半島冰室

營業中

休息中

上星期去食但女神餐買哂，今日星期二再去，幸運地有女神餐。女神餐有鮮茄濃湯門封牛肉通粉，炒滑蛋火腿加多土，再叫了一杯凍奶茶。鮮茄濃湯真材實料，好濃的雞味和鮮茄味，通粉不軟不硬剛好，門封牛肉無落鬆肉粉仍嫰滑，多士塗滿牛油但可惜唔熱，滑蛋正正常常。$56 很抵食，怪不得門庭若巿。

在附近工作，慕名來這冰室吃午飯。因為接近2:00pm，排隊的人不算多，等了10分鐘左右。店裝修可以，但座位很擠迫，叫名物”女神餐”，侍應告訴我沽清，看午餐餐牌又唔係咁想食，好彩對面個女顧客提醒我可以叫下午茶餐，於是叫了下午茶餐鮮茄焗豬扒飯加凍奶茶。焗飯中有蛋絲，不過飯有點硬，豬扒煎得很香，但茄汁有點稀，不過$45 ，算係可以接受。

平時係我帶媽咪去食嘢，今次係反而媽咪同我講喺YouTube成日見到人推介呢間餐廳，所以就帶佢嚟一試。首先記住唔好去錯時間，因為佢係冇夜市嘅。喺門口等一陣，都唔算太耐大約5分鐘到，入到去地方唔大，都坐得密密麻麻，一般茶餐廳嘅格局，食完要快走。媽咪叫咗個是日午餐「芝士焗海皇意粉，有日本蠔，煙三文魚，海蝦球」，佢嘅海鮮真係冇稀場，日本蠔大大隻，隻蝦亦算新鮮，超出預期👍🏻我就叫咗個「女神餐」😂，包括手切「封門柳」蕃茄通粉，牛肉真係值得一讚，好味😋。另外有多士同埋火腿蛋，火腿蛋就正常，多士比起一般茶餐廳係好味啲。至於嘢飲方面，我哋兩個都嗌咗「茶走」，好味嘅，到位！

唔覺得好好食！只係非常非常普通茶餐廳。話說見自己車冇油，去到油站突然望到半島冰室係對面。睇咗YouTube 話好味好食，我重特登由屯門過嚟搵出嚟食。我特別叫茶餐廳必點紅豆冰炸雞脾，焗豬飯。紅豆係淋但唔叫好飲。炸雞脾唔入味，肉老，得面頭少少炸。焗豬扒飯。唉！豬扒算啦！反而cheese 同炒底飯比較好食因為新鮮。整體感覺非常普通雖然地方好迫但餐廳服務快同好嘅，唯一係吹大咗。唔係好食。大家唔洗排隊! 大家唔洗排隊！大家唔洗排隊！哩個世界最痛苦係唔好食但又要比錢同唔想浪費Quota 😭

呢間半島冰室一直都好出名，今日平日終於排到。**叉燒麵**：呢度嘅叉燒麵真係一絕，叉燒係即叫即切，每塊肉都鮮嫩多汁，唔會有乾柴嘅感覺。叉燒味道濃郁，有啲甜甜地嘅蜜汁味，配埋彈牙嘅公仔麵，真係一流。叉燒麵一上枱就可以聞到陣陣香，真係幾吸引**菠蘿包**：佢哋嘅菠蘿包亦都非常出色，外層嘅菠蘿皮香脆酥鬆，內裡嘅麵包鬆軟，夾埋各種唔同餡料，譬如菠蘿火腿，幾好食，用心製作呢度嘅服務態度係小店嚟講算係非常優秀，店員親切有禮，服務快速有效率，即使係繁忙時間，都令人感覺非常舒服。

半島冰室試咗佢哋嘅暖男餐！ 豬潤公仔麵：豬潤煮得啱啱好，嫩滑可口，配埋香濃嘅湯底同公仔麵，仲有大量嘅芫荽同埋肉碎，味道好搭，食落去好滿足。  火腿炒蛋配多士：火腿炒蛋煮得好香，蛋嫩滑，火腿鹹香，配埋香脆嘅多士。環境：半島冰室環境好擠迫， 餐廳環境麻麻地。呢度排隊真係好多人等位，自從出咗名之後，食物質素都有所下降。總結：暖男餐豬潤公仔麵同火腿炒蛋都好好味。不過，排隊時間長同埋食物質素下降係一個小小嘅缺點。

