吃茶三千 (國際金融中心商場)

營業中

休息中

之前有一排好熱衷於吃茶三千呢間手搖飲品，會成日都好想飲，呢到嘅茶底好特別，之前都已經試過幾款了！隔咗一排太耐冇飲，今次又想飲返杯過下口癮～玉露青茶+鮮奶+仙草凍💰HK$40玉露青茶係一款帶有奶油味嘅綠茶，用來做奶茶嘅茶底超夾！另外呢到除咗珍珠好出名之外，呢到嘅仙草凍都好正，超滑溜，口感一流～

*✲ﾟ*。🧋人氣台灣茶飲店 🇹🇼 暫時係我喺香港飲過最好飲嘅珍奶 💯呢間係我不斷encore 嘅茶飲店😍茶味真係好香好濃🤤 濃到我飲完果晚訓唔著😂😂國王珍珠奶茶我叫左微糖甜度啱啱好珍珠夠煙韌 份量超多 飲完好飽🤣仲有 個包裝好適合打卡 😆最近佢仲出左個慢熟濃芋鮮奶 之前已經好想試😍慢熟濃芋厚奶係鳳眉紅茶+皇家厚奶+ 慢熟小芋圓 十分推介！-✨ 國王珍珠奶茶($38)✨ 慢熟濃芋厚奶($41)-📍 吃茶三千 @chichasanchen_hk▫️ 海港城店 ：海運大廈OT264鋪▫️ 旺角店：上海街618號G04D舖▫️ 希慎店： 希慎廣場5樓511A鋪▫️ 南昌店：VwalkG25舖▫️ 寶琳店：新都城二期G04舖▫️ 觀塘店：APM 地面低層LG-2C號舖▫️中環店: 國際金融中心商場1樓1062號舖

店名: 吃茶三千 地址: 中環金融街8號國際金融中心商場1樓1062號舖香港站E2出口，行5分鐘環境: 外賣價錢: 4/5味道: 4.5/5吃茶三千作為台灣過江龍，成日都大排長龍，係手搖界嘅新寵，佢哋嘅茶底同出面好唔同，係用萃茶機現泡現萃茶葉而成，雖然等候需時，但好值得😆最近仲新出左濃芋系列，芋圓由台灣直送，芋泥用大甲芋頭製成念而且佢哋嘅奶蓋自己新鮮製成，珍珠亦隔3個鐘會換一次，保持口感今次就同朋友試左濃芋系列同佢哋嘅招牌國王珍珠奶茶🧋慢熟濃芋厚奶❤️❤️❤️❤️❤️$42由鳳眉紅茶x皇家厚奶x慢熟芋泥x慢熟小芋圓組成🤩小芋圓由台灣直送，十分煙韌超有咬口，加上濃郁茶底配合厚奶，入口好順滑，加上綿滑嘅芋泥，整體來說滿分😍國王珍珠奶茶❤️❤️❤️❤️❤️$38呢款作為佢哋人氣飲品，當然要試下佢哋，嘅奶蓋同珍珠，同樣有厚奶，奶茶質地厚而不膩，奶香十足，同台灣嘅味道一樣，珍珠大小適中，入口煙韌又彈牙，必點‼️

初開個陣都已經好多人買諗住過左甘耐應該吾洗等好耐啦同事諗住網上下單可惜一直下不了lunch time 直接到店買足足等左30mins 先有🤦🏼‍♀️🤦🏼‍♀️🤦🏼‍♀️決明子烏龍 + 皇家厚奶（熱，走甜）奶的味道蓋過左烏龍味烏龍味到又吾夠出

係公司附近 所以試過幾次🫶🏻 1245左右到達 落單唔需要點排隊但野飲就要等40分鐘到60分鐘可以落左單 然後食完lunch先返黎拎野飲😆.收銀處前就會有個牌寫明要等幾耐🕣 我覺得時間都幾準 可以留意等唔等到咁耐先落單🙌🏻.試左幾次都覺得佢既茶底幾出色 茶味好香～ 一共有六款茶 松針綠茶 / 水仙桂花 / 玉露青茶 / 鳳眉紅茶 / 凍頂烏龍 / 決明子紅鳥龍.｜蜜桃冰茶 $40最近限量系列係台灣直送既蜜桃🍑冰茶茶底係松針綠茶 但桃味比較重同甜 蓋過本身茶味😅 有粒粒果肉 幾足料👍🏻.我覺得限量果茶比較普通 蓋過本身茶底出色既特點 會建議揀返茶底 然後自選加奶蓋或者珍珠☺️

