半島冰室

每次經過都見到有一大班人排隊，今次都唔例外，店員都好好，入去之前會問定你食咩先安排入座，好彩只係排咗10分鐘就入到去。我哋就叫咗個全包宴🍞🔹芝士煎蛋豬扒包 $36加$8配印尼撈麵芝士煎蛋豬扒包係半島冰室名物，第一次黎既我地一定要試試！豬扒勁厚身，芝士流晒出黎，賣相好吸引😋男仔黎講食晒成個應該都少飽。不過豬扒有少少乾，唔夠醬汁，令到成個包都乾乾地。另外加配既印尼撈麵同平時做法唔同，佢地落左比較少既調味，用黎配其他食物應該唔錯。🔹半島三文治 $43加$6配蒜蓉包半島三文治即係公司三文治，有四舊同埋勁足料😋有生菜、蕃茄、芝士、火腿、午餐肉同雞蛋，最有印象係佢個午餐肉，係煎咗先整三文治🤤每一啖食落去都勁多料勁豐富，正🤩最值得一提就係加$6叫咗個蒜蓉包😍佢係半塊厚麵包，仲要兩面都搽咗蒜蓉醬先去烘🤤勁正，一定要加錢食😋🔹黃金粒粒花生醬西多士 $34呢個西多同其他茶餐廳唔同之處係真係粒粒花生粒係個西多入面😍勁有口感，而且花生醬唔會話好甜。男朋友就覺得糖漿啱啱好，我就食開西多係多糖漿，之後叫咗個店員加糖漿，以為佢用隻碟仔分開上，點知佢一Pat唧落嚟，落咗勁多，但我男朋友就食咗兩舊勁甜嘅西多🤣呢間小店值得一提嘅係佢嘅分工真係好唔錯，佢哋配合得好好。我哋食唔晒叫咗一個外賣盒，一個店員就同廚房講，之後廚房拎咗會叫「食物盒拎咗」，之後pack緊外賣嘅店員就會話「邊個要食物盒？」之後店員就會拎過嚟。…查看更多

排隊排咗大約40分鐘 叫咗一個頭等餐味道如果五分係滿分大約4.2左右 不過最令我驚嘆嘅係佢哋嘅服務態度極好 令人好舒服 控制人流嘅能力亦都好強簡單來講 呢一度值得你長時間去排隊等待…查看更多

我係半島冰室長期食客，一直覺得半島lunch 出品唔錯。有一晚心血來潮想去半島冰室- 小菜部 試試個晚餐，但一踏入去已經覺得好伏。當晚小菜部人流稀疏，本身諗住搵個冇咁當風嘅位坐低，但收銀姐姐態度惡劣話：＂你唔可以坐嗰度，要坐返門口呢度！＂。 OK，我聽你講坐返門口位，但你冇客 應該俾我揀返適當嘅位置坐😪落單時，我表示想要飲凍檸茶少甜少冰， 誰不知樓面姐姐竟然話：＂晚市得返正常凍檸茶，因為師傅已經放工，沖定晒所有正常凍檸茶，少甜少冰要特製我哋而家做唔到！＂ 。 心諗唔係啊嘛，一間咁有名嘅茶記竟然凍檸茶都要沖定咁唔專業🥲🥲🥲 。 落完單，等上菜等了又等，半個鐘都未出到一個餐。 然後問收銀姐姐我等咗好耐幾時有？ 收銀姐姐態度勁串話：＂芙蓉蛋 我哋即時煮 等耐啲係正常＂ 好彩最尾好幸運，等多5分鐘到終於上到菜。唉！ 本身諗住收工開開心心食個飯 點知去半島冰室小菜部係去受氣攞苦嚟辛， 我勸告大家去半島冰室食lunch 可以 但千祈唔好去小菜部PS: 半島老闆可唔可以教教收銀姐姐態度唔好咁差，作為食客都係想開開心心食餐飯啫，點解你又要單單打打？…查看更多

