南대門

營業中

休息中

今日早放工嚟到韓國街想食韓國嘢，應承咗朋友要喺對面有間打卡甜品食飯後甜品，所以六點就已經殺咗入嚟呢間韓國餐廳。睇完個餐牌有$300起頭嘅套餐，可以嗌一個韓肉既滿足韓燒嘅願望，又可以揀一款韓國主食，總之乜都有齊晒！泡茄子食落去好入味，幾特別，大家記得試！Order A7板腱肉，牛嘅肥瘦均勻，上枱光鮮亮麗，咬左一啖好juicy非常新鮮。兩個女仔食少少滿足吓份量啱啱好！另外分別叫咗雪濃湯同海鮮大醬湯，兩款雖然好似細細碗，但入邊真係好足料，係啱啱好一人嘅飽肚份量，雪龍湯入邊嘅肉都唔少下，而海鮮大醬湯入邊嘅豆腐好嫩滑，有一隻蝦另外都有成五六隻蜆肉，如果大家想加白飯就要加$8。最後又一啲口痕，嗌多咗個60幾蚊嘅壽司包飯，入面係韓式腸仔、以及足料嘅配料，一啖咬落去好多層次，個人推薦！如果今日唔係太肚餓，呢度以上$400頭左右食三個人都冇問題。晚上七點打後就開始人多，大家如果去食盡量早啲入座。