合和軒

性價比唔高嘅中菜，無論食物或服務都真好一般，無邊方面突出，無甚驚喜。首先食物同一般中價酒樓差唔多，有啲點心嚟到甚至已經唔熱，只係暖暖哋。服務方面，第一次係香港酒店中菜食飯，係全程冇waiter幫手斟過一次茶，同埋竟然有漏單情況。普遍waiter嘅態度都唔係太過積極主動，同一般酒樓又係唔係太大分別。總括嚟講，除咗環境，整體質素同合和中心其他啲酒樓差唔多，但就收4-5星級酒店嘅價錢，所以係有啲失望。其實去遠少少，去PP或六國，已經可以搵到性價比相對較高嘅選擇。…查看更多

合和軒環境氣氛一流,我們這晚是Farewell同事晚晏,安排了房間非常開揚而且大家一枱坐17人，食物不是太油膩,質素很好,最欣賞乳豬好脆，而且待應服務態度好好,很細心,還有每人送了一個月餅,大家都盡興而歸…查看更多

與朋友相約試新酒店中餐，餐廳位置指示牌並不清晰，品嘗後，發現食物水準一般，叉燒簡直令人失望，肉質偏硬，幾道推介菜式也未能讓人驚喜，味道偏鹹，食物擺設並不吸引，而且份量亦顯得不足。只有湯水品質尚可，但從整體食物水平來看，性價比並不高，沒有什麼吸引的招牌菜，令人有深刻印象。侍應的服務態度普通，缺乏主動性。室內設計偏向傳統簡約，餐廳內場面顯得有些沉悶和冷清，環境舒適度尚可。整體體驗缺乏驚喜，吸引力不大，未來不會考慮再來。…查看更多

經常試新的餐廳，今次友人提議到合和軒。餐廳環境雅致，予人高檔舒適的感覺。午市套餐包括有湯品、點心、飯麵以及甜品。兩款湯分別為菜膽花菇燉雞腳與瑤柱海皇豆腐羹。兩者之間以燉雞腳較為鮮美，湯底清澈甜潤，喝下滋潤舒服。三款點心有素潮州粉果、蜜汁叉燒包和松露野菜素春卷。素粉果跟普通粉果幾乎一樣，口感太過糯。叉燒包不過爾爾，最有印象的是松露素春卷，起碼松露味突顯。接著的松露野菌醬素菜炒飯跟金銀蛋肉鬆炒飯皆炒得粒粒分明，前者有松露香的優勢，但亦蓋過了其他食材的味道。後者的金銀蛋沒多少作用，反為肉鬆可帶出鹹中帶甜的食味。甜品方面，陳皮蓮子紅豆沙是煲得夠綿的，然而陳皮的味道過於霸道，有些過份。糖水裡有一顆湯丸似的圓波，沒甚麼味道，可有可無。芝麻卷好實，未夠彈性。一個午餐二百六十八個大洋，價錢與食物都屬中等水平。…查看更多

位於灣仔合和酒店內嘅合和軒，於上年正式營業，地方寬敞，並且有私人廂房，私隱度非常高，難得係也有4人既廂房，地方亦乾淨企理～初訪合和軒，所點嘅菜式都係時令之選，小酌一點亦是好選擇夏季開胃精選— 合和黑豚肉叉燒、蜂蜜桂花脆鱔、話梅白涼瓜: 於炎夏打開胃納嘅三款前菜，水準很不錯養顏八寶枕瓜湯: 一人一盅嘅冬瓜湯，確係消暑之選，冬瓜湯亦盡收海鮮嘅精華，清甜潤喉，暑意全消雞樅菌醬糖芹炒牛柳粒: 炒得相當夠鑊氣，牛柳粒亦很夠軟腍，美味！ 炆牛尾：如果要講當日最喜歡嘅菜式，應該會係呢一道了，炆得相當入味，掛汁能力亦一流～ 薑米貢菜蝦鬆炒糙米飯: 個人係頗為欣賞呢個粒粒分明嘅炒飯，控制得恰到好處，即使放在餲味嘅一道菜式，亦可以整碟鋪荷塘碧玉：甜品嘅名字甚為詩情畫意，甜度亦不會過高…查看更多

