南대門

營業中

休息中

金巴利道最多韓國嘢食, 尼一間除咗燒肉同部隊鍋仲有火鍋! 🇰🇷親切嘅老闆娘同店員都會好照顧每位客人👵🏻 見到你飲晒啲茶會盡快幫你斟🍵火鍋湯煲到咁上下都會幫你加湯! 一入門口就見到餐廳有一張張韓式圓形嘅爐桌, 牆上掛咗唔少韓國藝人嘅海報, 環境寬敞又營造出可以放鬆嘅氣氛😚————————————————食物:❆ 牛肉鍋 (大) $350Grilled beef hotpot 極大盤火鍋好足料! 店員擺上枱之後會繼續俾佢滾, 保證食落口每一啖都熱辣辣🔥 除咗牛肉仲有金菇、翠玉瓜、豆腐、蘿蔔…多種配料🤍 夠晒豐富同多種類, 性價比幾高❆ 半半炸雞🍗 $190Half and half crispy chicken 一半原味一半甜辣醬炸雞, 好滿足嘅份量! 炸雞外皮好香脆, 完全唔腍! 甜辣醬食落好開胃🤤 除咗炸雞仲有韓式炸餃子🥟 食完一定夠飽肚❆ 海鮮豆腐煲 $90Spicy soft tofu w/ seafood soup 經典菜式冬天食無得彈woohoo! 💥湯底夠濃, 仲有豆腐、蝦、蜆、泡菜、翠玉瓜, 好足料! 配埋一碗白飯啱啱好————————————————整體:✦ 價格:

尖沙咀🇰🇷韓國街嘅地道韓國烤肉店，烤肉外都有好多🍲湯鍋之類，🥰熱辣辣好o岩冬天食！呢度嘅店員仲會主動幫手燒肉同剪肉，😆好好服務！🦐🐙🦑海鮮煎餅🍕海鮮煎餅好大碟，煎得夠曬熟又香脆可口，伴🍻酒食好岩！🐷豬肉拼盤拼盤有🐽五花肉、🐖豬頸肉、🥓薄切五花腩肉，最特別係有比較稀有嘅🧡護心肉。護心肉油份較少同較彈牙，五花肉稍為燒一燒已經🟡金黃香脆！🤤豬頸肉有咬口，薄切五花腩都🤤肉汁豐富肥美！呢個拼盤仲配泡菜湯或大醬湯，$450一盤算係幾抵食👍！🍗半半炸雞 原味&🍯🌶️甜辣醬呢個🍗半半炸雞份量好多，🐤雞又大件，雞肉都好嫩滑Juicy，兩款都幾入味！

第一次食南大門🚪傻仔左 原來南大門有兩間分店 個friend約我呢間 但我去錯左第二間😹比個friend笑我薯仔左🫢揭揭下Menu發現原來有薯仔排骨湯食！！心心念 除咗喺韓國好耐冇食過🇰🇷但係又好想食燒肉 所以我哋好貪心咁樣兩樣都叫咗🤓但係爐就得一個 所以係要食完燒肉先有得食薯仔排骨湯🤤🐷五花肉$160🐷護心肉 $ 180 先燒五花肉 五花肉嘅油脂會必晒出嚟💦再用油脂 同時燒護心肉 更香更脆🤤🥔薯仔排骨湯火鍋 $ 350 上次喺聖水洞食完之後就冇再食過！超級大煲 肉嫩多汁 慢慢咬啲肉 再用匙羹無限不湯飲真係食到捧腹🤰🏻🧊水泠面$ 90 水裏面係最好嘅朋友食燒肉嘅時候可以夾住解膩🍶柚子燒酒 $ 80飲完一啖薯仔排骨湯 再飲啖燒酒個嘴嗰陣甜味🫦

其實我想講呢間南大門真係唔簡單，單單係尖沙咀其實佢哋有幾間分店，我今次嚟到佢主打燒肉嘅呢一間～地理位置極度容易搵，就係尖沙咀嘅金巴利道😀😀我食飯嗰日雖然係閑日，但係都真係keep住有客人入嚟👍🏻👍🏻枱面嘅燒烤爐非常可愛，係烏龜嘅形狀🐢 每次食韓燒都好期待佢嘅前菜，前菜一共有五款，有辣有唔辣，任君選擇～～～ 🔸牛肉拼盤A $560 ▪️呢個set有四款牛肉- 牛肉眼、牛肋骨肉、肩胛肉、板腱肉，另外仲有泡菜湯或大醬湯二揀一，我哋就揀咗泡菜湯😋 幾款牛肉各有特色，肩胛同埋樣腱肉比較薄身，牛肋骨以及牛肉眼就厚身啲有咬口啲☺️ 泡菜湯好大碗，味道亦唔錯😀🔸水冷麵 $90▪️大大份～ 食之前侍應會幫手剪開☺️ 水冷麵夠晒冰凍，食緊燒肉嘅時候食，特別開胃😊🔸米酒 $100▪️食韓燒梗係一定要飲米酒啦，佢呢度仲會攞個米酒缸裝住，然後再𢳂出嚟，好有地道風味☺️😊

