南岸茶舍

營業中

休息中

一向飲開粉粿奶綠同奶蓋珍珠烏龍🧋，粉粿用佢地特色紅茶製造，好濃好香。奶蓋夠香滑濃厚又有一啲啲咸味，調味做得好好！珍珠煙煙韌韌但好易咬爛，同埋好香但唔會過甜。茶味又夠香濃，好中意！而家經過都成日買～🤤我通常都叫半糖同少冰🧊，個甜度啱啱好，感覺茶香會出啲。試過叫室溫，但發覺都係要少少冰先好味啲。一開始見到南岸茶舍以為係新店，原來係賞茶分店！品質有保證🫶 佢地仲好支持環保，如果用自己杯仲可以減兩蚊。🪙🪙

翡翠檸檬+蘆薈酸酸甜甜嘅檸檬汁配綠茶重點係蘆薈好有咬口呢個下次都會再飲！-黃金烏龍+仙草烏龍茶底勁香 同嫩滑嘅仙草好夾-講真 呢間真係由中學飲到大學強烈建議大家一定要試吓佢哋嘅波霸奶茶最近喺黃竹坑開咗新分店 又可以飲其他

今日同朋友因為工作嘅關係嚟咗黃竹坑呢邊嘅新開商場，估唔到咁熱鬧，食肆全部基本上都要等位，我哋等位置嘅途中決定去買杯飲品解決下口渴嘅問題。呢間位於黃竹坑香葉道11號THE SOUTHSIDE地下G16號舖噶南岸茶舍，裝修簡約，多人排隊，咁嘅狀態，我哋都決定排埋一份。兩人都係叫咗奶蓋，不過就茶底唔一樣。奶蓋307茶王，茶底係青茶，味道夠清，估唔到佢嘅奶蓋超級綿密，味道濃郁，口感厚實，絲滑，還品嚐到少少嘅海鹽鹹味，立刻愛上了。奶蓋招牌紅，奶蓋都係一樣，不過茶底就係紅茶，配上奶蓋又係另一番風味。佢嘅紅茶超級香，茶味濃。又係一個唔錯嘅選擇。兩條友飲完呢兩杯茶都飽咗。但呢兩杯茶絕對有驚喜。

第一次去Southside, 路過想飲杯嘢，咁啱見到呢間茶店，未試過，諗住揀招牌嘅一定冇死，最後揀左招牌桂花，好好飲，好飲過喜茶，有驚喜，值得一試！ $31唔算貴喎！