台食館

今日同朋友嚟到旺角呢間開業半年嘅台灣餐廳，中午十二點幾已經全場爆滿，等咗十分鐘先入座。店員招呼夠熱情，環境光猛乾淨，成個場人聲鼎沸，睇嚟係隱世實力派！我點嘅「台式香腸滷肉便當」一上枱就知無揀錯——滷肉份量絕對唔係隔離街啲「孤寒舖頭」比得，滿滿哋鋪响珍珠飯面頭，膠質多到黏嘴唇！香腸咬落甜中帶酒香，同喺士林夜市食到嘅一模一樣。最正係啲汁撈埋煙韌珍珠飯，掛汁能力滿分，食到尾都唔會變湯飯。配菜有爽脆木耳、滷豆乾同灼西蘭花，平衡返個油膩感。朋友嗰份「鹽酥雞球滷肉便當」都唔輸蝕，偷咗舊雞球試，外皮脆到嗦嗦聲，入面雞肉醃得夠透，咬開仲有肉汁滲出嚟！追加嘅炸魷魚更加係驚喜之作，魷魚炸到金黃，外層脆粉薄薄哋，裡面魷魚鬚彈牙到識跳舞，呢種口感喺香港真係未遇過，完全係台灣夜市檔口水准！當然唔少得靈魂飲品珍珠奶茶！茶味濃得嚚唔澀，奶香夠滑，珍珠煮得啱啱好，咬落去又Q又糯。兩個人食到捧住個肚走，喺而家香港絕對稱得上高性價比。如果想搵間唔使飛台灣都食到正宗台味，呢間絕對要放入口袋名單！（後記：臨走見到隔離枱叫咗碗牛肉麵，啖湯睇落好濃郁，下次一定要試！）…查看更多

今日同時間鬥快，專登揀飯市殺到嚟呢間台灣店，點知午市full爆，等咗十分鐘竟然撞正下午茶時段開閘！二話不說即刻叫個「三拼台式下午茶」，$44有齊鹽酥雞、紅番薯同豬軟骨，仲跟埋個麻辣拌麵同熱奶茶，抵到笑！鹽酥雞一上枱就聞到酥香，咬落「咔嚓」聲，雞肉鎖住肉汁唔乾柴；條條手指粗嘅紅色番薯甜到漏蜜，外脆內軟夠曬綿密；最驚喜係豬軟骨，滷汁完全浸透，入口即化仲帶膠質黏嘴，正到呢～個麻辣拌麵辣得嚟唔嗆喉，麵條掛汁力強，彈牙有咬口，夾住青瓜絲同脆花生，冰火口感瞬間解膩。凍冰冰嘅天氣啱曬飲杯熱奶茶，茶味濃到企起身，奶香順滑，一杯落肚成個人暖笠笠！今餐飽到上心口，味道仲要同喺台灣食嘅九成似，以後下午茶又多個飯堂選擇啦！…查看更多

尋日收工經過呢間台灣餐廳，肚餓餓哋就入去試下，招牌滷肉飯一上枱就聞到濃濃嘅滷肉香，撈勻啲肥瘦適中嘅肉燥，珍珠米吸盡精華真係正到爆！最驚喜係隻糖心滷蛋，同肉燥飯撈埋一齊食，個口感層次即刻升lev！飲品叫咗杯百香果雙響炮，酸甜清爽夠解膩，珍珠同啵啵雙重口感，Q彈得嚟又掛汁，同滷肉飯簡直係絕配！分量都幾足！整體來講絕對係高質台灣菜，已經mark低地址準備帶班friend再encore！掛住台灣味道嘅兄弟姊妹可以衝，保證唔會中伏！…查看更多

行街餓餓哋發現咗呢間隱世台式小店，雖然鋪面唔大，但食物質素真心出乎意料！裝修簡單但乾淨，牆身貼滿台灣風景相，播住台灣流行曲，即刻勾起晒去台灣旅行嘅回憶～：真係一絕！肥瘦適中嘅滷肉燉到好淋，滷汁香甜唔膩，撈飯食真係一口接一口停唔到。個滷蛋仲要入味到連蛋黃都有滷水香，誠意十足。係驚喜之作，鴨血滑溜溜好似豆腐咁嫩，麻辣湯底香得嚟唔會太嗆喉，仲有啲酸菜同豆腐泡索晒味，食完成個身暖笠笠。試咗，芋圓同地瓜圓都好Q彈，咬開仲食到粒粒芋頭肉，仙草滑溜帶微微甘香，加埋奶球同紅豆，甜度剛剛好。叫咗，黑糖掛杯好靚，珍珠煙韌有咬口，鮮奶香滑，飲完成杯都唔會膩。老闆同店員都係台灣人，好親切友善，會同客人吹下水介紹食物。價錢平民化，百零蚊兩個人已經食到好飽。呢間絕對係我會encore嘅食堂，推薦俾鍾意地道台灣味嘅朋友！…查看更多

我見到新開，所以想食試下。之前喺油麻地條大街，我已經食過佢其中一間分店，覺得幾好味架。今日黎食下午茶套餐，$39其實都ok，佢又打造到吃台灣野，你知香港人都好掛住台灣d野吃架！我叫左個下午茶餐，有湯麵，吃到一半，發現碗湯麵入邊嘅湯面浮左隻死螞蟻🤨，有頭有身又有腳，非常完整，我即刻成隻臉約上嚟，放埋咗喺個盤上面，成碗都唔想食落去。其實新開係咪應該都要注意下個廚房乾淨問題？都係一隻螞蟻姐，冇影到相😞⋯⋯…查看更多