十二味 (裕民坊YM²)

營業中

休息中

因工作關係最近經常到官塘裕民坊，但直至今晚才真真正正有時間行吓裕民坊YM2，順路到位於商場三樓平台區「十二味」食晚飯，全店裝修以四川熊貓🐼做主題，望住室外花園平台區用膳，感覺好悠閑😘😘川香回鍋肉 $98回鍋肉是中國川菜中一種烹調豬肉的傳統菜式，五花腩肉肥瘦適中，口感爽脆，大量蔥蒜，青紅辣椒炒成嘅回鍋肉，口味獨特，色澤紅亮，肥而不膩😋😋川式口水雞 $68每次到川菜館必選嘅一道涼菜，佐料豐富，集麻辣鮮香嫩爽於一身，我想這也是口水雞這個名字的由來之一。雞皮脆脆的，雞肉又嫩又滑，麻麻辣辣，加上偶爾嚼到的花生碎和芝麻，真的是滿口香，想不愛也不行啊😍😍蒽油拌麵 $38家常蔥油拌麵,食材非常簡約,細麵條熟度軟硬適中，口感爽滑，拌勻香濃蔥油酱，就係一碗香噴噴的乾拌麵😋😋

今日同個fd去行下新開嘅ym2呢個商場其實好細購物就無乜特別喇反而就進駐左幾間新食店裝修都幾靚添！決定遲啲要逐間試睇完餐牌，我地決定今晚要食辣🌶🌶Wow揀左十二味～但其實我地都唔係食得太辣㗎啫所以呢度有得自選辣度就啱哂我地喇～呢度用電子下單都幾方便選擇又清晰我地揀左水煮肥牛(小辣)涼拌土豆絲(小辣)個水煮肥牛好大份雖然面層浮住好多辣椒但其實個辣度都控制得好好又香又麻但唔會太辣好惹味除左肥牛之外仲有豆芽，寬粉，青瓜等材料添～涼拌土豆絲呢道菜更微辣土豆絲爽口食落幾清爽食完辣梗係要食返啲甜野解下辣啦～呢度有川式火窩餐廳常見嘅紅糖糬粑😍有成8份～糬粑唔係煙韌嘅但都好軟糯好好味～想再甜啲，沾啲紅糖漿真係超正！

午市兩个人叫咗兩份套餐，酸菜魚份量好少，得幾片，武隆尖椒鷄，兩款都系配料多，鷄肉得幾嚿，而家啲川菜酸菜魚開到成行成市，觀塘都有好多選擇，雖然係老顧客，如果質素唔穩定以後都唔會幫襯！

這間十二味位於觀塘裕民坊3樓，店舖環境都好有特色，望落感覺都唔錯!.田雞麻香鍋 $56賣相色香味都唔錯，望落好似好好味😋，而去嘅田雞味道十足帶點辣嘅感覺😋，去嘅配料蓮藕/薯仔片非常之爽口都好有口感🤔.川式口水雞 $53呢碟口水雞睇見都覺得唔錯🤔，係一款辣食凍食口水雞，而去嘅味道帶點川味嘅味道😋，口水雞食到入口都好嫰滑，去嘅辣到夠哂辣非常剌激😝，喜歡食辣嘅朋友之選!.酸菜魚 $68 呢碟酸菜魚大大碟，賣相都都好吸引😮，而去嘅味道😋色香味俱全，尤其是去嘅魚都好嫰滑，食到入口完全冇骨啖啖肉😋，去嘅酸菜味道適中，都算好有水準!.紅糖糍粑 $48呢碟糍粑賣相特別🤔，食到入口都好有烟韌口感外脆內軟😋，糍粑上面放滿紅糖粉，令到糍粑更加好食😋，再點埋D黑糖醬更加好味道!.么妹兒冰粉 $26呢款冰粉好吸引😮，係這一刻食到D辣嘅嘢有解辣嘅作用，食到入口有冰凉嘅感覺😙真係唔錯!.慾望酸梅 $28熱情果梳打 $28呢兩杯飲品都好大杯，而去嘅飲品味道都幾好飲，慾望酸梅酸酸甜甜都幾醒胃😙，熱情果好香果嘅味道😋，飲到入口甜甜嘅感覺，食完辣嘢之後飲一啖非常之唔錯!

