十二味 (裕民坊YM²)

營業中

休息中

午市吃十二味的CP值不錯！非常推薦大家去吃午市😁👍🔶酸菜魚🔶十二味既招牌菜果然名不虛傳，魚片爽滑嫩口，都幾大片而且唔會太多骨，混搭多款酸菜，湯底酸菜魚味🐟層次豐富，鮮味十足，味道會令人上癮！很適合用來送飯😋😋🫶🔶煸四季豆🔶四季豆好入味同炒到好軟身，而且又不會太油膩，加埋炒肉碎好惹味！辣度剛剛好🔥🔶紅糖糍粑🔶第一次食呢款甜品，原來係似糯米糍，配上黃豆粉、黑糖漿來吃，煙煙韌韌既口感 幾特別

第一次食十二味又幾好味wor!有驚喜本身都鍾意食酸菜魚，乾鍋類食物，又怕太辣，但十二味既少辣都ok,食到肥腸乾鍋d肥腸都洗得乾淨，味道好香好滋味炒土豆絲都好爽，好食紅糖糍粑都好味！值得再幫襯

【111】用家自費分享，不是打手！Walk In 唔駛等，七成滿。3️⃣0️⃣CP值：2023/9/27/12:40，平日午餐時段，2人埋單免加一HK $146，平均每人$73。已經去過冇數次，招呼及食物，一直都很喜歡，今次真係超失望。叫甚麼麻辣中辣，都係冇辣味，冇溫度，疑似個D兩餸飯咁，炒好晒𢳂出嚟上枱，以前肯定即炒嘅，熱辣辣的，有唔同辣味的，唔通多客左就係咁？！出品差成咁，唔想再叫甜品了！午餐時段我一定不會再去2️⃣0️⃣午餐大盆花菜+中辣+麻$62，跟餐罐裝可樂，炒定先至會水汪汪，冇辣味，冇溫度，懐疑似個D兩餸飯咁，炒好晒𢳂出嚟上枱，完全不似以前乾身，腩片仲係叔既4️⃣0️⃣午餐雞翼肥腸麻辣香鍋+中辣$84，跟餐熱情果蘇打，一樣似兩餸飯，冇温度冇辣味，雞翼更炸到乾哂

今次同一大班朋友一齊食十二味人見人愛酸菜魚(粉條）（$276）份量偏少 鱸魚片肉質鮮嫩新鮮嫩滑，厚身冇骨酸辣度可以自己選擇有爽口萵苣作配料，我最喜歡煙韌寬粉可以索哂啲汁 環境方面都坐得好舒服～ 仲可以叫啤酒餸酸菜魚一流！

以前番工lunch 想食辣, 一定要食十二味很久沒食十二味, 點知裕民坊開了太開心~叫了一盆3-4人份量酸菜魚，份量果然驚人😍真係好大盤！真正四川風味的酸菜魚，一定要讓人感受到魚片的滑嫩和鮮美。重點是，這道菜絕對沒有任何骨頭碎片！小辣湯底酸辣度剛剛好 辣度又不會搶酸度 酸菜好食 又多萵筍不僅如此，湯底還搭配寬粉，吸收了湯汁的粉條入口即化。這樣的組合讓整道菜更加入味，帶來無比的享受。如果你喜歡微微帶點酸味的菜品。這盤酸菜魚可是送飯的一級好選擇啊！燒椒皮蛋也不可錯失皮蛋金黃、晶瑩通透, 賣相吸引,燒椒香辣,惹味 蛋黃有少許流心口感軟滑。

