叁茶陸飯

營業中

休息中

今次去荃灣買點東西，早餐還未吃的我，本來想去愉景新城食東西，去錯方向就去了，隔離嘅中染大廈的8米半商場，亦即係宜家傢俬個商場，以為這個商場除了starbucks， 阿布泰和宜家傢俬之外，就只剩下寫字樓，原來行入少少是有間餐廳的，餐廳主要係食台灣野，我就先入去醫下個肚因為去到嘅時間已經是中午，加上星期六，所以就叫了一個周末假日午餐！餐廳當時也很多位，所以也不用等！台灣花膠肉燥飯+前菜 + 南投小農紅茶(凍）$68 （加一服務費）台灣花膠肉燥飯肉燥飯個賣相都相當唔錯，同去台灣食嘅肉燥飯差唔多。肉燥份量幾多，肉燥夠入味！嫌飯量較少，對於大食嘅我可能要添飯！花膠就一般！南投小農紅茶(凍）基本飲品，不算有驚喜！但以星期六來說，不用排長龍！食物正正常常，又可以醫肚，其實已經相當不錯！

下午茶時間同友人見到呢度環境唔錯， 就入嚟試下。點了一份雞肉蟹柳芝士蛋餅，加份鹽酥雞，另外單點一份芋圓鮮草。蛋餅有3件，質感同味道都唔錯，唯一美中不足是餡料比較多雞皮。下午茶加配鹽酥雞 $28，雞肉夠熱夠脆，味道中上。最有驚喜的反而是單點的黑糖芋圓鮮草凍！配料好豐富，有鮮草，珍珠，芋圓，紅豆綠豆。食落去唔會死甜，每款配料都好好味，比起外面的台式甜品店更勝一籌，十分推介。餐廳環境舒適，位置寬闊。職員服務態度亦很好，餐飲記得幫我走飲管，亦會主動留意客人的需要。

每次要去IKEA，都會去食呢間台灣菜。地理位置都好方便，食完就可以上去行街購物。今次點了四樣食物：1. 紅燒大腸雖然肉質鮮嫩，但醬汁太咸了，讓人有些難以下嚥。2. 葱油排骨拌麵排骨肉質鮮嫩，炸得好乾身。但蔥油分量略少，讓麵條味道不足。3. 鹽酥雞外層炸得酥脆，內裡則是肉質鮮嫩。店家提供的醬汁令雞肉更加美味，值得一試。4. 士多啤梨黑糖麻薯鬆餅最後是店家的招牌甜點士多啤梨黑糖麻薯鬆餅。感柔軟，黑糖麻薯和士多啤梨的甜味十分協調，是一道非常美味的甜點。小總結❤️❤️❤️❤️📌菜品種類繁多📌甜品&飲品十分出色📌價格尚算合理, CP值OK

專程去到荃灣搵食，嚟到呢間舖頭，發現有下午茶，環境都幾靚，就決定坐低試吓。蚵仔鴨血雞翼米線，個湯底竟然係酸酸辣辣，好惹味，份量都唔錯，食得飽。朱古力藍莓麻糬窩夫配芝麻雪糕，味道都唔錯，仲唔係太甜。另外仲會送4種茶飲，有烏龍茶、紅茶、綠茶等等。如果想飲其他飲品，就係正價價錢嘅半價，價錢都算公道。我就另外叫咗芝士海鹽奶蓋烏龍茶，份量好大杯，都好好飲。加埋一個小食鹽酥杏鮑菇，兩個人加埋唔使$200~最鍾意都係個米線，好友驚喜！

星期六中午去咗呢間食lunch，套餐嘢食幾大份。周末餐廳好多人，2人座位比較迫，岩岩好放到餐盤同飲品。台式葱油雞扒乾拌刀削麵 $82原本以前係葱油雞，上到枱原來係椒鹽炸雞扒，塊雞扒好大塊，刀削麵有醬汁撈，幾好食。府城蝦卷拼滷水雞翼肉燥飯 $78個飯大到男人都差啲食唔哂，滷肉非常多，但食哂之後覺得有啲咸。雞翼同蝦卷各2件。椒鹽百葉豆腐 $34成餐飯反正最好食係呢個百葉豆腐，一份有6件，入面個樣好似海棉，好軟熟。呢度啲飲品幾好飲同好大杯，不過跟餐只系正價減8蚊，都幾貴下..一杯係海鹽芝士奶蓋茉香綠茶，跟餐加$18，另一杯係雪梨蘆薈四季春，跟餐加30蚊。

