十二味 (裕民坊YM²)

營業中

休息中

今天去了官塘新地標 - 凱滙 新開的十二味 目的是去吃酸菜魚店鋪位於三樓平台 故此等位時是在露天地方 沒有冷氣 等了大約15分鐘才有位此店自稱新派川菜 裝修以四川熊貓為主角 枱有點窄及擺得有點迫 空間感不足 採用自助點餐 亦設有會員制 更有VIP優惠我要了午市套餐的酸菜魚 小辣 內包一小碟土豆絲及紙包檸檬茶 此店的酸菜魚屬於重慶口味 偏麻辣 圖片可見 有很多麻子浮在湯上 我個人不大喜歡麻辣 除了這 湯也偏酸 幸嗎魚片頗多又大片 更沒有我討厭的大豆芽菜 也沒有粉條 只有萵筍及酸菜 男配有一碗白飯 可是有點硬及不夠熱朋友要了酸菜肥牛麵 雖然湯是紅紅的 但只是微辣 麵是刀削麵 湯底也可以 埋單是自已去前台 沒收加一 但飯後有點口渴 應該是湯內的味精有點重呢🙄

今個星期六又出咗嚟觀塘同兩佬食飯。見裕民坊有新商場開咗，就係裡面搵野食。我哋去左位於商場三樓既十二味，個入口位置有點奇怪，是在平台花園入面的，不是在商場內。總之到了三樓見到德美壽司，再行出平台花園，行前兩間舖就是了。我地12點半到，未算太多人：餐廳是用QR code上網下單的，我哋三個人叫左四個午餐，再加一個小食～先來小食，尖椒皮蛋，好味：再來酸菜魚，因為阿媽唔食辣，我地叫左走辣：跟著是炒全素走辣、麻辣雞翼同回鍋肉，配菜其實都是一樣，有牙菜、蓮藕、韭菜、雲耳等等：每個午市套餐包一碗飯及紙包飲品，埋單$249，非常抵食！

是日午市去，一行二人約12點30左右到，已經好多人排隊，Full house要等位大約等左15分鐘，等位要入收銀拎紙仔。 但入座就掃枱上QR code入單，流程順利，點了兩個午市套餐跟白飯同2包紙包飲品，一個水煮魚，一個酸菜魚。 中午食酸菜魚($68)加碗飯好開胃，好多酸菜，魚好滑無骨，碗飯壓到好實，應該有碗半飯🤣，湯底正常魚湯，撈飯唔錯 水煮牛($58）就一般，辣又唔太辣，係App選擇中辣，下次都係叫大辣試試。

觀塘裕民坊最近越來越多食肆進駐，就連呢間食辣嘅連鎖店都選址呢度，九龍東嘅人有福了！餐廳位於平台花園，望出去都好舒服，雖然餐廳面積唔算好大，但座位亦夠闊落。辣辣香鍋，最少要點5樣配料，叫咗午餐肉、雞軟骨、椰菜花、豆皮同牛舌。2人份量來講真係超多。小辣都好惹味香口，辣得過癮。見到呢度都有得買現成醬料包，$38一包唔算貴，如果鍾意食呢度嘅香鍋就可以買走啦！越食越辣，仲叫咗桂花酒釀飲，好少見有呢樣飲品可以點，因為平時都係當糖水加丸子咁食。不過略嫌呢杯$28 有啲太細杯了！

小辣酸菜魚跟寬粉份量真係好多，配合返佢二百幾蚊係合理既，如果佢可以出款細份更好，畢竟兩人來食都會想食多啲野， 魚🐟好滑，配菜都好足，寬粉更係隨手都夾到，二人食真係有啲多杏仁青檸蝦球又係好大份，一百五十幾呢個價錢幾抵，本身蝦味道唔強，主要靠個醬汁，酸酸甜甜好開胃，岩夏天食，粉漿厚薄還可以紅糖糍粑呢個甜品真係次次都食，份量又係幾多，好軟糯，點少少糖漿好提味呢間十二味係裕民坊，係新商場，都裝修得好靚，座落三樓既花園邊，採光度好夠，內裡裝修都好靚，似西餐廳，提高了整體格調