南대門👻尖沙咀係食韓國菜嘅好地方今次嚟咗最出名嘅南大門連啲店員都有韓國人好正宗好似去咗韓國咁仲要佢個韓燒板係用海龜圖樣幾得意仲設計到可以滴走啲油好有心思嘅設計🤩😉.🔅牛肉拼盤 HKD 660✨醬醃特級牛肋骨✨特級牛肋骨呢款捲住嘅牛肋骨肉真係韓燒必食次次去都會揀今次呢個拼盤可以試晒原味同埋醬醃啱晒我兩款都想食醬醃嗰款就比較濃味原味就食到本身嘅牛味真係兩重感覺雙倍享受😆✨醬醃板腱肉個板腱肉佢係切咗細粒已款我哋燒到入邊仲係粉嫩大約五成熟咁樣已經好出色佢哋嗰調味又調得幾好✨牛肋骨肉仲有個牛肋骨肉呢款佢係喺牛肋骨度片咗啲肉出嚟食落更加入口即溶好高質嘅牛肉😛✨大醬湯呢個餐抵食嘅地方仲係可以揀多個泡菜湯或者大醬湯佢個大醬湯豆味都幾濃新鮮熱辣上枱冇咩辣味飲落好舒服🤭.整體來講：正宗韓燒 必食牛肉😚.🎈 南대門 (尖沙咀)尖沙咀金巴利道65-67號太平洋大廈地下2號舖

台灣來港揀咗佢最愛既韓國菜，提前book咗金巴利道呢間由韓國人煮理十多年鋪子！充滿傳統風格，大部份每台烤盤打造龜殼爐，廷可愛～ 揀咗＂牛肩胛肉 "配搭雞髀和菇金菇牛呢個部位油花比較少，輕輕一燒牛香氣加埋餡料kimch秘製麵豉醬油、蒜片、青椒包菜慢慢咀嚼清脆Juicy，好滋味~海鮮煎蔥餅近期Menu推介～亦係韓國人氣高食物，餅底煎得薄薄軟軟，豐富餡料都幾多蔥香可口牛胸肉大醬湯（蔬菜、豆腐、牛胸肉）濃郁豐富，脂香極美，入口溶化配埋香米飯黏黏的熱辣辣特別好送飯🍊柚子燒酒｜可樂、韓國米水食燒肉點可以唔叫燒酒飲～

韓國街的韓國美食多不勝數，韓式燒烤是我其一種喜愛的美食款式，而南대門更令我喜愛，只因他的豬肉拼盤和韓式牛肋骨湯，性價比極高！首先上桌的是豬肉拼盤，有親切和藹的老闆娘幫忙燒製，菜品的色彩和香氣更吸引我的注意。拼盤中有五花肉、護心肉、豬頸肉和醬醃薄切五花腩，每一種肉類的特點都鮮明可見。五花肉肉質肥瘦相間，經過烤制後外層微脆，內部保留了豐富的肉汁。而豬頸肉的鮮嫩肉質使其成為這道拼盤的亮點。拼盤餐配有泡菜湯/大醬湯，大醬湯中的豆腐和蔬菜，清爽口感為整個拼盤增添層次感，讓人不至於感到油膩。接下來，我們品嚐了韓式牛肋骨湯，這道湯品以其濃郁的香味令人垂涎欲滴。牛肋骨經過長時間的煮炖，肉質松軟，輕輕一撥便能脫骨，肉汁豐富，口感滑嫩。湯底清澈而不油膩，牛肉的鮮香搭配大蒜和蔥的香氣，使這道湯品更加誘人。這裏的韓式前菜通常非常美味，並且色彩繽紛。泡菜風味獨特，是韓國餐桌上的必備。黃豆芽煮熟後，加入芝麻油、蒜末等，調味一流！至於韓式涼拌菜味道鮮美。以上作為開胃菜，讓人食慾大開！南대門 (尖沙咀)地址：尖沙咀金巴利道65-67號太平洋大廈地下2號舖