琴日朋友講開呢間茶飲店日日都好多人，仲要係每次幫襯都最少要等30分鐘左右，今日就孖住同事仔走去試吓，我哋中午12正到，佢哋剛剛開門，見到嗰牌已經話要等15分鐘，心諗15分鐘好快姐，落完單再行去買飯跟住番轉頭就有得拎。點知，買完飯番去仲未有，最後我們係用咗30分鐘買2杯飲品。今次我哋2個人同時都係叫咗♥熔岩黑糖波霸鮮奶 $39一凍一熱♥值得一讚嘅係佢地採用左香醇鮮奶混拌，奶味非常濃郁，另外手工黑糖糖嘅份量係set死左的，不能小甜小冰走甜走冰，珍珠又煙韌彈牙，整體唔太甜，味道真的很不錯，值得我地等30分鐘。大力推👍🏾👍🏾推介指數：8.5/10

今日有同事想飲吃茶三千，咁我當然會加入啦。看過餐牌，其實真係有好多選擇，不過第一次飲，我就試飲佢地嘅招牌「國王珍珠奶茶」😍同事1:30去ifc買，竟然要等60分鐘😱😱無計啦，等咁耐一定有原因，我哋就返公司等。2:30再鼠去ifc, 終於有得攞喇。飲第一啖已經覺得不得了，茶味好有層次，仲會喺口裏面回甘，國王珍珠甜甜地，軟綿綿，真係好好味👍👍我估呢杯係近年來最好飲嘅珍珠奶茶，有機會我一定會再試🫶

早排放lunch見到ifc開左吃茶三千，但成日都超多人，今日一放lunch 12點幾就衝左落去，都要排15-20分鐘，但係都值得嘅！開頭唔明點解呢間長期多人，search 完先知原來佢係用左萃茶機去萃取茶飲，令茶葉完全舒展，茶香味似新鮮現泡☺佢有六款鮮萃茶：松針綠茶、水仙桂花、玉露青茶、鳳眉紅茶、凍頂烏龍、決明子紅烏龍，啱晒唔同口味嘅人！ 重點係全部茶種都有國際風味評鑑頒發嘅Superior Taste Award😏今次同同事叫左一杯珍奶同果茶，兩杯都各有特色🧡✨鳳來蜜冰茶 - 除左味道清甜之餘仲食到粒粒果肉同椰果，口感好足，而且好清暑🤩✨國王珍珠奶茶 - 茶味同奶味balance 得幾好，質地幾順滑，珍珠煙煙韌韌好有咬口👍

IFC排隊兩小時珍珠奶茶，好似名過其實？🤔🔻國王珍珠奶茶 💰37叫左少甜少冰，唔知係咪因為擺起度耐左，冰融左有啲淡味，珍珠煙韌彈牙，本身就有啲甜，奶茶都茶香濃郁😋Lunch time食完飯去買，大概1點半，唔算太多人買，但係買完要等成120分鐘先可以拎，好彩買完可以返office去等🤔好飲系幾好飲，但係如果要排咁耐嘅話，好似性價比就唔高啦🙈👅味道：7/10💡性價：7/10📌環境：7/10

台灣出名的茶吃三千來到中環IFC，一到中午就很多人排隊買茶，最繁忙的話仲要等超過一小時。對這間茶吃三千的茶飲店很有興趣，於是決定收工後經過這店買返屋企，同屋企人一起享用。🧋🍍🧊😋👍🏼茶飲店內設有一部萃茶機來萃取茶的精華，並提供六款茶葉，松針綠茶、水仙桂花、玉露青茶、鳳眉紅茶、凍頂烏龍及決明子紅烏龍等茶葉都兼用在這部茶機裡使用。每杯茶飲用麻繩綁住，方便易拎，多了一份時尚的感覺。鳳梨蜜冰茶（$42），是夏季的季節限定，以鳳梨作為主角，鳳梨湯用上新鮮的鳳梨熬製而成，冰茶裡還飲到一粒粒的鳳梨果粒，味道很清甜多汁。茶底用了水仙桂花，令冰茶多了一份回香味，因水仙不是濃茶底，同鳳梨不造成違和感，還有粒粒晶瑩的纖玉菓子，含豐富的膳食纖維，這杯鳳梨水果茶配搭豐富，真心大讚。🍍🍹🤩👍🏼國王珍珠奶茶（$38），用上鳳眉紅茶，茶底香濃，茶香醇厚，用上皇家鮮厚奶，撞落茶底，紅茶味更突出、茶香奶滑，黑糖珍珠又圓又潤，Q彈有咬口。這杯忘記了叫半甜，但很驚喜地又不會覺得很甜。🧋🥛😋☺️水仙桂花蜜（$34），這款茶真係可以品嘗清楚水仙的茶味，桂花有回香的花香味，水仙的味道溫和，加了蜂蜜有潤喉潤肺的作用，而且很解暑解渴。🥃