今日又黎到YM2平台花園覓食，行近十二味就比果陣麻辣味吸引左😍掃QRcode自行落單，餐牌有香鍋、涼菜、熱菜、主食及甜品。我同朋友最後決定食2個必食既主菜！1.人見人愛酸菜魚（配粉條）好大盤！非常足料！魚肉有好多塊，肉質新鮮，無骨的😀 粉條係粗條形，晶凝通透，幾滑幾彈牙👍🏻2.飄風毛血旺豬血唔錯，無羶味，配料有好多舊豬腸、豬肚etc.、午餐肉、魷魚、芽菜、青瓜等。毛血旺較酸菜魚香；但酸菜魚則較飽肚，各有千秋。小辣適合好似我咁唔太食得辣既人😀陣麻辣味只會停留喺嘴唇😀辣度剛剛好😀

-十二味🍽-川菜真係開到一街都係🔥裕民坊新商場都開左間川菜仲要好多人食就係好多區都有既十二味🌶喇😍呢度最出名就係干鍋🍲-🥢麻辣干鍋 (最少要揀5款配料)干鍋好食在所有配料都炒到勁入味好夠火喉😋干鍋係有得揀辣度既因為小編驚川菜太辣都係揀試小辣算🤣小辣係接受到既程度唔太食得辣既朋友應該都頂得順😉自選配料就叫左:1️⃣午餐肉呢d咁惹味既野當然要有午餐肉😂辣辣地再加上有煎過下既午餐肉真係世界級😋2️⃣牛栢葉因為干鍋個辣味會愈食愈想食🤤所以配牛栢葉就更加正因為佢索哂d汁勁入味又爽口😉3️⃣萵荀食辣野點都要叫d野解下辣🥵萵荀清甜食完可以舒緩喉嚨🤣4️⃣五花肉五花肉本身就煎過迫哂d肥油走所以食落唔會好油膩😉加埋辣味就正哂😋5️⃣豆皮食開辣既朋友無論食乜辣野都一定要有豆皮😂佢索辣個程度真係100分😍重點係又抵食又飽肚🤣6️⃣薯粉薯粉既份量係超多我估夠2-3食😂小編打親邊爐都要落薯粉因為加麻辣湯好正😋原來干鍋炒一樣咁入味咁好彈牙👍-🥢杏仁青檸蝦球青檸蝦球份量都唔少有12舊仲要粒粒都乒乓波咁大粒🤣個青檸汁唔會話好酸岩岩好唔會搶左蝦球既鮮味😋-🥤慾望烏梅想解辣解膩其實飲梅汁真係好有用😂呢度杯烏梅勁大杯夠哂2個人飲酸酸甜甜幾開胃😉-

觀塘最近開咗個新商場上面都有好多嘅嘢食其中一間就係我成日都好鍾意佢嘅十二味！終於都係觀塘插旗啦今日我就搵一個食得辣嘅朋友同我去食啦！觀塘呢一間裝修好光猛，而且感覺都好乾淨。每一間嘅裝修都各有特色不過食物先係重點！呢度點餐係用手機嘅，呢度食物款式相當之多但係我仍然係唔會放棄我嘅最愛！酸菜魚上碟嘩真係大得震撼我估計三四個人食都無問題👍🏻酸菜萵筍嘅份量非常多，魚嘅份量亦都唔少，呢度嘅魚大部份都係無骨嘅而且魚肉好滑重點係冇腥味！用嚟配飯簡直一流！而且每一舊魚都非常之大份再嚟我哋叫咗蒜蓉青瓜比起坊間嘅青瓜佢一啲都唔油膩而且感覺好清新最後主角出場就係自選香鍋呢個最少要揀五款嘅配料我哋就以蔬菜為主揀咗花菜木耳蓮藕牛肉同埋魷魚🦑味道非常之特別，因為佢比較濃味 所以每一道菜都熟晒佢嘅味道就變得好惹味！其他材料都非常之新鮮所以令我吃過不停

