南대門

營業中

休息中

又去左尖沙咀新韓國街覓食，試下佢哋推出嘅全新優惠必點BBQ晚市套餐！套餐有兩款肉可供選擇，分別係豬肉同牛肉。我最後選擇咗牛肉set，價錢係$388，包括一份牛肉同兩份主食。一進去，餐廳就送咗好多小碟前菜，每碟都好入味，真係令人食到停唔到！如果唔夠仲可以再添，真係好貼心！而且，食BBQ嘅時候，仲會送生菜，方便包住肉食，非常正！餐廳環境好大～唔會好迫好嘈果種～另外餐廳采用無煙爐，食完唔會成身BBQ味！我最怕食完一浸味！牛肉set入面有BBQ板腱肉，肉質鮮嫩份量夠曬2個人食，呢款肉因為無咩肥肉，口感十足～另外有石鍋拌飯，飯粒粒分明，配上各種配料，去埋餐廳醬汁拌一拌就好有味道。再加上辣海鮮豆腐湯，湯底鮮美，豆腐滑溜，海鮮味十足～其實兩個人食呢個餐都已經夠晒飽，不過朋友話想試多樣嘢。所以再單點咗一份紫菜包飯，咬落去好有口感，今晚真係食到好滿足！整體來講，喺尖沙咀呢個地段食晚餐，環境高質又舒服，仲可以同朋友開心傾偈，最重要係$500就可以埋單，真心覺得好抵！性價比唔錯，大家如果有機會，真係值得一試！

今次去試吓南大門嘅 BBQ 晚市套餐，好似幾抵食，於是就忍唔住想試下！餐廳幾有韓式風味，燈光柔和，仲有細緻嘅裝潢👍🏻板腱肉，肉質鮮嫩，味道好好🔥 配埋啲特製醬汁更好美😋韓式牛肋骨湯，湯底濃郁，牛肋骨煮得軟淋，入口即化，好暖胃🥣😊石鍋拌飯，鍋底微焦，米飯粒粒分明，配上新鮮嘅蔬菜同埋蛋，拌埋一齊食，口感層次豐富🍚紫菜包飯，味道清新，食完之後好滿足🥒🩷南大門嘅 BBQ 晚市套餐值得一試👍🏻😊

✨南대門(尖沙咀)尖沙咀呢到附近好多韓國餐廳 上網睇見呢間唔錯同屋企人黎試吓先🥰一坐底就上左共5款前菜，有泡菜、青瓜、茄子等個人覺得個茄子好好食😆本身好中意食茄子 夠曬入味～我地晚市黎有BBQ套餐 可以簡豬/牛肉，配1/2款主食。✨板腱肉配上生菜可以包肉食👍🏻✨石鍋拌飯好豐富有芽菜、紅蘿蔔、白蘿蔔、菠菜、牛肉等 可以按自己口味加韓式辣醬 將全部材料撈均 熱辣辣幾好食～✨韓式牛肋骨湯牛肋骨肉質軟淋 基本上已去骨 湯🥣清清地唔會好咸 配埋飯一齊食好夾😛好好食！

今日嚟左尖沙咀食韓式燒肉 環境乾淨 服務態度非常好韓燒牛拼盤牛肉的質感嫩滑，散發出誘人的香氣。搭配新鮮的蔬菜和韓式醬料，讓每一口都充滿層次感，令人回味無窮。燒烤的火候掌握得宜，外焦內嫩，完美展現了韓國燒肉的精髓。泡菜湯泡菜湯的味道濃郁，湯頭酸辣適中，。泡菜的鮮香與豬肉或豆腐的搭配，增加了湯品的口感和風味。韓式辣炸雞韓式辣炸雞外皮酥脆，內裡鮮嫩多汁，搭配特製的辣醬，帶來了微辣的香氣，讓人欲罷不能。炸雞的調味恰到好處，不會過於油膩。南대門 (尖沙咀)尖沙咀金巴利道75號東南大樓地舖