因要去炮台山睇醫生，睇完都2點幾，見咁多食肆，就揀一間嚟嘅時候多人排隊的。既然是冰室，位置較密，已經預咗，所以冇乜問題，但求食物美味。 冰室提供多種菜式選擇，午餐、下午茶餐，而我見枱面貼的這四款餐頗特別，便揀其中一個（撈麵餐）試吓。碗仔翅先上，味道唔錯，見有好多肉絲及冬菇，而濃度亦啱啱好，不會太稠。惟一問題不夠熱，只是微溫。跟著牛筋腩撈麵上枱，一望便知中伏。啲醬已凝結，凍嘅。牛筋軟而牛腩只是普通，這碟麵如果夠熱，都只是合格，凍冰冰可以話十分之難食。因趕時間，我求其食少少便算。餐飲叫了檸茶，正正常常。不過，雖然我這個餐難食，但旁邊客人叫的午餐（腰果雞丁）卻是即炒，望落熱辣辣。…查看更多

晚上喺小菜部食咗個鐵板牛柳. 個汁超級鹹. 側邊堆薯條，醬汁多到水浸咁款. 見到已經唔開胃，最後為免浪費食物，攞咗杯水勉強食完啲牛柳. 但係嗰堆薯條真係完全食唔到. 本人幫襯半島冰室多年，自問算是一個忠實顧客. COVID期間半島冰室曾經一度做晚市. 當年夜晚喺半島打邊爐，真係好正. 所以小菜部剛剛開業的時候. 實在是充滿期待. 好可惜，小菜部的服務和食物水準長期強差人意. 開業初期時時漏單，食物雖然不及半島冰室午市吸引，但水準尚算可以. 因此每次都跟自己說多給他一次機會. 之後斷斷續續都有幫襯過小菜部. 但是食物水準越嚟越差. 睇番開業時要排隊食飯，到後來幫襯的人越來越少，相信街坊們都有同感. 今日的晚市食物水準之低，已經是不能食用的水平。所以今天絕對是本人最後一次幫襯小菜部.麻煩將小菜部同半島冰室分開，以免影衰半島冰室多年辛苦建立的名聲…查看更多

平日朝早九點幾到，排五分鐘入座算好彩。見隔籬枱個個叫女神餐，我偏試基本款——點知中伏。沙嗲牛肉煎蛋米粉 ($42)沙嗲汁稀如水，牛肉碎濕濕冇焦香，同屋企樓下茶記冇分別。煎蛋邊緣脆但蛋黃全熟，撈湯食冇驚喜。諗住冰室基本功穩陣，結果失望。 熱鴛鴦走奶 ($20)上枱仲滾緊！吹足五分鐘先啜到一口，苦澀味衝喉嚨，飲完成個鐘舌頭仲有陣燶味。🌟 女神餐 ($56 )睇住師傅捧出：→ 鮮茄湯通粉：茄茸落足，雞湯底飲到微膠質，牛肉冇鬆肉粉怪味→ 炒蛋多士：蛋滑但多士凍咗，牛油凝住唔化…查看更多

第一次和朋友來晚餐，不用等位，入座方便。食物很香口，服務員面帶笑容，也很健談，感覺歡樂。朋友從外地回香港，想吃茶餐廳，沒有令我朋友失望！我們渡過一個愉快的晚上。…查看更多

半島冰室是一個充滿本地特色的冰室，長期都要排長龍。由於午餐食到好飽，所以下午茶試左半島公司三文治。這裡的三文治料多好食，食材又新鮮，配搭完美麵包外脆內軟，完美包裹著豐富的食材；有餐肉、煎蛋、火腿、番茄、生菜芝士等材料，每一口都好豐富，又好好食，令人回味無窮。剩係睇賣相都已經好想再去食到🤤🤤🤤真係好好食既公司三文治…查看更多

呢間冰室長期都大排長龍，今日要去試吓究竟佢有啲咩咁特別。首先見到嘅係佢啲套餐名好特別😂「暖男餐」「女神餐」。不過我叫咗嘅係午餐「香煎厚切豬鞍」。🐖塊豬扒果然係好夠厚切，而且食落一啲都唔鞋唔韌，但係又唔會好似乸過咁樣好假。大大塊份量十足。🦞唔小心偷影到少少對面嗰個人叫咗半島龍蝦沙律，估唔到真係有半隻咁樣嘅龍蝦，好似好高級咁，下次我都要試吓先得！…查看更多

