博多拉麵-火之鳥 (已搬遷) 新店位置

西環必食拉麵價錢平民 質素不差 打卡仲送味玉/汽水.香黑豚骨湯拉麵🍜$70麵質食得出係爽口彈牙 真係有驚喜叉燒有陣燒過的香味 肉質不老味玉都有口感 唔會過生 剛剛好不過湯底少黑蒜油味 豚骨味偏重.濃厚味噌豚骨湯拉麵🍜$78哈哈 麵質有啲似韓式泡麵湯底相對濃味 個人覺得有啲咸.店內仲無限添加雪菜 薑 胡椒座位較少 有點迫 但值得一試

而家食一碗拉麵，閒閒地成百蚊，西環呢間拉麵店就貼地得多，最平$66就已經有交易，仲要無加一服務費，打卡仲送溏心蛋或汽水。雖然店鋪細細，但平日放工嚟都客似雲來，所以最好8點前到達。香黑豚骨湯拉麵 $70🥢🥢🥢🥢當然要試人氣no.1拉麵啦，黑蒜豬骨湯底又香又濃又唔油膩，麵普通硬度口感啱啱好，豚骨軟腍入味無黐牙，溏心蛋黏口醬油味又剛好，難怪成為店鋪no.1👍🏻香蕃茄雞湯拉麵 $68🥢🥢no.2嘅蕃茄拉麵睇落幾豐富，但我嫌湯底過多味精感同咸，越飲越唔吸引，幸好麵同肉都啱口味，否則我就變咗大嘥鬼自家製煎餃子 $30🥢🥢🥢店員一有空就馬上去包餃子，保證新鮮製造，餃子皮薄餡多，肉菜平均，如果餃子再煎香d燶d會更好味溏心蛋🥢🥢🥢🥢打卡送，仲以為得半隻，但原來店家慷慨送一整隻，兩隻都好醬油同溏心，好好味，大家記得唔好錯過呢個優惠喇二人共消費：$168

呢日打算去西環碼頭朝聖, 第一次係香港大學站落車~落左車就搵下野食先, 行左一陣見到呢間食拉麵好似幾吸引!餐廳唔算大, 不過我地2點鐘左右去到都算唔多食客, 唔駛等位!拉麵到~~由於係即叫即整, 而且得一個師傅, 所以都等咗一段時間我地叫左軟身既麵, 不過覺得可以再軟D!叉燒入口即溶, 正香黑豚骨湯拉麵話哂呢個都係人氣No.1, 點都要試下加上自己都幾鍾意黑蒜味!呢個湯既黑蒜味好出, 每啖麵同叉燒都沾滿左黑蒜既味道!醬油豚骨拉麵朋友叫左呢個醬油拉麵, 味道都錯!不過佢試左我個黑蒜湯之後覺得呢個醬油味被比下去不得不提!如果影張拉麵既相上FB/IG打卡, 餐廳就會送一隻蛋/可樂!即刻做!! XDD自家製煎餃子朋友好鍾意食餃子, 呢個餃子煎得好靚~側邊脆脆的Overall 不過不失的Lunch, 幾鍾意個黑蒜豚骨湯

豬肉是凍的。能想像嗎？1月23日的寒冷晚上，放在拉面湯上的豬肉是冷的，不只內在內，外表也冷，簡直讓人咋舌。冷的豬肉只有鹹味。拉面吃上去硬硬的，像沒煮熟似的....拉面的湯只有一個鹹字。我真心不懂這玩意居然價值66元（我叫的是博多豚骨湯拉面。我吃過不少其他日本餐廳，從沒吃過如此難食的拉面。

已經第二次係西環區日式拉麵，今次想去嚐試雞湯底，晚上收工時間都唔需要等位，座位比較迫，但都接受到，叫完野食即俾錢，叫左一個醬油雞湯拉麵，香蕃茄豚軟骨雞湯拉麵，一份餃子，食物質素： 醬油雞湯拉麵個湯底係醬油加雞湯，雞湯味比較淡，唔夠突出唔會太咸，叉燒唔會太肥，蛋有糖心，蕃茄豚軟骨雞湯底，蕃茄味比較重，個人比較喜歡醬油雞湯，餃子正常發揮沒有特別，配菜可以任夾，唔會太辣，總括來說， 性$價比高 ,價錢比較低少少，因為出面食都要85以上， 值得一試！！