今日晚飯同朋友嚟到尖沙咀食韓國菜。餐廳位於金巴利道，非常容易搵。餐廳主打韓燒同各款韓式主食，店員們都係韓國人，感覺非常正宗。配菜食得韓國菜一定有唔少配料，餐廳提供咗泡菜、生菜、芽菜等配料，食晒可以再添。套餐 $288今日嗌咗個晚市套餐，好抵食。套餐有烤肉、主食同飲品。烤肉方面，我哋揀咗醬烤豬肉。店員提醒我哋要將肉放落去翻炒，咁樣就冇咁易燶。豬肉有先醃過，食落有啲BBQ味，甜甜地。豬肉質地滑身，烤完之後好Juicy。主食方面，我叫咗石鍋燉牛肉。石鍋非常熱，可以將湯品保溫。牛肉湯清清地，裏面除咗有牛肉片之外，仲有洋蔥，仲飲得出用咗麻油作調味，飲落好香。每個湯都會配一個飯，米飯晶瑩剔透。套餐仲包咗兩支飲品，我哋揀咗可樂同忌廉。除咗汽水之外，仲有唔少果汁可以選擇。蜜糖牛油蒜蓉炸雞 $130除咗套餐之外，我同朋友仲叫咗半份炸雞，有六隻炸雞配上炸兩薯條。蜜糖牛油蒜蓉味甜得來帶點惹味，醬汁甜甜鹹鹹，同炸雞配搭一流。炸雞新鮮炸起，外皮好脆，薄薄一層。而內裏雞肉仲係好嫩滑，好多汁。薯條亦都係熱辣辣，外脆內軟，配有茄汁。

南大門喺金巴利道有好幾個舖位，呢條街人流都幾旺，今日星期五晚間間都坐滿左9成枱。店舖都係韓國人打理架。韓燒嘅套餐好抵食，可揀一份豬/牛，然後有兩個主食，再有兩杯野飲，一共$388再加一。首先有5款韓式前菜，非常開胃。牛有9款選擇，我地嗌左板腱肉，係牛紋超靚嘅牛，肉質嫩紅，食落自身牛味濃，唔洗點醬都好食。生菜係送嘅可以包住啲牛食。主食揀兩款，我地揀左水冷麵同石鍋拌飯。兩碗嘅份量好多！水冷麵個湯底好清涼超好食！麵條有咬口！石鍋拌飯好豐富，有豬肉，芽菜，泡菜，蘿蔔等等。飲包都包埋，呢個梨味果汁好飲！

尖沙咀韓國街佔左三間都係依間黎，人氣十足！叫左個$388套餐包一款牛肉，兩款主食同埋飲品一開始上左去唔同嘅韓式配菜，都幾多款式，醃茄子同薯仔都有！烤肉方面，今次選擇咗板腱肉，厚度適中，燒起上嚟都容易掌握，食落肉質唔會太鞋太乾，可以配埋生菜或者唔同嘅醬汁一齊食主食叫咗水冷麵，好適合配燒烤一齊食，入口涼涼地，味道酸酸地好解油膩，麵質仲好煙韌另外仲叫咗韓式拌飯，材料勁豐富有紅蘿蔔、芽菜、白蘿蔔、雞蛋、紫菜等等，再加埋韓式醬撈埋一齊食鹹鹹地，夠哂味！仲加多咗一份紫菜包飯，麻油味好香，好傳統嘅飯卷！依間抽氣做得唔錯，完完全全唔使擔心食完好大陣韓燒味！

有豬有牛晚市2人烤肉套餐不用$400$388 牛肉BBQ選一款肉+2款主食+2款飲品牛肉包括：牛小排、牛舌、板腱肉、肩胛肉、ribeye、韓式烤牛肉等$368豬肉BBQ 選一款肉+2款主食+2款飲品豬肉包括：薄切五花腩、五花肉、辣醬烤豬肉、烤豬皮、烤豬小腸、豬頸肉、上肩肉、護心肉等主食都好多選擇：湯鍋飯、石鍋拌飯、水冷麵、紫菜包飯、泡菜炒飯等我選了傳統辣醬醃五花肉和護心肉（加豬肉+$140）五花肉好惹味，油脂分布平均！不用刻意調味都很好吃加埋生菜食都唔會膩護心肉比較少見，唔係度度都有口感比較實在，啖啖肉！主食揀了：1️⃣辣海鮮豆腐湯口味很正宗，充滿海鮮鮮味裡面的食材也很多很新鮮冬天喝超適合2️⃣石鍋拌飯內有多種種類蔬菜和牛肉加上蛋黃和辣醬搞拌來吃熱辣辣！香噴噴！套餐2個人食好足夠！仲有提供多款免費韓式小菜，CP值好高！

