合記茶餐廳

營業中

休息中

🌈有驚喜茶記小店8號風球之下，見到佢有開就入咗去食。茶記應該係最近翻新完，座位比以前闊落咗好多，亦都乾淨左好多。🌟用餐體驗：今次同男友試食咗佢嘅午餐加下午茶。價錢來講性價比都算高，奶茶熱辣辣夠茶味，如果要挑剔，就係淡奶落多咗少少，因為自己傾向濃郁，不過飲落去非常滑口。《乾炒豬扒烏冬》超級有驚喜，非常之有鑊氣，份量亦都足夠，我鍾意佢濃味得來唔會過咸，50幾蚊一個餐來講已經係好好👍🏼可能因為附近茶餐廳真係多年來冇乜驚喜😆😆今次誤打誤撞反而有驚喜👍🏼👍🏼👍🏼

合記換了老細後第一次來, 感覺好像每次午餐都有蒸倉魚, $58, 在元朗來說不算太平, 以為好出名, 等了30分鐘才有, 倉魚身不是特別大條, 但仍是未熟的, 廚師遇請檢討一下吧, 冇下次

行完山好肚餓 等唔到返屋企附近食中途落車 搵到呢間餐廳 下午茶價錢實惠 炸脾即叫即製 搭埋紅豆冰先＄34 仲有菠蘿冰涼粉冰揀友人叫左個炒意粉 熱辣辣 份量絕對對得住個價錢(＄36) 不過就唔係免費跟紅豆冰見佢早餐仲抵 有機會要黎試下

一早到元朗辦公。由於不熟路況怕遲到，我提前了出門，結果到達的時間比預計的早很多，於是，先找個地方吃個早餐稍坐。這茶餐廳外觀較普通，似做街坊生意。經過時剛看到有座位，就不作他選。一般我會選有湯粉麵的早餐。但由於當天不太餓，只想吃點簡單的早餐，就選擇了醒晨早餐。醒晨早餐B很簡單，就是一份蛋治加飲品。已經對蛋治沒什麼期望，因為被很多茶餐廳嚇怕了，面只有薄薄的蛋，而且放在中間，四周都是空的。這個卻是厚蛋治。煎蛋滿佈整塊麵包，足料。而且火喉剛剛好，蛋熟了而不老不鞋，令我很驚喜。因為不餓，選了熱檸茶消滯。茶香檸檬新鮮。吃了有水準的蛋治，果然好醒神。😎

今天 工作完畢已經下午 四時許 返屋企途中 突然好想食 吉列豬扒沙律拼薯條 就諗到 元朗合記茶餐廳，吉列豬扒 新鮮 沙律 配炸薯條 加埋凍阿華田 抵食夾大件 豬扒十分鬆化 保持水準😍 只係31蚊

唔知點解大家早餐會唔會都好煩。。。香港都係鍾意一啲地道街邊嘅餐廳文化，但係求其行入一間香港茶餐廳，你求其行餐廳隨時都會好難食。。。。呢間茶記做番我幾年前香港仲未炒樓，仲未有雙非 , 嗰份熱情！ 因為早餐抵食夾大件，侍應waiter 絕對絕對完完全全係純正香港人啊！冇口音啊，冇譚仔阿姐口音啊😍 太好太好！佢地既炸魚同炸豬朳，係大家x 大快x 3倍！ 係3倍。。。。 仲要賣28蚊 連凍欴。.好crazy...有機會嘅話要再黎過

哩間茶餐廳同一般茶記無咩分別,早餐都係火腿旦丫,牛面咁,加多杯野飲都係廿零鈫,但哩間茶記早餐有樣必試既美食,就係炸魚柳嗱,佢炸得真係啱啱好,外脆內嫩,仲要加埋沙拉醬,真係完美極了,一個炸魚柳加個粉面再加多杯野飲都係$27(凍飲加$2),真係低到呢.......

呢排合記的出品, 水準回升了, 值得再同大家推介下我常叫的包括有, 薯仔排骨 或 時菜班腩我老婆主打係 肉醬意粉中式例湯都幾多料, 雖然有落味精, 但唔算重手, 食後唔會太口渴肉醬意粉, 其實應該係肉碎意粉, 望落去似人手刴的肉粒, 幾有誇意飲品的水準亦回升了, 奶茶有茶味又有奶味 (茶走)但要彈的是, 夏天中午而言, 冷氣唔夠, 食完飯會出汗的

我覺得合記應該係轉左手由收銀, 侍應到廚師, 好似全部/大部份都換左人水準亦一落千丈最簡單的早餐, 都可以整到唔好食炒蛋有怪味, 阿姐只係話我食唔慣蛋腥, 算啦, 我都唔同你計較, 唔換就算但奶茶都無茶味, 甘就出事啦須知道, 去茶餐廳, 奶茶同咖啡的品質係好重要的甘基本既野都搞唔掂, 點叫人來幫襯你所以, 只能俾劣評希望佢日後水準會有所回升

由中六開始幫襯到而家, 數數手指都十年有多一般街坊菜餐廳的格局, 無乜裝修但來得多, 同班阿姐熟絡左都幾好傾的食物方面, 大件夾抵食早餐17蚊, 有豬/雞/牛扒加炒蛋, 沙爹牛米, 飲品如果你大食的話, 有個雜扒餐扒, 雞翼, 火腿, 腸仔, 餐肉, 煎蛋, 乜都有件真係飽到上心口佢地既奶茶/咖啡, 好有水準午餐一樣甘抵, 由20-25不等但可能佢地好生意, 所以下午四點收檔,唔做晚市

呢間茶餐廳氣氛唔算太好~But D野食就幾抵食,食耐左!每次黎到呢到食早餐.午餐.都會好親切.同每個待應就好似變左朋友咁.早餐$20都幾抵又飽!我自創既"*沙嘜牛肉公仔麵夾多士*"就係0係呢到創ga啦!^^叫一個早餐.選擇沙嘜牛肉公仔麵(要用丁麵呀~正d 0架!加$2)用塊多士夾d沙嘜牛肉同埋公仔麵入去~!真係幾正ga~有牛肉香味.有出前一丁公仔麵既滑.多士既香脆.!!GOOD--- 午餐推介.干炒牛河!一定係一個同老友傾計好好既茶餐廳`