半島漁港/阿翁火鍋館

營業中

休息中

之前食過南昌站嘅分店好幾次，覺得抵食幾好。見到灣仔今年開咗新分店，經過即管試吓。點知…無論食物質素同服務都好失望。😣😣😣入咗之前早去攞住呢張單張，海鮮火鍋任食。首先食咗個雞煲先，由於最初冇諗住寫食評，冇影低個食之前嘅雞煲。呢個係食咗幾件雞之後個樣，第一次食雞煲啲雞嘅質素咁差，雞肉好鞋、煲底有燶晒，係夥計控制個雞煲嘅火候。所以食咗幾件就冇食。所以之後叫部長轉火鍋，部長竟然話就咁湯，我即刻O晒嘴。個鑊窿成咁，加湯點食。跟住部長又話轉火鍋係要加錢，宣傳單張好明顯冇寫、入座嘅時候又冇講明。部長又話係老細指示，又話間間舖頭唔同做法，我唯有無奈接受，當然成肚氣啦。呢個時候決定影低個雞煲。依個就係加錢嘅冬瓜火鍋湯底，夠晒清😏鮑魚鴨腳，正常熟食，冇乜特別。呢啲就係海鮮，比起南昌分店明顯海鮮質素差啲，只得呢幾款，南昌分店係有龍蝦嘅。呢度嘅海鮮真係唔抵食。刺身四款每樣兩件，總算夠冰凍。牛肉還可以，唔算靚雪櫃類嘅食物啊，任攞任食。平價食材，數量、衛生還可以。有響鈴，又有公仔麵。總之食飽係冇問題。另外有鯇魚片、鱔片、蝦滑、墨魚滑、黑豚肉片、大魚頭、豬頸肉，呢啲食材還可以。有免費自助飲品，汽水、烏龍茶、啤酒都有

常言六十雙耳順 惟怨半生兜中缺半島漁港聚灣仔 老友飯局六月說全場爆滿新氣象 盡掃疫情環境劣先上乳豬樣子好 大紅體面稱一絕豐腴香濃好好味 可惜燶邊咸到醃信佢都傻海皇翅 勾個芡汁呢招拙明明白白湯一碗 何處再見鯊魚穴蚌仁口感不討好 蜜豆碧綠打八折雞柳不材都係肉 何妨入口鬥長舌海鮮代表魚一尾 斤兩恰當非半截掌握火候生熟度 魚與鴨掌僅一瞥花菇大隻份量足 生菜墊底並無切一啖四兩啱大口 小姐應該難下咽燒鵝上枱大大隻 有火㷫住繼續熱食落覺得都唔錯 雖然同區有先列龍蝦伊麵看來好 撩來撩去得肉屑我與老友勁失望 難道龍蝦仙蹤滅矜貴六粒百花球 盛器其實太大隻一人一粒唔使爭 剩番隻碟好清潔炒飯出場夠樣衰 看來配料樣樣缺最後上埋個甜品 紅豆起沙慢慢啜呢餐其實極豐富 從此聚會有新血

差！服務態度差！食物差！環境差差差！首先，一個人上來，都預左要撘枱，被安排坐在一個伯伯的枱，上一手剛走，半邊枱未執，侍應女士叫我坐下後執枱，桌布上有上手剩下的好幾粒飯和茶，本以為佢會換枱布，點知，佢直接放給我用的餐具上去，我話，枱布上有飯喎，她居然裝聽不到🥲，算！及後，我叫了點心，侍應也是無禮的侍應又無禮貌，食物放在枱上又不說是那邊的，我的食物都送到伯伯的面前，而他，亦很正常的沒帶口罩。味道也差得很，茶餃內滿滿的魚腥臭味，粉果的皮厚厚的 ，蝦餃和粥還可以總括而言，我以後不會再來。