說起來，灣仔合和酒店已開業了一段日子，早前試過人氣半自助餐中餐近日推出‘’夏季時令套餐‘’（$638），連加一及茶芥，大約$700左右，以酒店級別已不算貴。 夏季開胃精選合和黑豚肉叉燒、蜂蜜桂花脆鱔、話梅白涼瓜Summer Appetizer PlatterHoney Glazed Iberico Pork | Deep-fried Eel, Honey, OsmanthusMarinated Bitter Melon, Plum Sauce黑豚肉叉燒今次有點結實，蜜味亦較輕。 脆鱔就因為忙於拍照，錯過了最佳的食用時間，非戰之罪。 白涼瓜以話梅水泡浸過，咬落有爽、甜、酸及甘幾種味道，冰鎮了更是夏天最想食的前菜之一。 養顏八寶枕瓜湯Double-boiled Winter Melon Soup, Assorted Seafood, Lily Bulb, Lotus Seed原個迷你冬瓜上，食完可以平飽，新鮮蟹肉、蝦仁、帶子、蓮子樣樣齊，最重要係有夜香花，夠晒消暑清熱，冬瓜肉又夠稔，用湯匙挖呀挖，吃得只淨得瓜皮。 豉汁輕煎立鱗馬頭Pan-fried Threadfin, Black Bean Sauce近排似乎中西日菜都遇上了“立鱗”，猶幸幾次的水準都好高，馬頭魚鱗淋油火喉啱啱好，沒有過火或不足的地方，豉汁經調較，味道不會太嗆，芡汁亦夠薄，我鍾意。 雞樅菌醬唐芹炒牛柳粒Sautéed Cubed Beef Tenderloin, Chanterelle, Chinese Celery,Termite Mushroom Sauce賣相比較平實，牛柳粒好鬆軟，亦有少許鑊氣，但油份好輕，處理得不錯。 薑米貢菜蝦鬆炒糙米飯Fried Brown Rice, Minced Shrimp, Yamaurage Vegetable, Ginger口感豐富，薑米的辛香、糙米的嚼口以及蝦鬆、菜頭的結合，正好多添了層次感，而且飯粒炒得好乾身，有水準。 荷塘碧玉Green Tea Panna Cotta, Jasmine Tea Syrup以粉青色作主調，其實是綠茶奶凍，旁邊是茉莉茶糖漿，如果奶凍的造型可以似一朶荷花會更加分。 意猶未盡，追加了一道陳皮香辣牛尾（$368），老實請，辣辣地又真係好惹味，牛尾炆得夠稔，部分牛尾肉溶入汁內，隱約的陳皮香氣，令人食指大動，用來拌飯一流。 餐廳有好多廂房，想有私人空間最啱。   …查看更多

discover tucked inside in Wan Chai, Hong Kong 🍲 delightful fusion of traditional Cantonese cuisine with a modern twist 🥢 from succulent barbeque roasts to timeless delicacies 🍖 in an elegant spacious setting 🕊️香港灣仔隱藏精緻新派粵菜 位於裏面 🍲 傳統廣東美饌 融合現代創意🥢 包括明爐燒烤及經典粵式佳餚 🍖 環境低調典雅 寬敞舒適🕊️ 🍖 蜜汁叉燒 HKD$198honey glazed pork肉質軟嫩 肥瘦適中 蜜汁焦香🍲 陳皮香辣牛尾 $368braised ox tail, dried tangerine peel, spicy sauce牛尾鬆軟 陳皮甘香 香辣惹味🐓 本地農場豆酥炸子雞 (半隻) HKD$238shallow fried local crispy chicken with deep-fried minced soy bean 外皮酥脆 雞肉嫩滑 豆酥鹹香 🥩 五香滷牛腱伴煙燻流心蛋 HKD$138spicy marinated beef shank, smoked soft-boiled egg, caviar 牛腱入味 蛋黃流心 煙燻濃郁🌰 生磨杏仁茶 HKD$68 sweetened almond cream, egg white杏仁香氣 香濃滑順 蛋白圓潤🍵 茗茶 (人蔘烏龍) ginseng oolong HKD$30/位📍灣仔堅尼地道15號合和酒店20樓🇭🇰*…查看更多

