北方餃子源 (皇后大道東)

營業中

休息中

週五收工約咗契妹同蕃薯uncle於灣仔享用歡樂時光，飲到咁上吓就喺附近間「餃子源」買外賣醫肚。雖然手持外賣紙，但以OpenRice手機程式落單，除咗餐飲款式及價格一目了然，食物準備好有訊息通知之外，仲可以兌換埋儲下嘅Rice$，簡易快捷得很！香煎素鵝（$41）：每道餸菜都有獨立膠盒包裝，衛生企理。韌皮嘅素鵝毫不酥脆，講真似係腐皮卷多過素鵝囉，不吃也吧！煎白菜豬肉餃（$36/五隻）：如相所示，餃餃其實似係炸多過煎，餃皮雖則唔油，不過就偏厚同硬，幸好白菜豬肉餡心尚算鮮嫩。煎鮮蝦韭黃豬肉餃（$40/五隻）：有對比下，賣相較豐滿嘅鮮蝦韭黃豬肉餃咬落更為爽脆甜美。加配時菜（+ $3）：另配嘅紹菜清甜多汁，加三蚊黎講份量都好足。雞絲粉皮（$45）：以麻醬調味嘅雞絲粉皮芳香爽潤。京汁蒜泥安格斯牛肉（$68）加紅油底（+ $5）：修長嘅安格斯牛肉因過熟而變得老嚡同乾，不過好在切得夠薄所以完全唔覺得韌，捲入惹味嘅蒜泥及黏上香辣嘅紅油即成功為牛肉添上濕潤與爽嫩。香炸豬扒（$46）：可能豬扒夠薄身，食落唔會好乾，不過皮層濕濕腍腍，平心而論，啲煎餃子比豬扒更似「香炸」囉。灣仔小店「餃子源」外賣安排妥當，電子下

外賣自取，其中點了一份煎韮菜餃及芹菜水餃改酸辣湯底。經Openrice落單，已預早去取餐，比預計出餐時間早了十分鐘到達。煎韮菜餃不是煎，是炸的，皮硬餡乾。芹菜餃的酸辣湯底是溫的，不是熱。

夜晚輾轉拒絕咗好多間餐廳，直覺之下兜到去山上面嚟到依間餃子源。招牌有氣勢好吸引人亦都擔得起呢個招牌。 你一坐低會警告你如果係煎餃嘅話會好黑咁整煎餃係真係好大陣燶味係缺點嚟嘅 而且事後都會感覺好熱氣 當然都香口喇。但係其他嘢就無敵啦叫個蔬菜呢就清新麻油味適當。叫山楂茶呢就比酸梅湯冇咁涸喉而且好潤喉。叫咗茴香京蔥西洋菜同埋蘆筍。點解我唔講係咩肉呢因為佢全部食落都係蔬菜香味由頭帶到尾係好過癮。 西洋菜比任何一間食過嘅都濃，茴香就好甜。 勉強有爆汁嘅。最後講下肯定係全香港最過癮嘅辣椒醬點解呢?因為佢呢個睇落特別黑嘅辣椒醬呢係我食過最唔辣嘅。 搽滿一隻餃子都冇譚仔嗰啲小食咁辣,呢度辣椒醬可以盡情享受辣椒嘅鮮味同香味。

今次我地黎到餃子源諗住試多幾款唔同味嘅餃子，所以全部餃子都叫左半份，即係5隻餃。我地分別叫左以下幾款水餃🥟：韭菜豬肉餃 ($31)：食餃子其中韭菜係必食嘅！韭菜豬肉餡味道唔錯，韭菜嘅香味幾濃郁，就咁食唔點任何醬汁都好夠味😋麻辣京蔥牛肉餃 ($33)：鍾意食辣嘅我地一見到餐牌上面嘅”麻辣”餃就即刻叫黎試下啦😍 麻辣味唔會蓋過左牛肉餡本身嘅鮮味，又令到水餃更惹味，唔錯鮮蝦韭黃豬肉餃 ($35)：蝦味道正正常常，唔算話好有鮮味嗰種，但就勝在夠彈牙。連埋韭黃豬肉餡一齊食係夾嘅，再加埋餐廳嘅秘製辣醬一齊食味道更昇華。京醬茄子 ($32)：依道菜係冷盤黎，茄子面頭鋪上蒜蓉粒同辣椒絲，再淋上京醬，味道甜甜辣辣，係幾好嘅開胃菜 我地每人再叫左杯飲品，分別係山楂茶同埋豆漿，都係$10杯，抵飲又好飲~

係附近上堂放lunch得一個鐘，仲要預來回travelling time，都係食啲快又飽肚嘅野就算。雖然呢啲放時間一定要同人逼又要等位架啦，本身諗住博下冇咩人食出名嘅samsen泰麵。點知多人到要等位，無奈放棄。店鋪裝修保持翻舊有裝修，一行入去就feel到老店嗰陣除。門口仲有唔少日文嘅介紹，唔知呢間係咪係外國游客好受歡迎嘅呢?等位唔使好耐，反而外賣嘅人仲多。要左十隻京葱羊肉餃(＄50)，餃子大大隻嘅，餡好足料又飽滿，咬落好有肉汁，係多到會流出黎嗰種。湯底冇咩特别，唔會死咸。餃子調味夠嘅，但同甜記嘅同款比，佢冇咁重香料味。羊肉同京葱比例啱啱好，真係要彈嘅話係京葱有啲硬嘅位佢都放左入去，變相口感冇咁好。餃子皮滑身但夠薄，存在感唔強，唔會成口麵粉感。食落其實都唔錯嘅。