每碟餸菜都煮得非常好吃！菜單有很多台灣特色菜，是台灣的味道😋😋😋 不會過於油膩，而且賣相一流！位置坐得舒服，份量足，上菜快，價錢合理，而且有多款不同的傳統台灣菜，非常滿意的一餐，十分推薦！魯肉飯不算過份油膩，份量算小，但吃起來有油脂香味。豬紅帶點麻辣，怕辣之人仍然可以應付到，十分開胃。綠豆沙牛奶是在香港罕見的飲品，上菜時見到真的如菜單展示般，會有白色的忌廉流下來，非常好飲，甜而不膩。不過本來對芋泥加芋圓有點期望，但芋泥卻做得一般，呈方塊狀，卻不是一般的泥狀，芋圓的數量也不算多。

今天去完宜家傢俬血拼有啲攰，在附近見到這間台灣餐廳剛好有位，決定入去休息一下順便醫肚 星期日都有lunch set 都算抵食，我們叫了一份 lunch set 古早味新竹炒米粉，配上熱紅茶餐飲我喜歡幼滑的新竹米粉，雖然清清地配料不算多，但芹菜和芝麻都非常香，另外有些雞蛋絲，醬汁都幾好味 餐飲方面，要留意熱紅茶其實都有加糖，如果不好甜人士記得要走甜，另外餐廳冇配上匙羹，甜味沉晒底，唔夠細心 另外，我們也叫了一客招牌排骨蛋炒飯，排骨肉質幾鮮嫩，外皮炸得好香脆，不過粉漿略嫌厚，蛋炒飯都算乾身，整體算是合格以上招牌炭燒烏龍珍珠奶茶：本人不喜甜，所以覺得微甜的甜度剛剛好，叫咗少冰但仍然好多冰，炭燒烏龍茶味好淡，不過珍珠都幾Q彈，整體算是合格

二刷，主要是為了甜品，結果下單時說賣光了今次叫了三菜+兩飲品。再次下單蔥油豬扒刀削麵，蔥油做得很好味，刀削麵麵質不錯，偏軟身又不會太軟。鹽酥豬扒味道好，骨不多，食落不會覺得很油膩。當花雕遇上雞(醉雞/$72)原本是叫醉雞卷的，店員說今天沒有就退而求其次。它的汁其實調得不錯，很香酒味，芳香濃郁，然而它給我的感覺是白切雞臨上盤時才澆上花雕汁。雞本身味道和口感就不過不失，並不出色，而且份量感覺有點少，好像比一般例牌還要少一點，令人失望。香腸高麗菜，因為用了辣椒和香腸炒，所以很惹味。個人認為口味偏重，香腸也有點膩，整體來說味道還是令人滿意。芝士奶蓋茶也是二刷了，這次點了炭燒烏龍和四季春($28)。上次飲過四季春，茶底清香，芝士奶蓋濃郁又creamy ，是我飲過的芝士奶蓋中屬上乘的一員。這次我點的炭燒烏龍，炭燒味不重，奶蓋一攪，我完全忘了這是炭燒，但當普通烏龍茶來飲都是很滿意的。補一補一刷的食評⋯⋯藥膳火鍋(雞肉)，沒記錯的話是$14x，這個價有點貴了，火鍋料不算太豐盛，也沒甚麼特別出色的，大腸的味道很重，很搶味。不過食材本身問題不大，有問題的是湯底，這個藥膳湯不說根本不會發現是藥膳湯，沒有藥膳

