叁茶陸飯

營業中

休息中

【荃灣台式奶蓋茶 夏天清爽之選】可惜冇試到佢嘅主食，夏天飲台式飲品，雖然係邪惡肥仔水但好開心🥳好清爽___ ___ ___ ___ ___ ___ ___ ✨芒果海鹽芝士奶蓋 $48其實係沙冰黎，夠晒清爽，少少茶底可惜奶蓋唔係好重芝士味/咸味，偏light，相對飲落就冇甘罪惡感😈👍🏻👍🏻

呢間台灣餐廳係同事慣常去既，因為lunch set有水準🍜乾拌刀削麵：蔥油拌麵好香，刀削麵削得好薄，唔會好似食舊粉團，所以口感滑滑地又入味。🥢炸雞扒：呢度炸物炸得幾好，脆漿薄，雞肉嫩，而且調味適當👍🏻，份量夠男生食！🥢涼拌四季豆：清甜冷盤剛好清下味蕾。味道：🔅🔅🔅🔅新鮮：🔅🔅🔅🔅分量：🔅🔅🔅🔅衛生：🔅🔅🔅速度：🔅🔅🔅（5🔅為滿分）

哩間餐廳已經食過幾次，每次去食都keep到水準，食物質素唔錯，午餐價錢唔算貴，味道亦好味👍🏻 因為過咗最繁忙午餐時段，所以唔需要等位，落咗單之後亦好快上菜。一人叫一個餐份量已經好足夠，白飯大大碗，啲餸都好大碟，唔一定次次可以食得哂😂 但每次我都必會加一個小食--芝士磨菇雞翼😋午餐選擇都算多，可加配嘅小食款式亦唔少，餐飲可以揀南投炭燒烏龍茶/南投四季春青茶，如果唔啱可以半價轉配其他飲品。✨糖醋魚柳配白飯套餐 $68魚柳大大件數量亦多，配埋幾粒菠蘿。因為我唔食花生，所以職員貼心將三小碟中嘅花生換成雲耳👍🏻 另外仲有碟蒜蓉豆角。糖醋汁酸酸甜甜好開胃😋 白飯係粒粒分明嘅珍珠米，好有咬口，合哂我心意💜✨經典三杯雞配白飯套餐 $68份量大大碟夠哂多，三小碟有花生、蒜蓉豆角、唔食辣都食到嘅麻辣雲耳。三杯雞香滑入味，白飯一樣係咁好咬👏🏻 唯獨一個問題...雞肉以雞翼為主，加上數量多，所以不停噒骨😂✨芝士磨菇雞翼2隻（加配小食）$22哩個絕對係我每次必食之一，無骨雞翼又香又滑，入面包住磨菇同埋香濃芝士，真係可以食好多隻🤤✨南投炭燒烏龍茶（餐飲）餐飲可自由選擇凍熱飲，唔需要額外加錢。烏龍茶大大杯，茶味香濃

台灣菜都食過幾間, 喺中染新城8咪半呢一間台灣菜算係唔差! 呢一間餐廳好光猛, 星期六日阿仔佢地補完習就去呢度食午餐, 唔使點等位, 叫咗兩個lunch set, 再加滷味拼盤。阿哥叫咗份台灣肉燥飯都係58蚊套餐配埋小食有雲耳, 蒜蓉豆角, 花生阿哥叫咗份台灣肉燥飯都係58蚊細佬叫咗個 招牌排骨配白飯, 都係有三小碟少食配埋, 兩個餐都配嘢飲。 呢個細嘅滷味拼盤, 有花生, 鹵水蛋, 金錢肚, 豆干同雞翼, 金錢肚好入味又夠淋, 好好食!其中一杯餐飲加錢要咗呢杯百香果檸檬愛玉冰茶 嚟到荃灣食嘢嘅朋友可以值得一試

Book左28/12同朋友第一次試，去到唔使1分鐘已經安排到座位，職員服務態度都好好，落完單之後我哋發覺落少咗兩杯嘢飲，好快職員就幫我哋處理，食物比想像中好食，特別係個雞煲，仲有水煮魚，不過水煮魚啲魚片真係比較薄同份量少，但食得出冇加太多味精，食完唔會好口渴，炸豆腐有少少過咗火豆腐唔夠軟熟，其他食物都好食，如果要比分可以比70分