# 91 用家感受 不是打手！OpenRice訂位，直入唔駛等。17:30訂位有7折。9️⃣0️⃣2023/6/12/Mon/18:30，平日晚餐2人埋單連加一HK$603，平均每人301。已經食過無數咁多次，無影相了，坐得舒服，同朋友一路吹一路食，唔覺唔覺食咗咁多嘢。9️⃣0️⃣大盆花菜$88，正。6️⃣0️⃣乾煸肥腸$98，今次肥腸偏乾。9️⃣0️⃣蔥油拌麵$38，正。5️⃣0️⃣熱情果蘇打$28，今次無乜熱情果味。8️⃣0️⃣紅糖糍粑$48，正。9️⃣0️⃣香辣鍋(雞敕骨+嫩牛+蓮藕+土豆+萵荀) $221，正正正。

平時lunch 都食下十二味過下口癮，今次就揀大假夜晚食，夜晚嘅份量就睇菜式，今次四個人去食就揀左黃金皮蛋，干鍋，酸菜魚配粉條，拌麵，炒四季豆。皮蛋嘅份量應該就得兩隻皮蛋。四個人每人三舊就食哂了😭😭干鍋就揀左小辣，餸揀左牛舌，金針菇，薯仔，雞軟骨，牛柏葉。炒得幾入味唔會得個咸字。酸菜魚配粉條就不過不失，粉條煮得未夠淋，夾起都仲有啲係痴住一舊。魚嘅份量就正常，如果鍾意食魚就可能覺得唔夠喉啦～ 拌麵係值得推介嘅，唔會好咸，就咁食都好食。炒四季豆就睇個人口味，呢間嘅四季豆就炒到偏爽身少少，咬落去唔會好淋。如果中意食淋身四季豆就可能會覺得一般。😥飲品就叫咗熱情果梳打，同埋凍嘅酸梅汁。普普通通無乜特別。最後叫左杯冰粉，較為失色，靠糖水帶出甜味。🫣🫣呢間十二味位於裕民坊3樓，比較格攝，要行出花園平台先見到。

川菜作為四大菜系之一，真係博大精深，同樣鍾意食辣，但鍾意既口味都好個人化。大學年代同朋友食開每月由四川挪原材料既紅磡聯記川王，亦都會北上去深圳食川菜，對我地黎講，好食既川菜，唔一定係有好多辣椒既死辣，但要有花椒既香、麻。食過十二味幾次，無論係水煮牛肉、口水雞、土豆絲等，都係色、香俱備，味道欠奉，形似、神不似，只有辣、未夠麻。川菜既麻，大多靠花椒，十二味奇怪之處係，明明有花椒，但唔入味，就算咬埋花椒，都唔係好夠香、麻，每次都係有d失望，不過叫做係個整潔餐廳食都辣野止下癮。

🐟酸菜魚配粉條 $256招牌菜個碟大又深酸菜夠酸 魚肉夠滑冇腥味冇骨 但又保持到魚味酸菜魚湯底夠酸夠麻夠辣有花椒八角調味 辣得好過癮仲有萵筍片同埋水晶薯粉條 索晒啲酸菜魚湯汁 🌶燒椒皮蛋 $48麻辣小食一碟有八件中間嘅心係流心嘅汁麻得黎又帶少少甜伴碟仲有少少辣椒皮🍗川式口水雞 $68 擺盤好漂亮 碟大雞肉實際上不多不過味道幾好 辣辣地又夠麻🍬紅糖糍粑 $48食左咁多辣野 最後食返啲甜野中和一下一碟有八件 長條型糍粑熱辣辣又煙韌表皮煎得有啲脆皮 上面有灑黃糖粒粒仲可以點埋跟上的紅糖漿 無咁乾身推介指數 (5分為滿分)：整體 ❤❤❤味道 😋😋😋抵食 👍🏻👍🏻環境 ⭐️⭐️⭐️⭐️ 服務 👨‍🍳👨‍🍳👨‍🍳