中環ifc呢間吃茶三千一向高人氣，次次lunch都超多人排隊！😘😘😘難得今日Happy Friday早食lunch, 即刻過黎落左order先，不過都係要等25分鐘左右先拎得😳😳😳今次我就叫左凍頂烏龍鮮奶茶！茶底香濃！而且仲有得簡甜度冰度，咁我就飲開少甜少冰！奶味都好濃郁，甜度適中！我覺得佢設計好貼心，可以有條繩抽住拎，唔洗拎住杯凍飲，成日整到隻手濕哂！另外佢都有d自選配搭可以俾你自己簡！下次再試下先！

曾經在銅鑼灣見過已經很想試，但還沒有機會。有次見到中環開始裝修，當時已經很期待想試飲啦。到了真正營業啦，無奈每次經過見到都要等最少30分鐘，作為一個要坐船回家的人來講，當然是不夠時間等待的。今日經過見到等候時間5-10分鐘，而我又早了超過半小時去碼頭的時間，當然不會放過這機會立刻去排隊買了一杯最受歡迎的國王珍珠奶茶🧋，職員說要等15分鐘，我計一計時間當然沒有問題啦，因為我坐搭半的船，而我當時收據上面寫著是03分購買的，然後我去其他地方買了蛋糕再回去取飲品，我大約15分左右到店鋪取飲品，可惜職員說叫號到03號（我的是10號），不要緊船未開我還可以等多一陣，到了23分（當時叫到05號）我真的忍不住要問職員幾時才到我，你們明明說15分鐘，我是計好夠時間還預時間回碼頭才買的，可是等了超過20分鐘還未等到，最後催促之下給了我，而我只有4分鐘時間跑去碼頭，碼頭還有兩位小朋友等我回去一起坐船。途中已發現飲品倒瀉了一點，但要在船上才可以處理。在船上試了，同平時的台式飲品差不多，沒有別人說的那麼好喝，小朋友直接說不好喝，不過每個人的口味不同，只是我不會再有下一次。

茶是ok的但出嘢飲好慢，仲慢過阿婆過馬路得一部機整茶serve 客，其他人做嘢都好慢個半鐘都出唔到嘢飲比人，依様我覺得不能接受浪費客人時間🙄🙄🙄冇下次💩勁垃圾🥵

食晏行過見佢終於開左✨好期待店舖主打茶種，好多茶種選擇🫶🏻 但自己最後都係敵唔過鮮奶既誘惑🥛點左➡️熔岩黑糖波霸鮮奶🐮超濃厚奶味，入口好滑👍🏻雖然佢哩款飲品冇得選擇甜度，但佢調教既味道啱啱好✨唔會太甜🧋珍珠軟糯 每粒珍珠都有黑糖味💕由頭飲到落底都唔會覺得過甜👍🏻👍🏻 10分推介

IFC新開人氣台式茶飲店日日見店外長長人龍收銀機告示動輒一小時等候時間如是者數次經過店前都未能一嚐當紅人氣茶飲今日午飯後趁時間尚早碰碰運氣店外告示35分鐘等候時間決定一試今次特意選了簡單的水仙桂花加奶蓋走甜少冰試一試其現萃茶底斤两下單時等候時間已加至50分鐘因為不少顧客一人購買數杯獨樂樂 不如眾樂樂難得50分鐘準時奉茶(取茶時等候時間已增加至90分鐘)新鮮桂花茶 一呷茶底清新果然無任何香精味道因為走甜關係茶的甘甜非常突出絲滑順口 值得一讚不過奶蓋略嫌淡薄一點非本人喜愛那種濃厚的芝士奶蓋不過仍不減茶底的高質分數最後多講一句一句鐘等飲一杯茶難免歎一句在中環搵食艱難在人龍消散之前恐怕難再一嚐香茗啦