南海一號

營業中

休息中

首先點心的質量真的不敢恭維，品質跟三四星酒店自助餐的垃圾點心一樣，花這個價錢專門吃點心放題的我倍感失望。菜色少不在話下，在90分鐘內上菜速度也最多只夠三到四次輪迴。重點是埋單的時候，我們剛滿11歲的小朋友居然被說不是小朋友，不能同行免費，要收半價。明明在open rice這裡都明文黑字寫著3-11歲是小朋友，他們卻硬說要未滿11歲才是兒童，但又能算他半價。到底為什麼不是兒童又能半價，但又不能享有二人同行兒童免費的優惠呢？我認為open rice在這裡也需要嚴肅跟進小童年齡的定義，不要給灰色地帶大家引起爭拗。

放假終於可以嚟試下個點心放題！我book左一點鐘個場~ 係尖沙咀，幾放便！最鍾意其實係我哋坐嘅位，咁啱坐咗喺餐廳嘅角落，兩邊都係玻璃😍😍 可以望到270度嘅海景🥳🥳🥳對住個海景一路食點心，好chill! 😍😍之前見過話有啲人等嘢食等好耐，不過幾好彩我哋嗰日要嘅嘢食好快到😋點心做得好特別，最鍾意係話梅木耳！平時喺出面好難食到🤣辣子炒雞都非常好食！我好鍾意佢嘅難度同埋香味🌶🌶其他點心都唔錯，嗰日食到好飽好飽咁離開，10分滿足hahahaha🤣

一行4人，一試點心buffet, 收費$198十茶位，埋單每位大概$250，可能是3:00時段，只有小於10台，安排向海座位，環境尚可。食物質素就非常一般，食物選擇很少，款式不多而且超級普通😭點了炒米粉只有一隻蝦🥶，干炒牛河，兩片薄牛肉，感覺小家😒下次不會再去

本來滿心歡喜想係維港靚景底下試點心放題一開始被安排坐卡位都幾開心，覺得空間幾闊絡🧐點知一路坐，就係咁有啲蚊滋周圍飛🤢上茶嘅時候，茶杯又有蚊滋😞同個侍應講完，唔好意思都無一句☹️到上菜，碟嘢入面又有啲蚊滋仔，好崩潰😶‍🌫️而且咁嘅價錢，連基本衛生都未處理到，就算個景幾靚都無辦法安心食一餐而點心基本上都係普普通通小菜味道都係普通三餸飯質素選擇亦都唔係十分多我相信無下次了，唔想貼錢食蟲補充蛋白質🫠

今日友人登記好日子，我請客，想到露台影相，被告之餐廳露台是酒吧區域，需要24小時快測，我地全程配合，在餐廳買了快測盒。兩位新婚友人先做快測，在座位上做的，一切順利。我因打電話先處理事情，後來單獨一個人在座位做快測，突然被一位戴黑框眼鏡的男性服務員離兩張枱的距離大聲喝斥，要求我到洗手間做快測，說是衛生問題？態度十分惡劣！我因友人新婚，不想在開心的日子被搞到唔開心，亦沒有質疑為什麼前十分鐘可以在座位做快測，到了我就不可以？希望餐廳日後統一管理，政府規矩大家理解，但餐廳員工的處理方式我十分不解。另外，希望下次有同樣情況，服務員可以到我旁邊提醒，而不是遠距離喝斥，令我十分難受，如果是平日，我會馬上離開餐廳。餐廳景觀和出品依舊，值得信賴，我本是常客，唯今晚某服務員的態度令人掃興，希望統一培訓，推己及人，南海一號不是茶餐廳，但今晚的確有茶餐廳般的服務員。

預祝爸爸節，為免人生人海，等位等地天荒地老，唯有提早慶祝吧！落地玻璃永遠無得輸，無敵海景，幽美日落盡收眼底，論環境、食物、氣氛，南海也同樣岀色。是次沒有安排套餐，單點較合適，可order自己和家人喜歡的餸菜。例牌小食蝦片 1 客茗茶每位$28$268 沙茶魚蝦蟹粉絲煲 不妨一試，海鮮有魚肉、蝦粒、櫻花蝦，粉絲炒至乾身，10分香口惹味$198 南海煎蠔餅 略油，但火喉到家，煎至金黃香脆，蠔仔粒粒飽滿，美味$98 脆炸椒鹽魷魚 一般菜式，魷魚頗韌，有點overcook，而且欠缺調味，不太滿意 $248 龍蝦湯泡貴妃飯一鍋 王牌菜式之一，上菜後建議盡快食用，避免脆米變林，影響口感，龍蝦湯底濃郁，必食!$280 半隻 茶燻雞 茶燻雞也比想像中出色，雞肉入味嫩口新鮮，雞肉去骨啖啖肉，味道令人懷念$56 和田玉棗糕香氣四溢，但入口後棗味欠奉，失望$56 生磨杏仁茶 期望越大，失望越大。杏仁茶退步了，杏仁味淡，不夠濃郁，碗底小量蛋白，甜品較失色是次消費 三人共$1316

星期日一家大細去飲茶, 家姐訂左呢間。本來以為好貴, 但原來有點心放題, 一個人218 有交易. 雖然得90分鐘, 但上菜快, 正常味道. 加埋個環境就真係冇得輸嘅. 最後都好飽. 但係得90分鐘有D趕, 所以唔記得影相...  