很久沒來8咪半呢邊，見呢間餐廳價錢合理，又想食台灣菜，就試一試。環境乾淨企理，但座位之間有少少迫有啲扣分，員工態度ok。最後2個人叫了1 個主菜，一個大大的鹵水併盤，一個菜及一個蔥油餅，食物質素平均, 全部夠熱，大件夾抵食，雖然未至於很驚艷，但2個人埋單$270，都算平，食得都好飽，怪不得係呢個商場入面呢間算多人。另外見佢有好多特色台式飲品、甜品及糖水，而且賣相幾靚亦多人叫，望落都幾美味，但太飽無叫，下次再試。

星期日都知好多人架啦。舅父岀新車帶2個外甥去遊車河，兜到肚餓就去食tea…比較容易泊車就係愉景新城。行左去8咪半到，大仔就話想食呢間🥱食物牛肉麵 - $88個湯都幾濃味，應該係牛肉湯？啲麵就硬身啲，不過牛𦟌都幾冧，都好入味！不過88蚊黎講，我就覺得唔太值。古早味新竹炒米粉 - 必食！$78呢個好好食！我同細佬，應該係話連埋我2個仔，都勁鐘意呢個！早知嗌2個炒米仲好，啲米粉好有口感，好夠味！啲蛋都好有蛋味青檸黃檸蜂蜜綠茶

假日午市套餐：小前菜+主食+熱茶小前菜：正正常常，特別提一提花生係腍身果種。— — — — — — — — — — — — — — — — — — —【糖醋魚柳配白飯】$78平時都比較中意食糖醋味嘅食物，呢個糖醋魚柳酸甜適中，沒有偏甜偏酸，剛剛好，很開胃。魚柳亦保持到酥脆，魚肉嫩滑，只是隱約都會食到少少腥味🤔— — — — — — — — — — — — — — — — — — —【香酥雞扒麵】$76，轉湯麵+$8雞扒都幾大塊，肉質厚實嫩滑，外層酥脆，食落唔覺好油膩。— — — — — — — — — — — — — — — — — — —飲品：熱彰化茉莉綠茶驚喜嘅係都幾大杯，又幾好飲喎😛— — — — — — — — — — — — — — — — — — —

為左去Ikea黎左呢個商場，見呢間餐廳都將光猛，又想食個tea就入左黎試下，都唔洗等位，我地仲竟然趕到仲有lunch set ,勁好彩，lunch set有一個主餐仲有飲品，仲可以加小食,我地叫左個牛肉面同埋黑醋排骨，仲加左鹽酥雞同埋一個菜，飲品同埋鹽酥雞黎左 ，凍飲成杯啤酒甘大好大杯，唔知係冷氣太大定係鹽酥雞唔夠熱，我覺得個雞凍凍地，牛肉麵個湯底就有少少藥材味，個湯都好濃，個黑醋骨幾好食同埋份量都幾多，埋單都係兩百幾又幾抵食

【 抵食大碗台灣肉操飯 】⭐️係荃灣行完街，經過見到「叄茶陸飯」這間台式料理，俾門口的珍珠奶茶吸引到，所以就入去試下。🍚台灣肉操飯滷肉飯的豬肉加上香濃的醬汁，真係非常好味，而且$38就有一大碗，好抵食。🍜台式牛肉麵面的口感比較煙韌，湯底有好香的藥材味，味道帶微辣，好開胃，牛肉煮得好入味好林，肉味香濃，份量都幾多。🥙夜市牛肉炒麵即叫即炒，配料和牛肉都好多，味道啱啱好。 🍗重慶口水雞配白飯這道菜比較失望，得個辣醬有味，但口水雞其實吸唔到d辣味，所以雞塊無味的，配白飯食都唔太想食。🧋最後叫左兩杯小農珍珠奶茶和茉莉珍珠奶綠，都幾好飲，可以一解成餐飯的油膩感覺。

❤️成日喺荃灣都經過呢間舖頭🧋好多時都見到佢有好多人喺度排隊🥣但係就從來都冇食過🥤今晚行過見佢唔使等位🍴咁就即管入去試吓啦🥢⭕️環境裝修好寬躺，但係座位嘅距離我就覺得坐得比較迫啦。但係整體個感覺都係好舒服好乾淨👍食物味道係好地道台灣味👍份量亦都唔細👍兩個人叫兩個主菜加個小食已經好飽😋之前仲諗住食完可以再叫個甜品🍮但係最後都飽到食唔到😛有機會一定會再嚟食⭕️今晚食夠$200💰送咗3⃣️張$40優惠券🤗真係好抵食呀👍下次一定要試佢哋嘅甜品🍮🥢小食：台灣香腸$32⭕️超級抵食👍佢哋係將一條台灣腸1⃣️開2⃣️，有好多片👍每片又大又好味💯🥢台式牛肉麵$78⭕️個湯充滿着台灣嘅味道👍牛腩夠林👍蘿蔔夠入味👍仲有牛筋添💯🥢台式蝦球蛋炒飯$78⭕️呢個炒飯就比較濕啲👍我自己就鍾意嘅😋但係如果你鍾意炒飯乾身啲呢咁就未必合你心意啦❤️蝦球嘅份量都好多👍而每一隻蝦都好大隻💯環境：⭐️⭐️⭐️⭐️⭐️服務：⭐️⭐️⭐️⭐️食物：⭐️⭐️⭐️⭐️⭐️(5星為滿分)💰$207 / 2人 (晚餐)📍荃灣青山公路388號8咪半1樓117號舖