最近公司派左我去附近商業大廈番工，我係網上搜尋到有間好出名既半島冰室，就同朋友過來試下。最後我叫左個沙嗲牛肉煎蛋麵，因為人多所以等有點耐，但碗野好有驚喜，牛肉夠淋好入味，杯熱奶茶都很滑很好飲。雖然排左成廿分鐘先有位，但值得再來一試

以前係炮台山做嘢嘅時候，半島仲係一間好細嘅舖頭。後來越黎越多人排隊，老細就租埋隔離，但人龍依然係咁長😂。呢日咁啱係北角返學，落堂之後即刻行去半島食嘢。條人龍好長，以為要等好耐啦，好彩一個人好快可以入座。嗌左索女餐，即係番茄通粉，多士連我平時唔食包嘅人，都覺得好味。份量足，服務態度冇因為多人而差左，反而係好nice，而且唔會因為多人不停收你嘢，想你食快d走。當然相對地客人都會好識做，食飽就走。所以有d嘢真係相向嘅，好似紅x咁，真係唔想食第二次。希望老細可以係九龍開分店😂

最近睇咗YouTube MM 介紹茶餐廳 見到呢間嘅叉燒肥靚正🥰 搵日我就去左試吓😋去嗰日係平日11點左右，一個人就唔使排隊💫🍜叉燒公仔麵配炒滑蛋多士($38)既然要試吓佢哋即叫即斬嘅叉燒就嗌咗佢嘅叉燒公仔麵，叉燒一上枱就睇得出係靚叉，偏向瘦叉，但係汁好夠😋唔係求其應付嗰種 公仔麵都煮得都好彈牙 爽口🍜上OpenRice見到啲人平日去都要等位，可能唯一嘅缺點就係要排隊 🙈➡️#hapifriday_北角📍 半島冰室 (北角)北角炮台山宏安道14-28號威德閣地下2號舖

常餐 ｜蕃茄免治牛肉意粉配炸雞髀🍝🍗 及 日式芝麻醬雜菜沙律🥗 $53 8/10 炸雞髀份量足、啖啖肉，不算油膩，肉質嫩滑，味道帶鹹香🤤有肉味，無隔夜的冷藏雪味👍🏻算是吃得滿足開心🥳🥳可謂MVP🏆 可惜！雞髀温度僅微暖，估計非即叫即炸，純粹炸好後翻熱或靜置，但味道及份量足以彌補，加上$價錢抵食，絕對可以接受😎肉醬意粉雖淪為配角😂但同樣不錯👌🏻意粉正常，為一般茶記做法，口感偏軟腍，煮得少許過熟，但不影響整體味道及口感，不過不失。肉醬非舊式茶記，酸甜味較濃、螢光茄汁做法，較接近西式，鹹味較突出，牛肉味較濃，甜味相對較少，配搭雞髀一樣好食，兩者能互相平衡配搭，整體不錯😙下午茶餐｜芝士煎蛋豬扒包🍔 跟餐飲 $35 7.8/10芝士煎蛋豬扒包，份量看似不多，實質果腹感重，吃完感覺超飽🫃🤰。麵包鬆軟有彈性，豬扒煎至厚身金黃，口感厚實，調味較淡，能嚐到豬香味。不過！整體配搭較乾，翻熱時易焗燶或烤乾麵包水份，加上豬扒不算多汁，僅得蛋汁增加濕潤度，故吃到一半感覺難吞嚥😳，放置久了更甚，建議趁熱食，或者歎啖茶滋潤喉嚨😹總括來說，豬扒包好食耐看，蛋汁及半融芝士增加食慾，豬扒厚身足料，飽肚感重，首次到訪也建議

