影片
以上資料只供參考, 請與餐廳確認詳情
週末來到旺角，午飯時間選擇了「台灣美食」試試。當日餐人流不多，進店後馬上就能入座，座位安排寬敞舒適，四人座位空間充裕 👍🏻✨餐廳的台式套餐價格非常親民，連飲品在內普遍只需五六十元左右，性價比頗高 💪🏻套餐的最大亮點是彈性選擇：❣️主食可以搭配台灣麵、米粉、米線或飯❣️ 肉燥可換鹽酥雞球、豬軟骨、牛展及豬扒我和家人分別點了兩份套餐，整體感覺新鮮，食物即叫即炸，質量對得起價錢。🔥 1. 吉列豬扒台灣麵 （$56）🐷 豬扒的分量令人滿意，一大塊豬扒切成三大塊，炸得酥脆金黃，外皮香脆而內裡肉質保持了鮮嫩、沒有柴口的問題。此外，還附上一小碟蒜蓉醬汁，搭配頗特別。台灣麵條有一定的韌勁，口感有點像刀削麵。🍜 五十多元的套餐還附送飲品，這個價錢確實非常划算。🔥 2. 鹽酥雞球 +豬軟骨 台灣麵 （$62）🐤 鹽酥雞球是即叫即炸，相比起許多台式餐廳使用厚厚的炸粉包裹雞肉，這裡的做法清爽得多。炸衣薄且內裡的雞肉鮮嫩多汁。🐷 豬軟骨同樣份量十足，但口味稍微偏甜，帶點類似梅子的酸甜味道，這種調味對我來說稍顯一般。套餐的整體份量充足，吃完會有飽足感。🔥 3. 芋香珍珠 + 朱古力珍珠 🧋$20飲品味道一般，但勝在隨餐奉送～💜 芋香珍珠的味道偏甜，芋頭的味道較像香精調製，與一般平價手搖飲店的水準相若，但作為套餐附送算是可以接受。🍫 反而朱古力屬意外驚喜，甜度適中，更帶有一絲胚芽的香氣，值得推薦。整體而言，「台灣美食」性價比挺高，實惠的價格搭配靈活的選擇，滿足了不同口味需求。餐廳的煎炸食品為即叫即炸，為一大加分項🔥 雖然飲品部分雖然水準一般，但作為套餐奉送已經足夠吸引。對於想在旺角尋找平價台式美食、飽吃一頓的朋友來說，這家店值得一試 😋😋
繼續閱讀
今日又食左呢間，又試左佢地好多小食，真係好好味！米線滑滑地，湯質濃郁，好正！豬頸肉好香脆又唔油膩，豆腐醃製得啱啱好，好多不同選擇，套餐包杯野飲好正，一直keep住以前既水準。湯底清香又夠味。食過返尋味好多次，呢間舖開左10幾年，之前close左一排，以為唔會再開返，估唔到之後係先達廣場又見返佢。即刻入去食多次，仲係以前嘅味道。餐廳環境大左一樣好舒適，staff 依然好nice，無論係lunch定晚餐都靚！下次一定會再來！
繼續閱讀
經過旺角，入到一間叫台灣美食既餐廳！口味比較正宗，價錢都幾親民！推薦推薦！另外野飲都唔錯！冬天有幾款熱飲，我嗌左杯桂圓茶冬天天氣好岩飲，飲完好暖身。一人埋單65蚊有找，係旺角抵食！
繼續閱讀
以前喺通菜街就經常食，有人情味的小店，我食量大，姐姐免費幚我添飯，次次嚟都會同我傾两句，最鐘宜雞球飯，足料又好食，宜家搬去新地址，味道無變好扺食，肉燥偏香港人口味，仲送珍珠奶茶，不過我就比較鐘宜飲佢哋嘅乳酸，健康好味，台南牛肉麵都幾好，鐘宜食麵嘅可以試下，朋友就食咗牛展肉燥飯，都贊好食.4個人就送多一份小食，叫咗魷魚鬚，啱啱炸好再加上醬汁，醬汁一定要加，加咗味道更好。整體嚟講，味道我畀4分，但勝在服務態度好，足料大份
繼續閱讀
幫襯左十年 之前以為執左 覺得可惜🙈隔左一排最近知道重開番 ！環境比以前企理 再去食佢個 招牌豬頸肉肉燥飯 一樣咁好食😋😋燒豬頸肉唔會乾身！ 點埋個醬食好夾！ 值得推介！👍👍👍
繼續閱讀