吉豚屋吉列豬扒專門店 (已結業)

一直也覺得此店的定價十分合理，食物質素不錯。昨日去食午餐，真是被近餐廳門口張餐椅嚇怕！為何餐椅如此破爛都不更換？ 可以即時想像到穿着短褲的客人（即包括我）坐在那張椅子的感受。店主可否體諒一下客人？當日點的豬扒定食，並沒有令我失望，豬扒熱辣辣外脆美味！如果定食跟普通麵鼓湯更好，因為豚肉蔬菜湯有點油膩。店內用具、地板乾爽整潔，看得出店員是用心工作。如果店主不考慮更換一下陳舊的傢俬，真是很難再次光顧。。。

呢間吉豚屋我覺得係新都城入面唔計快餐外最平既餐廳之一，其實佢位置都唔差, 唔知點解可以用呢個價錢仲未執笠, 唔知佢點捱貴租, 而且食物唔係咁高質, 只係正常質數!!!滑蛋吉列豬扒鰻魚丼 $89個鰻魚放左面, 個滑蛋同埋豬扒又亂咁放, 搞到個滑蛋浸住左塊豬扒, 塊豬扒個皮林到都幾難食,如果佢好似MENUU張咁放咪冇事!! 同埋我都幾唔好采, 塊豬扒好肥下, 咬落都幾多肥高位, 唔太中意, 鰻魚就一定唔係貴價個啲好野, 示過難得佢完全冇怪味, 都可以接受架啦!!滑蛋吉列三重奏 $69個個豬扒同滑蛋分開左小小, 所以個皮冇林吱吱既感覺, 好好多, 炸蝦有2大條, 吉列豬扒，仲有吉列豚肉餅，不過蝦唔係超新鮮, 所以拎黎做天婦羅就最好不過!! 但係個豚肉餅都有小小驚喜，唔錯唔錯 XD,,整體黎講都ok, 間唔中食一次都唔會覺得太炸太過份！

中午想吃得滿足一點，又不想花費太高，吉豚屋一定是我至佳選擇。食物質素不錯，性價比高，只要你不怕熱氣！選了吉列豬排定食，價錢相宜，但質素很高。吉列豬排外皮香脆，炸粉厚薄適中，上檯的時候，還是熱騰騰的，一口咬下去，噗滋噗滋，先感受黃金色的脆皮香味，然後軟腍的肉面，還有咬下去質感層次豐盈的肌里，再滲出豐腴的脂香，很令人滿足呢！淋上豬排醬，再追加了一隻吉列蝦，蝦身長長的，蝦肉絕非一丁點，完全能吃到蝦的肉和吉列炸皮！白飯是珍珠米，顆粒飽滿，飯粒水和韌度掌握得很好，而且帶有淡淡的白米脂香，珍珠米果然比較好吃。豬排厚切，看看那個厚度，絕非一般茶餐廳又薄又柴的炸豬排可比。味噌湯不過不失，發酵的味噌風味不夠強烈，更有蔬菜的清甜。青菜蘿蔔，各有所好喔。真是令人滿足的胖胖午餐呢！

今日下午放假，可以同媽媽食下午茶。左揀右揀，最後入左「吉豚屋」。這裡的下午茶同晚餐既食物差唔多，只係份量細啲同價錢便宜啲。我們點了兩份下午茶，都係吉列雞排，因為我覺得這間舖的雞比豬出色。加$8就有一隻吉列蝦，所以點了一隻。等左十分鐘，熱辣辣烏冬終於出來啦。估唔到三十幾蚊可以食到彈牙烏冬，而且吉列雞夠脆。不過雞排薄左少少，變相吉列粉好像多了一點⋯這裡的的飯亦不錯，係珍珠米，而且粒粒分明，所以性價比好高。而吉列蝦就無咩特別，不過媽媽想食，所以點了。

睇完復仇者聯盟都就嚟10點鐘，好多餐廳都就嚟關門，費事餓住個肚瞓覺，快快脆脆衝入去食碗豬扒飯。吉列豬柳泡菜湯鍋定食 - 我都忍唔住要讚一讚阿仔，喺短短30分鐘內要完成呢個滾熱辣泡菜鍋烏冬同埋兩塊豬柳，佢一路食一路標晒汗，最尾都食得切，偷飲咗佢幾啖泡菜湯，鍾意佢辣辣地又有雞蛋花，配埋烏冬好好味！野菜豚肉鍋定食 - 我好鍾意飲佢哋嘅野菜豚肉湯，如果叫呢個定食，湯係大碗，一碗白飯，兩塊吉列豬柳，份量啱啱好，吉列豬柳炸得好鬆脆，配上日式豬扒醬味道啱啱好，快快趣都食咗兩啖椰菜絲，如果加埋芝麻醬會更加好，今日煲飯有啲硬，平時啲白飯好味好多！提一提用戲飛可以當優惠卷，我哋有三張，每張可以當＄8用，咁就平左＄24！10點last order，10點半關門，所以佢哋動作好快手，同我地把口一樣，食得好快！

