十字冰室 (禮頓道)

營業中

休息中

是日7月2號假期，早上去了屋企附近呢間新開不久冰室試下早餐！我哋2人叫了兩份早餐！港式早餐～通粉湯唔夠滾，蛋改了煎🥚有D黑，可能個獲之前煎得多嘢，冇再洗，繼續煎😏但都夠熱，ok ！多士就覺得唔好食，應該係麵包唔得黑松露炒蛋菠蘿飽～黑松露炒蛋可以，但菠蘿飽食得出隔夜麵包，唔脆🙅‍♀️奶茶～其實ok ，但我兩覺得有D爍，應該唔夠奶，應該飲茶走加番啲煉奶會好D！最後覺得冰室嘅人手不足，早餐出面得兩個人，又要執枱、落單都好忙碌，但服務態度ok！埋單兩份早餐合共$78 （以銅鑼灣係ok)我都會再來食，不過唔會叫多士及三文治因為環境地方ok！

見佢新開張派傳單咪入去試下,一入去又多人又要排隊,仲要坐得好迫,冷氣又壞.(32度得部鮮風機係度吹下吹下,真係迫你想走)個環境已經唔開胃啦食物就叫左兩道所謂招牌菜,豬骨湯意粉配煎豬扒+蕃茄繪牛尾通粉豬骨湯就無味的,淡的, 應該係用濃湯寶溝大量清水. 意粉就煮到勁唸,差不多係爛, 老火湯級數,俾無牙老人家食就岩的.豬扒就係唔知雪左幾耐,毫無豬肉味,用梳打粉醃到梅哂.蕃茄湯就標準味精湯(唯一一樣有味的野),牛尾都叫唸的,但係毫無蕃茄味,叫好D埋單$110,真係揾笨,永不幫襯

由細飲十字奶飲到大，係銅鑼灣開左十字冰室當然要支持支持，點知入去試左一次，可一不可在，以後以後都唔會再去！我點左個常餐，十字牌豬骨湯加香煎豬扒牛奶炒滑蛋及牛油多士，1.豬骨湯彼淡：豬扒不過不失2.牛奶炒滑蛋：完全唔得，好好地的滑蛋，唔滑兼冇蛋味食唔出牛奶喺邊度，完全比唔起附近大坑的順興，灣仔的華星，甚至乎自己煮都好食過佢3.多士連最基本的牛油都查唔均勻，救命，厚又唔厚，牛油尚算香4.熱奶茶 ： 尚算滑不過茶葉唔夠味，真正識飲奶茶一飲就知奉勸大家，千奇唔好中伏，如果一定要一試，即管試一次就知我講咩。

琴日獨自銅鑼灣行街，中午去咗呢間十字冰室食嘢。聽waiter講呢間系啱啱開咗嘅新鋪，仲有家分店在西營盤，好驚喜！點咗waiter推薦嘅新品加埋一杯凍十字牌鮮奶。炒飯唔錯，有大塊肉丁，仲有好多炒蛋，肉丁肥瘦相間，幾入味。上餐時幾燙，一定系新鮮出爐la！凍十字牌鮮奶同supermarket賣嘅差唔多，味道好親切。我睇见呢間鋪啱啱開業人就幾多，好多公公婆婆左鄰右里食嘢，仲要排隊，其他嘢應該都唔錯啦，下次在試下！

十字冰室銅鑼灣開咗新店la，仲有新菜式可試！今日同屋企人來呢間新店食午餐啦！點咗花生醬奶豬仔包，豬骨湯意粉，三色炸鮮奶同美祿山。其中菠蘿包同意粉都好食但係普通，唔咩特別。菠蘿包外脆內軟，上餐時幾燙，口感唔錯。豬骨湯算濃郁，不過不失。但係炸鮮奶同美祿山都幾有特色！三色係鮮奶味，芒果味同士多啤梨味。我最中意其中嘅芒果啦，香甜軟糯，鮮果味幾濃。美祿山係美祿加埋十字奶、燕麥、朱古力雪糕，好大一杯，怪唔得叫山啦！呢頓餐一百三十多蚊，算幾貴但我同屋企人都食到幾滿足，下次再同朋友來啦！

銅鑼灣新店開左業啦～！！！ 特登今日同朋友去銅鑼灣行街，順便去試下銅鑼灣新店大好多，闊寬好多，坐得比較舒服 店內設計仍保留好多懷舊元素，有搶眼霓虹招牌，紅牆，貼滿街招嘅牆身，鐵閘等等，好多影相位，我自己好鍾意地下嘅懷舊花地同朋友叫了銅鑼灣店的限定美食，有籠仔XO醬炒腸粉，沙嗲牛肉滑蛋菠蘿包，五香肉丁香蔥炒飯沙嗲牛肉炒滑蛋菠蘿包 熱烘烘菠蘿包夾住沙嗲牛同炒滑蛋，味道夾得又幾特別，沙嗲牛沙嗲味夠濃五香肉丁香蔥炒飯用獲仔盛上，感覺好懷舊，炒飯夠乾身，五香肉丁足料

朋友叫食lunch, 去咗[十字冰室］銅鑼灣分店，食完先知這個牌子在西環有分店，而銅鑼灣是第二間又是第一天開將。一坐低睇曬全個餐牌，假日最低消費套餐$58，一碗湯意粉＋一杯熱飲，見到左鄰右里都不太吸引，見到這碗湯意粉連啖湯都咁少所以佢吸引唔到我，所以最後散叫，叫咗一客所謂（巨人雞全比連什果沙律］$42 加一杯熱咖啡$18，咁就$64文錢，等咗大概10-15分鐘，雞比沙律終於飛在我眼前內，同一時間觸動埋我的情緒，好想知原因？1）巨人雞比其實應該叫小人國雞比2）什果沙律少到得一湯匙更，連比多一片西生菜都沒有3）講番雞比味道，除咗廚房幫你炸熟隻雞比外，你要將全隻雞比在枱上自己重新調味（直接講，隻雞比是沒有味）最後，這位四眼靚仔話多謝曬，希望會再光臨，我哋即刻忍唔住講番個問題，真是不吐不快！