來到觀塘新開的商場ym2，既有舊有裕民坊嘅特色，又帶黎不同新的商店、食肆，還保留一眾小商戶，實屬難得。冷氣巴士站為人所熟悉，但原來上到3樓仲有個好靚嘅空中花園，好多花花草草，好似個世外桃源。花園外有不同既餐廳，今次就試試呢間主要以四川菜為主既餐廳。lunch都有set可以揀，包前菜、主菜同飲品，性價比都唔錯。先叫左個牛肉香鍋，配菜10分足料，有蓮藕、木耳、薯仔、芽菜等吸汁既配菜，配以滑牛肉，加上滿滿嘅四川香辣風味，好爽🤪。香味、風味同辣味都十足。之後就叫咗個麻婆豆腐，豆腐10分滑溜，配上特製辣汁同埋肉碎，果然風味十足，喜歡食辣既朋友千其唔可以錯過，辣汁撈埋飯真係十分之爽🤟🏻。食完咁多辣野，決定再嗌多個蒜蓉青瓜清一清口腔，同時亦平衡一下味蕾。清甜、爽脆，簡簡單單嘅碟青瓜，就係中和啱啱食完嘅油膩感同辣味。甜品方面，決定試吓佢嘅紅糖糍粑，糍粑份量算多，上面鋪滿黃豆粉，在點上特製嘅紅糖汁，好完美既結局。糍粑炸到外面鬆脆，但入面仲係好軟糯，作為結尾真係無可挑剔。飲品方面，餐廳主要提供紙包同埋罐裝飲品為主，紙包飲品嘅凍檸茶，雖然唔及茶記嘅好飲，但都有一個唔錯嘅效果。勢估唔到竟然你都會有椰青水，唔太

知道觀塘開左一間十二味 好多朋友都去試左今日輪到我約左一班朋友叫左一份至尊酸菜魚🐟一個田雞麻辣香鍋🐸一個辣子雞🐤一個水煮毛血旺兩份糍粑酸菜魚一上來真係哇哇聲好大一份 果然係至尊版 夠曬大 魚肉好滑 下面係寬粉 陪料都好多只不過 吃一半先發現 魚肉比想象中的少 原來魚肉都擺係上面了😂辣子雞就唔錯 麻麻辣辣 腰果炒得又脆又香 我覺得仲好吃過雞肉田雞麻辣香鍋係我朋友叫的 我唔吃田雞 不過吃配料 魷魚 午餐肉 薯仔片（薯仔一啲都唔琳 不是我想要的口感）不過服務員的態度真係好好

吃川菜就要食十二味，十二味嘅辣嘅好正宗，而且好入味，午餐套餐好抵食。中午和同事又來消費。我嗌左酸菜魚套餐，加$8要樽荔枝玉露飲品。酸菜酸酸辣辣，好開胃。魚肉薄薄好嫩滑，分量都不少。我最鐘意嘅芽菜和酸菜都多，慫米飯好正。田雞麻辣香鍋套餐，送檸檬茶。除左田雞，還有薯仔、蓮藕、雲耳和芽菜。香鍋啲醬汁鹹香而且濃郁，一上檯，飄香四溢，好惹味。肥牛酸菜麵套餐，加$8要杯熱情果蘇打。麵條係寬麵，有D爛，分量很足。肥牛切薄薄一片，唔會柴，好易食。

今日去觀塘搵朋友食飯，於是去咗新開裕民坊搵食，入面有間專有川菜既叫十二味就入去幫襯。入到個feel勁有返到內地既感覺，佢地主打係辣野同酸菜魚，可惜友人唔食魚，於是叫咗川式口水雞、乾煸四季豆同蔥油拌麵。首先黎既係口水雞，啲雞肉好嫩骨，個辣油調得好惹味，食到重花椒味，連埋雞食真係好正。之後就上咗四季豆，份量都好多，啲豆都炒得夠火候，連埋肉碎同醬食一流。最後黎咗蔥油伴面，碟麵上面放咗幾條蔥以為佢做吓樣，點知食落真係有好強嘅蔥油味，值得一讚。

平時返工食開黃大仙分店，覺得好好味，酸菜魚份量又多，叫小辣有五六條辣椒仔，觀塘呢間因為近屋企，好開心有得食，點知大失所望，酸菜魚小辣得兩條辣椒仔，花椒更是得一兩粒，賣相相差太遠令人好難相信係同一間餐廳，偷工減料太嚴重，太難食！！！！！見到都唔開胃，唔會再黎！！！！！！！！！！！！！！！！！！！！！！！！！！！！！！

觀塘裕民坊開云間新嘅十二味，今日收工後同老公去食。啱啱好開在凱匯樓下花園平台上，地點相當不錯，又容易揾。食完後可以去樓下商場行行。今日點左老公鐘意食嘅水煮牛肉，菜一上檯，一股好香嘅香辣味撲鼻而來，滿滿一大盤，分量好大。牛肉肉質好嫩，麻麻辣辣，好好食。配料還有大量芽菜和寬粉，$138元好抵食。還嗌左份蔥油拌麵，蔥油好香好濃，麵條煮得啱啱好，嫩嫩滑滑又彈牙，而且唔會油膩。分量都不少。兩個人兩份菜都食得好飽。

