南記粉麵 (元州商場)

營業中

休息中

去南記簡簡單單食碗粉不二選擇我一定係食招牌河 最鍾意食佢個春捲又彈牙又香湯底清清淡淡朋友不喜歡吃清淡，揀咗新出的混醬沙嗲湯底濃味， 但係感覺有點偏鹹食落少少辣都有港式嘅風味，不過真係貴價錢唔平68蚊包咗一杯嘢飲份量又唔會特別大碗芒果烏龍茶下面都係一堆芒果醬，所以都冇得話要少甜想要少甜就一係唔好搞底嗰啲果醬整體覺得招牌可還可以其他就太貴了食完又唔會好飽只係剛剛好不餓環境一般般座位擺放有點嘥位，所以客人唔多但係又冇位其中又有一個位冷氣機滴水員工非常有善，收枱非常快，亦都好有禮貌

今日剛啱經過長沙灣見到南記，入去叫咗三份套餐外賣，返到屋企居然發現少咗兩份小食，冇咗胡麻豆腐同香辣紫菜雞翼，加錢叫咗三份小食點知可以漏二份咁誇張，我住喺深井，所以冇去拎返，如果出去車錢同時間都蝕埋。

今天想吃沙嗲米線，於是我在南記的應用程式上下單，結果卻漏掉了最重要的湯底，整個餐點完全變了樣，變成了一碗清湯米線，讓我非常失望。本來附近就沒有南記，所以是請朋友在路上幫我取的。我致電商戶，經理只說下次再來時會補給我一個湯底。這次的經歷實在太不愉快，我決定不會再光顧這家店了。難道我還會特意再去為了一碗湯嗎？這樣的做法實在不負責任，讓人非常失望。今日想食沙嗲米線，所以我經南記Apps落單，點知比漏咗最重要嘅湯底，已經完全唔係嗰回事，變咗一個清湯米線，太令人失望了，本身屋企附近有冇南記，都係叫朋友來的路上幫我取的，致電商戶，經理只是說下次再來的時候補我一個湯底，首先這次如此不愉快的經驗後，我都不會再來這家店舖，難道我會特地再去為了一碗湯嗎？太不負責任了，令人非常失望。2025年1月1日就有咁不愉快的經驗

好鍾意食南記嘅早餐 春卷番茄米通（我會轉做米線），仲跟生菜魚皮餃同凍豆漿，成個餐勁豐富，每次食完都飽到唔洗食午餐！真係非常抵食。成個餐都好健康，唔會油膩。鍾意食辣嘅可以加佢哋嘅辣椒醬。沙嗲牛麵就麻麻地，好咸，建議都係食南記signature春卷。

老婆嘅飲食一向偏素，此外，又喜歡食魚，近嚟見到「南記」有一款「鱻」米線套餐，睇落幾特別，所以，專登落到嚟長沙灣分店試試，因為呢間分店最近我哋屋企架喇。相信大部分香港人都好熟「南記」，所以就唔多介紹，但值得讚嘅喺座位夠闊落，環境整潔，單喺睇枱上嘅調味架就可見一班，唔會話污污糟糟。掃描張外賣紙出嚟，大家就一目了然有啲咩選擇，我哋就專登校到兩點正過嚟，因為2:00pm-5:00pm有下午茶餐，抵食好多。晌廣告嗰個魚套餐就喺呢個，大大碗麵仲要包埋杯熱情果鴨屎香茶，另一抵食之選。鱻套餐 $57呢款套餐可以揀麻辣蕃茄湯底或芝士番茄湯底，小弟唔好辣梗喺揀後者啦，佢嘅蕃茄湯底唔算好濃，微微蕃茄香，反而芝士味就幾突出，送到上枱已經聞到陣陣芝士味，而餸料包括鮮魚片、魚肚同魚腐，份量都好足，啲魚片喺非常新鮮，魚肚爽口，魚腐好好食，麵底揀返米線，爽滑得嚟有咬口。熱情果壓屎綠茶（餐飲）炎炎夏日，飲杯凍飲確喺爽口，記得飲之前攪勻啲，因為佢用熱情果蜜嚟開沖，啲蜜糖會沉底，酸酸咪嘅百香果飲起嚟好清新，加埋啲鴨屎綠茶夠優香，整體確喺好飲。招牌河、熱豆漿 $31既然專登就到下午茶時間嚟食，無非都為咗慳錢，加上老婆食量唔大

岩岩經過元州邨見到南記有新早餐入黎一試，現在全部餐包改了牛角包，感覺高級左，食了个魚柳早餐好豐富有煙肉，豬柳，蛋，火腿，個牛角包好有牛油香好好味，原來其他早餐也可以跟牛角包。

已經有一排冇食南記心裏面仲係食緊招牌河係堂食30蚊原來依家招牌河已經33蚊我自己就食招牌河三樣嘢33蚊都可以接受嘅最好食始終係春捲， 加辣椒醬一絕朋友食大什錦河53蚊畀招牌河多兩樣餸春捲、墨魚丸、牛丸、魚片、魚皮餃多兩樣餸多廿蚊，抵唔抵就見仁見智啦友人就認為牛丸好食，覺得牛丸有牛味味道同份量都係同以前差唔多唔想諗食乜，簡簡單單食碗粉麵呢個都係好選擇整體環境座位都算乾淨，而且服務員收枱亦都收得好快， 感覺都坐得舒服

Gotta try out the new cilantro noodles set!The soup was crazily green and the taste was nice There were a super generous amount of century eggs, and some pork neck meat slices The set came with a cilantro coke! It tasted like cucumber and perhaps it worked like green juice- it is surprisingly cooling when you are having another spicy bowl of noodles at the same time.