第一次嚟寶琳呢間食吉豚屋，原來係一間性價比都幾高嘅日本餐廳！雖然係晚市時間，但新都城都好多餐廳，而且吉豚屋內面亦夠大，所以要等位嘅時間都好快就到～我叫咗呢碗：和風汁吉利豬扒飯（$49)，佢大部分嘅餐都有大/細嘅選擇，可以跟據自己嘅食量去揀，但唔好睇小細杯喎，飯雖然少咗，但豬扒依然好多好大塊，尤其新鮮炸好，啲吉利豬扒好脆，點埋和風汁就唔會好乾，即刻剛剛好！提提大家，吉豚屋有學生價的喔，所以記得出示學生證先吃啦～

新都城呢一間吉豚屋開了一段時間，良久沒幫襯。於是，我襯星期日來這裡，吃個午飯，看看有否保持水準。這鰻魚定食看似不俗，即管試試！惜理想與現實... 鰻魚正正常常，唯滑蛋不夠滑，極多的醬油令此美食失去蛋味，滿口咸味但烏冬都總叫穩打穩扎，其湯味濃郁，七十幾蚊叫合格有餘。另外，這一次亦點了滑蛋吉列三重奏飯，三重奏為蝦、豬、豚肉餅。吉列豬、豚肉餅的質量和味道仍保持不俗的水準，肉質鬆軟唯炸蝦方面，不夠新鮮彈牙，有點失望。簡單而言，一個飯、烏冬連飲品才七十幾蚊，質素叫合格有餘，所以我覺得可以一戰！

星期日出去食飯間間都大排長龍，見catsuya咁少人就走咗過嚟。唔洗等位就直接入咗去個人對香港嘅所謂日式炸豬排店都冇咩期望，一係就好貴（好多賣成百幾二百又唔好食），不過catsuya算係做得比較OK又價錢合理。食過catsuya 3～4次，我只可以話入嚟係食feel，因為賣相口感我都覺得可以，但味道就始終冇日本咁好，同埋好似都薄啲 XD。另一點就係我覺得平豬排好食過貴果款，唔知係咪佢切既方法錯，咬落就覺得奇怪。

喺新都城裏面居然有咁經濟嘅下午茶餐？睇餐廳嘅裝修，又唔似係做到呢個價錢定位，係好奇心嘅驅使之下，所以就入去試一試。最終選擇左吉列豬扒烏冬$50，再加＄8要一隻吉列炸蝦烏冬係好味嘅，就好似韓國嗰隻生生烏冬咁，d湯夠清，幾乎一d油都無，而烏冬亦都夠彈牙。豬扒亦都炸得幾香口，無乜油膩感，比較可惜嘅係，豬扒唔係厚切嗰種(話晒係吉列豬扒專門店，所以我對佢哋嘅豬扒都有一定期望)，同埋裏面嘅肉亦都無咩肉汁可言好彩餐枱上面有提供豬扒汁同埋芝麻醬俾我哋使用，咁就唔會好似乾哽豬扒。個吉列炸蝦可以話係呢一餐裏面最差嘅一款食物實在係Over吉列炸粉好似多過頭，亦都有d炸過龍嘅感覺，我幾乎都食唔到蝦嘅味道或者口感(sad) 入口嗰種感覺並唔係吉列，而係over到有d”吉”口🤢我真係有d後悔點左呢一隻「吉口炸蝦」🤢

星期五放工同老公去將軍澳新都城中心行街仔，行到攰攰地餓餓地就搵野食，諗吾到食咩就搵間最近又吾洗點等位嘅餐廳就算😅😅入到去環境都算OK我哋兩個人點左兩份餐，一份豚肉蕃茄湯底烏冬另外一份點左吉列三重奏定食，等左10分鐘左右兩個餐終於送到了，佢哋炸嘢都算出色外脆內軟食落去口感鬆軟味道唔錯，同一時間都可以保持肉質，我最驚食到d炸粉太厚身😌至於個番茄豚肉烏冬鍋就比較失色都幾重味精食完之後要飲返幾杯水，但我老公就勁鐘意食，清晒湯底