方便就腳台灣 𝑴𝒊𝒙 川菜，設係中染大廈，行完街食都好周腳👍🏻無論台菜定川菜都做得唔錯，味道一流🤤👅 招牌古早味滷味拼盤（小) ( $98 )一份滷味拼盤包括左花生、蛋、金錢肚、豆腐、雞翼、腩片、鴨舌，足料大份，送飯岩哂😋👅 川味口水雞一半隻 ( $ 153 )有點兒辣既口水雞，其實價錢算偏貴，不過同行友人想食就照叫左啦～味道中規中矩，咸辣相襯🤭🤭👅 經典三杯雞 ( $ 98 )一開蓋個下香味四射，煲完既三杯雞醬汁入味，食完依然回味 🤤🤤👅 川味水煮牛肉 ( $ 142 )比較油既一道菜，但水煮魚呢種油度都係預期之中（所以小編不嬲都係麻麻水煮乜乜），呢道菜比較咸同辣，席間都忍唔住密密飲水💦 試一次就𝒐𝒌了🤪👅 京蔥爆牛肉 ( $ 98 )好食既一道菜❤️‍🔥 嫩牛肉炒後咸中帶辣，香口惹味，鑊氣充足🔥🔥👅 黑糖芋圓仙草凍 ( $ 48 )椰汁溝仙草芋圓，味道不會太甜剛剛好，作為飯後甜品岩岩好💖💖👅 小農珍珠奶茶 ( $ 28 )餐廳有好多款台式飲選擇，叫左最經典既珍珠奶茶，珍珠煙靭好嚼口，可惜叫左少糖都係偏甜😢

中染大廈文青台式料理叁茶陸飯惹味肉燥飯/酥脆Juicy雞排/清香烏龍茶📍叁茶陸飯 𝑪𝒉𝒂 𝑭𝒂𝒏🧭荃灣青山公路388號中染大廈1樓117號舖💰 人均消費: HKD86食過幾次 #叁茶陸飯 @chafan_hk 一直印象唔差！⭐️招牌香酥雞排配肉燥飯 $78香酥雞排配白飯$68，另加$10 轉左肉燥飯！ 雞肉外面好鬆脆，裡面好juicy，好味！個肉燥飯好惹味好香，飯有少少濕但唔影響！小食有木耳同蓮藕，唔夠爽口，但味唔差跟餐揀咗南投炭燒烏龍茶好清新，好飲食過幾次，食物同飲品都算幾出色，份量都多，唔錯！#MFJ荃灣 #MFJ台灣菜#mfoodjournal #foodie #hkfoodie #foodblog #hkfoodblog #taiwanesecuisine #taiwanesefood #相機食先 #荃灣美食 #台灣菜

📍近排食少咗台灣菜 本身同屋企人已經target 搵間台灣餐廳行過見到台式飲品都好有特色 就決定食呢間🙆🏻‍♀️🌀老壇酸菜魚鍋近排天氣凍咗好多 最啱食火鍋～ Lunch 唔想食得大heavy 台式一人鍋細細煲就啱晒!😻配料頗多把酸菜鍋疊得滿滿 有娃娃菜 金菇 鴨血 百頁豆腐 粟米餃 花之丸等等 鮮魚片另上 主食可以揀飯或者刀削麵 選擇多元酸菜湯微酸帶辣 食落辣味唔會好重但帶麻香魚肉食落冇腥味 仲好滑溜好新鮮🙉🙈 🌀經典三杯雞配白飯 + 鹽酥雞午市套餐真係好抵食! 可以用優惠價加配小食😼鹽酥雞炸得酥脆 味道鹹香 而且啖啖肉 而三杯雞醬汁很不錯 唔會過鹹食落好惹味 送飯但真係一流!🌀髒髒朱古力珍珠奶茶餐廳新推出髒髒台式飲品系列 賣相一流面層奶蓋相當澎湃 奶蓋芝士味香濃 口感幼滑飲到後期奶蓋融入朱古力之中 飲落好似朱古力奶咁 好香滑🙉埋單發現原來初次消費$200 仲會送$40優惠劵 咁下次帶埋朋友 再試下另一個款台式小火鍋先🙆🏻‍♀️

星期日放假去左呢間台灣餐廳食lunch，平日同假日既價錢應該有差別，份量就算男士食都夠飽。台式葱油雞扒乾拌刀削麵 $82睇名以為系普通葱油煎雞扒，出到嚟原來系炸雞扒，勁吸引同邪惡，不過個名有啲令人誤會。炸雞扒大大份，炸得夠脆，肉吾會太乾，鹹度適中。乾拌刀削麵幾好食，闊麵條有咬口，醬油好入味。百香檸檬愛玉冰茶 $30跟餐會跟紅茶或綠茶，揀其他台式飲品就原價減$8，見隔離枱既野飲好大杯好吸引，自己都轉飲台式飲品。呢杯酸酸甜甜，再配冰茶，個人即刻醒神哂，入面仲有啲透明愛玉。台式牛肉麵 $82牛肉份量好多，肉連帶少少筋，都夠淋，湯底偏少少藥材味，吾辣，另外麵條幾滑。海鹽芝士奶蓋四季春青茶 +$20芝士奶蓋幾香滑，有少少咸味，飲哂成杯都吾會覺得膩，四季春既茶底吾太突出，茶味較淡。府城手工炸蝦卷2條 $26另外以套餐優惠價叫左個小食，炸蝦卷用腐皮包住，食落都幾有蝦味，仲有少少馬蹄粒，增加口感。

