南越南咖啡廳

營業中

休息中

今日約咗朋友在旺角食飯，佢提議試吓南越南咖啡廳。餐廳開在彌敦道726號商業大廈，環境非常舒適而且裝修很有格調。火龍芒芒蝦仁配脆蝦片（3件）做為前菜非常開胃而且賣相幾好，火龍果新鮮同蝦仁好夾，蝦片夠脆口。「嫲嫲南越湯」招牌金邊粉，配料好豐富，有牛肉片、牛肋條、牛筋、牛肉丸、仲有油條！金邊粉爽滑，湯底充滿鮮甜的牛肉味，勁好食！NVN 咖啡骨呢個咖啡骨賣相好獨特，好似杯咖啡咁，將湯汁淋入綿花糖部分，即可食到好軟冧入味嘅咖啡骨，充滿咖啡香味，好有特色呢！惹火上身鹹檸豬頸肉店員會點火燒一吓豬頸肉，令佢更香口。肉質唔錯帶有鹹檸檬香味。越式惹味粟米條見差唔多每枱都嗌呢個粟米條，粟米條脆口入味。接骨木花茶青蘋果（熱）南越蛋咖啡（熱）

前排朋友咁岩話想食越南菜，上網見呢間好多人推介，就穩咗個平日夜晚book位試下；好彩有book位，去到七點半左右全場都已經坐到full哂，所以建議大家如果想食嘅話，最好book咗位先。🐷惹火上身鹹檸豬頸肉👍碟豬頸肉一拎到上枱，店員提醒我地要準備相機，然後就用火槍點火，個畫面都幾震撼! 豬頸肉肉質爽口，又唔會好乾身，再配搭埋酸辣醬，可以中和油膩感。🍜 苗族椰汁淡咖哩湯米線（扎肉配炸蝦卷）👍佢嘅湯底同喇沙湯一樣味，個椰汁味好香，中和到咖哩嘅辣味，而炸蝦卷同扎肉嘅份量都幾多，炸蝦卷入面仲會食到有原隻嘅蝦 。🌽 越式惹味粟米條👍餐廳好細心，每一件栗米都切到幼條狀，方便客人食用; 粟米食落口一啲都唔乾，味道好似平時食開嘅椒鹽栗米，都幾惹味!🐥 Shake Shake 雞軟骨👍👍平時shake shake 薯條就食得多，第一次食shake shake 雞軟骨; 一上枱個陣，啲雞軟骨入哂落個紙袋，如果鍾意食辣，可以落埋辣味粉一齊shake。佢嘅份量都好多，配料都好有越南特色，雞軟骨炸得好鬆脆，同時好有嚼勁。🫖接骨木花茶青蘋果（熱）呢杯花茶都幾重花香，味道清甜，同時對身體有益，接骨木嘅營養價值高，可以

✨這家上樓越式餐廳, 地點旺中帶靜, 牆頂嘅霓虹燈裝飾十分別緻🥰✨NVN 咖啡骨 $78將一小壺熱咖啡淋在棉花糖上, 待溶化後, 豬軟骨吸滿咖啡香味, 肉質軟諗, 好睇又好食😍✨扎肉心內美米紙卷（五件）$65食材新鮮, 煙韌米紙皮薄包著彈牙扎肉, 沾上秘製醬汁, 十分滋味😋✨脆米紙薄餅 $58以脆米紙做餅底好有特色, 餡料係青瓜絲及甘筍絲, 灑上越式香腸粒, 配以千島醬汁, 口感層次豐富😋✨「嫲嫲南越湯」招牌金邊粉 $88濃味湯汁掛滿Q彈嚼口感嘅金邊粉, 配料非常豐富, 牛肉片,牛肋條,牛筋,牛尾,牛肉丸及油條吸滿濃沃牛肉味嘅湯汁特別滋味👍✨惹火上身咸檸豬頸肉 $70豬頸肉上枱後, 店員會在上面點火加燒, 係非常吸精嘅打卡點子, 豬頸肉肉質彈牙, 以菠蘿片墊底, 解去熱氣及油膩感😋✨南越蛋朱古力（熱）$38朱古力上層有半凝固嘅滑漏蛋黃漿, 最頂層係薄薄嘅一片焦糖, 非常滑口順喉😍✨接骨木花茶青蘋果（熱）$30花味香濃帶青蘋果味嘅微酸, 口味清新😍