尖沙咀金巴利道係韓國餐廳集中地，今次揀咗由韓國人主理嘅南大門BBQ，呢間餐廳係金巴利道有足足有3️⃣間分店，裝潢非常韓式，人氣非常旺🔥～餐廳用嘅燒肉鐵板係龜形🐢設計，相當特別，仲有多款韓式前菜一坐低就送到！前菜都已經非常美味~❀——❀——❀— 𝓦𝓮 𝓸𝓻𝓭𝓮𝓻𝓮𝓭 —❀——❀——❀🥩燒肉有埋生菜、蒜頭同麵豉醬，卷埋的肉一齊食平衡返油膩感板腱肉 脂肪少，肉質結實，有嚼勁，燒香後味道濃郁～肩胛肉 肉味濃，油花分布均勻，肉質軟稔，帶有微微嚼勁 🍜水冷麵冷麵夠冰涼，湯底清爽開胃，麵條彈牙，份量十足🍲牛肋骨湯湯底鮮甜，牛肋骨炆得軟腍，仲有大量蔥花，湯味濃郁，配香飯食好正！❀——❀——❀——❀——❀——❀——❀——❀——❀

今日童仔出左去尖沙咀食生日飯，推介大家去 #南대門BBQ，係一間好正宗韓式BBQ，超好食！依間都好多人幫襯嫁，有時都要等位，好彩我去得早！叫左1️⃣牛肉拼盤 (2人份量,超飽)牛肉眼，牛肋骨肉，肩胛肉，板腱肉 + 大醬湯 + 白飯（另加錢）🉐肉眼扒超大塊，大過我隻手掌，都好厚，姨姨會幫你烹調，先煎兩面，再用鉸剪剪到一粒粒，每塊都好juicy 唔會overcook! 👍🏻肩胛肉同板腱厚厚地都好好食，用生菜加泡菜加蒜頭少少醬，一齊食，無得輸！牛肋骨肉較薄身，煎幾秒就已經可以食，我覺得唔夠，想encore多幾塊！大醬湯令我諗起當日去首爾飲，一模一樣，好傳統嘅味道！豆腐入晒味，好味！2️⃣海鮮煎蔥薄餅有青口，魷魚，蝦，第一次食咁多蔥薄餅，原來係好好味，有少少愛上左食葱！勁多蔥，岩晒蔥揸者3️⃣配菜泡菜，芽菜，節瓜等，共6款，都好得，yummy，我覺得芽菜最好食，如果有得refill 就好間餐廳幾大，每枱都好闊，坐得好舒服！適合一大班friend 一邊燒一邊傾計！

尖沙咀有一條街，有好多韓國食店，而且非常正宗，好像置身在韓國街一樣。今晚就決定食韓國燒烤。餐牌有不同類型的食物，韓燒也有非常多選擇。點完餐侍應擺放五款韓式冷盤，有傳統泡菜，辣野菜，酸青瓜，辣青瓜，辣椒蝦米，每款都非常開胃。燒烤選擇了牛舌及豬肉拼盤牛舌，有八片，大大片，燒向後沾上秘製醬汁及少少鹽，非常惹味，而且爽口。豬肉拼盤套餐包括有豬腩肉，豬肋骨，梅花肉，傳統醃製五花肉。每款豬肉燒香後油份高，肉質柔軟，豬肋骨更甘香，用生菜包來食口感更加豐富。泡菜湯味道甜酸辣都有，好多泡菜及豆腐，微微辣非常開胃，好正。

今日突然好想食韓燒，去到尖沙咀呢間嘢睇落門面感覺幾吸引，喺門口見到個套餐平平哋，大概5，6百蚊決定入去試吓，啲肉嚟到都覺得唔係好對路，雖然經過我老婆一番精心烹調😂😂, 但係都係覺得好難食，啲肉實在太似殭屍肉，冇乜肉味，燒嘅時間剛剛好但啲肉質好硬，因為啲肉本身冇醃過，肉唔靚燒完冇乜肉汁更加唔好食，前菜五小碟都係麻麻哋，個大醬湯又難飲，一句講晒，下次唔使錢都唔嚟😔不過呢間嘢有一樣嘢一定要讚，就係啲服務都幾好，尤其是嗰度其中一個外籍侍應