6️⃣2023/4/11/Tue/15:26/Walk In 唔駛等，平日下午茶時段，20%滿座，15:00去到叫set lunch，嘢食剛到都未起筷子，15:20就問你有無野加，要落場埋數，滾水淥腳咁要即刻加多個糍粑，lunch set平日唔係11:00-16:00咩？！又話小食送晒！講嘢咩，你估我第一次食，第一次無小食送就真，之前食好多次都唔係咁老土！其他分店都有小食及唔催人走，員工趕客，老闆真係慘。三人埋單+唔知乜嘢服務費$4(食好多次都無咁嘅服務費)合共$259，每人平均$87。食到趕頭趕命，小費任佢加，小食任佢比，唔會再去。整體40分~員工趕客，老闆真係慘。…………………….80分~大盆花菜+飯+罐裝可樂$62，無失望，炒得好乾身，好味。70分~牛肉麻辣香鍋+飯+罐裝可樂$64，好味嘅，但好少好少牛肉，食配菜。70分~酸菜魚+飯+凍熱情果蘇打$81，夠味，飲品大杯但味道好怪。80分~紅糖糍杷$48，正嘅。

#87 用家感受，不是打手！Walk in 不用等9️⃣0️⃣CP值，2023/3/30/四/13:00，平日午膳時段，三人埋單HK$214免加一，平均每人72。位置在大商場頂層，唔難揾。裝修新，空間大，坐位闊落，坐得舒服，感覺乾淨。招呼友善，Apps落單，上菜不算快，但可接受。食物個人喜歡，夠辣入味，整體十分好，又變我飯堂。8️⃣0️⃣雞翼肥腸麻辣香鍋套餐$76，有飯及青瓜小食，跟餐罐装可樂加$5，好味，尤其配菜蓮藕及切片薯仔，好入味，夠辣。7️⃣5️⃣川香回鍋肉套餐$61，有飯及青瓜小食，跟餐凍熱情果蘇打加$10，回鍋肉唔夠川辣味，較失色。凍飲好大杯，正正常常。9️⃣0️⃣大盆花菜套餐$57，有飯及青瓜小食，跟餐罐装可樂加$5，超好味，炒得好乾身，腩肉片超好味。

心血來潮想食酸菜魚，記得好耐之前都試過十二味，原來而家佢已經開左好多分店了，觀塘分店位於裕民坊商場，星期日晚飯時段唔駛等位，都幾方便。餐廳裝修簡單清潔。只需要用QR code 落單，上菜速度都好快。人見人愛酸菜魚同朋友叫左小辣酸菜魚，好大碗呀，完全適合2人份量。麻味比酸味重，魚塊有彈口，而且包括芽菜，菇和萵筍川式口水雞常溫的口水雞，味道亦不錯，似係雞髀部位，雞肉滑而且好入味大盆花菜因為以上2碟都係辣，所以花菜就叫左唔辣，可以清一清味蕾，花菜炒薄薄既豬腩肉，好好味

大大話話來十二味好多次，終於忍不住寫食評因為想比大家知道呢家店好抵食而且好味，兩年前第一次食，覺得一直保持水準，剛剛上星期六三個人叫咗一盤酸菜魚、一個辣子雞、還有豬肉炒福花菜，三個餸三個女人仔一下子食曬，還配上每人一個白飯，福菜花是人生第一次吃，是店員介紹話好爽甜，樣子是椰菜花，原來比起椰菜花口感爽好多，味道都好大分別，有蔬菜甜味，真的如店員所講甜甜的，美中不足是我們食到打樣比店員趕走，三個女人要轉場吃糖水。

有啲嬲openrice外賣自取寫到明要辣, 到返嚟全部都唔辣全部冇乜味. 其實今晚想食辣嘢先叫12味, 點知清到甘, 淡茂茂完全冇味攞咗返嚟而家冇仇報堂食就話投訴唯有喺度宣洩不滿

午餐雞翼肥腸香鍋配飯，雖然佢望落去唔係好靚仔，但係味道唔錯，薯仔同蓮藕都夠曬入味，送飯一流，d肥腸係底度冇撥出黎，肉類份量正常，唔會話得一兩舊咁，上餐速度還好，可接受。