半島漁港/阿翁火鍋館

營業中

休息中

今日仔仔放假，一行5人去咗將軍澳商場食任食火鍋。先有鮑魚蚊鴨掌（鮑魚夠諗，有鮑魚味，鴨掌炆得夠火喉，皮唔爛又夠諗好易食，老人家同小朋友都啱食，好味），再黎咗1盆刺身（都算新鮮，三文魚腩肥味）同1盆海鮮（平價海鮮細size蝦，細size蜆，青口，蠔，脆肉鮸魚片，帆立貝中細size, 失望），水餃王（有3粒蝦足料，蝦算及格彈牙），同埋手切肥牛（有牛味好食），呢5樣都係無得再添食嘅，鮑魚，水餃，刺身都係數人頭。我地叫咗羊腩煲，點知個羊腩煲一食，因為我唔食腐乳醬嘅，所以一食就已經食出係酸嘅，即刻換咗雞煲，重慶雞煲無乜特別，火鍋食品種類太少，任食嘅肥牛質素不過不失，最有驚喜嘅係羊肉片，我地鐘意食有羶味嘅羊，所以好啱食，黑豚肉一般，鴨腸唔爽，豬肚太粉，蟮片切得幾厚身，幾有咬口，質素唔錯，芋頭好夠粉好正。總結：晚市$298＋1/位，咁嘅價錢俾咁嘅質素，唉…不過！環境坐得舒服，又無限時間任食，仲有夜晚8點半後有8折，呢樣都有加返分嘅。仲有係我投訴果個羊腩煲有問題嘅時候，個（好似係）男經理好隨意咁話，再試真啲啦，係就換第二樣囉，係好合理嘅做法，但係我追問有無補償下我地呢？佢好似聽唔到咁，唔俾反應我，不過

試過飲早茶食過晚餐燒鵝真係超正應該係個人食過最好味既燒鵝第一次食好可惜因為好多餸食唔切好快凍左第二次食晚飯好驚喜竟然有蠟燭熱住個玻璃碟令D燒鵝keep warm！

一般而言酒樓的食物質數在繁忙日子還是會偏差，今天與家人吃飯的日子是星期五晚上，點了幾個小菜再加一點避風塘炒蟹，小菜味道的確是很鹹，炒蟹炮油時的時間過長，肉蟹的肉被炸得又乾又嚴重收縮，當然避風塘炸蒜都很鹹，總之全餐食完就是覺得很鹹，其實酒樓在人客不是很多時都不是太難食，就是酒樓繁忙時最好不要來食。

生意好唔憂生意，侍應態度差趕客，要搭枱下午茶3點一坐低未叫野食就叫埋單 ，同經理反映都冇用，態度跟侍應一樣態度一樣差！新開無耐已經咁同趕客冇分別，想飲下午茶就不好選擇這一間👎🏻

我有一個天大的笑話要告訴你們，可能是因為我們去這間餐廳的時候是剛剛新開張，當我們想叫火鍋肉類的時候，侍應告訴我們切肉機壞了，沒有肉類提供。這間火鍋店收費三百幾400 ，並不是百零蚊的貨仔，市民如何叫顧客接受沒有切肉機的火鍋店。後尾經理攞咗啲高級牛肉給我們補償，但是只有一碟，全晚就只有一碟。雖然吃了錢財這些其實已經很飽，但是我真的不敢相信火鍋店是沒有後備方案的，叫顧客不要叫肉類。建議：餐廳需預先切好所有肉類，就算在凍肉舖買的肥牛也是已經切好一片片。