曾兩年連續入選米芝蓮星級推薦的中菜館，在餐廳內可眺望到維港海景。餐廳選材矜貴，做法複雜，菜餚的造型亦十分精緻。 一星期唯一日一日假期，當然不能浪費，我朋友先去間有靚風景既餐廳，而我要近尖沙咀方便我返工，所以我地擇左位於I Square 30樓南海一號。事不宜遲立即去相。我地2人擇左點心任點，食90分鐘,食野未食其實已經相機先食，加上這個無敵大風景簡直未食已經飽左。脆皮素春卷：外皮脆卜卜，入口爽脆，配合磨菇，青菜，羅白，非常好食芝麻綠茶餅：入口鬆弛，線茶味香濃，炒香芝麻好正，非常好食蟹子燒賣：皮薄，香菇味夠濃郁，與豬肉的比例恰到好處，蝦肉彈牙，好食黑松露素粉果：粉果粒粒都很飽滿，餡料十足及很爽口，外皮偏厚但入口口感非常煙韌，亦很軟熟。蝦蛟：皮白如雪，薄如紙，半透明，內餡隱約可見。鮮蝦菜苗餃：裡面有爽脆馬蹄,冬菇,爽中蝦,新鮮豆苗，內涵一d都唔吝嗇外型精緻，皮薄，好食潮式糯米卷：糯米卷熱辣辣，糯米煙韌夠香口，入面有花生同埋蝦米，味道不錯日式煎餃子：煎得有點焦，裡面的是椰菜豬肉餡，椰菜仍然保留一點爽度，味道不錯，當然如果有多點肉汁就更加好，餃皮不算很薄沙爹京葱炒牛肉：炒熟的京蔥味道帶甜，牛肉

15/8/2022是美食節，在灣仔會議展覽中心，舉行的最後一天，當然要把握最後機會去掃平貨，掃貨要花很多氣力，所以相約姊妹們，先去尖沙咀-iSQUARE-南海一號，食第一輪（中午11:30-1:00）「任食點心放題」，之後便可以慢步去尖沙咀碼頭，搭渡輪去灣仔南海一號，先後食過四次，每次用餐的體驗也不錯，第一次食，是一家人散叫點心，被餐廳四周環境吸引，當然食物質素也很有水準，侍應生的服務也十分好（畢竟這酒樓的點心價格偏貴，所以客人不多，侍應能緊貼每枱客人的用餐要求，反應迅速），第二丶三次也和不同的好友丶閨蜜來，貪其交通方便，食完行街丶買嘢，感覺超爽！今次用了open rice在網上訂位，更快捷方便，餐廳每天提供兩個時段作點心放題，（中午11:30-1:00、1:00-2:30），每時段的用餐為90分鐘餐廳坐落於iSQUARE廣場的30、31樓，可使用商場不同層數的電梯直達，當步出電梯門，便見到接待處，地方寬落，一排落地玻璃，採光度充足，把室外尖沙咀的美景也帶入眼簾，四周佈置簡約而有特色，餐廳劃分酒吧區域丶一般用餐區域，但因疫情關係，侍應話：酒吧區已暫開，幾排特色酒架，成了藝術品的裝飾同行

/ 同屋企人食中菜係最穩陣，而作為一個唔鐘意食中菜既人我剩係comment到餐廳環境好好，isquare高層餐廳既好處就係環境好，境觀好，會坐得好舒服。叫咗商務套餐，份量好足，有點心有主菜有埋甜品，其實都真係係幾飽，另外再單叫咗啲海鮮，海鮮都煮得唔錯！餐廳採光度非常高，樓底又高，望晒成個維港，坐低同屋企人喺度飲茶好舒服。見隔離好多檯都叫咗點心放題，份量同賣相都唔算hea 同幾多選擇。下次真係可以留肚過嚟試吓。

因為慶祝生日 男朋友訂了這餐廳吃飯一入到餐廳店員很快便帶位到指定位置一坐下便問到想飲什麼呢 我叫了蘋果汁 男友叫了橙汁兩杯都是只有杯的一半 後來叫了一個880一位的餐 加100元轉了出名的貴妃飯 質素大不如前 唉 沒有龍蝦的鮮味 很重肉味 蝦無味炸龍蝦 不過不失最讚的是那個乾撈翅 很鮮味 和牛的味道也很有油香味 其他沒有了想不到果汁是單點的 還要68一杯還以為是餐包括的 這員工操作原來有這含意 其實沒有想點飲品意思 但她給我感覺就像一定要點的 餐飲體驗有點差 大家要有一個心理準備 員工問的問題 可以不一定要點的 蝦片也是局要的 並沒有知會我們 不會再去了