下午茶沙嗲🐟魚肉春卷+椒鹽🐟魚片頭+凍奶茶走甜😋🐟春卷好味😋，魚肉彈牙，夠粗，有魚肉味，南記必食！椒鹽🐟片頭，魚片頭粒粒炸到熱辣辣，再加上椒鹽粉（小編鍾意多粉🥰），魚片頭肉質爽口，好香魚味😌，鋪埋椒鹽粉，鹹鹹地，超級滿足！沙嗲湯底+多蔥，沙嗲汁香濃，配埋幻麵，再加多蔥，絕配！呢度嘅沙嗲汁比起出邊偏甜一啲，小編幾鍾意。（本身清湯冇乜味）凍奶茶走甜中規中矩，茶味偏淡。10分推薦南記下午茶，食清湯（雙餸），$2x

諗住簡單買個外賣做晚餐，買左一個辣爽爽肥牛同菜心，落單果陣叫走莞茜，點知個收銀呀姐即刻就答話「冇莞茜架😒」，咁我就信佢啦，結果返到屋企一打開成碗溝晒莞茜有冇諗過唔食莞茜既人係好肚餓既情況下打開呢碗野係咩心情呀😠😠😠用左三四個字揀晒d莞茜出黎，揀完食都仲凝住會唔小心食到d莞茜😠鐘意食莞茜既人係唔會明白我地既感受！我都知食南記都冇咩好要求，但走莞茜都唔係好過份啫？d野好食又點，員工都冇heart，冇咩特別唔會再搵自己胃口較飛👎🏻👎🏻👎🏻👎🏻👎🏻👎🏻

同朋友去九龍水塘遠足，行之前去咗我哋都好鍾意嘅南記食碗米線。我揀咗中麻酸辣辣豬肉魚肉春卷米線。麻辣好食，酸辣又好食，why not both? 兩款辣有齊晒，正！米線煮嘅時間啱啱好，軟硬度適中，有彈性但唔會硬。辣味香濃，又麻又酸，辣度適中。辣豬肉好好食，肉質嫩滑彈牙，甜甜哋，好惹味。魚肉春卷都係必食，口感Q彈，魚肉味香，酥炸味好香口。食完有少少口渴，不過我哋都無叫嘢飲，因為飲品無跟餐價，要原價買，唔捨得。

落單嘅時候，隔離檯同樣叫呢個，好受歡迎🔥南記粉麵最近推出期間限定「艇仔粉」套餐，真心值得一試！👍🏻湯底由大地魚和蝦精心熬製，🥣每一啖湯都保留著大地魚的鮮甜味道，濃香十足。加上以幼滑米線， Nat最後飲曬成碗🥰別具港式風味嘅紅腸，超愛口感彈牙皇牌爽爽豬肉，招牌春卷大愛腐皮質感❤熱門配料，份量十足。面頭更有🐟脆炸香口嘅銀魚仔，新鮮生菜作傳統配菜。套餐簡單又豐富，🌶配上微辣香辣粉shake魚皮，🥭冷泡芒果鐵觀音，自己都可以盡情品嚐懷舊避風塘滋味~

知道14:30下午茶優惠特登落嚟食南記，知道下午茶會有細豆漿/可樂送落左黎堂食味道沒有改變，一樣好好食😋今次叫左 招牌春卷+魚蛋+酸辣米線招牌春卷冇得輸⋯食南記都係為左佢但下午茶得2條招牌春卷唔知大家知唔知⋯可以叫特登叫4條春卷 之後再加餸，價錢貴少少，睇下大家會吾會食4條春卷啦😋😋

呢間南記已經唔係第一次出錯啦！真心不滿意此服務水評。又係我去外賣自取，明明我落單叫兩碗都係單拼春卷米粉，另一碗辣豬肉小窩米線，收銀入單係啱無入錯單嘅，但次次都係去到出單，啲職員就pack錯嘢，究竟係廚房錯定執單錯吖。仲要係我返到公司打開啲外賣先知，比左一碗啱嘅單拼春卷米粉，一碗錯嘅招牌米線。唉...無理由要我次次每碗攞走前打開睇下有無攪錯單掛。我係要4條春卷吖...(春卷春卷春卷)吖，重要事情真係要講三次！P.S. 單拼春卷係有4條春卷架，而招牌就係2條春卷+4粒丸(牛丸或墨丸或魚片)。

第一次食南記係喺香港區，勁鍾意佢嘅酸辣湯底同埋酸菜，夠酸又夠辣，而我超鍾意貢丸，南記嘅貢丸選料上乘，絕對唔係有啲臭豬味嘅貢，另外米線軟硬適中唔會太林，而家越開越多分店，九龍區都有唔少，唔知幾時喺東涌開返間🥰