勤記甜品店

營業中

休息中

已不是第一次幫襯這間小店，冇諗過甜品有咁多選擇。私心推介芒椰雙撈，熱食就一定要食桃膠龍眼西米露。其實其他甜品都不錯但我偏向呢兩款，如果喜歡食芋頭可以食椰汁芋頭西米露芋圓(熱食選擇不多但勝在呢兩款都好好食)因為每次都叫步兵而每次都可以keep到碗雙撈冇溶變水(真係要俾個讚俾步兵們)。

上次去完澳門食許留山，自此就念念不忘😖😖呢排聽朋友講，香港北角英皇街有間勤記甜品店，水準好高，話佢係高配版嘅許留山。聽到呢個形容，我即刻就想去試試🤩我點咗杯🥭🥭芒果蘆薈爽，等咗唔耐就摞到喇。一睇到個杯芒果蘆薈爽，我就已經流曬口水。入面嘅芒果非常新鮮，每粒芒果肉都金黃飽滿，食落去清甜多汁，一啖咬落，滿口都係芒果嘅香甜味道。🍃🍃蘆薈嘅口感爽脆，同芒果嘅軟嫩形成咗好好嘅對比。而且呢個芒果蘆薈爽嘅甜度調得剛剛好，唔會太甜膩，反而有種清新嘅感覺。價格都好實惠。以呢個出品嘅水準嚟講，呢個價錢真係好抵食🆗。比起好多同類型嘅店，勤記甜品店真係性價比超高。真係好掂👍🏻👍🏻！如果大家都鍾意食芒果甜品，又想搵間性價比高嘅店舖，勤記甜品店一定唔好錯過！

和閨蜜👭星期五晚一齊上堂，上完堂後，大家都想吃甜品，所以就在網上尋找附近的甜品店，近近地找到了一間在小巷不起眼的勤記甜品店 ，一入到甜品店已充滿強烈的芒果🥭味道，完全誘惑了我這個芒果控。芒果小丸子 $35大大碗的🥭芒果小丸子🍡 即叫即做 ，把芒果放入攪拌機打成芒果汁底，甜品中有個圓形芒果冰沙，加上煙煙韌韌的小丸子及超甜芒果粒，這碗甜品完全俘虜了我這個芒果控。椰汁西米撈芋圓 $30椰汁西米撈芋圓椰汁味道濃郁，內裡還有芋頭粒，芋頭粒口感粉粉的，西米晶瑩剔透，芋圓是即叫即煮，煙煙韌韌，這個完全是絕美配搭！

行開北角想食甜品，搵左好耐先見到呢間甜品店😋一入到鋪頭，老闆娘已好熱情招待！士多啤梨小丸子第一次見呢款甜品，就決定一試！因為偏愛椰子味雪糕，所以決定將士多啤梨雪糕轉成椰子雪糕😋！第一啖一食，發現士多啤梨味比較淡，椰子雪糕就好有椰香味，兩者夾埋食食落唔算好甜！後來，老闆娘俾埋士多啤梨味雪糕我試，連埋小丸子一齊食，味道即時creamy好多，好似士多啤梨奶昔咁，好好食！下次都係唔轉雪糕好D🤣芒果小丸子同普通甜品舖嘅小丸子無異，味道都係差不多，但芒果更新鮮，配埋芒果味雪糕，芒果味濃郁，好味😋！

同友人食完飯，傾得意猶未盡，決定再食下甜品，吹下水。北角對我地黎講唔太熟，是但行左入間糖水鋪，勤記外表睇落不起眼，不過糖水款式卻不少。叫左個芒果🥭小丸子芒果好甜，啖啖肉，食得好滿足，小丸子煙煙韌韌，好咬口友人就叫左士多啤梨小丸子，雪糕加錢轉左椰子🥥味，士多啤梨🍓可能唔係當造，有點酸，配椰汁雪糕會偏淡店主姐姐親切問我地好唔好食，友人坦白覺得味道偏淡，經店主提點下先知，配返原有草莓雪糕球先係最好味，融左都唔會淡。仲好好人俾少少友人試，友人即刻雙眼發亮話好味🤤個教訓係下次唔好亂轉野🤣雖然依到店舖細細，環境都唔係靚，但小店人情味真係出面食唔到，下似再黎北角想食糖水都會黎返勤記

有驚喜，性價比高，叫外賣都好食 (多謝步兵行得快)芒果味香，足料！ (係高質版嘅許X山)小丸子好煙韌，芒果肉又甜又大粒，有下次👍🏻甜品份量足夠，大大杯大大碗，價錢合理，希望做得住💪🏻

大家一定要去！好好食！- 芒果小丸子：芒果汁用真芒果整，好好味，完全唔會太甜太假。小丸子都係自己手搓，好煙韌- 椰汁芋頭芋圓：芋頭好香不會太甜。唔會太杰太稀，剛剛好

天時暑熱，突然好想食芒果甜品，見到社交平台甜品群組推薦這間北角的甜品小店！我專程坐左超過一個鐘車由新界沙田出發到北角尋找這間被遺忘的小店，原來都好容易搵，喺北角皇都戲院旁邊巷仔一去到見到店長好熱情❤️好友善，當時正值放學時間，門口出現買甜品外賣人龍，我就堂食試咗鎮店王牌芒芒系列芒椰雙撈，一試難忘，雪糕有入口即溶的感覺，配合一啖又一啖芒果嘅熱情果肉，食到有戀愛的感覺😘仲有大家一定要試小店首創芒之戀，有甜甜蜜蜜開開心心的味道😍

星期六同太太拖住仔仔👨‍👩‍👦Family day一齊去北角行街，行行吓係保育🏆皇都戲院附近，見到有間新開嘅甜品店🍨，入去試吓點知喜出望外😁試咗佢嘅王牌產品芒果西米露🍨，一次過滿足晒兩個願望，🥭芒果咬落去入口即溶，口感香滑，比平時食嘅芒果更加香濃🤗太太就試左新推出海底撈$30，🍈水果配料好新鮮而且好甜，最值得推介嘅係小店自家炒嘅雪糕🍦，同雜果配搭得啱啱好！值得推薦，以$30嘅質素絕對抵食！👍🏻👍🏻百厭嘅仔仔🥳就飲左芒椰奶西$28，小朋友輕輕一吸溶化嘅芒果便一湧而出，令小朋友好滿足，🥺仲扭計話下次要再嚟飲🙈🙈