半島冰室

營業中

休息中

每日無論早餐,午餐,下午餐都一定會見到長長既人龍，既然日日都要排隊，咁就緊係有佢吸引人既原因啦。今次就為大家推介牛排芝士蘑菇飯，牛排肥大肉厚，菇味香濃，加上芝士，味道十分配合。

正當沉醉於鍵盤時，同事叫喚去吃東西，原來已經2點幾嚕，搭電梯時同事說去半島吃大過某人個頭的豬扒，大家笑他唔識分體積和面積，意思應該係大過塊面吧。北角區唔係好熟悉，跟住同事走到一家店，哦，原來係間冰室，門口仲有人在排隊，我們6個人需要等，待安排好才能入坐。等候期間看看門口餐牌，好搞笑，什麼型男索女餐，下午茶餐都有十幾種，選擇困症發作，食咩好？就揀個罕見的下午茶品種，等位時，可以預先下單，餐飲就入去先至叫。松葉蟹鉗芝心釀蝦膠拌什菜沙律 $36蝦膠唔夠彈牙但唔鬆散，芝心可以拉絲出來，蟹鉗正路係雪藏貨，整體唔錯，沙律菜新鮮，沙律汁係麻醬，正好解膩，好夾！有幾個同事叫豬扒餐，2個叫馬來咖哩吉列豬扒飯 $36豬扒真係好大塊，咖哩汁可以添加，另2個叫香煎豬扒煎蛋印尼撈麵 $32同事請我食煎蛋，蛋2面煎得剛好唔硬，蛋黃仍然左右滑動，吃掉蛋白後用叉子小心翼翼，可以整個拿上來而不破，一口送進嘴內，yummy！豬扒咁受歡迎，睇嚟下次可以試吓嘞。

一向是半島嘅外賣Fans, 但係好少會堂食，因為成日門口都排長龍😝今日上晝休息，早左未返公司，心思思因為仲未試到佢哋嘅早餐成日賣晒嘅蕃茄薯仔排骨湯通粉🤤🤤10點到坐低，原來一切已經太遲，又賣晒啦！😭😭唔怪得知有啲熟客要留起啦😆唯有自製一個類似嘅蕃茄通，紅腸鮮牛肉加茄湯底，牛肉新鮮，茄湯一啲都唔馬虎，入面有洋蔥同埋乾蔥，番茄大量，紅腸都有煎過㗎，好味！另外極力推介佢哋嘅豬扒，下午茶嘅豬扒蛋印尼撈麵，超正😍😍，只不過係$3x包飲品🤩🤩佢哋嘅豬潤都好好味㗎，最啱貪靚嘅OL😎😎

今日做一次葉朗程，去半島食飯。唔係尖沙咀果間，係北角既半島冰室！其實都係朋友介紹，第一次來。2點9下午茶時段，全場爆滿，幸好有枱卡位走左我地先至唔駛等。見好多人都係C餐【豬扒煎蛋印尼撈麵】我冇頭緒就照跟啦，同事就揀【芝士番茄焗牛脷飯】。個麵大部分都係預料之內，麵底真係食開既印尼抵X麵，一個麵餅For 下午茶都好合理，煎荷包蛋好正常，我慣常咁一野篤穿蛋黃來撈麵。但整個麵驚喜喺執煎豬扒度！可能煎之前係搽左浸薄薄既麵包糠同蛋，豬扒表面層脆皮煎得燶燶地，厚薄均勻，質感有別於平時食既煎豬扒，仲有蛋香，肉身醃得軟硬適中，不會乾也不會太淋，係一塊高質豬扒，而且面積唔細添呀。至於個牛脷飯，同事竟然話個焗飯飯底好食過大集團既七哥豬扒飯，芝士同番茄都焗至微燶，牛脷面積同樣係超乎意料咁大，而且相當入味。一路食一路睇下餐牌，有好多驚世發現，咩D24榴槤厚西多，松葉蟹鉗芝心釀蝦膠沙律等，創意可嘉，下次會再黎試。

There are tons of chaa chan tengs especially in this neighborhood and that might be the reason why it took me so long to discover this one. It is truly a gem and explains why there is always a queue outside even when other restaurants are completely empty. Their prices are very reasonable considering both quality and quantity, and the service isn't that bad at all. Hope it can stay here for at least a few years.