好耐冇打邊爐，有朋友生日趁機放縱一下 🤫呢度原本係酒樓，現在改為名牌火鍋店，由於現在仍然在新張期間有不少優惠，而且火鍋可以不限時間就好吸引，同朋友可以一邊食一邊吹水，冇需要擔心還枱，心情都開心啲 🤗雖然星期五六日貴啲，但生日有優惠，所以四個人埋單，每位都唔駛三百蚊。鮑魚及鵝掌炆得入味，而且鵝掌大隻厚肉 👍🏼👍🏼 食完有啲黏嘴，證明有骨膠原 😋好味其實火鍋配料大同小異，好多人都 post 過出嚟，我淨係掛住食，都唔記影相，而食完之後就有下面嘅推介⋯⋯四寶丸新鮮，彈牙，應該係即日做，唔似雪藏貨，睇肉丸D顏色及光澤都好正。脆肉魚片厚切，焯熟後，啖啖肉，魚肉彈牙。牛頸脊雪花分明，唔太肥，牛肉味濃，肉質嫩滑。圖中已經係四人份量，真係好抵。珍寶餃子大大隻，一隻餃子裡面有四隻蝦肉，足料 👍🏼都係嗰句，蝦肉彈牙爽口，食一隻都有少少飽嘅感覺⋯⋯呢度地方大，唔似旺區D打邊爐地方逼逼夾夾，計住時間，追你還枱，幾個朋友可以輕輕鬆鬆咁食嘢，傾計。而且仲有幾部大電視播新聞 👀👀希望佢哋D優惠及不限時間火鍋可以繼續⋯⋯ 所以一定會回頭再嚟過 🤟🏼

下午茶3點開始坐低，待應已走埋離不斷問客人D野食到齊未，拎張單叫我地埋單，開始執野趕客人走，客人未食完野杯茶未飲完已開始收枱上的餐具去騷擾你！同你講4點要清場，剛開業已開始趕客，服務態度認真的很差！！

今日同阿媽去打邊爐知道呢間酒樓一向高質就決定入去試下$298就可以任食高質食材另有仲有每人一份精選食材包括鮑魚，刺身，牛頸脊等非常抵食食材亦有好多選擇蠔皇鮑魚扣鵝掌鮑魚同鵝掌好入味肉質軟淋牙力唔好既老人家食都無問題阿翁極級牛頸脊2人份量，但都好大碟！油花分布好靚，淥10秒就食得油香爆棚，非常好食刺身拼盤有三文魚，北寄貝，墨魚同希靈魚好新鮮，作為前菜好開胃環球海鮮盤非常豪華，全部都好新鮮好滿足火鍋配料其他配料都好高質，芝士腸爆槳魚皮餃皮薄餡靚貢丸美味

好耐無打邊爐，咁啱今次喺將軍澳廣場做完嘢又見到有阿翁火鍋館，咁就食埋先返屋企。知道將軍澳廣場呢間阿翁火鍋館係新開，但未夠7點都已經7成滿座，好彩我兩個人都好快有位安排到比我哋。今次火鍋就先點咗個雞煲，食完雞煲先慢慢再打邊爐。雞煲嘅味道夠哂麻，絕對啱哂我口味，不過就咸咗些少，可能要預埋個汁嚟打邊爐。食完個雞煲後就開始打邊爐，除咗一般基本打邊爐配料任食之外，另外再有一碟牛頸脊、水餃皇、蠔王鮑魚扣鵝掌同埋一個海鮮拼盤，包括有海蝦、蟶子、帶子、青口、生蠔同埋龍躉片。海蝦就好鮮甜；蟶子爽口彈牙；龍躉片肉質嫩滑，其他嗰啲就無咩特別。牛頸脊就真係好味，見到佢嘅油花已經流口水，肉質鮮嫩爽滑肉味濃郁，真係無得頂！而個至尊水餃皇真係超大隻，入面嘅蝦又好鮮味彈牙，其實食埋呢隻餃已經好飽了。真心覺得超值！

