友記餃子

營業中

休息中

由細到大都好鍾意食餃子，食過好多香港唔同嘅餃子店，但往往最好食嘅都係一啲唔起眼嘅小店👍🏻呢間餃子嘅味道令我感覺媽媽嘅味道😋呢間友記餃子係地鐵站附近，38蚊有8大氧，餃子大大隻非常足料，肉質鮮甜完全沒有隔夜的感覺，加上醬料令餃子的味道層次更上一層樓👍🏻會令人想食完一隻又一隻👍🏻👍🏻煎餃非常香口，以為會好熱氣，但食落唔會油膩，仲令你食唔停口，同行友人一口氣食左20隻，推介大家試吓韭菜餃同粟米餃😋

今日同老公無聊行下深水埗，本身都唔想食野，但見到呢間～友記餃子，見佢門面都無咩特別，但個心太想念日本餃子🥟，所以都想去搵下有無呢種感覺我地叫左一湯一煎🥟，煎既係韭菜鮮豬肉煎餃、湯既係雲耳椰菜鮮豬肉餃，我地跟餐仲可以加錢有飲品🥤🥟🥟一黎到我個❤️真係跳左出黎真係勁大隻囉，齋睇份量已經十足，試埋個味先，韭菜煎餃煎得好香係即叫即煎唔係煎定架，所以食時真係要小心佢D肉汁（beat)出黎，勁juicy勁好味。而個雲耳湯餃一樣咁大隻，係大過隻湯匙😱，餡料真係好足，每隻一定都會見到指定餡料總結係咁既貨錢💵有咁既質素，真係無得彈環境就一般啦，食物搭夠返唔記得講，佢仲有生餃賣架，可以買返屋企自己煮呢餐總共用左$84

深水埗芹菜餃子 60分 37蚊深水埗算多平野食，見呢間係地鐵站出口，就去試下，有幾款餃子，比較少見芹菜餃於是點黎試下。其實味道都唔差，中規中矩，有芹菜，有豬肉，有木耳。由於我點係煎餃，但懷疑佢先滾熟左再拎去煎，餃子入面好多水，如果煎餃黎講太多水（湯煮再煎的後果）而唔係肉汁，就算失敗，另外豬肉偏少，但好處係隻隻都大粒，食到好飽，37蚊有8隻餃算平，味道只能講中中，不過呢個款式偏少，如果加多d款式就更好。

上次去鴨記買嘢，貪就腳撞入嚟食，求其點咗客煎韮菜餃，一杯凍檸茶。餃底皮薄香脆，爆餡多肉汁，一食驚為天人，今日特登去翻尋味。平時食開八方雲集嗰個冇得比唔在講，附近名氣大得多嘅圓方亦差幾皮，因為冇食過太子嗰幾間名店，所以無從比較。呢家小店，主打都係湯餃煎餃，餡料都只係得幾款，韮菜/椰菜/粟米木耳之類，其餘就係炸豬排同沙爹牛肉都只係聊備一下，亦唔多見人點。總之，巴打絲打嚟開高登黃金鴨記，不妨一試，一定不會失望。

韭菜煎餃 $38+ 淨餃$32每款八隻，算幾平，原本怕唔夠飽，點知隻隻都好大隻，煎同湯都好食，韭菜香口，同肉既比例啱啱好，咬落去仲有啲肉汁咇岀嚟，小店嚟講好唔錯，而且價錢平，下次諗唔到食咩又多個選擇

今日一個人食lunch，想搵個地方唔太多人，就諗起"友記"。我一向都好喜愛食餃子，呢度只有3款餃子口味。可選擇煎、放湯及蒸。我點了雲耳椰菜鮮豬肉餃麵，餃子有4隻，隻隻體積都好大，咬落去啖啖豬肉，有雲耳及椰菜伴，又多肉汁，出色....👍湯底清清地，唔花巧，感覺唔油膩。我之後加了少少豆瓣醬同醋，真係好好的配搭。再叫了杯凍檸茶，茶夠味唔苦，唔錯。叧外店內有外賣生餃子，下次經過一定買一打回家，跟家人分享。 深水埗區食過不少餃子店，呢間算係幾出色的。

一間位於深水涉唔太起眼嘅小店，價錢合理，主打食物就係三款水餃，特别喜歡雲耳朱肉淨餃，鲜甜，落口有種滿足嘅感覺! 唯一美中不足係最近餃子size好似缩左水! 員工十分親切!

今日突然間好想食餃子，所以就喺地鐵站附近搵左間餃子嘅鋪頭嚟食。其實鋪頭餃子款式唔多，都係得三款，但係就有湯餃、煎餃、浄餃揀。由於我今日想食得香口啲，所以就選擇左煎韭菜鮮豬肉餃。餃子嚟到賣相都不錯，而且仲冒緊白煙。睇得出係啱啱新鮮煎出嚟完。一啖咬落去都食到滿滿嘅肉汁，睇大家要小心唔好熱親個口。韭菜味超級香。但略嫌皮有啲厚同有粉嘅感覺。枱面亦有三種醬汁沾餃子食，分別有豉油、醋同辣椒醬，值得一讚嘅係辣椒醬有咸香，應該落左豆瓣醬一齊整，為餃子增色不少

今日想食清清地，就決定食餃子啦！Openrice發現呢間餃子店，未食過就試下呢間先~~~過左午飯時間黎，店內不太多人。粟米鮮豬肉餃幾特別，其他餃子店少見呢款餃，就試下先！！因為未食lunch, 所以叫埋上海麵啦~可能因為新鮮整，所以要等一段時間……終於黎喇 ~粟米鮮豬肉餃配上海麵4隻餃，幾大隻，皮唔算好薄。隻餃好多粟米，好清甜，但有點蓋過肉味，喜歡濃味的朋友呢款餃未必能滿足你~上海麵遍淋，份量不太多，剛剛夠飽。湯底就普通濃湯寶味…整體而言，粟米鮮豬肉餃都不錯，幾清新，其他就普普通通啦~

