南대門

營業中

休息中

芝士豬肋骨 $350雪濃湯 $110護心肉 (燒) $160淨係尖沙咀都有幾間分店嘅地道韓國嘢，由韓國家庭主理，嘢食夠晒韓國風情！今次料理類同韓燒都有試，發現料理類真心幾高質。芝士豬肋骨係韓國在地好熱門嘅打卡美食，等芝士新鮮熱成漿後，就可以自己攞啲豬肋骨同芝士打圈，得咗！佢地嘅豬肋骨本身調味得啱啱好，而肉質又唔會硬，所以成個味道層次都一流，打卡又型，值得一試！雪濃湯係最經典嘅韓式湯品之一，呢度嘅出品係我喺香港食過最滿意嘅，沒有之一！牛肉份量極多，食極都有，而湯香甜，係少少偏咸，但一撈飯食就剛剛好，十分滿意到咗燒護心肉，其實呢間餐廳嘅韓燒食材都好靚料，只係對比料理類我覺得稍為偏貴，但都係好好食。護心肉係豬嘅珍貴部分，每頭豬只能產出手掌大細護心肉，唔會油，柔軟而且多筋道，口感強勁！

終於可以出街食飯，第一時間梗係去食韓國燒烤，係尖沙咀婚紗街嘅「南大門」專食韓國傳統料理，鍾意佢哋出品夠新鮮，海鮮牛肉燒烤一流！價錢都算親民。今次人小小，兩個人試咗：特級牛肋骨（冇醃）$270鍾意冇醃嘅牛肉，肉質會實少少拌生牛肉 $280生牛肉一定要揀有信譽嘅餐廳，配上韓國水晶梨，大愛！Lunch set:海鮮辣豆腐湯 $75新鮮海鮮，嫩滑豆腐，小辣湯底，跟飯。水冷麵 $75極力推介！水冷麵唔係度度都有，佢哋就做得唔錯，個湯酸酸地好醒胃！

👅牛肉拼盤set A ($530)呢個餐幾抵食! 有勁大塊牛肉眼、牛肋骨肉、肩胛肉同板腱肉🥩仲包左一鍋大醬湯添!牛肉拼盤一上枱，見到咁有份量都覺得好滿足😎望落色澤新鮮! 肩胛肉既肉味最濃郁，板腱肉肉質鬆軟🤩牛肋骨肉好厚肉要燒耐啲，食起黎好有肉汁👍🏻最後食埋塊肉眼，兩面燒好再剪開一塊塊方便食😆肉眼有唔少肥膏位，但燒完食又無想像中咁油淋淋，幾有油香😋包生菜一齊食可以去膩感!。👅半半炸雞 ($190)有原味同甜辣醬味，炸雞既炸皮食起黎唔會覺得好熱氣🤓有香脆口感，但有啲部位會比較嚡口😶甜辣醬幾惹味! 炸韓式餃子就唔錯~

最近不停發挖韓國餐廳，今次比我搵到呢間南大門我發現佢呢度有好正宗嘅韓國芝士排骨！必試！雖然要三百幾蚊，唔算平，但真係好大盆，同韓國占娒士好似，真係用明火燒熱佢，然後自己即刻捲黎食！芝士裡面仲有好多小配料，有香腸片+辣椒+青辣椒，真係色香味俱全呀！排骨好厚肉，骨唔算好粗，都好多肉食到。醃料好香辣好甜，好惹味，好JUICY真係好好食！大約份量有7-8件，夠哂幾個人SHARE驚唔夠飽佢仲夾雜左好多韓式年糕係裡面！索哂D汁加埋芝士仲正！認真大堆頭！你睇下佢！D芝士拉哂絲咁！D芝士仲要係有料唔係得芝士！同區有另一間芝士排骨係用明火火槍燒溶佢就算，完全唔合格，呢個先正宗同好食呀！好好玩呀拉絲~~不過開一陣火就要熄火，唔係好快就乾同燶底，但幾好玩可以拉到勁長，韌性十足！其實呢盤排骨真心2個人食完都飽，唔駛再叫其他野，我低估左佢。另外仲點左個牛肉鍋原來都好大盆，不過牛肉份量只係一般，2百幾蚊，還可以。味道偏甜同埋有好多大蔥辛辣味，好好食！仲有好多胡椒粒，好香！有小配菜幾碟，都幾好食最後叫左個lunch set嘅水冷麵，唔馬虎！有一支檸檬汁+黃芥末比你唧落去，好好食！不過好飽肚！但我覺得掉埋兜泡菜落去撈