今次介紹下位於炮台山的一家小店我相信係呢區的白領之選因為每到lunch都會出現人龍，店內環境還算不錯，亦很整潔職員人數充足，所以上菜速度都好快要介紹的除了一般每兩天更換一次餐牌的午餐外就是港式茶記的全日早餐份量好足夠，同埋豬扒好出色，係香煎的，煎到剛剛好，真係好香，但又不會沾滿脆漿仲有薯餅（我覺得係靈魂所在），加埋一碗港式的沙嗲牛肉麵呢個set真係足夠一整天的體力凍飲方面，啡咖沖得好香滑仲有不定期更換的特式凍飲

聽同事介紹過北角呢間茶記，早兩日終於有機會拜訪一下。當日係星期六，同友人到達餐廳時係一時半左右，門口大約有七至八人喺我哋前面排緊隊。排隊排咗幾分鐘已被安排入座。我嗌咗型男餐，即炒蛋火腿多士配豬膶湯麵，朋友嗌咗商務餐，即免治牛肉意粉配炸雞肶。可能餐廳製作認真，兩個餐大約都要等10分鐘先送到。朋友對個雞肶餐有讚賞。而個豬膶湯麵餐我就有以下評語：豬膶麵個賣相同深水埗X記出品相似，係用豬膶水做湯底，湯面浮住啲粒粒豬膶精華。麵嘅軟硬度恰到好處，但個湯就唔覺得咁有豬膶味。豬膶製法唔係爽嗰隻，係實嘅。因豬膶唔算係黃沙膶，加上厚切咗，質感比較硬，最後我都係冇食晒啲豬潤。炒蛋同多士算係唔錯。同朋友一路傾偈一路食，可能比一般食客用多咗時間。當我哋食完放低刀叉，執碗碟阿姐清走我哋枱面上嘅餐具後，隔咗冇耐，有個唔知係夥計定係老闆，突然間一嘢拍個「留座」牌喺我哋面前，唔多客氣咁話我哋食完，嗌我哋出去畀錢跟住佢仲口噏噏喺我哋側邊講「望咗你哋好耐」「食完就走啦」「出面排晒隊」其實食肆要求用完餐嘅食客交番個位出嚟畀其他等位嘅食客，呢個安排都好平常，但係個夥計當時嘅態度真係好有問題。雖然食完個豬膶麵餐我都唔覺得個餐有乜

早上，朋友說去半島吃早餐。我馬上答應，但原來這「半島」不是半島酒店，而是半島冰室。我們在砲台山站下車，找了很久才到達。那時約十一點半，我們在職員的引領下，坐在卡位的一邊。因為時間近午饍，所以沒有早餐供應，我點了頭等餐，朋友則叫了全日早餐。在等候食物的期間，客人不斷進進出出，座位總是坐着不同的食客，心也慶幸自己不用在火熱的街道上排隊。我的頭等餐到了，是龍蝦湯蝦球意粉、蟹肉蟹籽炒蛋和牛油多士。煮意粉時間合適，湯真的有蝦味(不能確定是龍蝦味？)，共有三隻頗大的蝦，蝦沒有雪味，既爽口，味道竟也不錯呢。本來對炒蛋沒有期望，可是滑蛋中有一絲絲的蟹柳，賣相值得加分；在蛋上灑上蟹籽，頓時令口中的炒蛋混雜軟硬的感覺，是茶餐廳食物中少見的。多士即烤即上，牛油全溶化了，可是個人認為牛油太多，結果牛油不是塗，而是浸，多士不香也不脆。朋友的沙嗲公仔牛肉麵，牛肉頗有厚度，沙嗲汁不太鹹，是中上的水平。全日早餐中的豬扒煎得外脆內嫩，煎蛋一般，個人而言腸是鹹了一點。在品嘗過程中，我感覺這間冰室的食物與其他的茶餐廳有少許不同，這不同，不一定是物超所值，但絕對物有所值。到了十二時，店外已排了一條近二十人的長龍，我也趕快結帳

近排炮台山開左勁多新嘅茶餐廳，不過講真，間間茶餐廳都係差不多咁，無咩特別，唯獨是呢間半島冰室，就真係可以話係喺炮台山黎講最出色嘅一間。單憑佢任何時間都滿座，成日都有條長龍喺店門口就知。坦白講茶餐廳嘅野食好食可以話係基本，半島冰室嘅過人之處就係款式夠多！好多時候去茶餐廳都有一種如果可以A餐跟B其中一樣就好嘅嘅感覺，當然往往都會有，要作作出取捨，但半島冰室就因為選擇多，可以滿足到我呢d貪心嘅人。不過要注意半島冰室星期日係唔開架！