今晚放工去左灣仔北方餃子園想食少少嘢又唔多點了香菇香菜豬肉餃和一碟西蘭花西蘭花永遠係我黎點嘅菜（21元）佢個西蘭花夠大碟，又爽，又熱，仲有d麻油香味，我好推介！餃子我今次第一次點香菇香菜豬肉餃（37元）。估唔到原來香菇和香菜（茜）咁夾。皮有d煙un係我中意個隻皮！如果大家好似我一樣係餃子控，就要黎試下呢度啦～

身邊好多🥟狂迷都好推薦呢間😆因為好近公司 通常打定電話落到去就唔洗等佢個外賣盒設計得幾好上面一層係麵 下面有5隻湯餃每一粒🥟都脹卜卜 而且d餡料好足料同新鮮白菜 西洋菜 羊肉餃都好好食😋咬落仲會有d肉汁滲出黎💦配埋個清湯上海麵就岩岩平衡返如果重口味一定要試佢地個酸辣湯辣得幾過癮🔥 而且又係勁多料同埋真係超飽肚 性價比唔錯😍

兩個人食3樣嘢，一人一碗面+煎餅豆沙煎餅係雪櫃就咁拎出嚟煎？炸？豆沙餡勁少，有啲失望。🥲不過個皮就好脆同有煙靭口感。☺️薄薄地就$30幾？少少貴？煎餃就整得好出色，食左羊肉餃同湯栗米豬肉餃。煎餃子似炸餃子。係脆身，香口。而湯餃就可以食到肉汁正常唔轉其他面就會係上海面底。勁吸湯😭。食左幾啖面就無左一半湯🙂。不過個面質真係令人好飽.下次可以轉米線會好啲？

大食妹餃子癮起，Lunch時間特登山長水遠行咗去皇后大道東道餃子落雨天冇乜人堂食，反而好多外賣大食妹入咗去成間麵館，根本就冇人，但係阿姐都叫我去左一張超細嘅枱度搭枱情餐飯就係不斷俾對面嘅人係咁踢腳，我都唔明張枱細，唔關佢哋事，不過好心冇人就善用下啲位啊<西洋菜豬肉餃米線$45>叫咗個西洋菜豬肉餃米線，啲豬肉餃真心幾好食，半肥瘦豬肉撈西洋菜呢個配搭真係冇得頂，唔會話太多豬肉或者太多菜，真係啱啱好不過呢下次都係齋食搞餃，因為面食真系麻麻地，個湯底好似用滾水開咁都冇味然後食緊嘅時候又聽到啲阿姐同啲外賣客係咁嘈，都幾煩㗎

餃子的味道令人回味無窮！但是為了吸引更多顧客，請時刻監察員工對待顧客的禮貌程度，可以避免產生不愉快的感覺，例如俾錢受氣。再好食但應該唔會再去了！！！一日美好心情就此被破壞了 ！！！

態度差都算！叫咗煎餃，點知原來D餃子是炸的，大大隻、皮又厚，油膩之極！餃子皮薄餡靚是重點，煎餃子要慢火煎香嗰底，唔係炸呀！甚麼是煎餃你們懂得弄嗎？學人開店，一D都唔正宗！😡

如果要數好食嘅餃子我哋會推介呢間北方餃子源佢哋嘅餃子好有風味首先必須讚吓個皮又係嗰句 好Q彈佢嗰種韌性 你feel到個皮係唔易爛嘅咬落好好口感而佢嘅內餡選擇亦相當多呢日我就揀咗茴香牛肉餃講真 香港有茴香餡餃子賣嘅食店唔多見到梗係唔可以放過啦而佢亦都冇令我失望佢嗰種清甜味真係唔係度度食到而呢種清甜味 亦成功令到個餡冇咁漏就係因為個味道平衡得咁好所以嗰十隻餃雖然好大隻 但都可以一口氣就掃清光食完亦絕對唔會話滯住滯住然後要讚吓個酸辣湯 佢夠晒真材實料 材料又夠新鮮食落係以前細個喺上海餐廳食嘅嗰種味道夠晒古早 想尋回兒時回憶嘅朋友 絕對可以一試

空間好逼，但D staff服務態度卻唔好，係咁逼人地係細檯坐4人。😂隔離張檯都差不多大，只係坐2人。同職員講，佢有佢講法，但卻態度好差。互相理解架嘛⋯⋯再都唔想去啦

今晚特登由九龍搭車去食, 餃子係好味, 但係服務態度好差, 下次唔幫襯.做飲食業, 食物質素幾好食都好,如果服務態度差,都搵鬼幫襯.有一個剷到好似tom boy 嘅阿嬸服務態度就非常差講嘢冇尾音； 黑口黑面； 我把口罩已經放入自備嘅紙袋； 再用酒精液壓住； tom boy 阿嬸用一個好差的語氣叫我口罩袋要 摺起. . 幫你落單時語氣都好鬼差

餃子源喺灣仔已經屹立多年，店入面保留懷舊嘅裝修，每日午巿都人山人海今日叫咗十粒京蔥羊肉餃，外賣會配上一包醋。每粒都好大粒，肉汁澎湃，正P.S. 始終係懷舊店，所以只收現金