星期日過左lunch hour 去食， 入到去， 無人招呼， 工作人員係門口睇風景，要自己叫佢地俾水。 叫左個人參雞湯$180， 難食， 個湯好似熱水加人參味。 上菜等好耐，食晒3個配菜想再加， 韓國女人唔係好有禮貌話no no no, 我地呆左 佢先話只可以加一個。 辣牛肉湯 $110 真係好一般泡菜炒豬肉 $200幾 好多油 唔好食。 成個就餐體驗不是很好， 2個人叫左3樣野 要加1 買單$550. 貴又唔好食。 裝修服務都不是出色。 不是很推薦。

平安夜book左枱6個人食飯，叫左一個拼盤，炸雞，冷麵。開頭都無乜野，之後加單叫多份豬肋骨，同埋五花肉。有一個服務生無啦啦執野，我地話仲有野未嚟，佢check 左發現漏單， 跟住就問仲落唔落， 等30分鐘。我地仲好肚餓，緊係等啦。 佢話30分鐘，一個鐘都等？我地都答係，呢度已經feel 到有d野。結果十幾分就到， 我地本身有兩個爐，佢熄曬之後問我地用幾多爐燒， 佢都咁樣， 我地咪話用一個爐就得，自己燒唔煩佢。講緊食左一個鐘都無，之後嚟料，開始執d仲有野係上面既碟，都算，去到最後係我地仲有燒肉燒緊既時候熄火，真係痴線。最後好無癮，快快趣食完就走。ps. 由頭到尾都無換爐蓋

已經經過無數次呢間係金巴利道嘅韓國料理 - 南_門(中間嗰個係韓文字，同屋企人會叫佢做南乜門😹)成日都有個韓國叔叔好熱情咁喺門口招客ᕕ( ᐛ )ᕗ今次終於比佢嘅誠意打動左，試吓先！finally got a chance to try this Korean restaurant at Kimberly road 👍 there’s always a very kind and passionate man promoting at the front of the restaurant 😆 本身諗住試吓韓國叔叔嗰間店但係滿晒，然後佢話行過少少嘅燒肉店都係佢哋一樣嘅，都有料理食，之後睇返先發現原來佢哋喺金巴利道有成五間分店🙀整體食物質素唔錯，有少少貴，間唔中𝗰𝗿𝗮𝘃𝗲下韓國野的話，都係一個唔錯嘅選擇🥳ღ 韓式豬手 $𝟮𝟵𝟬𝗞𝗼𝗿𝗲𝗮𝗻 𝗦𝘁𝘆𝗹𝗲 𝗣𝗼𝗿𝗸 𝗛𝗮𝗺就係睇中呢個豬手先食呢間餐廳！！果然無令我哋失望😎豬手肉質軟嫩Ｑ彈，唔會太油膩～再沾啲豆醬， 包入生菜，口感清新得黎又豐富👍🏻╰┈➤ 𝘁𝗮𝘀𝘁𝗲: 𝟳.𝟴/𝟭𝟬 𝗿𝗲𝗰𝗼𝗺𝗺𝗲𝗻𝗱: 𝟴/𝟭𝟬ღ 海鮮煎蔥餅 $𝟭𝟮𝟴𝗣𝗮𝗻-𝗳

門口有位韓國大叔叫我地入去，唔係食燒肉個邊，食物都上得快既，但全部好普通，加上價錢感覺好唔抵 : (個水冷麵($88)真係好離譜，得一片牛?  ... 真係理解不能，勁乾柴，我同朋友咬左一下之後掉L埋！ 個飯卷($56)， 普通到痴線... ... 入面啲料係蛋同青瓜紅蘿白，少少肉都無-_- 無麻油香， 唔覺得韓式左係邊度... ...仲要咁岩同日與友人在K11見到都係賣緊$60 -_-  依間店性價比奇低。求其做，不如唔好做啦，食到嬲嬲地。好伏，唔會再去。多謝

上星期五晚黎到呢間餐廳食個晚飯，懷念一下韓國嘅味道，星期五晚嘅尖沙咀特別多人，我地好彩即刻有位，食左無耐外面已經有唔少人等緊了！我地2個人叫左3樣野首先講下個大醬湯，料都算多，但蜆肉殼大肉細，鮮甜但一瞬即逝，豆腐份量好多，可以輕微中和到少少辣。值得一睇，隨湯會送個飯，大家叫餸時要留意下了。第2樣野係牛肩胛肉，份量唔少約有十塊，肉質唔算好嫩，牛味唔突出，食落滿足感唔大。第3樣野係芝士豬肋骨，豬肋骨味濃，肉質都算嫩，可惜嘅係搶左芝士嘅味，即係芝士味唔夠出，係我心目中，芝士先係呢道菜嘅主角。價錢方面大意左，唔記得影低，應該大約500左右，尚算合理。服務方面，店內樓面人手似乎不足，食客有需要時要比多d耐性。 店內衞生唔錯，但可以裝個人物品嘅凳入面比較污糟，我地唔敢放入去。坐位方面，卡位比較舒服，但我地不肯坐唔度就要坐得辛苦少少la。