小妹從小就喜愛食粟米餃子🥟可惜好食既真係少之又少🙃但今日途經呢間小店，竟然比我食到我夢想中既粟米🥟😍😍叫左粟米湯餃$35/8隻，韭菜淨餃$30/8隻，炸豬扒⋯⋯炸豬扒真係一黎到睇佢唔出咁好食，外脆內軟，重點係香味呀！肉質彈牙🙂粟米🥟就係我最喜歡既，點上少許陳醋，簡直幸福到不能相信😍😋😋可能覺得我誇張，但真心推薦，因為掛住食我都無影相了 哈哈😄走個陣仲買兩盒生🥟，31蚊有一打，回家繼續享受😛因為一星期內要食完先買兩盒咋 haha希望小店保持水準，等我可以一直食到我最愛的粟米餃子🥟

表面平平無奇的小店。有時哥哥買生餃回來煮⋯⋯諗住都係一般般咁上下，點知食到眼叮一聲😍只係賣餃一樣都可以頂得住就知佢唔簡單真係估唔咁細間店，咁好食😍😍而家連經過都會買生餃返屋企煮

喺深水埗買完嘢，想搵個無咁多人嘅地方坐底休息一下。咁橋喺搵地鐵站出口時望到呢間低調小店，門面同入面都好乾淨，深水埗嚟講真係屬企理嗰種。店員係一個年輕人，有禮而安靜。當時係5點，店內只有兩檯食客，其他人都係叫外賣，看來都有熟客仔。佢分三種煮法嘅餃子🥟1）蒸淨餃 2）煎餃 3）湯餃。 本身感冒緊，但因煎餃太吸引叫咗一碟雲耳椰菜豬肉餃。 本身對佢無咩期望，佢煎得唔算燶或有平時食其他舖頭嗰種金黃色（太子嘅美味餃子店係煎得好金黃，但皮勁厚）友記勝在睇到佢皮唔厚，包得靚，飽滿大隻。 關於味道：😍 佢隻隻都好足料，菜同肉嘅比例係好好，幾乎係一半一半，仲要有少少湯汁流出嚟，好似食緊小籠包咁嘅滿足感！（當然無小籠包咁多湯）配埋檯面嘅香醋，真係好好食。8隻餃只不過係 $35， 好抵食。各方面都好有驚喜，一定會介紹朋友嚟呢度食！

本身諗住試另一間出名餃子店既，但當日比較曬，行行下見到有間餃子店，我記得ig有人推薦過，店面企理，就入去左試！一坐低就有個店員好親切咁介紹啲野食，熱情介紹完之後仲比時間我地諗下食咩，好友善又有人情味叫左兩碗餃子上海湯麵，分別係豬肉粟米同韭菜餡。每碗都有四隻餃子咁多嫁，而上海麵既份量都唔少。講麵先啦，本身以為係黃色幼身啲既果種上海麵，但原來係白色既，好似烏冬，但係幼身既烏冬。煮得唔會過火，食落煙韌、有口感湯底係清湯，一啲都唔鹹，啱曬中意清淡既我！至於餃子，好大粒，餡料好足，可以食到有肉汁。皮唔會過厚，有少少口感，皮肉中和得好，唔會分離。韭菜餡味唔會太勁，但韭菜都幾多。粟米豬肉食落好鮮甜，粟米份量都好多。仲叫左雙拼煎餃。煎餃煎到金黃，但無論睇落定食落都唔會過油皮脆脆的，加埋份量十足既餡料，好滿足睇返啲相都好想食總的來說，哩餐我十分滿意！試左兩種餡既餃子，覺得韭菜餃適合做湯餃，而粟米餃適合做煎餃。無論食物、店面潔淨度定服務都做得好好，會再食

繼續保持清淡飲食的路向與方針。今天的午餐，是一碗少鹽又少油的餃子麵....來到餃子店林立的重鎮深水埗，大家去得多的是經常有傳媒報等的那間。今趟來幫襯的是剛開了一陣子，地理位置上更為便利的這兒....這裡屬家庭式的小手作，餃子的花款就只有三種。點了雲耳椰菜豬肉餃上海麵，另再加多八大洋，添多了兩隻粟米豬肉餃....餃子皮不算太厚，包得頗為實淨的；饀塞得滿滿，用料新鮮；菜的成份被肉多，屬走健康的路線，和最近小弟奉行的不謀而合，自然就吃得愜意....想不到這裡的上海麵處理得一點也不濕爛，咬下去還仍留有些嚼勁的，很不錯....以後來深水埗，又可多一個吃好餃子的地方了....

呢間餃子 大大件，料好足，食材新鮮，雖然款式好少，但三樣都好岩我食，價錢都算便宜，淨餃8@$30 ，湯餃8@34。 可以自由配搭。 真心覺得好食過同區既「圓X」餃子韭菜豬肉餃，好jucy ，韭菜新鮮食落香口，豬肉咬落鮮味，唔會似啲唔新鮮既「俺肉」味，每件都好多餡。粟米豬肉餃，好鮮甜，清新得黎又唔會好淡味，不過略嫌粟米唔夠多汁，但是三款中的最愛。椰菜豬肉木耳餃，比我想象中好食，因為椰菜我平時唔多中意，但呢次食落，覺得幾香口，好似有啲麻油的香味，小小爽口，比我預期好很多，下次都會再叫。 而湯餃既湯，有啲似味精湯，飲落唔知點解有啲酸酸地，唔多中意，不過覺得食餃子配湯好似正啲。評分：8/10 。