韓國人開嘅舖頭唔少，但可以連續霸韓國街幾個舖位，除咗佢暫時都搵唔到第二間😂周不時都推下啲新優惠咁，個人覺得無論係免費嘅拌菜定燒肉，經過多年洗禮，口味偏向HKer化都好正常⭐️牛肉set ：$388就食到價值$450全牛餐⭐️（呢個價包咗：韓燒牛肉x1 主菜x 2飲品×2）1）韓國烤牛肉 （400g) （散叫$220） 勁大塊瘦牛 甜甜地醬油汁加蔥，用生菜包住食， 2）牛胸肉大醬湯 （散叫$110）用心製作，牛味濃啲但又腍身啲，大醬湯微辣，再以豆腐同翠玉瓜入饌，好啱送飯食3）石鍋燉牛肉（散叫$90）薄身啲，落埋金菇、洋蔥同大蔥燉煮，夠哂鮮甜4）米飲、梨汁（各$15）另外+$65叫個紫菜包飯 ，即叫即整，上碟仲係暖㗎 ，飯同配菜（炒蛋、腸仔、肉）比例啱啱好🍱餐廳: 南대門 cuisine @namdaemooncuisine🏫地址：尖沙咀金巴利道75號東南大樓地舖==============================Follow @nnthrive #筷筷和你搵好西=============================#食在尖沙咀 #平價韓燒 #韓燒#yahoofoodhk #f

去尖沙咀韓國街食韓國燒肉。食韓國嘢最開心就係先有韓式小碟上枱，慢慢食住等主菜！ 兩口子點了牛肉拼盤，$560 唔洗諗就有4款牛肉，仲有大醬湯！ 成盤牛肉拼盤上檯好有睇頭。有牛肉眼、牛肋骨肉、肩胛肉、板腱肉。好大塊嘅牛肉眼，入口濃郁牛脂香，帶微微甜味，肉質實淨！ 仲有阿豬媽幫手燒添！ 肩胛肉較瘦但細密，快烤兩面鎖肉汁，包生菜加生蒜片簡單好食😋板腱肉，筋肉分明但唔韌，中間一條軟筋燒烤後變成膠質口感。肉味最濃郁大醬湯湯底濃淡剛好，唔太鹹。湯底有蜆肉提鮮，微辣感慢慢從喉嚨湧上，飲完成個胃暖笠笠。食韓燒微薰最有feel 😺叫左枝Chumchurum Soju，燒酒配燒肉，真係消滯解膩。

天口凍都唔一定要打邊爐嘅，食韓燒都係一個唔錯嘅選擇！對住個火爐一樣可以暖笠笠～尖沙咀金馬倫道一帶係小韓國，想搵好味韓燒嚟呢度一定冇錯！！🥰👍🏻呢間「南大門BBQ」有幾間分店～朋友約我去呢間，我都爭啲去錯，記住睇清楚地址呀！時間尚早，店內冇乜人～一坐低二話不說就點餐啦！！對於啲有選擇困難症嘅人（即係我）嚟講，呢度嘅拼盤算係唔錯嘅選擇～🐮🐷我哋揀咗牛豬肉拼盤，牛肉有牛肋肉、醬醃板健肉、肩胛肉～豬肉有豬五花、豬頸肉同埋豬肋肉。每一種肉食味都不同，肉質亦有分別～我個人就最鍾意牛肋肉，因為佢juicy又有肉味，而且有少少咬口，一啖咬落去好香牛肉汁～豬五花雖然睇落去比較肥，但係店員燒嘅方法好好，逼曬啲油脂出嚟不特止，仲燒到外面脆卜卜，加埋泡菜、蘿蔔絲～用生菜包住嚟食，真係好惹味！套餐仲跟咗一個湯，我哋要咗大醬湯（即係韓式麵豉湯），湯入面仲有豆腐、蜆肉、大蔥…用料好豐富～熱辣辣，味道又香濃，真係唔錯！！話說佢店內抽風設備都唔錯，食完出嚟唔會成身都係燒烤味！而且由正宗國人主理，味道十分正宗！題外話……我擺咗烏龍，嗌個店員做아줌마，佢即刻😤同我講要叫佢언니～唔好嗌到佢咁老！🤭🤣

好耐冇食燒肉 緊係趁凍冰冰去試新嘢！想講個韓燒鐵板係烏龜好搞笑，可能驚我地燒得過熟 店員會主動幫手燒😬護心肉係我平時食韓燒一定會叫嘅肉，因為佢嘅肉質會比較上有咬口，燒完之後都keep到入面嘅肉汁。部隊鍋食材好豐富，除咗好多蔬菜仲有午餐肉、腸仔、年糕、餃子同最緊要嘅公仔面！湯底辣辣地好濃郁，天氣凍凍地食就岩曬。📍 南대門 (尖沙咀)尖沙咀金巴利道65-67號太平洋大廈地下2號舖環境🤍🤍🤍🤍🩶味道🤍🤍🤍🤍🩶打卡🤍🤍🤍🤍🩶抵食🤍🤍🤍🤍🩶