看到點心就沖了花生甜薄罉 唔掂 就係鬆餅卷白糖花生如果鍾意食哩個 不如去麥當勞😅以後還是薈軒吧 我要食糯米薄罉！ 蒸菜苗餃同粉粿唔新鮮 有酸餿味其他就是正常出品 價錢唔算便 人均120 附近總有好多其他選擇唯一的優勢就係他啲甜品好似紅豆沙唔會太甜 同埋個紅棗糕都係粥裡面肉絲好多 但係冇咩味 適合淡口的人其實啱唔啱食都係其次 重點係唔新鮮 食完唔舒服腹瀉🤢 冇下次

套餐好抵食，份量好多，食物好夠熱，環境夠大，坐得舒服，係服務態度一般，叫呢個2人餐抵食過散叫，同埋係白飯仼添，唔洗再加錢，一定食得好飽，3個人食都好夠食，頭盤雞夠嫩，比預期好

我上月去灣仔攞身份證，見到這裡開左間新酒樓，就上去嘆番一盅兩件。首先，我叫開茶超過十分鐘都無職員理會然後叫左兩款點心，牛肉腸及鴨腳扎牛肉腸:衹是微暖，不夠熱鴨腳扎:我吾知係雞肉定豬肉，居然係無蒸過生ar,粉紅色，都可以給食客，部長取消左碟點心就算，沒有歉意。我發覺洗手間內仍貼了一張上間酒家的告示。

好耐無見朋友，相約朋友打個邊爐聚一聚。訂位時好地地，都禮貌。 但都去到之後有啲出事。煲底揀左雞煲，完全無汁，係乾炒，所以有啲濃。 後尾加左少少水定湯先好啲，但味道就淡左啦⋯⋯之後覺得唔對路，轉個普通湯底，加$30蚊都ok嘅。頭一輪有啲好少少食物，刺身，海鮮，牛，等等，都算合理。 之後到任食食物，佢之前寫50多款，任飲任食無限時，咁佢都無錯。 但有個好大問題係叫左野唔嚟，我地加左三輪，每次叫5-6款食物，最後主要得菜嚟⋯ 每次都等十幾二十分鐘先有啲野上，當然係唔齊啦。同左3-4 個職員反映，全部都話跟緊，又話後面漏單， 最特別佢最後有個解釋係無晒啦啲食物。 我心諗公仔麵麵會無晒，你地個inventory control 都幾好喎。 同完部長講佢又無理我地，咁就算啦。結論係唔會再去，同類型嘅有好多選擇。

原先的酒樓轉過幾次手，今次新開的火鍋酒樓非常期待。從新裝修過非常亮堂，貴氣的來不會太俗氣，以簡潔的白色配金色為主題，小菜和火鍋分兩個區域。今次第一次來試一試放題火鍋，八點半後入座有八折，一位大約二百尾，全部任飲任食。鍋底選擇多樣，滾鍋的時候，有送日式刺身，鮑魚扣鵝掌，還有一盤安格斯靚牛肉，再加一份有龍蝦聖子皇等貴價海鮮的拼盤，火鍋追加的料都很新鮮，分量給的相當足，基本上沒有再加第二單，已經飽到起唔到身。

餐廳農曆新年開業，決定一試。餐廳面積相當大，燈火通明，座位寬闊舒適。鴻運乳豬半隻：這個很好，皮脆肉嫩。乳豬醬略嫌杰撻撻，如能改善就更好。發財生菜好市：新年必吃菜式，蠔豉不是非常乾身，仍帶點鮮嫩，味道清香。唐生菜及髮菜也好味。滷水掌翼：味道幾好，掌翼size大，夠淋夠入味。燒鵝：味道不錯，上枱時配有燭台持續保持溫度。文昌雞：這個雞的質素及味道都一般。菠蘿咕嚕肉：這個菠蘿開半上碟，賣相很好，味道不錯。咕嚕肉不會太肥，炸得恰到好處，配上酸甜汁，味精好。澳洲龍蝦伊麵：龍蝦新鮮多肉，味道也好，但伊麵底較少，唔夠喉。整體用餐感覺良好，職員有禮勤快，食物質素大多數都好。