卷之屋

營業中

休息中

每一次去葵芳廣場都一定會食卷之屋嘅反卷同埋手卷。試過佢好多唔同口味嘅手卷，但係最鍾意始終都係佢嘅芝士炙燒左口魚手卷。香港可以食左口魚嘅餐廳唔算好多，同埋通常都係細細舊，所以一啲都唔夠喉。但係呢度嘅左口魚永遠都係好大舊，又好多油份，夾埋啲芝士黎食真係超級香同好食。另外推介佢嘅芝士三文魚反卷。雖然係反卷，但係入邊嘅三文魚都幾唔算細舊。如果驚食手卷會食到好”呢啡”嘅話，就可以嗌佢嘅反卷，用筷子夾黎食啦。

返工前去有時間去了葵芳行街，葵涌廣場頂層好多小食，經過呢間小小的手卷店，店內做晒廚房，所以只可在店外走廊立食，牆上圖文並茂嘅餐牌，我懶得睇就問女店員要赤貝拼帆立貝，佢話無問題就比錢，男店員即刻包，我記起自己減肥中，再補充包嘅時候唔落任何醬料，男店員有禮，包好比我時有笑容，再講無落任何調味料！我再落少少壽司豉油！赤貝拼帆立貝手卷（$42）赤貝厚肉大塊，橙紅色微凍鮮咪，帆立貝淋身微凍新鮮，紫菜卜卜脆，醋飯鬆軟，飯中間亦有帆立貝同赤貝碎，貝類新鮮唔使落調味料都好味，足料好味貝類新鮮

除左二樓既大滿足，葵廣三樓TOP世界入面既卷之屋都係我食手卷既選擇～多數我食海膽就會選擇大滿足，而火炙卷物就首選卷之屋！難得今日卷之屋有開而想食火炙三文魚，就去左卷之屋覓食！火炙芝士三文魚手卷 - $22比起大滿足唔算多人排，即叫即做，買完等唔駛5分鐘內都有得食喇，份量見到都好足料～大約有兩至三塊三文魚而且都係厚切，同飯既比例剛剛好～唔會覺得飯過多或者太少配上芝士既火炙三文魚味道鮮而不漏，入口即溶，口感一流呢

Perfect snack to have after you’ve shopped till you drop at Kwai Fong. The must orders here are the grilled cheese salmon roll and the grilled egg with cheese. They definitely don’t skimp out on the cheese, super rich, super flavorful, and the grilling enhances the taste even more. The salmon is melt in the your mouth kind, and the egg is so soft. And for the price, there really is nothing to complain about.

我睇住呢間店由葵芳好細既閣位搬到黎宜家3層Top世界入面。呢間店啲壽司既性價比真係高👍🏻👍🏻👍🏻每次黎到我都鍾意叫一件灸燒玉子燒過下口癮，落左單後師傅就會即整，當拎到舊壽司既時候，壽司仲係熱嫁👍🏻👍🏻拎壽司既枱邊仲放左啲醬汁，我就鍾意加啲芥末醬油落壽司到。講返件壽司先，玉子厚身，新鮮又夠熱，入面仲有少少飯。除左灸燒玉子燒外，呢到既反卷，細細舊，同fd一齊食岩岩好。炸蝦反卷，正👍🏻👍🏻👍🏻！最緊要呢到既壽司都係即叫即整！🤤

去葵廣好大程度會光顧嘅就係卷之屋喇，平時都冇乜機會平日黎到葵廣，我同朋友黎新都會蒸身，乘機黎打個轉。葵廣果然利害，唔聲唔聲又多左好多未食過嘅鋪頭。早餐都未食，直奔卷之屋，吸引少少澱粉質先。手卷款式有單拼、雙拼、火炙、炸物手卷，定價$10-50；另外仲有反卷、刺身、同少量小食。每次黎都係叫火炙芝士系列，佢地嘅芝士特別好食。點左一份反卷同一件玉子，好滿足火炙芝士三文魚反卷 $26反卷都有好多款式，三文魚、軟殼蟹、吉列蝦、鰻魚等，揀來揀去我都係選擇最普通嘅三文魚，一份六件，三文魚係普通貨色，偏瘦但料唔係最重要，反正都係為左面頭嘅芝士而來，哈哈。除左片裝芝士，仲加左一大坺醬，燒到好香，軟腍腍芝士厚燒玉子 $17一定會俾多兩蚊加芝士，基本上唔會食到蛋嘅味，因為同反卷一樣好多醬。中間仲有飯，食完飽飽地添。

同男朋友黎葵廣行街同食野，選擇雖然好多，但佢特別鐘情呢間，每次都一次會黎卷之屋食個三文魚手卷。不過第一次黎果陣真係用左一段時間黎搵間鋪，因為我係葵廣成日都盪失路三文魚又肥又大件又新鮮，加上飯同紫菜，簡直人間美味以16蚊黎講真心抵食.....諗起都流口水 （掛住食冇影到相）除左三文魚手卷之外，我地都冇試過其他手卷，因為葵廣選擇太多，手卷始終有飯，食一件就會減低好多既戰鬥力（胃），有機會會試下其他款。睇落件件都好吸引！！！