今日同朋友行開嚟觀塘裕民坊，因為呢度係新開嘅，咁就兜咗個框，見到啲嘢鋪頭都係新的見到呢間十二味，係食川菜咁我哋就試下啦，其實呢間嘢之前都試過嘅，不過朋友未試過咁就帶佢嚟試下， 我哋叫咗以下:川香回鍋肉: 呢個回鍋肉我覺得都唔錯，因為啲豬肉係半肥瘦，所以我覺得幾有咬口而且我只係叫咗小辣，所以食落都唔算係真係太辣，如果鍾意食肥豬肉嘅人可以一試。極品麻婆豆腐： 呢個麻婆豆腐要讚嘅就係去豆腐都幾滑，本人筷子技術不太好一夾就散所以要用匙羹輔助。 而我叫咗小辣但今次辣嘅程度唔係小辣嘅程度，我自己都覺得幾辣，呢個麻婆豆腐自己就叫多碗飯送呢個豆腐，所以如果你食得辣嘅話，可以試下。雖然今次冇叫酸菜魚，但係我覺得鍾意食辣嘅朋友可以一試。

裕民坊3樓出去花園之後第三間嘅食肆就係今日嚟嘅十二味。本身十二點幾嘅時候經過頭一兩間都見冇乜人幫襯，以為呢度都冇咩嘢好食，結果一行過呢度就見有九成滿，咁我梗係拉埋個friend即刻狗衝入去。然後我哋一坐冇耐，就開始見出面排緊隊等位，so lucky🤟🏼水煮牛肉（$58）本身就超級鍾意水煮湯，滑牛肉真係好嫩滑，唯一小缺陷係食到唔夠喉！但水煮湯嘅辣椒香濃，清爽得嚟又夠辛辣，湯底比100分酸菜魚（$68）酸度令辣味冇咁出，適合唔食得辣嘅朋友。驚喜嘅位係魚落得非常非常非常多，真心食極都仲有。加上啲魚本身都好滑好大舊，食得好爽好夢幻，心諗有冇咁筍，又抵又好食又大份！？（真係有）酸菜肥牛麵（$58）肥牛量max！麵底係寬麵，好大碗，包你食到飽。除咗酸菜都有娃娃菜，肥牛又比咁多，抵到爛。桂花冰釀（+$8）類似桂花冰粉嘅味道，不過係飲品version，想食甜品又唔想食嘅人啱曬呢杯。熱情果蘇打（+$8）呢個份量真係shockingly熱情，泊埋喺紙包檸紅茶隔離真係冇對比冇傷害。而且大杯得嚟都仲好夠味喎！啖啖都飲到熱情果籽，正！兩個人，三碟主菜，加埋特飲，食到飽都係$200，每人$100咁嘅質素咁嘅飽足程

呢間喺裕民坊新開張，出面已經聞到陣陣嘅四川辣椒味，諗起好耐冇食酸菜魚就入去試吓先！川式口水雞 （$68）佢就賣相好吸引，我哋叫咗小辣，辣度可以自己選擇亦都可以揀唔辣。冰冰涼涼嘅口水雞都幾嫩滑，就算有好多辣椒油都唔會覺得好辣，係一個好開胃嘅小菜。主角 - 人見人愛酸菜魚 （$238）加埋寛粉條 （$28）魚好滑，分量十足而且件件大大塊！好好味！再加上冇乜骨，食落自然放心。配料都有好多嘅酸菜，寬粉嘅話份量都好多同埋好滑口。可能因為我哋揀咗小辣，令到酸菜魚冇乜酸味🤔另外酸菜魚都比較多油，食完成口都係油😁。食辣野當然要杯凍嘢飲～我哋叫咗桂花冰釀（$28）聽到個名對佢期望好高！不過佢唔係好冰凍，但有淡淡嘅桂花味，可惜我哋唔知道要stir一stir，飲到最後先飲到底部嘅花釀😳😳呢間舖頭嘅服務員都好熱心，態度有禮。整體成個過程都食得開心滿意！值得一試🤓

見新開張去試一試，點知離曬大譜。已經避開午飯高峰時間，14:00入座，14:05落單點了一份午餐（酸菜魚），點知三吹四請都未上，直到14:47分先上菜。如果非高峰時段，一份午餐要客人等42分鐘，事後亦無任何表示，實在不可————————————————————-————————————————————-————————————————————-————————————————————-————————————————————-

一直覺得十二味的午市套餐抵食，包一個前菜+白飯+紙包檸檬紅茶+主菜~但唔同分店質素較參差~酸菜魚午市比晚市平好多，抵食之選！但呢間比其他分店的魚片少，唔太夠味，有d分店會落炸蒜，呢度冇~花椒味亦不太出~牛肉麻辣香鍋小辣不太辣，唔夠麻香，但呢樣份量算多~較多配菜~蓮藕、薯仔片、芽菜、木耳等白飯質素飄忽，今日難食到難以下嚥，超級乾柴，好似飽經風霜的隔夜飯……有其他分店有打卡送汽水的優惠，呢度新開張反而乜優惠都冇😓