尖沙咀韓國街真係有好多韓國餐廳選擇，今日特別想食韓燒，就入咗一間望落比較平少少嘅餐廳，本身都驚會中伏，但係竟然比想像中好！呢間餐廳都係有韓國人打理，入到去多數客人都係韓國人，感覺上都係正宗同信心嘅保證，我哋兩個人嗌左一碟護心肉同一碟牛舌，另外再嗌左一碗雪濃湯。阿珠媽非常好客，啲嘢食一上枱嘅時候就係咁幫我哋燒，搞到我哋都有啲不知所措，差啲10分鐘內就燒晒兩碟肉，好彩我哋叫停咗佢，同佢講我哋會自己燒😂 燒肉味道都正常，我自己就個人比較鍾意包菜食，加埋嘅泡菜同白飯，一啖放晒落口，非常有層次同唔同口味😋另外雪濃湯味道非常濃郁，撈飯食或者就咁飲都好正，冬天呢啲天氣飲碗湯，成個身都暖晒！整體價錢可以接受，餐廳環境都好有韓國氣氛，真係好似置身左係韓國嘅燒肉餐廳咁，當自己去咗韓國😂

黎韓國街諗住d餐廳都有水準咁經過見到門口個老闆係咁拉客，見menu d相唔錯，諗住佢試下，點知中伏。。。我地叫左牛肉set$450，黎既份量好多，色澤唔錯，點知一開始店員（應該係尼泊爾人）完全係唔識燒既，亂咁黎，睇見都嬲，跟住我自己燒返，燒完試左個牛小排，完全無肉味，跟住燒其他款式d肉都係無牛味既。。。啤酒$30

同屋企人星期日晏就出門食飯，揀左間韓國小店一黎有4小菜 分別係：💡芽菜 麻油味好香 💡韓式魚餅 好香口 但覺得有少少甜💡南瓜 由於我唔食 問媽媽，媽媽話無乜味💡泡菜 應該自家醃製 不過不失茶🍵係粟米鬚茶🌽解油膩一流-🍕泡菜豬肉煎餅： 現埋豉油以為係甜 點知極鹹 點少少好好香個邊煎好好脆🥴-🍚石頭鍋飯 ：個飯唔夠乾無乜飯焦 🥱有牛蒡白蘿蔔等等 麻油味好重好香 稱佢為養身飯😂幾清淡幾好食-🍲泡菜豆腐湯 ：好惹味都幾重海鮮味 少辣會流汗估唔到有海鮮！又有蜆又有蝦 豆腐好滑🤤-Lunch加埋都係200幾無加一超抵食

週末經過韓國街勾起想食韓國菜鋪癮，諗緊食邊間的時候，一個韓國大叔係舖口到係咁sell我地，於是就決定試下。因為疫情關係，果日都唔多人，坐得都幾闊落。見入面的待應多數都係韓國人。前菜正常發揮。我地叫左$350個韓燒豬肉套餐，有一set豬肉：五花腩、護心肉、豬頸肉......同埋一碗湯：泡菜湯/大醬湯，我地揀咗大醬湯。總括黎講我覺得都算正常水準，五花腩燒到脆脆地迫晒啲油出嚟都幾正，其他就都係正常水準。

辣海鮮豆腐飯尖沙咀好多韓國餐廳，見到呢間午市免加一，入去食。點左辣海鮮豆腐飯，附送三小碟韓式前菜，辛辣又幾好食，海鮮豆腐飯有蝦，魷魚，蜆，豆腐，大蔥，豆腐都幾滑，配料都算多款，60蚊食得飽。本人喜歡大蔥，如果多d就好。

因為平時常常吃韓國菜，所以一開始沒拍照。但是吃完後心裡又不舒服，所以還是發文說說。晚餐，星期五，晚上7點左右入坐，不用等位。2個人點了一個大醬湯、一份醬醃特級牛肋骨。先說牛肋骨吧，味道不夠，厚度也太薄，失去了口感，用來包住牛肉的青菜也太濕，在不夠味道之下，加上這個太多水份的青菜，味道更淡。蒜片和青辣椒都是jumbo size，可以一分二來吃。大醬湯，每一口都是濃濃的蒜味，那些面醬味全都沒有了，感覺自己在喝蒜子湯。服務也是怪怪的，幫我處理了一條牛肋骨之後，突然走開了，要我接手，到底是幫我還是害我？我不繼續的話肯定會烤焦。