樓上鋪，一樓，地方冇想像中咁靚，雖然係新舖好彩唔係食裝修個碗好似好細碗，不過食落OK湯好熱夠晒熱味道濃，不過似肉骨茶，成碗嘢仲有油炸鬼喺裏面攞嚟朔湯飲感覺更加似肉骨茶，冇乜小食揀嘢飲亦都冇特別discount鹹檸七係其實係檸檬雪碧，北角算啦，檸檬茶係而家最流行的，小食比較少嘢飲，只有湯夠熱非常熱可取其他都係一般我喺旺角落車行去轉頭好多食肆競爭好大，必須努力努力加油否則一定會被淘汰，只有湯好熱飲落似肉骨茶其他都冇乜特別好，最後一題佢哋唔記得咗比OpenRice discount我大家食完記得睇單

呢棟大廈出名多餐廳，揀嚟揀去都係想食啲特別啲嘅嘢，所以選擇咗呢一間！入到嚟已經見到聖誕佈置氛圍感up!每個菜式都有其特別之處，呢張大合照真係非常漂亮❤️越式惹味粟米條~粟米切成條狀，方便進食，每一顆粟米的罅隙之間滿滿調味料，非常惹味！惹火上身咸檸豬頸肉~侍應會喺面前點火，菠蘿一秒變身並帶有焦香！豬頸肉非常爽口,點埋旁邊嘅醬汁，更加劃龍點睛！NVN咖啡骨~用咖啡溶液倒入白雲當中，白雲便會溶掉😆效果非常有趣，而且排骨中晚既軟骨同肉炆到非常淋！招牌金邊粉~當中會有牛丸、牛筋、牛腩、肥牛同油炸鬼,鍾意食牛嘅人絕對要點！湯底亦非常夠味，麵質非常軟滑，十粒星推介！shake shake雞軟骨~將相關調味料落曬落袋，自己shake，果然充滿玩味!炸到非常香脆，同時有越式嘅調味料在內！呢個小食絕對滿分！班蘭龍眼茶、香茅青蘋果茶~飲品全部都係用樽裝，非常乾淨、企理！由於茶類可以去油膩！係女仔嘅不二之選😁

📍南越南咖啡廳 (旺角)旺角彌敦道726號1樓==============================呢間樓上越南cafe最近係網上面好多人講，主打係特色越南菜配上創意擺盤，令平凡的越南菜變得玩味十足😝，餐廳裝修都非常有越南風情🇻🇳，連洗手間都用心設計，令人有去左越南ge 錯覺，食物除左擺盤特別之外味道都非常好👍🏻，而且價錢合理，同朋友一齊來食飯影相一流📷==============================1️⃣（嫲嫲越南湯）招牌金邊粉🐮金邊粉上面有牛腩、牛尾、肥牛、牛丸，湯底係香濃牛骨湯，金邊粉粗幼不一咬落有唔同口感，米味十足，好食😋2️⃣炸素食春卷🥬素菜春捲啱啱炸好，外皮香脆，入面係蘿蔔蓉比較清新，先用生菜🥬包住春捲，再放入口，先係食到生菜嘅爽脆清香，再到春捲嘅脆皮，直到尾就食到蘿蔔蓉，幾種口感係口腔混和，作為前菜相當不錯😌3️⃣惹火上身鹹檸豬頸肉🐷店員係我地面前有個點火儀式，豬頸肉被火燒到外表焦香，調味有香矛味，配上豬頸肉本身嘅油脂，先係焦香嘅口感之後食到香茅味，再之後食到豬肉嘅香味，真係有啲似去咗東南亞食串燒嘅感覺，咸檸醬好特別，配菜有燒波蘿🍍，味道香甜，解膩一流😍4️⃣脆米紙薄餅