十二味在觀塘裕民坊YM2 開咗分店，今日跟朋友去試吓…位於裕民坊YM2 三樓公園，地方寛躺，座位闊落。QR code 自助下單，價格親民，午市套餐不設加一👍🏻前菜是土豆絲😋酸菜魚$68，有飯有一包紙包飲品…酸菜魚份量不少，魚肉肉質鮮嫩夠滑，萵筍爽口，湯底濃郁，酸辣調味適中！牛肉麻辣香鍋$56，麻辣很香，牛肉是鮮牛，厚切入味，配菜方面有雲耳，蓮藕，筍片，全部夠鮮夠爽口！燒椒皮蛋，味道香辣醒胃，皮蛋夠Q彈✌🏻乾煸四季豆$42，四季豆夠鮮不會乾身，且入味，配白飯一流！

觀塘裕民坊開了一段時間，還未去過覓食🤔。在最層的食肆區有好幾家餐廳，這次就去了一家吃川菜的餐廳。午市時間有套餐供應，跟餐附送小吃和飲品，還可升級飲品🙈。-💥川式口水雞 HKD$53，口水雞的外型堆砌到球型，雖然看似很辣的樣樣，但吃起上來不太辣的。雞肉肉質嫰滑，雞皮爽口不油膩，醬汁酸酸辣新的很開胃惹味🤤。-💥田雞麻香鍋 HKD$56，這個用了很多配料拌著炒田雞，包括蓮藕、薯仔片及芽菜。田雞肉質煙韌😆，味道濃郁不咸，蓮藕和薯仔片口感爽脆。-💥酸菜魚 HKD$68，湯底是金黃色的賣相，味道酸酸的很開胃🙈。這天氣吃酸酸的食物挺好的，配料有酸菜和芽菜。魚肉肉質嫰滑，而且吃不到骨頭。-甜品方面點了么妹兒冰粉和紅糖糍粑，兩款甜品也有解辣作用😆。冰粉味道甜甜的，有種透心涼的感覺。糍粑外脆内軟口感煙韌，還有紅糖漿拌著吃🤤。-飲品方面點了慾望酸梅和熱情果梳打，兩杯飲品也很大杯😂，吃到辣也不用怕沒有飲品。兩杯飲品味道也是酸酸的，既開胃又可解辣挺好的。

去過幾間喺不同地區嘅「十二味」，有時食晚餐，多數食午餐，因為餐廳有好抵食嘅午市套餐；呢日同朋友一齊喺觀塘，佢話新開咗「十二味」分店，不如一齊去開餐，咁我冇反對喎😆叫咗兩個午市套餐 share 嚟食：$58嘅「酸菜肥牛麵」同埋 $53嘅「川式口水雞」；每個套餐 包一小碟前菜，我哋有「蒜泥青瓜」同「涼拌土豆絲」；「川式口水雞」仲跟白飯；跟餐另加 $8 我要咗杯「熱情果梳打」，朋友就加 $8 要「百分百純椰青水」；再加 $38要「蔥油拌麵」，都係 share😆「酸菜肥牛麵」又酸又辣好開胃😆，有啲彈牙嘅 闊條麵 亦都幾啱我胃口😋；「川式口水雞」味道好濃郁，仲做到凍冰冰，可能 冰凍嘅關係連雞皮都脆脆哋😆；「熱情果梳打」同「百分百純椰青水」都唔係好甜，幾refreshing 😋

