南記粉麵 (士丹利街)

營業中

休息中

今次去嘅呢間係佢哋中環嘅分店🥢食到我心滿意足【🍅番茄肥牛小窩米線🍜】濃郁嘅番茄味就直撲過嚟，個胃即刻就被勾住曬，口水差啲就 “嘩嘩聲” 流到碗裡啦😝望下個湯底，一眼就知老闆真係好有誠意落足料！米線就好爭氣啦，將湯底嘅精華全部吸曬，食起身 QQ 彈彈，每啖都超有咬口，正到痹👍碗入邊嘅肥牛多到我真係唔敢相信自己雙眼！好似唔使錢咁，求其一夾就一大片，好似去食肥牛自助餐咁😎而且肉質好到冇得彈，嫩到一抿就化，再配埋番茄湯底，呢個組合，簡直是 “食界” 嘅王炸！我一啖接一啖，一陣間整碗面就見底啦haha~不過呢，世界上冇嘢是完美嘅，呢個米線都有少少唔妥，就係入邊嘅番茄食起身有啲似用番茄醬浸過，少咗新鮮番茄原汁原味嘅鮮甜...😕我仲單加左佢哋必點嘅【春卷】佢哋嘅春卷係用魚肉餡炸到外脆內嫩，再擺落個番茄湯底浸一浸，一啖落去，先係feel到外皮嘅酥脆，跟住就係番茄汁嘅酸甜，兩種味道融合得好完美，呢個口感，我真係畀佢驚艷到！😋呢間鋪最令我鐘意嘅，就是湯底選擇超多！有酸辣🌶、麻辣🌶🌶、番茄🍅各種口味任揀，辣度都可以自己決定。好似我有個朋友，係超級 “無辣不歡星人”，平時食嘢冇辣椒就像冇靈魂，佢嚟呢度都可以搵

中環南記必然多人，要快食快走，等食物順便等位，大約15分鐘左右，今日食春卷小窩米線，除了四條春卷之外，還有很多配菜，酸菜夠酸，正😄🤩🤩平食之選，再加一杯豆漿，咁就啱啱好！！

作為中環打工仔，平靚正嘅午餐真係必須👍🏻👍🏻👍🏻👍🏻南記係我同一班同事個個禮拜都起碼食兩次嘅餐廳，佢哋嘅魚肉春卷係我心目中既世一如果大家都想好似我咁食四條春卷可以叫單拼米線再加其他餸，食完超級滿足誠意推介

Rice noodles with the signature fish spring rolls, white fish balls and beef balls. Clear soup for me because I was feeling heaty for the longest time. The takeaway paper bowl was sturdy and handy. Noodles were kept warm after I took it back to the workplace. Very springy fish rolls, bouncy fish balls and beef balls. One of the cheapest options in Nam Kee.

中環早上已經唔喺好多食市會開，想食個早餐其實都唔容易，好彩南記係小數開得早嘅餐廳，仿鮑片太陽蛋(有仿鮑片，春卷，大陽蛋，火腿同麵腸仔)加一杯熱奶茶，大大碗都只係$37,算係好抵食😋

好多香港人都中意食佢，最好食記係佢啲春卷同埋新豬肉片，（仲有佢個辣椒醬）都非常出色。李兩樣真係其他粉面鋪冇嘅野，亦都係最好食嘅兩樣嘢， 同埋佢都好多口味比客人揀，有清湯/麻辣/酸辣/仲有好多，不過我個人就最中意佢個酸辣，好多酸菜😋🏃‍♀️

今日午餐想食米線，所以近近地去南記，食完返公司做嘢。去櫃檯買餐後，攞餐自己搵位，建議多人時間 記得搵到位先好買麵。春卷牛腩蕃茄湯米線 ：雖然有一個蕃茄果肉，但湯底好味精，米線無咬口，太軟淋，唔知道係咪煮太耐或者一早煮好放係度。無論米線或是餸，份量都唔多，而且味道一般，食完無滿足感。之前在南記食過芫茜米線都唔錯，隔咗一排再來食質素下降了，很失望。另外價錢方面米線來講偏貴。

午飯時間見南記比較少人唔使等，就決定來試下。自己搵位既快餐，食完拿去收集車。四寶紫菜河/紫菜多，帶起咗成碗麵既美味。河粉份量一般，大食少少都會唔夠飽。丸類普通整體一般般，略為普通，下次未必會再食。