南越南價錢💲: $58/ $44/ $78/ $65好味程度😋: 4.4/5服務🍴: 3.7/5環境🗾: 3.7/5性價比🥢: 4/5回頭率😚: 4.4/5-係太子的呢間越南野，一路都有人叫我去試下！今次去開個邊，一於試試。佢哋的飲品好特別，有好多唔同的咖啡，例如荔枝咖啡、🥚咖啡等等。同埋配搭比較創新，有d特色的餐點。-✅✅脆米紙薄餅。脆卜卜的米紙上鋪滿臘腸、青瓜、甘筍，多重口感！脆得來又清爽🤓臘腸的鹹味加千島醬好夾，成塊米紙都好夠味，一啖一啖食唔停😍-✅越南炸豬肉春捲。春捲比較正常，炸得脆而餡料飽滿的！入面都係豬肉，蘿蔔，粉絲呢d餡。最緊要係包住生菜食，好爽脆！同埋要沾個魚露醬😗-✅✅南越法式麵包。呢個法包好大個又好脆！但避免不了有d脆到介口🤣入面有扎肉、燻蹄、豬耳的肉肉，青瓜、酸蘿蔔都有但略嫌蘿蔔的比例比較多。法包的重點肝醬都一定唔可以無🤤令個包香左好多同埋無咁乾。肝醬帶小小騷，幾邪惡。-✅扎肉心內美米紙捲。米紙煙韌，入面的扎肉好大舊。呢隻越南扎肉好彈牙，味道幾鮮嫩☺️加埋其他清爽的蔬菜配料，同最特別的心內美蘿蔔，好健康。醬汁係濃稠的花生麻醬，可以比多d就好，如果唔係就無位架啦🫣-其

扎肉米紙卷，口感清爽，🥢美味可口，米紙的輕盈質地使其成為一道受歡迎的開胃菜。咖啡豬軟骨，🍖以豬軟骨為主要成分，配以咖啡調味，口感香脆，☕風味獨特。咸檸豬頸肉，🍋鹽和檸檬清香，豬頸肉爽口，與檸檬清新味道的完美結合。招牌金邊粉，🐮牛筋，肉丸，牛尾，🍜層次豐富，強烈推薦！我們週末lunch time來食，中午都很多人，想食得special啲，佢哋係mongkok一間人氣高嘅fusion越南菜餐廳。

今日得閒嚟咗旺角食間越南餐廳，之前都食過幾次，今日又再嚟食，質素保持到水準，而且餐廳內部設計保持型格有玩味✌🏻扎肉心內美米紙卷食落非常之清新，好爽脆，個扎肉鹹鹹香香非常之惹味😆NVN咖啡骨非常特別，棉花糖造型好啱影相，而且甜甜嘅咖啡香滲晒入啲排骨肉入邊，好入味😋 惹火上身鹹檸豬頸肉都好特別，豬頸肉鹹鹹香香，而且肉質有夠滑嫩，好爽口好正😘越式野味粟米條最有驚喜，甜甜嘅粟米，配搭鹹鹹香香嘅調味料，好開胃🤤嫲嫲藍月湯招牌金邊粉非常之出色，咁金邊粉非常之索湯，而且個牛腩特別好食，質感好有咬口🥰接骨木花蘋果茶非常之好飲，有少少似花茶，而且清清甜甜，咁凍嘅天氣飲佢一流☺️斑斕龍眼茶都非常之好飲，斑斕味好出，而且龍眼茶底香香甜甜，非常之好飲🤩

喺旺角咁多選擇都唔知食乜好，突然發現呢一間新式越南菜。呢間餐廳傳統嘅越南餐廳都幾唔同，佢可能材料一樣，但係擺盤做法造型都好新穎。就好似米紙薄餅咁樣，可能喺越南，米子通常係包住鮮蝦同埋一啲配菜捲埋一齊做春卷，但係呢一度就用Pizza嘅形式做出嚟，呢個一定要趁熱食，啱啱上嚟最好快快脆脆食咗佢擺耐咗就會林哂，變得唔好食。另外佢啲嘢飲都幾特別，通常就係比個名吸引咗，見到荔枝雲朵咖啡，忍唔住叫返杯，嚟到係真係有個泡泡好似暈咁樣喺個杯頂上面，純粹打卡，味道上就冇咩特別。額外都叫咗蟹肉醬配脆球餅、湯粉、小多士，但係味道上其實都冇乜特別，只係佢用一個新嘅形式同做法呈現出一啲越南風味。

呢間之前都食過好幾次今次試下唔係食越南粉叫左一個苗族椰汁淡咖哩扎肉配炸蝦卷湯米線個咖哩味好香 又唔會好辣炸蝦卷入面係有原隻蝦 同D粟米好特別 推薦大家試下烤牛肉串(2串)牛肉燒得好香點埋個花生醬個味好夾南越滴漏咖啡真係會慢慢滴個咖啡味好濃郁岩哂中意飲齋啡既朋友仔

