半島冰室

營業中

休息中

星期六嘅早上 平常一睡醒來已經中午但由於今天要返工加班 要早起 想起這裏 食個靚早歺先返工做野早上十點左右 門囗已有人龍 等咗太約十分鐘到坐位不算太多 但都坐得舒服 店員有笑容有禮貌 好helpful 早餐set 選擇唔小 佢有個all day breakfast 全日供應 有豬扒 腸仔 蛋 煙肉 番茄 茄汁豆 多士 等 但分量太多所以小妹沒有order 最後order 咗個火煺通粉 + 農場煎蛋 同多士仲有熱央 火腿通-湯頭夠熱 火腿分量不小 仲有通粉好有咬感 唔係淋pat pat 咁 食落都好飽 煎雙蛋加多士 呢個絶對是即煎 蛋係煎到脆邊嘅 但蛋黃仍然係流心的 放入火腿通d湯一齊食 超正多士烘得香脆 唔會太燶 中間係軟嘅 牛油分量適中 好味 熱央 茶葉唔苦gip 咖啡味夠濃 推這樣的高質港式早餐 才Hkd 27抵食聽說老闆之前在翠華做廚師嘅 怪不得 質數如此高 一定再幫襯

星期六去半島冰室食嘢... 就一定要排隊....今次都唔例外...下午茶既選擇唔算係多... 但係就樣樣都想食...今次點左芝士煎蛋豬扒包...半島既豬扒好好味...醃得夠入味... 厚度啱啱好... 咬落好有口感...但包外面烘得夠脆... 入面夠軟...加埋杯熱奶茶... 真係一個滋味下午!!

D24榴槤西多士 $28想食依個多士好耐啦 一係就摸門釘去到星期日無開一係就話暫停供應 今次去之前都有打個電話買個保險 最後話有真係好安慰 可能換左榴槤供應商 落單完好快就有得食 切開之後同之前見人食個隻色吾一樣 但入口都有榴槤味 榴槤蓉都算多 但最弊係榴槤做熱食有陣酸味 酸味更有啲蓋過榴槤味 食後亦無咩齒頰留香 我相信吾完全關熱食既問題 但如果講西多吾差既 不過入面麵包部分會因為榴槤蓉所以較淋 不過外面煎到金黃剛剛好 好失望!

同事介紹半島冰室的豬膶通可媲美深水埗維記，今日就同友人去試。行到街口，離遠已經見到一條人龍，大約有8-10人。原來咁受歡迎，真係估唔到。好彩唔係等左好耐就有位喇，舖入面有啲窄，但店員好好禮貌。當然要一個豬膶通粉啦，仲係常餐黎架，有火腿，炒蛋同多士，仲有一杯忌廉咖啡。只係＄38，超抵食！個湯底好濃厚豬膶味，不但冇豬膶腥味，每塊豬膶又厚又大片，咬落好有質感！好彩薑絲唔算切得太幼，因為我唔食薑，所以都好容易揀晒啲薑絲出黎！通粉都好爽口彈牙，唔會太淋，恰到好處。

炮台山★半島冰室今日被人利誘左千里迢迢黎到炮台山，全因啤酒肚一句「我帶你去食半島...................(冰室)」。雖然此半島不同彼半島，但見佢讚不絕口，即儘睇下係咩傢伙12點左右去到門口已經見到條人龍，好彩都只係10個人到未驚嚇到要轉場。排隊無野做望下menu先啦，想快可以同waiter落定order先。最後等左15-20分鐘到就有位喇入到去發現原來間冰室真係幾細下，粗略估計大約有25-30個位。為左比多ｄ人可以醫肚所以都坐得逼逼地嫁，不過咁先係茶餐廳特色ma室內裝潢簡單，係其中一面牆上面有d加入左emoji既冰室美食凸字點綴下～另外，waiter著既圍裙都好得意嫁，十足十型男餐代表人物superman既戰衣（不過費是咁張揚影個waiter啦，幫襯時自己留意下）搵食時間- 型男餐（$40）：到底點解叫型男餐...係因為型男專食？定係因為好似型男咁深受女士歡迎？哈哈！唔理啦係門口已經睇中左依位型男～*鮮奶炒蛋＋香煎火腿＋牛油多士大約半寸厚既牛油多士烘到金黃鬆脆好味道火腿微微煎香左，鮮奶炒蛋都幾香滑～*鮮薑汁豬潤湯通粉睇個樣都知佢係成個餐既靈魂啦湯底真材實料，除左一條條薑絲

裝修OK,但地方細,多人幫襯一個人下午三點幾去食,都要等10分鐘味道唔錯,咖哩係我鐘意果隻味,甜甜地,吉列豬扒夠大塊,又即炸,好脆口!!價錢黎講,同區超平,$34蚊,凍飲加$2又大碟,食完好飽抵食之作一定會再幫襯

上次食不到下午茶, 忍不住回來吃一次呢 終於可以試到豬扒包了 芝士蛋豬扒包, 這個是肥死人的邪惡組合, 而且芝士仲要一壓時流出來! 真的很吸引包要有烘過來, 是熱脆的 !! 另加 $2 仲有忌廉咖啡.....真的大滿足, 但有點濟肚了 這個印尼撈麵也剛好, 麵不會太淋 就是豬扒有點肥, 加上煎蛋混在一起....完全是邪惡下午茶 , 罪過 這個價錢有這個質素的下午茶, 真的很滿足哦 

