古早台居

紅燒豬軟骨肉燥飯 $61豬軟骨入口即溶，豬肉吸了醬汁的精華，令豬軟骨味香肉滑，肉燥加在白飯上，完全令人停不了口，直至吃盡。大甲芋泥鮮奶（凍 ）加$17芋泥不太甜，加上香濃幼滑的鮮奶，是一杯不錯的台灣飲品，而且有些蘆薈及椰果在鮮奶，令飲品多重口感。鹽酥魷魚鬚新鮮炸出來，香脆的麵包糠包裹著彈牙的魷魚鬚，真的像回到台邊走邊吃的小食。台灣牛三寶麵 $69有入味的牛肚，鹵滿了味道的牛展及貢丸的牛三寶加上煙韌的寬麵條，像極了在台灣的感覺。黑糖珍珠奶茶（凍）加$19奶茶沒有很甜，加上珍珠的味道，真的很有地到台灣的感覺。黃金芋圓球新鮮炸出的黃金芋圓，外脆內軟加上帶甜的芋圓包裹微鹹的蛋黃，令味覺交替鹹甜，小食令人不能停。…查看更多

今日去airside商場行下，無意中發現左間台灣野好有驚喜，叫古早台居。佢係foodmuse入面，有好多唔同菜式，但佢個款式口味好岩我，所以揀左佢。我叫左個滷水雞腿肉肉燥飯加凍冬瓜茶🩷🩷🩷🩷🩷佢個肉燥係醬油咸香味帶少少甜味，餸飯一流。仲加左啲配菜同埋最驚喜係隻雞腿肉味道滷水味整得岩岩好，咬落啲肉又嫩滑，又夠大隻。佢個冬瓜茶好夠正宗，甜甜地既冬瓜茶味，入面仲飲到啲一粒粒既啫喱好有咬口。另外叫左個紅燒牛肉麵加百香果綠茶🩷🩷🩷🩷🩷佢個湯底好濃味，配菜都好多，同埋個牛肉夠大塊之餘好厚肉，又夠淋好入味，配埋刀削麵好掛汁，又有咬口。我再叫左份炸澎湖花枝丸🩷🩷🩷🩷🩷好彈牙之餘，墨魚味好濃，同埋食到啲墨魚粒粒，配埋泰式辣醬夠曬惹味。佢個百香果綠茶都有啲啫喱粒粒，好有咬口。估唔到喺呢個food court都搵到啲咁高質嘅台式嘢。…查看更多

今天難得跟朋友在商場逛街，晚餐時間我們決定在位於 Airside Foodmuse 內的「古早台居」解決。這家店以地道台灣美食作招徠，環境氣氛不錯，是個跟朋友輕鬆用餐的好地方。我點了豐富的「鹽酥魷魚酥肉燥飯」套餐。主食的肉燥飯醬汁濃郁，滷肉軟糯入味，非常下飯。鹽酥雞和魷魚酥炸得恰到好處，外皮酥脆，內裡多汁彈牙，鹹香十足。另外，我還單點了一份「鹽酥雞」小食，炸功一樣出色，是必試之選。飲品方面，我選了解渴的「雪酪芒果沙冰」，冰涼的沙冰配上香甜的芒果味，完美中和了炸物的熱氣，非常適。朋友點了「炸豬扒豬麻拌麵」。炸豬扒份量十足，金黃酥脆；豬麻拌麵口感彈牙，麻醬味香濃，朋友吃得津津有味。另外還點了「黑糖珍珠奶茶」和一份「台灣牛肉」小食。黑糖珍珠奶茶甜度剛好，珍珠煙韌有嚼勁；台灣牛肉則肉質鮮嫩，味道地道。…查看更多

今次真係好開心，因為老公約咗我去啟德接佢收工，之後我哋就去食晚飯。去到5樓嘅food court，見到有間古早台居，台式料理吸引到我，於是我就話不如試下台灣嘢啦！老公二話不說，立即去幫我點餐。佢幫我點咗一個酥炸豬扒台灣麵，聽到個名已經流口水，因為台灣麵通常都好有口感，配上香脆嘅豬扒，肯定好味。老公自己就選咗香酥大雞扒肉燥飯，聽到都覺得好有滿足感！仲叫咗兩個小食，一個係台灣百頁豆腐，另一個就係梅甘地瓜條，份量十足，正好可以分享。食物一到，好香呀！首先講下我嘅酥炸豬扒台灣麵。豬扒外面炸得金黃色，咬落去真係脆口，裡面肉質又嫩滑，非常好味！麵條又彈牙，配上豬扒真係一流，仲有少少青菜，令整碗麵色香味俱全。老公嘅香酥大雞扒肉燥飯亦都唔錯，雞扒炸得香脆，肉燥嘅味道好重，拌埋白飯食一口真係好過癮！而且，份量在food court入面算多，老公食得心滿意足。再講返小食，台灣百頁豆腐外脆內嫩好Q彈，味道同質感都好正。而梅甘地瓜條就係另一個驚喜，炸得金黃色，甜甜脆脆，完全唔油膩，係一個好啱酒嘅小食！至於飲品方面，我哋選咗黑糖珍珠抹茶鮮奶同埋荔枝綠茶。黑糖珍珠抹茶鮮奶，珍珠Q彈，抹茶味濃郁，飲落去好清新。而荔枝綠茶茶香四溢，果味十足，真係好啱夏天飲。總括來講，今次啟德古早台居真係幾好食。每樣都好味，環境輕鬆舒適，希望下次再嚟，試下其他嘢食！#啟德台灣菜 #酥炸豬扒台灣麵 #香酥大雞扒肉燥飯 #台灣菜 #台灣美食 #台灣 #九龍美食 古早台居 (九龍城)九龍城啟德協調道2號AIRSIDE 5樓L504-L505號…查看更多