呢間台式餐廳算係我嘅飯堂😗 係荃灣成日諗唔到食咩就會揀佢 食物新鮮份量大價錢平🥰 前幾年台式飲品未喺香港普及嗰陣 呢間餐廳真係我嘅最愛🤪餐廳好佛心 weekend都有lunch set 價錢$68-100左右～🐟酸菜魚配白飯💰78呢個餐係見到隔離枱食緊 見到覺得好吸引就跟🙈 每個lunch set都會配2款涼菜 多數都係青瓜同木耳 兩款都好重蒜味酸酸地好開胃 我每次都會食晒😋 酸菜魚魚肉大約有8塊 魚味唔重但一啲腥味都冇仲好滑 應該係即叫即煮先保持到肉質唔散同唔乾☺️ 入面仲有好多配菜 有娃娃菜 芽菜 豆皮等等 湯底味道唔算好濃郁好岩我口味 淡淡既酸辣味令我食完都唔會覺得好口渴 午餐嚟講真係岩岩好🤘🏻🦐府城蝦卷拼滷水雞翼配滷肉飯💰78蝦卷同雞翼各2舊 滷肉份量好多cover晒啲白飯😌 滷水雞翼好入味但又唔會鞋 蝦卷大大條好彈牙👍🏻 成個飯都好好食🤤Lunch set配左紅茶/綠茶🍵 亦可加配其他台式飲品 但新年期間已經食滯左🙃 所以揀左綠茶消滯☺️餐廳開左咁耐都仍然好多人幫襯 證明味道唔差😋 大家都可以支持下😙

店舖以天藍色搭配簡約木系為主調 還有可愛的霓虹燈主打多款特色台灣菜 還有打卡髒髒茶飲系列最近還推出左暖笠笠推介:火鍋.煲仔飯可以暖胃食左麻辣火鍋都覺得唔錯好夠味(ᯅ̈ )初次消費滿200仲送40 coupon喔～.▫台式牛肉麵 $78份量好足料 好多片牛肉啖啖肉 肉質好軟腍 帶點筋位增加口感( ¨̮ ) 連蘿蔔都好入味湯底味道香濃且不辣 麵條幼軟且掛湯.▫麻辣雜錦豚肉鍋 $128推出了5款台式鍋物: 酸菜魚.沙茶牛肉.黑蒜肥牛.藥膳花雕雞揀左麻辣(ᯅ̈ ) 一打開蓋就好香麻辣味 好正.ᐟ‪‪味道濃厚惹味中帶點辣 有多款台式配料:鴨血.沙白.大腸.花枝丸.百頁豆腐等豚肉片份量都幾多 肉質軟嫩有肉感可以選配飯/台灣麵/刀削麵/肉燥飯揀左要煙韌卦湯的薯粉 配麻辣棒棒的.▫古早味綠豆沙牛奶 $42台飲的選擇都幾多 果斷揀左髒髒系列⸝⸝⸝♡︎一黎到真係好震撼😳 即刻打左卡先～加左pat奶蓋係面頭 好邪惡!!鹹香奶滑中夾雜些濃稠綠豆香 甜度都剛好耶

叁茶陸飯台式香濃沙茶牛肉鍋食剩指數:1/100牛肉都算幾多唔係一般肥牛脂肪較少但係都唔韌配料有鴨血、菜、豆腐等雖然叫做一人鍋但好多配料都最少兩舊主食揀左闊條紅薯粉紅薯粉一落好快吸哂啲湯記得加湯😂薯粉吸完湯都好有彈性又夠飽肚.經典三杯雞食剩指數:0/100三杯雞係煲形式上熱辣辣好有鑊氣雞肉份量都幾多仲幾入味配料九層塔同菇都好好餸飯.海鹽芝士奶蓋四季春青茶食剩指數:0/100呢度既芝士奶蓋唔會得個甜字仲有芝士香味配四季春最夾.小農燕麥奶茶食剩指數:0/100個底真係有燕麥唔止係用燕麥奶健康左同有唔同既香味