由籌備建成到開幕足足花了 40年的「合和酒店」，之前已來過西餐廳，品嚐性價比高的自助午餐和晚餐。今趟中午來酒店的中菜廳「合和軒」，就是品嚐行政總廚 伍偉國 Larry 特意撰寫六道菜的午市套餐，網上訂購 HK$305 / 位，毫不猶豫，自費訂位，再次感受中菜出品的滋味。「合和軒」整體裝修典雅卻不拘束，座位寬闊，來吃飯感覺挺舒服，和朋友邊吃邊傾偈，也是賞心樂事：）「前菜薈萃：合和黑毛豬叉燒、筍尖鮮蝦餃、蜂巢帶子荔芋盒」中午食點心，我很喜歡這種拼盤，可以不用嗌成籠咁多粒，也可品嚐不同款式：叉燒用上西班牙黑毛豬梅頭肉，燶邊蜜汁夠薄身，肥膏位爽口不油膩：加上叉燒用了玫瑰露去提香，不錯的開始：芋角有驚喜！芋蓉用人手搓成欖形，包住帶子炸到金絲蜂巢狀：外鬆脆內軟糯，完全唔油膉，手功之作：筍尖鮮蝦餃以籠仔上，小巧精緻，皮透見橙紅蝦肉，筍粒爽脆無渣，蒸得剛好唔穿皮：「太白花菇元貝燉雞湯」上枱熱到燙手，湯色清可見底，完全已去油份，全是精華：大頭原隻太白花菇：飲落先嚐到老雞鮮的醇厚，尾段滲出元貝甜及菇香，花菇厚肉，侍應說是傳統隔水燉足三粒鐘的功夫所做，飲完是很舒服的感覺：「甜麵醬腐竹炆鱈魚」很對胃口的小菜！銀鱈魚切塊起骨先輕煎鎖肉汁，腐竹走油至微脆再炆，放京式甜麵醬及蔥段同炆：食材吸盡醬味既保持豆香，平衡做得不錯，這是我欣賞的：鱈魚油潤配醬汁微鹹帶甜，送飯一流，啖啖肉無骨，大人細路都該會喜歡：「上湯杞子浸菜苗」，簡單見功力，用火腿老雞熬的上湯，莧菜軟，浸到碧綠入味：杞子預先浸發至脹卜卜，咬落清甜感覺養生，上湯帶有少許芡汁質地，飲埋正好清一清味蕾：「脆火腿肉鬆炒絲苗」，這度好吃！炒飯控必試 Larry 師傅的手勢。飯粒分明乾身，秘訣是要在於用冷飯猛火快炒，煮功的表現。金華火腿茸炸到脆口，加肉鬆鹹香雙重奏，蔥花、蛋絲增添口感，帶鹹鮮，食到底都無油，惹味之作：「奶香合桃露湯圓、懷舊芝麻卷」香港人吃甜品的最高境界就是「甜品唔會太甜」，某程度上也反映了現在食客開始注重健康及口味的轉變，這兩個甜品甜度亦剛好。「奶香合桃露湯圓」合桃磨吃得出是生磨，幼滑起沙，少許奶香平衡了堅果澀味。芝麻湯圓流心，皮薄唔黏牙 ：芝麻卷這少懷舊「菲林卷」，黑芝麻味甚濃，冰凍上枱不甜膩，是個清新的結尾。整個套餐中午對我來說是非常之飽足，服務也滿意，在酒店享用這休閒午餐，挺寫意。以這價錢，三百多食到酒店級手工菜，分量對男士剛好，女士可能食唔晒炒飯。環境清靜適合傾偈，侍應收碟換碟夠密手，值得來翻兜 XD…查看更多

💎三文魚子碧綠龍蝦粿 108.00龍蝦肉上有幾粒三文魚子 龍蝦肉質咁比較淋同鬆散下面係裝飾量嘅蟹粉同彈牙蝦💎筍尖鮮蝦鲛 85.00正常彈牙蝦餃💎蟹肉菜苗餃 85.00多咗少少菜同蟹粉嘅減量蝦餃💎蝶豆花野菌粿 58.00冇味菇餃💎生煎鮮蝦腐皮卷 58.00個皮比較油唔夠乾身 餡有韭黃蘿蔔同蝦💎鳳凰叉燒腰粉 78.00正常叉燒腸💎黃金凉瓜鍋贴 108.00全餐最有味嘅一碟餸蛋黃非常邪惡個餡就係蝦同涼瓜幾香口幾好食不過食一嚿就夠曬了💎炭燒金磚腩肉 168.00冇味燒腩仔得三點芥末💎一品砂鍋炒飯 268.00有蝦蟹粉帶子瑤柱飯都乾身不過又係冇乜味有可能因為我點曬啲招牌 而咁啱大部份招牌嘅餡都係用蝦蟹粉製成 食極都係呢幾味 好悶 比較少調味感覺為咗收貴啲而係咪都加蝦加蟹粉份量係夠四個人食得飽食物嘅好味程度對唔住佢嘅價錢可能係食環境地點啦…查看更多

前日經朋友推薦呢間係灣仔合和酒店既新中菜一去到裝修簡單，燈火通明 唔會好似出面其他新式中菜咁暗 枱與枱之間好闊 唔會有一種好迫促既感覺👍👍👍一坐低已經有服務員問茶同時仲向我哋推薦左好多唔同菜式，仲冇催我哋落單，由於第一次去 我地問左好多問題 服務員都好好耐性一一為我哋解答💪🏻我哋叫左3款菜加一個炒米粉，所有食物整體上都好好唔會等好耐，上菜嘅時候啲餸菜都係熱既。食完埋單既時候服務員仲問我哋有冇意見👏🏻成餐飯都好好，見到佢哋有好多房，如果中意私隱度高 呢度絕對係一個好選擇👍👍👍…查看更多