去吃午餐時段11:30-13:00，叫咗好多點心，可能張枱太細，侍應收碟時：1. 弄污槽朋友衣服，沒有給歺布或濕紙巾補救；收碟太頻密，打擾用膳；2. 進食時，有個男侍寢催我地夠鐘幾次，搞到好趕，令到我地uncomfortable, 決定不再幫襯；3. 點心一般；4.茶水冇寫清楚價錢；5. 埋單不值這個價錢。第一次去也是最後一次的。我哋之後分享給朋友時 都有同樣情況。

原本打算4月嘅時候請屋企人嚟「南海一號」食生日飯，不過因為嗰陣防疫措施比較嚴，所以就改咗父親節先食～ 當初揀呢間餐廳，除咗因為屋企人鍾意食中菜，就係畀佢個尖沙咀海景所吸引🌊 不過我哋去嘅時候，餐廳酒吧區嘅防疫規定都依然比較嚴，出去露台影相嘅時候都係唔可以除口罩，呢點就真係比較可惜😢侍應們嘅服務都幾周到，會不停幫手加茶同換碟，差不多每一個餸都換一次碟～ 而且上菜速度都唔會好趕急，一般都會等到食到7788先再上下一道，大家可以慢慢食慢慢傾，可以食足2個鐘😛雖然佢哋係一間中菜廳，但係茶嘅方面就只有固定嘅人蔘烏龍茶，我哋就幾鍾意，但如果唔啱飲都可以要求要暖水～ •🥢 良朋再聚 $4280 (六至八位用)📸 南海四小碟話梅石榴：酸酸哋好開胃，爽脆度剛好👍🏼酸辣鳳爪：鳳爪爽口，有少少辣，整體好惹味蒜泥白肉：比想像中清新好多，因為中間夾咗2片青瓜，醬汁味道都唔會好濃好鹹，比一般嘅少蒜/辣味青瓜沙律：芥末沙律醬，仲有螺肉同蟹籽，芥末味都幾重，有少少哽😬•📸 招牌極品蟹皇翅 成碗橙黃色好搶眼，入面啖啖蟹肉同翅，蟹味好濃郁，但略嫌有少少太鹹•📸 乾蔥白酒汁脆龍蝦平時比較少見炸龍蝦，而今次呢個係連殼炸，份量

早幾天突然好想去飲茶，但只得 2 人，又想食多款點心，可以點做？最後當然係請教 Google 大神啦 🙌今次我個 topic 點解叫做小確幸？原因係來自呢間酒樓嘅其中一個賣點 .....位於尖沙咀 isquare 30 樓嘅 南海一號 坐擁無敵維港景 ✨💫但今天 1/7 竟然掛起 3 號風球 🥲，原以為必會横風横雨，但估唔到中午竟然天朗氣清，好幸運地可以享用到美食及美景，正 🤤90 分鐘任食 28 款點心，小菜及麵飯，我與友人揀選了 11:30 至 13:00 的時段用餐，入場後發覺餐廳已有 8 成食客，此時此刻已算不俗呢度所有食物係用點心紙落單，食物會按人數上，所以即使我們只得 2 人，但最後我們都食到 20 款種類，而每種食物都係即叫即做，上枱時仍熱辣辣，真心讚 👍1) 蟹子燒賣豬肉同蝦肉的比例很好，口感彈牙2) 晶瑩蝦餃皮薄蝦鮮，yummy3) 黑松露素粉果，鮮蝦菜苗餃前者 松露味濃，後者 口感清新4) 山竹牛肉球肉質不俗，牛肉味出5) 葡汁鱈魚酥香脆可口，驚喜之作6) 豉油皇炒蝦米腸粉上枱時已散發出濃郁頭抽的香氣，入口時仍很燙咀，一定要慢慢食7) 日式煎餃子水準一般，可有可無8

第一次飲茶放題，個景好靚，雖然我冇特別order海景位，但係staff都好好俾咗個海邊位俾我。真係好抵呀兩個大人一個小朋友免費， 11歲以下嘅小朋友就可以免費。開心！不過對於飲茶來講又唔算好平，不過任食都OK嘅。原來1:00嚟食都好爆，好多人。環境真係好好，嘢食都好好味。同班姊妹一齊嚟飲茶真係好開心，如果個時間可以長啲嘅話就會更加好，因為每一個時段只可以個半鐘。老公果然無揀錯啊，朋友都讚不絕口因為個景真係好靚。遲啲會繼續幫襯。