平日太多人排隊，我只好（亦只能）在周六光顧。豬扒，雞扒，义燒，型男，索女餐我都試過了，每次都沒令人失望，食物基本80分，員工充滿活力加5分，食物種類多加5分，職員盡快安排入座加5分… 待應快速執枱意味食客食完離座的確令人有點倉猝，但這個我也願意接受，至少我在外面排隊時也希望食完的食客盡快埋單。希望周日也营業就好了，就算半天也好。

Great breakfast spot, service is great; not your typical HK Cafe as each staff has a big smile and very polite. There is a large variety of breakfast selection and the food is also tasty plentiful. The place often has long line up throughout the day and they are not open at night either.Their food is not the typical HK cafe where the food seems to have put more heart and effort in making their food. I usually order the Tomato and Potato Macaroni soup with Beef ribs. The soup base is very thic

因為上次試過一次頭等餐，覺得很不錯，所以今天帶了兩個朋友一起來。我們四個人下午兩點多到達，在門外等了幾分鐘就有卡位了。原本不用搭枱還延開心的，朋友叫了型男餐和全日旱餐，我和老公各要了一個午餐。須知道每人進餐的速度有快有慢，出菜也有先後，可當你每吃完一樣東西，侍應便會立刻把豌碟收了。而四人難得一起吃個飯，也難免會聊上幾句。我自問我們也不過份，吃了二十多分鐘，沒到半小時，侍應就把一個留座牌啪的一聲放我們卓上，那時還有人沒喝完飲品。我們又不是在看手機報紙，也沒懶着不走的意思。我明白卓子分秒都是錢，不過請老闆想想，不倒半小時，我們四人就花費了二百多，你也不用這麼緊張吧？錢是要賺的，不過希望做生意的，能對客人抱點寛容，這樣你賺到的會更多！！！

中午時間傾完野, 來到砲台山。朋友話同我去"半島"食lunch, 係半島冰室!離遠已經見堵長長的人龍, 排隊的時候已經可以睇定食咩同落單。冰室的常餐最有心機, 有四款選擇: 型男餐,索女餐, 商務餐, 頭等餐;仲有茶記的A-D的午餐選擇,種類繁多!下單後要等一陣間先上菜, 始終係繁忙時段。點了索女餐, 即係蕃茄牛通粉, 牛油多配炒蛋, 加野飲。多士烘得切底, 炒蛋香滑唔老, 奶茶好飲。 **半島冰室係速食午餐的好地方, 此外聽聞炸脾好好食!

說起半島，通常都會想起尖沙咀那家高級酒店。我只是普通的「打工仔」，沒可能每一餐都大富大貴，不過炮台山還有一間很貼地的半島。早前只做早餐、午餐及下午茶，最近他們開始做晩市。星期六的午餐時段，約要等五、六人才能入座，約等了十分鐘，是可以接受的時間。餐牌有四款是日午餐及四款常餐（型男餐、索女餐、頭等餐及商務餐）。看來店主對自己的樣貌很有信心，不少餐牌都有店主的樣子做生招牌。雖然男仕都是喜歡索女，不過型男餐的薑絲豬潤通粉比較有特色，所以都還是選型男吧！檸檬茶茶味香濃。比較其他港式多士，這個比較厚身。炒蛋滑溜不過火，沒有花巧的日本牛乳，展現出傳統的美味。薑絲豬潤通粉的湯底也有清澈的薑味，豬潤不硬身、有咬口也不腥。可惜店內座位比較迫。

聖誕節當然係一家人歡聚既好時光，唔想出街同人迫，嗌到會喺屋企食絕對係唔錯既選擇今年就試試人氣十分高既半島冰室到會，整體來說食物質素頗高，特別推介以下幾款食物：半島龍蝦沙律原個龍蝦殻上，呃like一流，龍蝦肉亦相當鮮甜小食拼盤始終到會唔即炸即食，就咁擺入口的確會淋左啲，但用微波爐既烤焗功能烤一烤，即時十分脆卜卜鮑汁時菜扒冬菇絕對唔係行貨，粒粒冬菇大大舊，勁厚肉，食一舊都唔少野瑞士雞中翼瑞士汁夠惹味總括來說，每款食物都得到家人高度評價，話俾以往嗌開連鎖餐廳既到會好味得多