「卷之屋」的舊店是在葵涌廣場的1樓，後來才搬上了3樓。筆者是經友人推介才認識這家壽司小食店，卻想不到會一試愛上。「卷之屋」的櫃檯前貼滿各式各樣的手卷反卷圖片，方便食客看圖選擇。筆者每次都看得花多瞭亂，陷入了選擇困難症。最後筆者在眾多選擇中，買了這個三文魚手卷。剛完成點餐付款，手卷便已送上手中，幾乎零等侯時間。手卷本身已淋上醬油。但取餐位仍放有2瓶醬油（其中一瓶是芥末醬油），供食客自行加添。筆者曾經一試芥末醬油，芥末味很重，有強烈嗆鼻感。經此一試後已不敢再戰。17元的手卷絕不容小覷。三文魚大件又肥美，即使手卷已被吃到最底，三文魚仍然存在。筆者甚至感覺三文魚比飯量還要多，性價比非常高。米飯下了壽司醋調味，酸度剛好；而包著手卷的紫菜也非常脆身。今時今日，二十元之內便可以吃到頗有質素的手卷，值得推薦。

行街經過呢間日本野見到門口都好靚好多唔同嘅火炙嘢食我個人最鍾意食火炙嘅壽司即刻嗱嗱臨叫咗個幫火炙三文魚返卷&芝士玉子等咗大概10分鐘左右啦火炙三文魚反卷一客有六件 細細件一口 超級好食!!!個玉子亦都好好食 不過估唔到入邊原來有飯嘅可惜已經太飽 如果唔係一定再加其他嘢食真係超級recommand大家嚟食~~

如果問我葵廣有咩係必食，我一定會答你卷之屋🤤因為鋪上滿滿嘅芝士再燒真係好正😙其實好多地方都有，但我特別喜歡呢間😎🤘🏻同朋友掃街真係食咗好多嘢，有排po🤤🤣#火炙芝士三文魚反卷 ($26)😋好味指數：(8/10)一共有6舊反卷😚上面嘅芝士燒得好香，雖然三文魚反卷嘅組合好普通，但唔知點解呢到好似特別好味🤣#厚燒玉子 ($15)😋好味指數：(7/10)加芝士 $2厚厚的玉子，蛋味都ok，原來入面有飯，所以都幾飽肚😛

葵廣真係超多野食 岩曬同朋友掃街提起壽司好鐘意呢間野卷物今次叫左燒芝士三文魚反卷師傅整壽司速度超快 本身三文魚卷已經係我好鐘意既 今次仲要加埋芝士成件事好邪惡呀 燒過既芝士令味道更加出 完來同三文魚壽司既味道超夾芝士味又唔會蓋過三文魚既鮮真係令人食完一件又一件不停放入口

食完章魚燒雖然已經飽飽地，但點可以淨係食一樣嘢咁小🧐!好耐冇去過葵廣真係見到越嚟越多嘢食！好多都係未食過🤤無奈一個人唔食得多嘢😭Po咗個story問大家食咩好，係我買緊手卷嘅時候咁岩有人推介間呢鋪頭😚心諗點都唔差得去邊啦🤣呢到有好多火炙乜乜乜，價錢又公道，真係好難選擇🤤#火炙芝士三文魚手卷 ($22)😋好味指數：(8.5/10)等咗一陣就拎得😳就咁望已經流緊口水🤤雖然唔係好大舊，不過真好好味😋😋首先紫菜脆係基本啦😎掛住食到冇數到有幾多舊三文魚，好似有2,3舊，仲要好大舊😍食極都仲有咁😆上面加咗芝士輕輕燒過嚟更加正😳😳

喺葵廣都兜左好耐，都唔知食乜好，本身想食另外嗰間壽司大滿足，不過嗰間唔知做乜冇開，我見隔離有呢一間咁就試吓啦！其實係見到有人揸住個間手卷，望落好似好好味，周圍望究竟係邊間整嘅，我見到呢一間有鵝肝壽司卷，應該係佢啦掛咁！＄28.1個鵝肝手卷，厚度來講，算係幾好，不過佢個形狀偏細，所以其實都唔算特別好悶做，不過＄28來講又真係幾抵。質地軟林，外脆內軟，而且每口都有滿滿嘅有香逼出，而且即點即煎，熱辣辣㗎 ！ ，真係值得試嘅。

以前去親葵廣都會食二樓間手卷之後間鋪轉左租客 去葵廣就淨係食過大滿屋今日同朋友行下行下竟然發現原來搬左係呢度!即係叫返個三文魚反卷懷念下大學時光先二十蚊有六舊 平凡的賣相三文魚好新鮮 厚身 好味飯加埋沙律醬 對沙律控黎講一定好食拎完個反卷先見到有火灸芝士反卷貴幾蚊但賣相吸引勁多!!!!立即後悔下次要再黎食!!!

每一次去到葵涌廣場一定會直衝3樓去食呢一間嘅火灸芝士左口魚手卷啊 左口魚又肥又好味 唔駛等好耐 除咗呢樣之外其他都好好食㗎就好似三文魚反卷炸蝦反卷 佢啲帶子都好新鮮㗎 店主好有禮貌每一次去都一定會幫襯