將軍澳食日本菜既地方唔多，大多數係連所店，呢間都唔例外。吉豚屋，由個名已經可以睇得出係專門食吉列豬扒既地方，但我欣賞佢既地方並唔係吉列豬扒，而係檯面有芝麻醬供客人任食。每次我都可以用左佢半支醬，用嚟撈椰菜絲同撈飯。今次試既係吉列蝦配吉列豬扒飯，炸粉唔算話好厚，不過可以薄啲，蝦肉都幾juicy，而且咬落幾脆身， 同埋蝦嘅長度 都有成隻一隻手指多啲，粗就粗過手指小小，都算幾大隻。而豬扒就比平時細件，比較窄身，有啲傷心。 同埋豬扒嘅炸粉比較厚， 而且豬扒都比較乾身，唔夠炸蝦咁juicy， 作為一間吉列豬扒專門店，呢方面有啲失色。不過今次有一個特別嘅沙律醬，淋咗喺啲炸物上面 ，呢個沙律醬有少少似千島醬，但係有少少辣， 比較開胃醒神，令到炸蝦同埋豬扒都唔太油膩，而底下嘅椰菜絲撈埋呢個沙律醬，亦都非常清新，不過啲醬都唔算好多，夠點炸蝦同豬扒，但就唔夠我送飯呀，所以可以落少少芝麻醬撈飯。

放假同媽咪行下街休息下行到攰就去撐下枱腳見到唔算多人排隊就去攞飛 好快就有位因為好鍾意食滑蛋😍所以我哋叫咗兩個滑蛋餐share滑蛋番茄豬扒鍋定食首先講吓碗湯先碗湯裏面嘅材料都幾足味道亦適中豬扒鍋味道夠濃好啱「送」飯豬扒唔會好韌食完哩個餐好滿足👍🏻滑蛋炸蝦飯炸蝦好香口咬落去「索索」聲亦唔算好油配埋滑蛋好好味但略嫌滑蛋份量唔夠多🤔

今次去到間專食吉列豬扒嘅既然係專門店 我當然抱好大期望😂呢間叫做吉豚屋吉列豬扒專門店 Ca-Tu-Ya喺香港分店唔多 咁岩撞正下午茶時間咁唯有入去食下啦😋_________________________圖中係吉列豬扒飯(梅)相比起普通吉列豬扒豬扒係比較淋身 易入口食過普通個款就覺得(梅)好食啲另外我會比個Like個炸蝦$5大大條 真係抵食夾大件👍至於其他冇咩特別不過下午茶黎講 係抵嘅本身想試豚肉山壽喜燒點知三點先有 下次先去食😢________________________裝修環境：✨✨✨服務態度：✨✨✨食物質素：✨✨✨(5個✨為滿分)價錢：$55-$58(Forgotten😂)________________________唔信我嘅可以自己去試試😂地址：寶琳新都城2期2樓2006-7號鋪

Found this place through OpenRice! Ca-Tu-Ya is great for those who enjoy a yummy, great value Japanese lunch. Decor was nice and staff were very friendly. I got the deep fried chicken egg rice and an add-on of 2 pieces of shrimp. Loved their deep-friend batter here - but definitely not for those are 

十月五日，中秋翌日放假，夜晚又出去搵好野食。去寶琳行下，新都城真係幾多野食，但周圍都好多人排隊，唉真無奈，勁肚餓想快啲搵野食都咁難。不過好彩呢間餐廳雖然都多人，但入面啲食客都算食得快走得快，好快就到我喇。其實呢種感覺都有啲似東京既感覺，大家食完飽肚就走，唔會阻住老闆做生意嘛。入到去餐廳，啲裝潢令我諗起上個月既東京之旅，感覺好似（可能岩岩係東京旅行返來唔係好耐，感覺特別深刻）。呢度啲日本野價錢唔係貴，佢係主打吉列野既，無拉面，如果你唔想食炸野既，呢度都有一款飯揀，就係本小妹揀既薑汁豬扒飯定食。呢碗薑汁豬扒飯，如果唔點啲薑汁，塊豬扒係無味架，應該無醃過，不過點左之後都幾好味，仲有碗面豉湯，先係五十幾蚊成set!好抵食呀！晚餐喎大佬！👍🏻呢個就係番茄蛋豬扒小鍋定食。男友話啲湯好鹹，但整體嚟講都算好好味。晚餐兩個人埋單都只係＄166好抵食啊！