卷之屋

營業中

休息中

係5,6年前仲讀緊書果時 係葵芳返學成日都會食呢間卷之屋果時仲係2樓一個比較暗角既位 但依家就搬左去3樓但係人係無變 一樣係老闆親手整😂依家芝士大熱 同朋友二話不說乜都揀芝士先呢個火炙反卷真係好正 拎到上手熱辣辣 但三文魚仲係凍而且好新鮮好好食 2款醬料已預先加係壽司同芝士上面一齊燒 無得頂😏❤️芝士玉子燒入面有飯😏❤️成件事係好夾！呢間壽司其實已經成為我同朋友去葵芳掃街既必去地點無得輸P.S. 有時我坐地鐵經過都會落一落車去買完再返屋企😅就知幾正！😂😂😂

呢間鋪頭由一樓搬咗上三樓，睇吓個海膽手卷，多到瀉哂出嚟，食到尾都仲有好夠海膽，童叟無欺！而且勁鮮甜，一d苦澀海水味都無，所有嘅手卷，全部即叫即整，除咗海膽之外，個軟殻蟹都好正！個老闆好好人，有求必應！

每次過去葵芳都必食 款式又多 而且都好快有得食 唔需要等好耐時間啲飯打得比其他手卷店好食得多唔會話會太酸材料亦好新鮮～軟殻蟹手卷十分值得一讚外脆內軟 唔會太油膩 而且仲有蟹膏添！紫菜有落少少鹽粉 吊返味真係恰到好處！

掃街當然要食卷物啦，如果唔係點填飽個肚，所以都要食d d 飯嘅~行行下就去到3樓呢間卷之屋，外面都幾多人等緊拎佢地嘅手卷同壽司，所以我就決定係呢間買佢地嘅手卷啦！佢個menu 都好多款手卷其中火炙芝士系列最吸引！但我最後就叫咗最普通嘅軟殼蟹手卷一個 22蚊 而且佢仲寫住係半食軟殼蟹！比完錢 等咗5分鐘就有啦 ～驟眼睇都算多軟殼蟹上面都有d 沙津醬。不過我有個壞習慣就係會揀起d餸食咗飯同紫菜先，點知揀起咗舊軟殼蟹發現有d 細，好似冇咗d腳咁。有d 失望啦 ，然後食落d 紫菜有d ‘林’如果脆口會好食d 而飯方面就正常啦 ，可以加翻d 沙津醬調下味。而軟殼蟹係幾好食 不過可以要大舊少少會好d 。

呢間隱世埋名既小店以前位於葵廣2樓，係芝士烏冬舖頭旁邊。大約2-3年前開始幫親呢間小店，佢既食物從來沒有讓我失望過。 以前中學既時候唔多錢，食親都係三文魚手卷，15蚊一個 換黎既係5星級既享受。 佢既三文魚係長方體、大大舊既，由頂食到落底都有！唔似得其他舖頭個d淨係個面放幾塊三文魚，你食完面個層之後就做飯桶，齋食飯都幾冇癮：“（ 事隔一年番黎，佢已經搬左上頂層既美食區到，附近都有幾間出名既小店，所以人流都幾多下～ 隔左甘耐，三文魚手卷只係加價左1蚊：） 食物質素keep到！三文魚仍然係大大舊，可以食到落底 ！爽！呢度係即叫即做既，師傅做嘢好快，冇咩人等既時候唔洗一分鐘就有得食啦 攞上手既時候熱辣辣既，d紫菜好脆！ 佢有兩款豉油，一款普通豉油，另一款係有wasabi既～ Wasabi個款既面有層油，應該係Wasabi黎既，大家可以搖一搖先落～ 其他卷物、燒玉子燒都好好食！大家黎得葵廣就唔好走寶啦：D

葵芳日式壽司店林立，呢一間卷之屋，又一樓舊鋪到現在擴張搬到了2樓嘅新鋪，一直都係心頭好，原因好簡單，就係大件同埋抵食。。記得喺舊鋪既時候，每日都有幾十人喺度排隊，如果超過晚上七點去到嘅時候，好多嘅壽司已經售罄了。搬到新浦之後人氣好像手手滑落，價格都比以前提高了，但係品質就冇退步啦。。就好似今日order 咗一客三文魚手卷$16所有嘅手卷都係即叫即製，啲飯仲係微暖，最誇張係件三文魚，厚切得好像立方體一樣粗，並唔係放切幾片放喺秀娟之上，手卷食到五分之四，都依然食到三文魚，所以真心覺得抵食，性價比非常之高

平日嘅葵廣雖然比起週末係少啲人，未至於話逼人，但我感覺上都有唔少人喺裡面食野。去到卷之屋，之前都食過喇，覺得幾正，所以再黎。手卷款式有單拼、雙拼、火炙系列、炸物手卷，定價$10-48，另外仲有反卷、刺身、同少量小食。手卷用一張紙包住，賣相就唔太美觀，好在係好好食，性價比高火炙芝士三文魚手卷 $21三文魚厚身，有兩大片，面頭一層芝士。火炙過後好香口，食落軟腍，芝士味突出，唔會好鹹。飯粒黏度不高，唔酸，但飯量多，所以成條手卷幾有份量，食到剩番四份之一先係白飯，非常可以接受。因為我一接過黎就即食，紫菜都係脆口的

