啦。再過多一會才有適合的位置，真的一點也不易。到這專門店，無容置疑的就是要個吉列豬扒了，咖喱汁也像是理所當然的。賣相方面要挑剔的話就是不夠和風，不夠細緻，看得出汁部份太多，感覺是豬扒及飯不夠似的。但味道尚算不錯，甜甜的咖喱很易入口，而吉列豬扒外脆內軟，很正。如果賣相再加點心意的話要非常好了。

星期六, 女朋友想行街, 提議去新都城, 順便探下契女~!探完契女, 行完街, 已經7點幾, 大家都開始肚餓, 見新都城好多餐廳, 順便食完飯先回家! 但可能到食飯時間,所有餐廳都大排長龍, 女朋友又唔想去其他地方食! 好!我等! 但一世仔最怕等位,  冇人等又唔敢試, 唯有選擇一間可以快等到位的餐廳~吉豚屋寫食評前見到有位食家寫 "未領會到吉豚屋吉列豬扒的優點", 我身同感受, 要同大家分享下....門面好吸引, 門面上掛着好多餐目相, 女朋友見到餐目相非常興奮20分鐘左右就等到位, 坐低後望下餐牌, 好驚喜! 價錢算好平, 一個餐大概50-60元左右,餐牌相片好吸引, 最後我點了吉列豬柳定食, 女朋友點了鐵板吉列豬扒定食大概5分鐘, 出餐了, 再一次好驚喜! 因為吉列豬柳定食和鐵板吉列豬扒定食, 對比餐牌上的相差好遠, 雖然餐牌上有同片只供參考, 但心裡有點不是味兒餐太細, 猪扒太小! 明白原來價錢平, 因為個餐唔大! 味道不過不失, 吉列猪扒算脆口, 但沒有吉列猪扒咬落去有肉汁個種, 但因為價錢平, 很適合學生食, 本人就 "未領會到吉豚屋吉列豬扒的優點", 但以這價錢有這水準,

比門口的烏冬吸引因為本身我唔食得炸野所以成間賣吉列真的無咩可能會幫親但因為隔離UCC又多人又好肚餓仲見到住戶証有折所以就同老公入去試下醬料已經放好係將台任用不過其實芝麻醬好快過食用效期唔知哩的係唔係定期換架呢??哩款就係門口吸引我係廣告啦泡菜烏冬其實係配菜但我當主角咁食哈哈69元有一個大大烏冬,同2塊吉列豬扒泡菜烏冬味道一流不過烏冬不是12元3包但都不是最上好的烏冬你預同吉野家的烏冬咁上下不過69元已經算好抵推介喜歡泡菜湯的老公就叫了哩款最平的滑蛋吉列豬扒飯哩的的吉列朱扒真係好鬆脆又薄唔會咬開厚厚的外表都未咬到肉直情係薄到你想將他們分開都分唔到好多時吉列野係可以同他們好像脫殼咁樣做但哩間39元咁的價錢做到又唔太油又鬆脆的我唔食吉列的結果點上豬扒汁都食哂老公食的更加說無得頂啦不過哩杯6元的的飲品加埋冰真係好一般埋單用埋住戶証9折wow實在太平又好味的晚餐

老公聽說這家店不錯,,於是帶我來這裡午餐店裡全是吉列食物店名叫「吉豚屋」,,那當然要點吉列豬扒來試試老公則點了吉列雞扒定食豬扒不會炸得太乾身,,但也不會很油炸漿很鬆脆,,外皮和豬扒不會分開我點的是和風醬汁吉列豬扒飯,,醬汁不會太多令豬扒變淋另枱上提供醬汁,,可因應個人口味而自行增加醬汁份量老公的吉列雞扒定食也很好吃湯的材料很多很足雞扒炸完後,,肉仍算滑,,不會變乾身雖然這個定食沒配醬汁但餐廳還另外提供芝麻醬可以自行選擇醬汁也很不錯！雞扒沾芝麻醬也很好吃最後就是以清熱的菊花蜜作結尾。