好多人出街食飯，好多時都係相機食先，啲嘢凍曬都仲未開始食，呢種人真係......好正常，因為我都係。不過其實我都有一啲方法，可以做到又影相，又保持到溫度。好簡單，就係食韓國嘢。喺呢度叫咗個套餐，一個燒烤兩個主食，想影幾耐就影幾耐。🍖烤肉叫咗封門柳，肉嘅顏色好靚，非常紅潤，而且又好有肉味，肉嘅紋理非常清晰，而且所有傳統嘅韓式小菜，同埋跟餐嘅生菜，都為呢個肉，每一塊都帶出唔同嘅味道，爽脆，微辣，肉香，刺激，加咗唔同配料，就有唔同口味。🍖水冷麵，個麵底用大大塊嘅冰同湯底凍住，令到佢唔會痴埋，又保持彈性，上面有雞蛋，蘿蔔絲，最緊要系最頂層嘅雪梨，成件事非常清新。而跟埋一齊上嘅芥辣，同埋白醋，更加有畫龍點睛作用。 令我哋自己可以調出最鍾意嘅味道。🍖大醬湯，用個熱鍋上，裡面嘅湯超滾先至上枱，入面辣辣地，又有洋蔥絲，蜆肉，豆腐，蔬菜，菇類。大家最緊要係直接將個飯倒入去同個湯一齊食，嗰種湯飯嘅感覺，似遠還近。有啲似我哋自己local嘅湯飯，但係又好有韓式家常菜嘅溫暖感覺。仲有，我哋特別自己做咗個炸彈酒，成件事就好似置身韓國嘅街頭小食店一樣。講翻影相，水冷麵大大嚿冰keep住凍，大醬湯超級滾上枱，有排都

成日行過尖沙咀都見到南大門嘅招牌，今次終於去咗其中一間分店食飯！呢間南大門5號有燒肉，同時都有韓式餐點；一開始會送上幾碟韓式前菜😝包括泡菜、醃茄子等。💫 BBQ晚市套餐 BBQ晚市套餐包括燒肉、主食同埋飲品；分成兩個價錢，$318 包牛肉x1、主食x1同飲品x2 / $388 包牛肉x1、主食x2同飲品x2～🫶🏻牛肉分有多個部位，今次揀左板腱肉（160g)，肉質細緻多汁🤤160g份量都唔少，另外配有生菜🥬 主食選擇多，由各種嘅鍋物至石鍋拌飯、冷麵仲有紫菜包飯等全部都可以揀！😝今次揀咗韓式牛肋骨湯同埋拌辣冷麵。一人份既牛肋骨味道比較清，裏面有好多舊牛肋肉，仲有蛋絲同粉絲等配料。 拌辣冷麵份量亦多，加有雞蛋、梨片、蕃茄片同青瓜條，口感冰爽；亦可以加醋同芥末同食⭐️ 另外點左紫菜包飯（$65），裏面有雞蛋、腸仔、醃蘿蔔等，內涵豐富

是次進餐的韓燒店在金巴利道有多間分店，每間主打的食物都有點分別，這次跟友人選擇的分店設有BBQ晚市套餐，價錢抵食有大份味道正宗質素仲要有水準👍🏻。 一進店裝修已比人好有韓劇韓國燒肉店的感覺，尤其是抽油煙的煙囪和可以打開蓋放袋的櫈相當經典。以下是跟友人點算的食物：這間韓國餐廳跟大部分韓國餐廳一菜都設有前菜，這店的前菜都好多樣化共有五碟，以蔬菜為主味道由濃味至淡味都有。份量仲好充足。🥩醬醃上肩肉一碟兩大片的上肩肉再配上少量菇菌蔬菜，豬的味道好濃郁完全冇豬羶味，肉質厚實肉汁唔算多，豚肉沾上辣醬後味道相當惹味香口包住生菜一齊食的話味道仲好清新亦有解膩的作用。🦐辣海鮮豆腐湯天氣涼涼地飲幾啖辣辣地的海鮮湯令人霎時間令整個人暖笠笠。味道偏辣食落好開胃配白飯一齊食味道相當夾，仲可以減輕辣度。海鮮湯睇落去雖然細細碗但材料相當足，有蝦有蜆又有豆腐仲有蛋和少量翠玉瓜粒。🧊水冷麵食完一輪油膩的燒肉後一於叫番碗冷麵中和下解油膩感之餘又可以令個肚皮冇甘漲。 冷麵味道可自行調配加醋，其味道酸酸的又夠凍是經典的韓國菜色之一。🍥紫菜包飯食韓國餐點少得點選紫菜包飯😏這餐廳的紫菜包飯份量都幾足，味道較甜仲好香麻油味。

韓國街的南大門燒烤已開到五號店，以實力留住客人餐廳由韓國人主理，於門口已經受到老闆熱情招待店內設有多個卡位，私隱度高，而且坐得舒適韓式木系設計，簡約乾淨！主打多款傳統韓國料理及韓燒烤肉點菜後店家分別給了五款前菜及生菜籃慢慢等主菜LA排骨牛肉柔軟卻又不失彈性，搭配甘甜的醬油調味水冷麵伴有青瓜及雞蛋，酸酸甜甜，清新開胃又解膩韓式牛肋骨湯熱辣辣，濃郁湯底，肉質軟嫩，湯汁醇厚紫菜包飯餡料配搭得宜，紫菜新鮮，口感豐富