星期日瞓晏咗想搵間好坐又唔重口味嘅餐廳雖然過咗Lunch hour但係第一次試仲要喺假日都驚要等位所以都有電話book定先入到去完全唔使等 大概有3成枱滿職員都儘量打散客人坐 座位寬敞舒服如果想打卡坐窗邊都幾靚我哋得2個人就淨係嗌咗2個主食:😋 招牌金邊粉 $88 (⭐️5/5) 個湯嘅味道啱啱好 作為第一餐完全唔會覺得重口味金邊粉同啲餸差唔多1:1🤣 好抵!啲粉保留到有少少爽口 唔會太腍啲牛肉牛筋牛尾… 全部都好軟好入味 又唔漏重點! 油炸鬼吸曬啲湯精華正! 極推!!🉑NVN南越法式麵包 $78 （⭐️3.5/5）好貼心可以被客人揀切開2份/3份上碟個法包表皮好鬆脆👍🏻但係個陷就冇咩特別🙈如果鍾意紅蘿蔔嘅話會好開心好似我咁係食肉獸就會有少少失望🌝回頭指數:4.5/5🫃🏻飽肚指數:5/5💰抵食指數:4/5下次都係兩個人食嘅話會encore 招牌金邊粉 試埋辣嫲嫲招牌金邊粉 + 滴漏咖啡多啲人先可以試小食睇隔離枱食都好正咁題外話1.佢哋張墊枱紙嘅meme 好搞笑2.Toilet好乾淨 地下有個腳印用嚟自動感應沖廁可以留意下（成日留意埋啲奇怪嘢🙈）

今次 5個人，人少少就一心諗住搵間🤭茶記級別價錢嘅「平靚正 」嘅餐廳聚下、食下飯、傾下計 🤭跟住喺OpenRice就俾呢間餐廳嘅熱門嘢食相🤩吸引咗我呢個餵食妹 🤪 全部「人氣美食 」都試暈一round後😍😍😍心心眼就出現咗 🤣 款款都好好食，冇令人失望！！！另兩點要讚嘅係： 1. 餐廳細細，但5人座位都唔算逼，算係坐得舒服☺️2. 店員服務態度幾好👍對打卡📸✨人士有耐性、幫手追漏單嘢食效率快💙🥳總體而言，可以返轉頭幫襯嘅餐廳少之又少，幾個人開心聚下，又唔想食太貴，認真推介呢間 🤡掃曬D人氣款式落肚都唔會肉痛丫 🥴✌️✨✨✨

自從上次食過呢間越南餐廳之後就念念不忘，菜式總是有驚喜，味道創新，永無失望，今日同朋友出去旺角，梗係想去坐吓。脆米子薄餅- 脆米紙薄餅顛覆你嘅想像，卜卜脆米紙上面放咗青瓜條和蘿蔔條仲有臘腸粒，加上秘製醬汁，出奇地夾。Shake Shake 雞軟骨 - 雞軟骨都做到shake shake 薯條甘， 微辣香口，令人食完一粒又一粒。惹火上身鹹檸豬頸肉 - 真正惹火， 店員係你面前點火，豬頸肉juicy ，菠蘿超甜，又係必食推介。烤蔞葉雞配青蘋果條 -青蘋果配上辣醬，超有驚喜又清新，意想不到的組合，烤雞外皮香脆，雞肉嫩滑，朋友都食到嘩嘩聲。 招牌金邊粉 - 湯頭清甜， 用料豐富， 有牛丸，牛腩，牛筋⋯⋯越南蛋咖啡 - 必試推介， 咖啡上邊放了一層法式焦糖燉蛋Creme brûlée , 同咖啡超級夾，集飲咖啡同食甜品於一身。荔枝雲朵咖啡 - 打咭好靚

這天和朋友來吃晚飯，因為很晚，不想吃太多，只點了三款菜和飲品最好吃是豬頸肉，職員首先會點火營造效果，豬頸肉蜜味甜，口感較肥，醬汁很好味，爽口彈牙法包比較失望，蘿蔔絲實在過多，雖然有調味，但比例不太好，豬肉帶有咸香也不錯，法包也脆口，但整體不太美味。米紙卷看圖片以為有蝦，原來是沒有的，整體也是很一般，沒什麼味道。飲品方面也不錯，很清新，賣相也美觀。服務本來都正常的但距離關店尚有20分鐘仍有數枱客人，職員大大聲說：我也很想收工，但客人未走。我明白返工想收工，但這樣說不太好吧？