暑假到，假期mood, 係時候出去食晚餐休息下！平日去開此商場樓上的日式超市，偶然發現開咗一間酒樓，所以決定嚟試吓。酒樓地方寬躺，裝修華麗高貴。我坐的位置，有不錯的景觀！如此高級的酒樓，竟然發現有一蚊雞！菜式選擇很多，而且價錢合理。點了一蚊雞，上菜的時候有點驚喜，因為分量多，而且味道鮮味，鹹淡適中！而且調味絕不馬虎，拌送姜蓉和紅蔥頭豉油。由於我家老闆喜愛煲仔菜，所以點了他最愛沙嗲粉絲海蝦煲，大蝦大大隻十分新鮮，而且數量很多，保守估計起碼有一打以上隻，比一般酒樓抵食夾大件。由於平日在家中很少煮芋頭，但我又好鍾意食芋頭，所今晚決定放縱一下，來個香芋扣肉煲，扣肉淋嫩美味，半肥瘦簡直完美，配搭芋頭質感粉口，烹調掌握時間十分恰當，總之就是滿分！是晚三個人吃飽飽也只是了$300，性價比高臨離開嘅時候專登走去海鮮魚缸觀摩一下，海鮮游水十分新鮮。下次大時大節日或慶祝日子，可以在這裏吃個海鮮大餐！

今個月既好友聚會走咗嚟將軍澳廣場，去返上次打邊爐唔錯嘅半島漁港，今次就選擇食中菜，餐牌都有好多款式，有平民化啲又有貴格啲既食材任君選擇 ，我哋就點咗個晚飯三寶包括～1) 燒腩仔 ☆☆☆☆2) 美極煎鮮蝦 ☆☆☆☆3) 龍躉兩味-蒜子果皮蒸頭腩☆☆☆☆☆👍🏻 -油泡龍躉球☆☆☆☆再追加咗4) 沙薑豬手☆☆☆☆5) 芋頭扣肉煲☆☆☆☆☆👍🏻6) 至尊燒鵝皇($1堂食優惠)☆☆☆☆☆👍🏻今餐真係好豐富，每款菜式都用心同誠意製作，特別推薦: 龍躉兩味用料新鮮火候剛剛好👏🏻👍🏻😋同燒鵝皇比起出面出名食燒鵝嘅深井有過之而無不及，個芋頭扣肉煲一樣好食冇得輸，食咁多嘢成餐都係六百零蚊，真係好超值又抵食👍🏻👍🏻😋 最重要係質素高。總結: 整體食物，環境，店員服務都好好(時常來換骨碟同加茶壼既滾水)，這間半島漁港絕對有下次同值得向大家推介😋😋

前幾天看到在將軍澳廣場1樓這間半島漁港/阿翁火鍋館剛剛開張, 於是便去預訂了今晚的任飲任食的海鮮火鍋晚餐。剛剛進入店內, 可以看到裡面寬敞開揚, 富有空間感, 不會令人覺得焗促。冬瓜瑤柱鍋每次打邊爐我也愛揀選味道較為清淡的湯底, 因為這樣可以盡量保持到新鮮食材的原汁原味, 而且冬瓜加瑤柱湯底清甜清新, 可以令生猛海鮮的鮮味提昇了不少。刺身拼盤吃海鮮火鍋還可以品嚐到少許的刺身, 體驗算是不錯。三文魚, 日本魷魚, 希靈魚及北寄貝這些大路的刺身款式絕對合你心意, 而且作為火鍋店裡的刺身, 質素合格有餘。阿翁極級牛頸脊牛頸脊的質素很好, 可以看到油脂分佈平均, 呈雪花形, 放在湯底涮的時候令受熱更平均, 放在口中油脂迅速融化, 鮮甜嫩滑無比, 香氣四溢。蠔皇鮑魚扣鵝掌真想不到打邊爐竟然還可以吃到鮑魚加鵝掌, 芡汁濃度適中, 質素方面跟傳統酒樓很接近, 算是有驚喜。環球海鮮盤海鮮種類款式繁多, 重點的是極為新鮮, 海蝦串還可以看到海蝦在跳動, 放落清甜的湯底, 完全能品嚐到本身海鮮的鮮甜味。至尊水餃皇每人一件至尊水餃皇, 皮薄餡料豐富, 數一數起碼見到有3隻新鮮大蝦。鱔片鱔片因為一般價格比較貴