《抵食台灣小店💖》———————————————#古早台居 🇹🇼-啟德airside food court裡面有唔少好嘢食，呢間台式菜性價比十足，非常抵食高質😌-🍱 鐵路巨人便丼呢款簡直係食肉獸必選，有齊炸豬扒同炸雞扒，金黃酥脆，咬落肉汁仲好Juicy，香而不膩，仲有俾泰式酸辣醬我哋點嚟食🌶️份量十足，幾抵食😎 定係我哋加配咗個小食，士林香腸肉質軟熟，啖啖肉～-🍜 台南爌肉湯麵爌肉煮得軟滑入味，搭配啲粗麵一齊食，好正🙌🏻 麵質咬落去好彈牙，好有層次感🤩 湯底鮮甜香濃，食落亦都冇味精嘅感覺，可以直接飲，都唔會口渴，非常之正！-台式飲品方面，黑糖珍珠抹茶鮮奶同芝芝芒芒都唔錯，夠晒清爽解膩😋特別鍾意佢嘅芝士奶蓋，鹹甜鹹甜，質地幼滑🥭-⭐價錢參考：鐵路巨人便丼：$71黑糖珍珠抹茶鮮奶：+$19台南爌肉湯麵：$71芝芝芒芒：+$18士林香腸：$26抵deal 指數：7/10…查看更多

「古早台屋」一坐低就聞到陣滷香，好有台式街頭氣息。主角「滷水雞腿飯」外觀樸實，但味道層次好深。雞腿滷得入味，皮滑肉嫩，輕輕一咬就骨肉分離。滷汁鹹香中帶少少甜，沿住白飯慢慢滲開，香氣撲鼻。配菜簡單但乾淨俐落，蔬菜爽口唔油膩，整體感覺穩陣又舒服。 「荔枝綠茶（凍）」就係呢餐嘅小驚喜。入口先係淡淡茶香，之後荔枝甜味慢慢浮上舌尖，果香清爽得嚟唔膩口。冰度控制得好，唔會凍到失味，反而越飲越順喉。 整體嚟講，呢度嘅台味做得細緻，唔求誇張，只係一種靜靜滲出嘅溫度。滷香同果香，一重一輕，啱晒想慢慢食、慢慢感受嘅人。…查看更多

酥炸豬扒肉燥飯(61hkd) 豬扒都有我隻手掌咁大塊，外皮金黃酥脆，肉質緊實有咬口，肉燥好惹味配飯一流，如果有多啲肉燥就更好了宇治抹茶鮮奶(+17hkd) 正常甜都不算太甜，個奶幾滑，抹茶味突出，加上有紅豆泥的加持，好綿密台灣牛三寶麵(69hkd)入面有牛丸、牛肚和牛腱，牛丸係黑椒牛丸，大大粒，QQ彈牙，牛腱已經煮到入味軟腍，滿滿膠質，麵底扎實，寬麵好有飽足感荔枝紅茶(+12hkd) 呢個入邊有勁多配料，初步估計有1/4杯都係料，滿足到身為咀嚼控的你🤣紅茶甘香，荔枝微甜，推推…查看更多

Airside foodmuse 原來都幾多選擇，最近門口有間台灣野，都幾唔錯!呢到款式選擇好多，飯面，小食，台式飲品都有!鹽酥魷魚鬚肉燥飯魷魚鬚外酥內韌，好香口! 肉燥份量都幾多，醬油同埋紅葱頭味都好突出，好岩撈飯食。而且仲有隻滷蛋，整體好飽肚。台南爌肉湯面平時比較少見到有爌肉食，估唔到呢到有! 滷汁味道好香濃，食落好入味，而且肉片係好軟淋! 湯面係用左台灣面，比較有咬口，湯頭濃郁又唔會咸! 百頁豆腐外皮帶有少少炸既感覺，好香口惹味! 炸彭湖花枝丸外皮酥脆、內面Q彈。小食價錢好抵!大甲芋泥鮮奶芋頭香氣濃郁，整體口感綿密香甜，個底仲有D芋頭粒! 芝芝芒芒夠曬冰凍，夏天飲好岩! 有椰果粒又有芒果肉。…查看更多