南記原來有超多間分店，唔入去都唔知tim! 我見補qrcode 可以點餐原來只可以叫外賣so9sad, 呃咗我入去tim😆因為懶所以見到貼住挺仔粉餐就是但叫咗，拎餐時都幾麻煩，收銀就咁比魚皮+shake shake 粉+shake shake 紙袋+2張單我，2隻手滿晒行去取餐處擺抵。啲粉硬化一舊，我要求換阿姐仲話我倒落去就shake 到...我係咁fing 佢睇先換俾我🥺自啲湯好淺色我要求加色又唔俾，只可以叫牛腩嘅先可以加啵🤷‍♀️果然個粉超淡味🤣 主角失色，配角魚皮超好食好脆，連跟餐嘅芒果鐵觀音都好好飲， 早知剩買呢2樣就夠啦😏

上星期返番中環office,見好耐冇食過南記，嗰日就想去食下，過下口癮，照舊帶返我最鍾意食嘅南記招牌春卷同牛腩2餸米線，首先講返個招牌春卷，個質素依然係keep到，依然係好香口，好彈牙。😋😋😋唔錯！之後講返個牛腩，依然係好好食，有口感，腩汁好香😋😋😋。個米線亦都好好食，好有口感，整體都覺得好食，滿意嘅！不過覺得有啲貴，食個兩餸麵都要大約$40左右🤦‍♂️🤦‍♂️。同埋唔係好夠飽，如果份量再多啲就好會啲！😄

今日落雨，為咗唔使等咁耐，就用app order 左南記：） 因為我唔食辣，所以叫咗冬菇貢丸清湯河，加生菜同埋牛肉就好正！ 有分湯， 所以食嘅時候河粉唔會浸林晒， 加埋牛肉味湯，好豐富。 貢丸夠juicy, 好味

下雨天最方便就係嗌公司樓下的南記今日嗌了「麻酸辣魚片腩肉米線」$50米線：我很怕軟身的米線，所以叫外賣一定要分湯避免浸腍d米線，有時甚至會remarks米爽。呢間南記的米線煮得剛好且彈牙，所以我無叫米爽，只要分湯上，倒湯後的米線硬度對我來講非常適合。腩肉：腩肉質地肥瘦比例適中，微辣香口，厚度適中。湯底：麻酸辣湯底很過癮，不會死辣，酸酸甜甜相當醒胃。P.S. 由於上次比漏左兩條春卷，今次姐姐補番兩條比我，而且好有禮貌

1:00正買的外賣，企了20分鐘，還未有，估計要企足30分鐘了，以為沒人排隊，原來店內排，真笨蕉。。。中環揾食都系難，最后找了位置坐住等，下次大家唔好似我咁笨蕉，去隔离書局行下，或者揾門外位坐，慢慢等，因為店內完全收唔到信號，連手机都沒得玩，btw 我坐收銀机隔離，已經有4个人取消order了。。。剛剛等了30分鐘，還未到我。。。。哈哈，有hea 飯唔食，真系自作自受。。。

Lunch time平時太忙要帶飯，今日空閒啲難得可以同同事出街食飯。我哋都鍾意食芫茜，決定去南記食而家新出嘅芫茜蓉湯底米線（配炸豬扒、芫茜丸、皮蛋），芫茜味好突出，沒令我失望。豬扒有細心切成一塊塊，方便食，亦係即叫即炸。所有材料都好足料，食到好飽。另外呢個套餐係配芫茜可樂，但因為我唔想飲可樂，可以免費轉熱豆漿。

米線是香港很受歡迎的食物之一，港九新界總有一間在你附近，今次來到很受中環上班一族的南記，經常看到別人外賣，現在都是第一次光顧，因為有一張優惠劵來用。位置：在中環街市的對面斜路，往上在第一街口轉入左邊小巷就到。環境：裝修如普通茶餐廳，感覺如同大快活，沒有甚麼特別。服務：自助形式，首先點餐，之後自己找座位，再拿餐盤。午市：牛魔王小窩套餐 $61朋友點餐，選擇了麻辣湯底，附上雪碧（跟餐送）。我沒有試過，但應該不錯，最少聽不到朋友投訴難吃。麻辣擔擔麵春卷菜肉餃套餐$55我沒有下單改米線，不知道為甚麼不通知我就改了，但不想有麻煩，所以唯有照吃。湯底紅彤彤的，其實辣度較低，春卷是蝦膠餡，的確不錯，菜肉餃就普通水平，整體質素不錯，最重要是份量多，絕對吃得飽肚，性價比高，難怪中環都開了幾間分店。細熱豆漿 （跟餐送）暖暖的溫度，易入口，充滿豆漿香。