👁‍🗨 豚骨拉麵 + 煎餃子💲70 (Lunch Set A)都已經好一排無食拉麵，想食之際又比我咁岩係條街到見到間🍜個豚骨湯望落唔會話太油，稍微稠身有膠原，食落都頗為濃味，飲完無話好口渴🤗叉燒半肥瘦，帶有陣陣既油香，但係偏細塊一啖就食完😭拉麵好似唔記得圈要咩麵質，好彩出到黎有一定既硬度，而且掛湯力亦適中，係略嫌溏心蛋唔夠溏心，蛋黃部分比較熟，不過滷得入味既🤓至於跟餐既三隻餃子就比較扁，邊位保持脆身，餡料同肉汁唔會話好多，個人覺得餃子一般般，如果唔係Set的話唔會特別點🙃🔛 整體評分（7/10）

拉面很好吃，汤味道很浓，推荐猪软骨拉面。价格有一点贵，不过对得起这个味道吧。唯一的缺点是人多的时候要好久才能做好，所以我一般人少的时候（比如开店后一小时和关店前一小时）去吃。

之前泥過大概10次，都成兩個月冇泥過，估唔到今次好可能係最後一次嚕太耐冇泥忘記係冇人落單，叫個妹妹落單，佢回應「寫紙」。我拎左張紙仔出泥，實在好耐冇寫過，搵緊個lunch set既時候，佢話「最低」。我剔好左，佢就話「俾錢」。其實阿妹妹甘既服務同工作態度，唔知有冇人會鍾意呢🙄話晒都係日本人主理既拉麵店，服務仲差過茶餐廳⋯當然，遇著d甘有質素既服務，我都會收起友善既態度同應有既禮貌講返拉麵先。隻蛋都幾凍幾流心，叉燒算冧，味道偏咸。拉麵份量適中，湯底唔會太油同濃味。食左1/3，妹妹話「找錢」，俾返d散紙我。食到一半，心諗佢俾唔俾配菜都算，食完就閃。點知宜家先俾我，依然粒聲唔出放低係枱就走😓最後上埋餃子，煎得唔錯，味道方面唔太特別。其實世界級既服務堅趕客，搞到客人心情都差左，有時覺得d極麻煩極奄尖既客人係好可惡，但係d乖孩子要貼錢買難受咪仲慘

想食日本拉麵？去宜家啦！宜家既質素都唔差架！《赤香辛豚骨湯拉麵》本人食得好重口味嘅，一見到個咁紅嘅湯底同流心蛋就口水流，叉燒肥瘦均勻，入味，豚骨湯幾鮮甜，不過啲辣味唔多唔少都蓋左啲湯本身嘅味道，鐘意原汁原味嘅朋友可以叫返齋豚骨湯拉麵。同一般既日式拉麵店一樣，都係可以選擇你喜歡既拉麵硬度。宜家店鋪比較細間，似足日本拉麵店咁，師傅係日本人，好似去左日本既感覺。價錢方面比較平民，性價比較高。 想食拉麵可以試下宜間呀！

突然想食日本拉麵，在open rice 上找到這家正評較多的拉麵店。剛剛過了午市用餐高峯時間，所以不用等位。店內的桌椅挺擠迫，袋也沒位置放，幸好之後有一六人桌埋單，侍應主動提議讓我們搬過去。由於本人嗜辣如命，所以點了赤香辛豚骨拉麵，另外將食物的相片放上Instagram或者Facebook，可獲得免費的可樂話溫泉蛋一只。值得一提的是，這家店是要付款後才會開始製作的。在等待的時候，聽到鄰桌的食客說不會有下次，有些擔心。麵來了，可能沒有太大期望，所以也不算太失望，就普普通通吧！日本人做的麵不一定是好的～