觀塘舊區原來真係變左好多.經過裕民坊先知原來變左個商場！感覺同另一邊既工業區好大分別呀！同朋友黎到搵食.見呢間十二味lunch set都幾抵食😉唔怪之得咁滿座要等位啦☺️我地就叫左兩個餐包左主菜+白飯+前菜🥰前菜木耳細細碟😝酸味味又爽口🤗1️⃣川式口水雞 $53 口水雞🐥份量都大🤗雞件浸泡在酸辣鹹香的深色醬汁中滑嫩可口😋小辣比較啱平時食BB辣既朋友🤣2️⃣酸菜魚 $68酸菜魚我選左中辣🌶食落帶麻香又唔會過份嗆口🥰香而不辣且好惹味😍魚片無骨又滑🤤當中加入左爽口嘅萵筍以及大量酸菜🤗不自覺食哂成碗飯😬小食尖椒皮蛋 $48皮蛋吸收晒店家自調既辣汁😬連埋切成條狀既尖椒一齊食😎呢個冷盤食落好開胃😋飲品：可樂 及 雪碧 + $5

第一次去重建左既裕民坊，原來都幾靚，有個空中花園，十二味就係座落係個花園裡，外面望入去成間西餐咁，入到去都裝修得幾靚，枱凳都比其他分店感覺高檔，裝修上仲有啲設計，讚👍📌酸菜魚配寬粉🐟 （小辣）🌶酸菜魚夠滑，份量都幾多，兩個人食好似食極都食唔完，除左酸菜，有萵苣，仲係好多萵苣，夾極都有，小辣都好似無乜辣咁，下次可以食辣啲📌杏仁青檸蝦球🍤份量又係幾大，好多舊蝦球，蝦球🦐沾左粉漿炸得幾脆，如果個粉漿可以薄少少更好📌紅糖糍粑十二味必點甜品，軟糯既糍粑佈滿黃豆粉再點埋糖漿，為一餐酸菜作最完滿的結束🔚

::十二味::觀塘裕民坊嘅YM² 已經開咗一段時間，裡面嘅餐廳都陸續開業，十二味係其中一間餐廳，落地玻璃採光充足坐得特別舒服，作為佢地嘅小粉絲，又點可以錯過呢🤤#川式口水雞 $53口水雞睇落紅卜卜，其實唔會好辣，雞肉嫩滑而入味，忍唔住連雞皮都食晒呢😆#酸菜魚 $68酸菜魚保持水準，魚片起晒骨啖啖肉，微辣嘅湯底配上酸菜好開胃，個人最鍾意加啲湯撈飯食，每一口都係酸菜湯嘅精華😋#乾煸四季豆 $42午市套餐好抵食，$42已經有大大碟嘅四季豆加埋白飯同飲品，四季豆炒得好惹味，好適合送飯！十二味貼心嘅地方係大部分菜式都可以自選辣度，仲可以選擇要唔辣㗎，唔食辣嘅朋友都可以一試！#紅糖冰粉食完辣嘢都會食冰粉解辣，呢度嘅冰粉好特別，加入咗桂花，食落多一種桂花香，好啱夏天食👍🏼#紅糖糍粑已經成為我到十二味必點嘅小食，煙煙韌韌嘅糍粑建議趁熱食，外脆內軟嘅口感大人小朋友都會鍾意❤️

收工來排隊食辣野，我哋叫咗是酸菜魚同埋經典辣鹵香鍋👍🏻👍🏻酸菜魚—-我哋叫咗小辣，再加左粉條🤤🤤，本身酸菜魚就已經有好多魚片，好好味嘅酸菜，本身仲有雞髀菇同埋萵筍嘅配料👍🏻👍🏻經典辣鹵香鍋——香鍋勁大份，辣到剛剛好，摸裏面主要有滷豬手、滷雞腳、蓮藕片、土豆片、海帶，分量真係勁多，我覺得豬手同雞腳真係做得好好味，豬手係啱啱夠林但係又仲有咬口嘅，而雞腳就軟軟糯糯，拿捏得剛剛好👍🏻👍🏻👍🏻，但係完全食唔晒，已佢呢個價錢來講真係抵食到冇人有😂😂😂臨走嘅時候見到午餐餐牌，$50左右就可以食到，勁抵食，所以下次都要過嚟食下午餐🤣🤣🤣