依家每次約friend去葵涌廣場行街都係食為主, 當然要一齊去la!!! 之前聽人講依間d壽司又平又抵食, 今日終於可以試下la~ 佢地店舖位置都有d難揾, 係3樓top世界入面, 不過好野食唔介意揾下啦! 見佢地款式都有幾多選擇, 手卷同壽司都有, 定價都好合理, 最平$10就有. 今次先試火灸系列 - 火炙芝士三文魚卷, 果然一d都唔hea, 足料之餘仲好好味, 勁滿足!!! 下次可以試埋手卷先~ 

每次去親葵涌廣場行街，就算幾唔肚餓，都一定要去一去幫襯呢間手卷壽司店先覺得圓滿安樂！仲記得第一次黎食佢個三文魚手卷完全係驚為天人！十幾蚊一舊以為會係hea貨，點知一睇舊三文魚係十分巨大，差啲仲大過舊手卷本身咁滯，仲要係舊三文魚食到中間都仲有！而且舊魚係好肥美新鮮添！嗰刻係度諗佢會唔會蝕本架，自此就上左癮，對呢間店念念不忘！今次再食，質素一樣係咁好！仍然大舊肥美！亦都好鍾意佢啲飯暖暖的！今次試埋佢個火炙芝士三文魚卷，都好好味！！價錢亦算扺！

呢間手卷鋪之前係電梯旁邊，今次去已經轉左第二間鋪，我以為汁左，原來佢搬左去3樓，top世界入面，位置都有少少僻，要花少少時間搵除左普通手卷外，仲有火灸系列不過，我都係叫返我至愛既三文魚手卷呢度既三文魚手卷真係超厚，食到最底都有$16一個真係超抵呀我朋友就叫左個三文魚籽拼海膽手卷，佢都話好好味又新鮮，話如果海膽份量再多少少就好但我覺得已經好多啦，哈哈

講左好耐終於試到葵廣嘅卷之屋喇！因為黎過幾次，一係就搵唔到，一係搵到就冇開，最終食左其他手卷店。但因為已經聽過無數人講過好多次話卷之屋嘅手卷又平又抵食，所以唔心息，搵次平日冇咁多人黎睇睇。佢地供應嘅手卷款式都幾多，有單拼、雙拼、火炙系列、炸物手卷，定價$10-46，另外仲有反卷、刺身、同少量小食。火炙帆立貝手卷 $25花多眼亂之下求其揀左一款，因為平日客人唔多，前後幾分鐘就做好了。（去葵廣都係平日好）佢地嘅手卷用一張紙包住，賣相呢就唔係太美觀，好在真係幾好食。帆立見都幾大粒，火炙過後幾香口，食落軟腍。飯粒黏度不高，唔會太酸，而紫菜都係脆的，不錯食。希望下次再黎試下其他款式嘅手卷

試食餐廳：　　　　　　　　　　　　　　　　　　　　卷之屋（葵芳葵富路7號葵涌廣場3樓T21-22號舖）美味指數：$29火炙芝士鰻魚反卷（8/10）－談起掃街，「葵廣」相信是大家的數一數二之選，廣場不大，但滿佈既便宜又多樣化的小食店，且店舖經常變化，過一段時間就有小食店開張，多去幾次都不會厭倦！第三款小食是火炙芝士鰻魚反卷，售賣的小食店比較隱閉，是在葵廣3樓的小巷內，小女子也是到處散步時發現的。一份鰻魚反卷有六件，店舖會在食客們下單時才放上芝士，並以火槍即時炙燒，吃時芝士微熱，鰻魚卷冰凍，冷熱交替，口感豐富，芝士與鰻魚的味道相映成趣，不會互相掩蓋。

係朋友介紹下黎既 位置比較偏僻，係葵廣3樓一個比較入既位置🙈呢間鋪頭既三文魚真係好抵 一份肥美既三文魚壽司都只係廿零蚊😍 今次試既灸燒三文魚同食開既唔同，因為係反卷黎，所以三文魚係生既而非半熟😜 芝士係你叫完先即放即燒既，所以食既時候上面D溶左既芝士仲係暖暖地，而下面D三文魚就好似平時食開既壽司一樣凍既🤠 唯一既美中不足就係D飯可能雪得比較耐，比起即整既壽司D飯會偏硬🙈 不過外賣壽司黎講算係唔錯既好食既是一間🙆🏻

軟殼蟹手卷 $22 @ 卷之屋卷之屋d手卷真係好好味😂，今次去葵廣又食佢啦，揀左軟殼蟹手卷！軟殼蟹炸得香口酥脆，重點係即叫即製，所以到你手既時候軟殼蟹仲維持到脆卜卜🖒。加埋大量沙律醬，口感好充實吖 😆！ .

今日又去葵廣開餐😋😋😋呢間卷之屋已經幫襯左好耐，由佢$13蚊一個三文魚手卷食到而家$16。就算我住九龍東一過親黎葵廣行街都一定要搵佢--因為舊三文魚實在係好好好大舊好肥美！好厚切食落好新鮮，我覺得仲厚過出面d三文魚刺身xd 紫菜好脆，飯暖暖地，真係好好味😋今次試埋佢新出嘅火炙芝士瀨尿蝦手卷，燒過嘅芝士同瀨尿蝦好夾，好好味食落去芝士溶係口味覺一流😋😋然後今日我自己一個去幫襯但叫左兩個手卷，包手卷個男職員（其實見左佢耐但唔知佢咩名😂）仲好貼心問我洗唔洗食完第一個先包第二個俾我xd舊三文魚幫襯左咁耐都無縮水抵我次次都黎幫襯佢😄👍👍