食韓國野真係會令人上癮，上次食完韓牛，忍唔住想再食，不過今次就揀食豬。係尖沙咀「韓國街」見呢間餐廳的BBQ晚市套餐都幾抵，$368就可以選一款豬肉(另有牛肉套餐)、主菜x2及飲品x2，決定入去嘗嘗。同樣地甫入座就奉上5款韓式前菜小食，酸酸辣辣的泡菜絕對係我至愛，辣生菜及椰菜花都幾好味。燒烤的肉食我們選了醬醃上肩肉，兩大塊，肉質結實，吃起來不油膩，烤至微焦後，外皮香脆，內裡依然保有肉汁，用生菜、泡菜及辣醬包埋一齊食超滿足。兩款主食則叫了辣海鮮豆腐湯及石鍋拌飯，海鮮湯有有蝦、蜆做配料都幾有鮮味，有大量滑嫩豆腐，辣度適中，湯底濃郁；石鍋拌飯色彩繽紛配菜好多，紫菜、雞蛋、牛肉、芽菜及紅蘿蔔絲等，拌勻一齊食，滋味有層次，最下面仲有少量飯焦，夠香口。套餐飲品則可選汽水或韓式罐裝飲品，梨汁清爽可口，提子汁微甜芳香。另外單點的蜜糖牛油蒜蓉炸雞$130真心好食，雞件炸到外皮超級脆，好乾身所以可沾滿蜜糖牛油粉，雞肉肉質嫩滑入口有蒜蓉香，仲有大量粗切大條薯條作配菜。

呢間餐廳叫做南大門5號，因為其實都好多分店，代表一定好食啦！今日就同朋友一齊來到尖沙咀食dinner。呢到除左好食，其實都超級高cp值！係呢邊必點就係個BBQ晚市套餐，有豬or牛選擇，價錢差$20-30到，主要分別就係要1個定兩個主菜，另外包兩個飲品。我地呢次要左牛肉set ，$388 包烤牛肉，兩個主菜同兩杯飲品。烤牛肉我哋要咗我最鍾意嘅LA galbi，而主菜就要咗韓式牛肋骨湯同埋石鍋拌飯。烤牛肉個肉質厚度剛剛好，絕對唔會鞋，口感一流，自己烤可以控制自己想要嘅熟度，同埋佢本身都醃製好，所以味道都好好食。加埋任添加嘅拌菜，真係好有地嘅感覺。最重要就係呢度烤爐嘅抽煙做得好好，食完之後唔會覺得成身好臭。呢度嘅拌菜竟然有茄子，係我好鍾意，但係喺香港亦都比較少見嘅一種。而且呢度嘅泡菜都係比較酸，超好味。石鍋拌飯超大份！真係食到有飯焦，加埋麻油味好香，因為朋友叫咗辛辣餃子麵，我將啲辣汁跟埋個石鍋拌飯食真係勁開胃。

講起燒肉，個人最鍾意食韓式燒肉，大部份都醃得夠入味，再簡單加幾個小品料理同店家嘅泡菜，就已經好豐富！餐廳喺韓國街嗰頭，主要以卡位同韓式大排檔嘅圓枱為主，環境幾闊落，🌟今次衝住佢嘅晚市BBQ套餐，牛肉同雞肉都有，$278起就可以食到，超抵食！——————————🥓◖牛肉晚市BBQ ◗ $318呢個牛肉晚市BBQ套餐包咗一款牛肉、一款主食同兩杯飲品，牛肉部位選擇唔少而且幾高質，而且份量都唔少，性價比極高！/醬醃板腱肉🐂板腱肉帶適量脂肪，而且係醬醃，燒完乜都唔使點已經好香好甜，牛肉味極濃！/水冷麵🍜麵質爽身有少少韌勁，酸酸地凍凍地好開胃，加少少黃芥末，少少嗆鼻食落更爽！/梨汁🍐/Zero🥤🍗◖蜜糖牛油蒜蓉炸雞◗ $130半份嘅份量有六大件，配上粗切大條薯條。炸雞幾乾身夠脆口，但可能係乾身嘅緣故，灑上蜜糖牛油粉，略嫌食落個味唔夠出；薯條就不過不失，未算太香脆～🌟Encore指數：8.8/10