成日經過但都冇食過，因為友人強力推薦，於是就嚟試下。Lunch嘅套餐每款都送二至三個小食，青瓜、花生、木耳。香酥雞排配白飯🍴雞排幾大塊，切開約五舊左右，咬落香脆，肉都幾juicy😋台灣肉燥乾拌麵🍴望落有啲dry，不過撈埋啲肉燥，食落味道不錯～食晒啲麵，我哋更將白飯倒落嚟，撈埋啲肉變肉燥飯🤣台灣櫻花蝦肉鬆蛋炒飯🍴炒飯欠缺些少鑊氣，唔會話太乾身食落好dry，都okay椒鹽百頁豆腐🍴呢個豆腐要睇各人口味，我自己就麻麻地，覺得有啲似擦膠，唔知自己食咗啲咩咁，我唔太推薦，但友人就好中意食🙈鹽酥雞脾菇🍴不過不失，還可以嘅～格雷蜜香蘋果冰茶🍹感覺好fresh！！千祈唔好走咗啲蘋果肉，果肉係呢杯飲品嘅靈魂🤤髒髒朱古力珍珠奶茶🍫極邪惡，賣相好靚，奶蓋漏晒岀嚟🤤🤤🤤朱古力加珍奶雙重滋味無得頂，飲品偏甜要注意～

行街行到攰一攰 見到出面嘅環境幾靚 所以一於決定入呢間餐廳試吓啦 但係估唔到佢嘅水準又出乎意料幾好食除咗食物好食之餘環境都十分之唔錯，係一間比較大嘅舖頭 座位都比較闊落 唔使話同人好迫咁食 而且舖頭左啲霓虹燈可以俾各位食飯之餘仲打下卡影吓相 放鬆一下咁當然除咗環境之餘佢嘅食物亦都十分唔錯 👉🏻髒髒朱古力珍珠奶茶呢杯珍珠奶茶好足料 而且超級正 朱古力超級濃 奶蓋多到可以滿晒出嚟 真係好吸引珍珠夠煙韌 飲完一杯真係忍唔住想再嗌多一杯👉🏻台灣肉燥乾拌麵份量都足夠 女仔都啱好夠食 而且肉燥都夠多 唔會話食到一半已經冇晒啲肉👉🏻香酥雞扒飯雞扒好出色 嫩肉多汁 脆得離唔會話太乾嚟到荃灣嘅朋友都可以值得一試

服務員遞上餐牌📜，我哋正在猶豫之際，鄰座「原條糖醋桂花魚」🐟 映入眼簾，即刻被那立體擺盤🍽深深吸引，還有誘人的色彩，當然要用味蕾一試它的虛實。久違了的芝士奶蓋綠茶，芳香迷人；芋圓、仙草，台灣的呼喚⋯⋯

星期六约咗家庭聚會，未夠鐘，揾野食，一行五人行到一間台灣菜就入去试下，門口攞位，店員叫㯲飛就行咗去，㯲飛機漆黑一片，壞咗，再等店員攪咗一陣，等咗1O分鐘入得，每人點咗一個餐，台灣菜式都係三杯雞，牛肉面，最隱陣的菜單，於是就叫2個牛肉面，一個三杯雞套餐，2個肉燥拌面，先講肉燥拌面，肉燥谈而無味再拌無味面上，你話有幾難食，再講三杯雞同而家興食35蚊嘅三餸飯菜式一樣，微暖，醬油炒熟D雞，九層塔就揾唔到D味，我谂食開台湾菜的人都知三杯雞主要是咩味道。重點黎啦，牛肉麵，麵唔係用台湾麵都算，牛肉有6塊，4塊咬都咬唔到，垃圾到一個點，5杯飲品有一杯係可以飲得下，其他都冇味道，好過飲水嘅！整體呢間可在愉景新城開到一段日子，都算是奇蹟！