之前師傅回日本探親, 店鋪休息兩星期也不會讓他人代勞! 那便是日本人的執著！由於女兒說很快就會需要排隊, 所以我們六點幾便先去食晚餐. 店裡不大, 只有一名樓面, 點餐後,樓面用即時用電子手帳落單, 之後會即時收錢. 由於只有一位師傅, 而不同麵可能用不同麵條, 慢工出細貨是預料之內. 另外點了飯團和餃子, 也很好味. 只是餃子的柚子胡椒原來是一點點醬放在餃子汁旁, 要問了後才留意到.麵的湯底方面, 我們分別點了香黑豚骨湯, 濃厚味噌湯及酱油鷄湯, 迎合我們一家人不同的喜好. 义燒, 酱油蛋也是十分美味. 但可能樓面小妹妹們都不是太熟手或是地方比較窄又或湯碗是弄得很熱了, 所以每碗麵也用一個鋁兜放在外,方便出餐,賣相有點奇怪了. 用餐後才留意餐牌上有幾行日本文, 注明不單是豚骨湯底, 連鷄湯底, 醬油, 麵條, 义燒也有用料等保證.

數起香港的博多拉麵，大家都可能只係識金田家同一蘭。但是比起這些，火之鳥絕對唔差。濃濃的豬骨湯，再加上幼麵，半熟蛋，同肥肉適中的叉燒，百分百重現番我係福岡食過的味道。唯一的不足之處就是酸薑。同博多的拉麵店比略為辣，同唔夠甜，但這都是我個人的口味，大家可以試一試再決定😁

今日中午又唔知食咩好啦～～～同事建議食拉麵～ 又係拉麵🤣西環有很多小店，今次晚拉麵亦都係日本人開既，店內有十多個位！我地叫左Lunch Set, 有配餃子 🥟或者 三文魚飯團🍙。佢有配叉燒飯，但寫住「coming soon」 同事話佢大大話話 寫左 大半年，但依我所見 應該係店有只有 師傅和一位 侍應生，所以應該 應付唔到甘多我地今次叫左 拉麵配 餃子🥟，如果你飲品唔選擇可樂，可以改配拉麵既配料。湯底很濃佢再有酸薑 或 雪菜可以任加！又係一餐滿意既拉麵😍

西環區拉麵店不算多，西寶城、第三街、正街等幾間拉麵店都試過，始終唔啱口味。今日同事介紹我去搏多拉麵-火之鳥。地點方便，喺香港大學站B出口，過條馬口就到。我哋去到已經中午一點幾，午市時間已過，所以無需排隊就可入座。餐牌選擇不算多，一款拉麵，只是揀湯底而已。中午有套餐，$70有拉麵、小食 (餃子、飯團或迷你丼) 加罐汽水。其實套餐真係好抵，不過我怕食唔晒會浪費食物，所以只係叫豚骨湯拉麵($68)。由於係即叫即製，所以都等咗一陣先有得食。碗麵睇起上嚟比一般拉麵店嘅細，初頭以為係細碗d，但食落先知原來好夠飽！先呷一啖湯，濃厚得嚟又唔咸，好適合我個人嘅口味！後來侍應端來兩大盤配菜，一睇就知係自家制作。分別有紅薑同埋辛子高菜，仲有芝麻任落。辛子高菜辣辣地好惹味，我一路食一路refill，完全停唔到！好彩後尾侍應拎走咗！主角拉麵嘅軟硬度可自由選擇，我揀咗偏硬，貪佢上枱時仲可以索多一陣個湯底。麵上的豚肉唔係平時食開嘅叉燒，反而係有少少肥，似腩肉。肉就肥咗d，正正係咁就反而無咁鞋。不過為免太肥，我都係鐘意普通叉燒多d。我覺得呢間拉麵店樣樣都幾好，西環嚟講，我暫時最鐘意呢間！價錢質素合理！傳說中話係日本師

公司附近食嘅選擇都唔少，依間拉麵係日本師傅開架。舖頭唔算太大，師傅唔會做得太吃力。自己☑️好要咩拉麵，選擇埋麵嘅硬度，就可以交俾侍應喇。今日就食咗豬骨拉麵。拉麵一上態就見到三片叉燒，半隻蛋，仲有大最蔥花。侍應亦都即刻奉上味菜，有酸薑，辣鹹菜同芝麻，食客可以按個人喜好加不同嘅味菜，我個人就鐘意辣鹹菜😋拉麵湯底香濃，叉燒肥瘦適中，流心蛋夠晒入味同流心，所有都不錯呀😋👍🏻唔好睇佢碗細細，食完都幾飽架。