本以為新酒店中餐廳, 有高貭食物出品及服務. 昨天選擇到這里午餐.這間餐廳装修平實, 位置寬敞.但最重要的食物及服務, 却未達星級酒店水準.餐廳食物出品一般, 沒有特別驚喜, 服務态度更為惡劣.完全沒有預料到星級酒店服務同茶餐廳差不多.不會来第二次. …查看更多

We booked a table for eleven people, including six children, for dinner on Saturday after reading positive reviews. To ensure a smooth experience, the restaurant recommended pre-ordering dishes. We pre-ordered seven dishes in advance. However, one and a half hours into our meal, and after multiple follow-ups with five different managers, only one of our pre-ordered dishes had been served.For the first hour, we received only three small and under-seasoned appetizers, one stir fried vegetable dish, and a small plate of BBQ pork. We also had to order five plain rice and a fried rice just to feed the hungry children.None of the managers offered even a simple gesture like a plate of peanuts while we waited, let alone an apology for the inconvenience.We ended up cancelling five of the seven pre-ordered dishes and went home hungry. We still paid HKD 2,300 for the meal, which included over HKD 300 for tea, over HKD 100 for plain rice, a stir-fried vegetable dish, BBQ pork, and two other hot dishes.To be fair, the restaurant is clean and well-lit. However, the service from all the managers was consistently subpar and lacked any semblance of customer service.…查看更多

難得港島區有新既中餐開業，就特登黎試下佢地既午市點心。星期日中午，有預先book位，現場升級無minimum charge的情況下有一間獨立房環境即時好好多，有窗望到外面之餘又有自然光，而且靜好多，私隱度高咗，未開始食野都已經加分午市選擇好多，基本要既點心都有，連餸菜小炒都有得揀我地就專注食點心，蒸點即蒸，蝦餃、燒賣、牛肉球等等都係真材實料包點類試咗义燒包、流沙包、同埋糯米包，都係正常發揮炸物選擇都好多呢隻天鵝形既蘿蔔絲酥餅cute cute咁，但味道就唔夠佢地既煎蘿蔔糕咁好味炸物之中，最喜歡呢個有粒小帶子喺入面既芋角炒飯雖然貴d，但係真係整得好食，飯粒炒得均勻，調味清得黎又夠味，炒得好香，一煲夠哂一枱人一齊分享蔬菜就唔多抵食，不過為咗健康都要食下既最難忘係呢款：黃金涼瓜鍋貼外面既咸蛋黃脆皮配上入面既苦瓜，味道好夾而家做緊AE卡及匯豐卡85折，再有2小時泊車優惠整體來說，以酒店中餐飲茶黎講，係一個幾好既體驗食物味道唔係驚艷嗰種，但都好穩陣地樣樣都好味，環境新淨舒服，空間充足，洗手間亦都清潔光猛，服務正正常常有下次…查看更多

久違了的好友再茶聚，生活話題多不勝數，選個寬敞寧靜的食府才可以不影響他人，他人也不影響我們。食府空間感強，裝修時尚淡雅，只可惜大廳沒有𥦬戶，略嫌美中不足。友人生活習慣健康，食事必以蔬菜先行，因此浸菜苗便成了頭盤。菜苗色如翡翠口感鮮嫩，鮮竹倒是未完全浸泡和煮透，口感乾硬。蜜汁叉燒溫熱軟嫩，價錢亦十分公道，是近期吃過的叉燒中的佳品。鮑魚酥外型討好，上枱之時鮑魚酥仍然燙手，而且汁水豐盈，令人躍躍欲試，鮑魚的口感雖與鮑魚名店出品相距甚遠，但甘香的鮑汁彌補了不足，非常可口。館子的點心基本是三件一籠，但食客可按人數加多點心的件數。野菌粿包得小巧精緻，粿皮以蝶豆花染至微藍，十分吸睛，餡料粒粒分明，口感清爽。蝦餃是水平出品，筍尖的香味與蝦仁的爽彈俱備，無不妥也無突出之處。石榴牛肉球名字漂亮，然而內涵就是普通的山竹牛肉球，口感與味道不錯，但質素只是平平。紅米腸的粉皮軟中帶彈，內餡的蝦春卷香脆之餘，蝦仁亦十分爽甜，不喜炸物的閨蜜也吃得津津有味。糯米包屬懷舊點心，平時較少出現，因此立即下單。糯米包一向是平價點心，因為材料都不是貴價食材，但這裏的糯米包並不便宜，以價錢論質素，出品低於預期。…查看更多

生日飯和家人慶祝，沒有預料到糖糖酒店中餐，態度如此差劣，服務生十問九唔應，仲要問多兩句就面黑。叫咗蘿蔔牛腩，牛腩偏鹹又韌起乾𢇁黐牙。招牌炒飯又乾又硬，瑤柱乾到吉損牙肉。沒想到堂堂酒店中餐，還不如銀龍茶餐廳的炒飯。…查看更多