終於安排到一次過去港島去食想食嘅嘢，呢間係我一直都好想食嘅茶記之一，決心點都要嚟食！晏晝三點幾係無人排隊，直入，正！呢一間係一間屬於新派啲嘅茶餐廳，除咗經典你諗得出嘅茶餐廳有嘅嘢食之外，仲有啲新諗頭嘅餐都可以點，本身想食「女神餐」，可惜又係賣晒🙈蔥油蜜汁叉燒煎蛋意粉，蔥油非常之香，蜜汁叉燒係肥瘦均勻之餘，仲好Juicy，煎蛋正常水準，本身唔係特別好蔥油，但係配意粉原來都唔錯👍🏻 要大讚杯奶茶好好飲，茶底搽底夠厚，奶同茶比例平均，掂👏🏻我坐得最近收銀處，最要讚賞嘅係所有店員都好有禮貌，欣賞聽電話嘅職員好有口德，聽得出無論遇到乜嘢類型嘅客人，都能以禮相待🥰…查看更多

賣相好似好好，但碟麵野食好鹹、魚肉不太鮮味，本來碗湯ok但攞湯來係用戴住執枱手套手指掂到D湯、冇得用電子付款、我同收銀講D野食好鹹，講第一次唔知係听唔到定詐听唔到，呆望住我，第二次講大聲少少講，佢話你係今日第一個話鹹(即咩意思)，唔想再去，趕客😠！…查看更多

星期六中午大約一點二去到半島，喺出面排左四個半字，行到去門口，望到是日餐牌。即刻好緊張諗要食咩，因為會喺門口落定屙打，再排另一條隊等入座。最後大約等半個鐘入座。第一次點熱鴛鴦，飲第一啖令我好驚訝，估唔到咁好飲!真係要試熱鴛鴦，個啡唔苦，溝埋奶茶好香。如果無飲開鴛鴦，不妨試下。…查看更多

這是一間非常多人排隊的茶餐廳，由炮台山地鐵站行五分鐘便可到達半島冰室，今日特登去炮台山食早餐，試試傳聞中抵食夾大件的豬扒。第一次嚟幫襯都係點啲穩陣嘅早餐，叫了一個營養早餐［I］皇牌香煎豬扒煎蛋公仔麵跟一杯凍奶茶(凍飲加三蚊)和［K］半島珍寶糯米雞配熱檸水。早餐非常抵食，豬扒蛋公仔麵配上大大塊嘅煎豬扒，豬扒份量很足，煎得剛剛好，肉質鬆化軟熟，再加上甘香的煎蛋（可以選炒蛋），令顧客們食得好有滿足感。半島冰室係區内首選進餐的餐廳，難怪每天早午晚時份或週末假日，都大排長龍，員工速度很快，不會等太久。而我個人認為，我只可以話比其他茶餐廳為好，但未去到最好 。總結：半島冰室環境好擠迫， 餐廳環境麻麻地，地方擠逼，坐得不舒服，生意特別好，門口經常有人龍排隊，街坊風味，食物大份，味道還可以，價錢亦合理，吃完就要埋單，也不好意思坐多一會，經過可以一試。…查看更多

多客就同你講唔記得咗通知你,冇客就自己掛住喺度吹水,你有你喺門口等外賣,佢啲外賣照樣擺入面,明明拎出嚟望住你企喺門口,都可以唔出聲,之後入去問佢得未,佢先話唔記得咗,唔好意思一次,兩次,次次都係咁,唔通真係要自己喺門口睇住,一有外賣出就衝入嚟問你係咪我？？？希望收銀個四眼男人係老細啦,如果係夥記嘅話真係恭喜佢老細…查看更多

一間咁嘅質素嘅餐廳都有人排咁長隊食物好正常，甚至乎係偏下 假日週末下午去幫襯 都排咗大概10分鐘隊一個餐就價錢唔貴 都算係平價但係就奶茶冇茶味 豬扒係劣質豬扒如果唔係住附近，根本冇必要山長水遠搭車入去住附近就都可以試一試…查看更多