之前食過任食火鍋好正，今次就試埋晚飯小菜，四個大男人六點去到攞位入座，睇完餐牌我哋就叫咗個晚飯$398有：美極煎海蝦、燒腩仔、龍躉兩味(蒜子果皮蒸頭腩&油泡龍躉球)、芋頭扣肉煲$98、沙薑豬手$68另外再用$1加咗個晚市堂食優惠(至尊燒鵝皇)，跟住食物好快陸續上枱，先嚟個燒鵝皇，皮脆肉嫩好食，仲帶有好香濃嘅鵝香，個芋頭扣肉煲好食份量亦好足，每一塊扣肉同芋頭都好大塊厚肉炆得又夠淋，唔似出面啲酒樓咁又薄又細塊，我地忍唔住要即刻每人叫返碗白飯嚟餸tim，另外嘅菜式同樣出色，龍躉兩味個蒸頭腩蒸得啱啱好唔會過火，魚肉嫩滑好有骨膠原，油泡龍躉球一樣整得啱啱好唔會話油冧冧，魚塊又厚肉又嫩滑， 啖啖肉送酒一流，呢個龍躉兩味嘅煮法完全突顯倒廚房師傅嘅功力，其他小菜亦有唔錯嘅水準，食到最後仲有糖水(紅豆沙)送，呢間《半島漁港》無論服務同埋食物質素都好高質，唔怪得連平日嘅晚飯時段都坐無虛席la

呢間餐廳火鍋真係好唔掂一開始就食左個雞煲先，d雞既味都唔係好濃，味道都算係正常既，但係一到火鍋就黎料。首先，d 職員唔知頭唔知路，就加左水落去個雞煲度.... 搞到個湯勁淡味。之後先同我地講話原來可以加湯....比佢搞到個湯無晒味，咁我地問佢可唔可以換過一煲比我地，仲話要加$20.... 算啦，佢話加返d雞比我地，咁個湯可以濃返味..我已經對呢間野無希望之後叫我地又叫左個玉子豆腐，點知食落口係臭既.....我都己經費事同佢嘈，叫佢收返埋碟野就算到之後食左個佢送既一個餃子... 入邊包送一塊透明膠比你.... 同部長講左，佢都係hehe haha 帶過算....呢間野永不幫襯啦

新開店! 新鮮感!將軍澳區較少集海鮮火鍋，重慶雞鍋，無限時任飲任食嘅火鍋店，今日終於抽空到阿翁火鍋店試一試。首先送上刺身拼盤內有三文魚，日本魷魚，希靈魚和北寄貝， 略嫌款式唔算多， 味道總算新鮮。 幸好今日精選食材是蠔皇鮑魚扣鵝掌， 大大隻鮑魚口感十足，鵝掌富膠質最啱女士們補下，絕對啱食。 由於我同媽咪都口闊肚窄，決定放棄雞煲全力進食火鍋。先上枱有環球海鮮盤， 內有海蝦，聖子，貴妃蚌，龍躉片，大青口同埋生蠔， 據職員表示海鮮是每日下晝三點新鮮運到，必定係時令海鮮，我們絕對認同， 食得出係新鮮食材 ，鮮甜好味 。我哋選擇咗鴛鴦鍋，內有滿滿嘅芫茜同埋濃味沙嗲湯底。值得一提係阿翁極級牛頸脊， 唔會太多肥膏， 但係肉質嫩滑，重牛肉味， 兩位以上送一大碟，真係一大碟，份量十足。另外至尊水餃皇雖然係每位一粒，超大超彈牙嘅水餃皇真係一試難忘，好好味。 任食配料選了美國雪花肥牛，大魚頭 ，脆鯇片，鳝片，羊肉片，黑豚肉，四寶丸等.......阿翁火鍋館喺上個月開業，環境寬敞，員工都好積極招待和收拾碗碟， 绝對值得一試。