睇MM介紹常餐，睇到呢一間即叫即斬嘅叉燒麵早餐，收工過炮台山試吓。一上枱就好驚喜，一睇就知啲叉燒即叫即切，冇預早切定嗰啲風乾嘅問題，食落去冧滑好味。個公仔麵都煮得好好，爽滑彈牙⋯⋯讚！早餐另外一樣例牌餸就係炒蛋，可惜呢間冰室嘅炒蛋係我食過嘅早餐常餐茶餐裏面，數一數二冇蛋味嘅炒蛋，冇味到我要加鹽，但係都只係多咗少少鹹味，吊唔起雞蛋味。而且佢最唔合格嘅地方係：佢啲蛋漿仲未完全攪勻，因為炒滑蛋嘅關係有少少半熟，就會出現嗰啲好似鼻涕一樣嘅蛋白，呢樣係我接受唔到嘅。整體嚟講，如果下次再去食我可能會食煎蛋，如果你鍾意食叉燒嘅話，個叉燒麵極推！！！而繁忙時間就要搭枱，出餐堪比澳牛咁快，所以就算排隊都應該好快入到去。另外我發現呢間冰室，有好多食物配搭口味都比較特別，因為隔離坐咗啲熟客喺度討論午餐個Menu，發現佢竟然有原隻蒸蟹嘅臘味肉餅飯。仲有粟米肉粒配生炸脆雞髀飯。⋯⋯等等，好鬼搞鬼，若果住喺附近又有興趣真係可以試吓。

今日7點幾送左三千返學，約咗個住附近嘅媽咪一齊食早餐😋問佢自己最常食嘅早餐店，佢帶我嚟咗呢間。半島冰室嘅【下午茶】好抵食，性價比高！推薦～每日精選都有四款日【午餐】經常會換款式餐牌度個位靚仔哥哥就係老闆啦平時佢都會喺度招呼，人好Nice👍晚市好早收，全部熱門嘢都要早啲嚟，唔然就賣晒。如果係用餐時間，無論係早、中、晚都要排隊😺餐廳轉台率好高，估10至15分鐘～所以唔使排太耐。門口有餐牌，排隊嘅時可以諗好食咩，坐低就落單。【排骨土豆番茄通粉】真係早餐好推薦，份量好足夠。一大碗滿滿嘅排骨，我食到好飽，土豆好粉，入口即化，湯亦好好飲。你一早肚子餓就會再想返呢個通粉嘅好食。而且呢個餐仲會配多士，我鍾意烘底，好香脆。

🇭🇰半島冰室·呢個我之前有朋友推介話唔錯 所以就諗住買外賣做下午茶啦 點知最後等左九個字🤯·我中間等左半個鐘已經覺得唔對路 問個職員幫我跟跟 但係職員態度好敷衍 淨係識話有就會嗌我。。。最後我等左九個字 忍無可忍黑曬面再問 佢先肯幫我跟進 原來佢一早準備好 但係根本冇人攞出嚟 最後個麵係浸到連啲湯都無曬 完全唔食得😑·型男餐$50同埋我都係第一次見餐廳將跟餐個炒蛋 火腿係放埋落個麵度😅個湯渾濁到呢😅😅·#rbyeat#rby港式#rby炮台山·📍北角宏安道14-28號威德閣地下2號舖

下午茶 2:15pm到，排左15mins..一早諗定食咩 坐低即落單叫左蔥油叉燒同雞脾轉意粉配紅豆冰$6除左意粉偏硬身之外 叉燒同雞脾都滿意👍🏻叉燒配飯應該會更好味更夾😆

超級欣賞呢間冰室好有心思，午餐menu每兩日就會轉一次，客人可以上佢社交平台睇有咩午餐，當然仲有平啲既常餐揀，常餐名都好有趣，其中有個叫女神餐😂 。仲有，食材好似唔洗錢咁，用料毫不吝嗇 (當然佢應該有賺既🤣)原條鰻魚配日式紫菜煎蛋飯 ($68)上碟速度好快，份量好大，鰻魚唔洗慳住食，配上少量饅魚汁，令鰻魚的味道更出色，亦都唔會feel到有好多骨/刺🫰，紫菜同煎蛋令白飯冇咁dry ，仲有少量沙律菜，食完都冇咁內疚🫣結論🫰大份🫰店員服務態度有善🫰上碟快⚡️多人等但客人來去如風😂⚡️環境有啲逼又多人 一個人有機會搭枱CP值：8/10🎡餐廳資料餐廳名稱：半島冰室餐廳地址：北角炮台山宏安道14-28號威德閣地下2號舖營業時間：星期一至六及公眾假期 06:30-18:00 (收好早嫁)