星期日在寶琳找下午茶的確不易，好不容易找到了不用排隊的吉豚屋吉列豬扒專門店。 要了迷你滑蛋雞扒飯($25)和迷你滑蛋豬扒飯($29)但卻強差人意，吉列皮受潮而不太脆，原來的滑蛋都變了老蛋，最要命的是主角雞扒手和豬扒都沒有口 感，是肉質太腍還是吉列皮太搶呢?其後再用$8加了吉列炸蝦和野菜豚肉湯($15)。炸蝦還很油，又是吃吉列脆皮，蝦的味道不突出；豚肉湯稍鹹，有頗多菜和切卡豚肉，當然是“死實實”的雪豚肉啦，這價錢不要有過份的要求了。有時我們也要信人龍，周圍要等為何此店可直接入座？ 若店方不是在下午茶時段將貨就價，此店便只屬糊口級了。 值得一讃的是調味品擺放得井井有條，還有標示，不用顧客瞎猜，好！

尋日路過將軍澳的吉豚屋，發現佢又有新野，決定未到午飯時間都入去試一試。吉豚屋的新搞作，係「鐵鍋吉列」，簡言之係將吉列炸物用鐵鍋上，保持食物的熱度。當然事實上唔會咁簡單，朋友點的吉列三重奏 - 鐵鍋版，有炸煆、炸豬柳、炸免治豬肉，好似出奇蛋咁，滿足三個願望。吉豚屋的炸蝦出色是不爭的事實（就我的朋友圈而言），豬柳較豬扒軟滑，免治肉混有洋蔥等配料，更香口。淋上面的炸物汁，再加一隻蛋，混起上黎，足以提升炸物的香氣和層次。我點的係鐵鍋咖哩吉列豬扒，原本的咖哩汁經已美味，加上雞蛋後味度再一之昇華，熱烘烘的香甜美味。兩份餐都係定食，跟白飯同味噌湯。同樣的好食、抵食。

星期日去買點東西, 行行下老公話都點幾, 不如食埋先返屋企。我即時推薦前幾日我響openrice見到的吉豬店。 我先去搵位, 唔多人, 唔洗等, 服務員好醒目有禮咁安排咗我地入坐. 地方幾舒服, 乾淨, 全部都係吧位和卡位, 配埋個open kitchen好開揚既感覺.  簡單來說我地當日order了 : 仔 ~ 滑蛋吉列豬扒飯 $59 + 可樂 $6老公~ 野菜豚肉湯定食$59 + 雪碧 $6 + 白飯增量$9我 ~ 吉列炸蝦豬扒湯煮烏冬$69整體來說, 食物和價錢是合乎期望的. 唔好唸住俾幾拾蚊食兩百蚊個吉豬的質素. 佢最好食和抵既地下有.全單總金額 :$208 (送番4張$8 coupon俾你下次用)要激讚係服務, 上菜快, 小心. 要後加和碗仔都好好態度, 好窩心.我覺得好抵係汽水, 唔係汽水機出, 而且冰凍的.另外稻庭烏冬個湯底清, 烏冬好係靚貨. 野菜豚肉湯上枱時熱辣辣好有heart.

星期日，在新都城中心吉豚屋食下午茶，一心想下午茶不會太貴，點知..........我點了咖哩吉列豬扒飯（$35不包飲料，另收加一服務費，四捨五入）吉列豬扒夠脆，又香口，但是份量少了一點，男生食會不夠的。一塊豬扒是平時的一半，飯沒有一碗，比吉野家的少一半份量。

是日中秋放早，行左陣街返到將軍澳食野，兩點幾開始左下午茶，點左個炸豬扒定食加八蚊多隻蝦，冇叫飲品，有清水，不過有陣過濾器消毒味，飲左啖冇飲。雖然冇咩人，但落單後都等咗陣至有得食。炸豬扒黎到唔係辣咀嗰種熱但麵衣好鬆脆，唔會過厚，亦無同豬扒分離，豬扒肉質唔鞋唔乾炸蝦麵衣一樣好吃，蝦肉就林得制，不過只要$8都可以接受。跟餐嘅豚汁幾足料，蔬菜同豬肉片都出哂味，好飲。下午茶$45+蝦$8再加一=$58質素對得起這個價，會再食！致審查者，較早前用咗舊a/c上載同內容，請無視那篇，謝謝