呢間餐廳係商場入面5樓，入面有各式餐廳，其中一間係食台灣菜既，呢度既位置自助揾位，落地玻璃可以望到外面啟德樓景，空間感十足，我地叫左一碗鐵路巨人便丼，巨型炸雞扒同炸豬扒飯，份量比較多加入左肉燥飯食落無甘乾身，炸雞扒香脆可口，炸豬扒大大塊，另外再加多一塊豬扒小食更惹味，因為豬扒炸得比較好味所以再加多左一塊。另外叫左一碗牛三寶刀削麵，牛肚厚身大塊入味，仲有牛𦟌同牛筋，刀削麵彈牙，湯底濃味。芝芝芒芒沙冰口感濃濃香芒味加入椰果肉有咬口。…查看更多

Airside food court有間台式餐廳，有玻璃窗望到啟德體育園。望住啟德體育園食飯都唔錯👍🏻。❤️牛三寶肉燥飯牛三寶有牛柏葉、牛丸和牛𦟌。一次過滿足三個願望，愛吃牛的不要錯過👍🏻！加了$17嗌左杯❤️宇治抹茶鮮奶（熱）我是抹茶控，這個飲品抹茶味香濃不甜👍🏻。❤️酥炸豬扒肉燥拌麵麵選了幼麵。炸豬扒和麵分開上，確保豬扒夠乾身。還有紅蘿蔔🥕、白蘿蔔、車厘茄、鹵蛋、雪菜等。雪菜拌麵一起吃微鹹剛好。朋友加了$19嗌左杯❤️黑糖珍珠厚鮮奶（凍）。…查看更多

叫咗個下午茶滷水雞翼肉燥飯加台灣奶茶。滷水雞翼係非一般嘅鹹，鹹到食咗一隻已經要放棄。飯係用咗絲苗米，唔係台灣日本米嗰啲珍珠米，冇飯香，肉燥只得一小匙份量。總括嚟講，唔係咁好食。…查看更多

第一次係foodmuse食lunch，有選擇困難症嘅我最後揀咗呢間，叫咗一口鹽酥雞麵餐＆半價加杯黑糖珍珠奶茶，有驚喜既好味：雞唔乾、多鹽酥雞粉、麵配菜入味、珍珠係我鍾意既煙靭、奶茶茶味重，係香港算大杯而且係用厚紙杯（唔係膠）環保👍🏻 …查看更多

今次去試呢間主打台灣美食嘅餐廳，環境就普普通通啦，好似好多美食廣場入面嘅餐檔一樣，勝在夠就腳。 先講下個台灣士林香腸滷肉飯，香腸口感紮實，咬落去肉香四溢，微微帶甜，同香港嘅腸仔比起，少咗嗰種濃烈嘅酒味，多咗份清新。滷肉醬香濃郁，肥瘦比例啱啱好，淋喺粒粒分明嘅白飯上，簡直係絕配。但同我喺台北夜市食過嘅滷肉飯相比，呢度嘅滷肉味略顯單一，欠缺啲層次感。配菜嘅小番茄、蛋同蔬菜，為整個飯增加咗色彩同口感上嘅多樣性。 再試下黑糖珍珠厚鮮奶，珍珠煙韌有嚼勁，黑糖味濃郁香甜，同鮮奶融合得唔錯，入口絲滑。比起日本嘅抹茶拿鐵，呢杯鮮奶更加甜膩，充滿住濃濃嘅台式風味。 呢個套餐連埋飲品一共70蚊，價錢中等啦，作為一個簡餐嚟講，都算合理。 每次食台灣美食，都會諗起喺台灣旅行時，穿梭喺各個夜市嘅時光。嗰度嘅美食總係充滿住生活氣息同人情味。呢間餐廳嘅食物雖然唔能完全還原台灣當地嘅味道，但都算有個七八成。就好似呢個香腸滷肉飯同黑糖珍珠厚鮮奶，雖然有啲小瑕疵，但都可以畀我暫時止下對台灣美食嘅掛住，有機會都會再嚟試下其他台灣特色嘅菜式。1…查看更多

咁岩今日黎到airside唔知食咩就黎左food court望落台灣菜唔錯叫左豬軟骨湯麵同鹽酥肉燥豬扒飯另外加左一個鹽酥雞豬軟骨炆得好淋湯麵煙韌 湯底正正常常 鹽酥豬扒同雞都炸得香脆乾身飯就正正常常最伏就係野飲叫左大甲芋頭鮮奶黎左杯椰果紅豆仙草但一啲都唔夾超難飲仲有杯黑糖珍珠鮮奶偏淡 無咩味加$17唔抵…查看更多

點了大甲手工芋泥鮮奶，結果是用粉沖的一杯化學飲品，應該是奶精和調味料的混合體，無奶味又無芋頭味，整杯飲品沒有一處是符合它的名字。33元的飲品，連舊芋泥都見唔倒。飲完立刻胃痛。…查看更多