中午在炮台山食lunch , 這間新開的茶餐廳真心覺得平靚正開張不久, 門口已出現了人龍, 店內坐位不多, 而且有點迫, 大家要在門口先望定餐牌諗定食什麼先真的很生意興隆!! 中午選擇少一點, 點不到豬扒包, 但menu 上的價錢是合理的 叫了一個蔥花豉油雞脾蛋飯, 原本覺得份量很大, 但沒想到能夠食完.....hahaha煎蛋的蛋汁跟蔥花混在飯中, 成為一碗很惹味的香飯, 雞脾不肥而且很入味! 最後能夠食晒呀!! 叫了一個本土化了的all day breakfast 配咖啡, 這個組合在這區應該很難再食到了, 份量很大!豬扒都煎得很香, 最欣賞是那杯咖啡, 很香濃, 豆不酸這間餐廳未來會大紅了 很想試試他們的下午茶跟早餐! menu 仲吸引

又到下午茶時間，肚餓嘅我，盡快揾間茶記醫肚，鄰近都有唔少野食，只得這間人氣旺旺，見到有人，就揀這間。下午茶餐都多選擇，但無食lunch既我，見到焗豬扒飯/意，雙眼發光! 我揀焗豬扒意。。。。落單姐姐有點分心， 覆單時覆錯左，我即時更正她........最後...焗豬扒意變了焗豬扒飯。。Anyway la, 錯有錯著，橫掂肚餓，不要求廚房再整了。驚喜焗豬扒飯~size 唔細，絕對夠食，賣相很吸引 面頭有很多新鮮蕃茄，芝士也厚，食時一絲絲的在飯中，味道很不錯，飯軟硬適中，盒邊沒有飯焦。豬扒鬆化，整體配合得宜！餐飲凍檸茶~ 跟餐+$2, 檸檬新鮮，有5薄片，糖水量ok,不太甜！食物很滿意，希望下次試埋個焗意粉啦。

通常D人來都是食ABCDE,不過我食開的是型男餐;其實個名比較煩,見D女/仔,有時都唔叫唔出口...........(佢地有型男索女餐)D女唔通叫比個型男我咩.......豬扒是他們的名菜,佢地接手之前個餐廳,最出名就係豬扒,所以保持到水準,不過其他野水準上升,出菜也快左.服務叫做幾好(真的會幫你追單),環境有改善空間,雖然個位係真係唔係今好坐.anyway, 講正題,型男餐 $40+$2豬潤通...........正,個湯有豬潤味,而且用左薑egg...........普通厚多士.........OK6 0茶 可以啦.

這間茶歺廳在區內都算有人氣, 午歺時段往往有一堆人在門口等位.今天在家沒吃早餐, 於是來了.  空的座位渺渺可數, 依然滿座.要了B餐是双拼公仔麵, 選了五香肉丁, 餐肉公仔麵, 麵質爽爽不會太"林", 煮得剛剛好.  不過餸方面就比較少了點, 一片薄薄煎得好香的午歺肉和數粒五香肉丁.  物偭騰貴! 冇辨法啦!   這裡的奶茶好濃好滑, 不錯.

大熱天時行街街，剛好3 點3，老婆就提議搵個地方補給下，係油站附近望到有間餐廳門口有人係度排隊，咁我地就貪得意行過去試下有乜特別，一心以為要等好耐，但原來只係等左3 分鐘就有枱。

同幾個同事行下行下見到間新開嘅餐廳咪去試下，有人試過話幾正！入去環境幾簡單舒服，點咗個咖喱雞飯，嘩，辣辣地超好食（因本人喜愛辣，外面很多餐廳啲咖喱好淡好水），佢地係真係足料！！個雞扒呢……掂！！！！同事點咗個葱油豬扒蛋飯，個樣好靚，佢⊙_⊙塊豬扒鬆軟到唔洗用刀切，大過份了，相都唔俾我影就食晒！！！我去嘅時間剛好開始下午茶，見到人地叫咗個豬扒包，好想食！！順帶一提，佢地個蒜蓉包…必食！！今次影唔切相…下次…我一定要影！！I"ll be back!t

今日同朋友經過炮台山就諗住試下新野食啦我地叫左豬扒包($26) ，一見到塊豬扒個size 大過塊包甘多，已經覺得好扺食，哈哈。一咬落去豬扒好鬆脆，係新鮮炸起架，啲沙律醬酸酸甜甜好開胃^^ 生菜份量岩岩好，豬仔包新鮮烤好，脆卜卜，正！仲有個香煎豬扒煎蛋印尼撈面($30)，塊豬扒好入味，將隻蛋爆開，用蛋汁撈埋個面食好match ar ，又五會太乾。老闆好好人丫，請我地試食香烤蒜蓉包，話係必食！甘我地就五客氣啦，哈哈，食落去好夠味丫，蒜蓉包緊係要重口味先足料好味啦。本身諗住試埋豬潤薑絲湯通粉，不過今次太飽啦，下次一定會再黎試。