加多娜天然酵母手作麵包店

營業中

休息中

< 嘉多利麵包西餅 >呢排超紅勁多人推介搞到心郁郁想試！世上只有媽媽好 排隊買俾為食嘅我🥰 到而家Instagram睇都有時要排半個鐘以上。。同埋有無人一樣都係分唔清佢叫嘉多利定嘉多娜？個個post啲名都唔一樣🤔-法式布甸麵包個人覺得布甸好重奶香同雲呢拿味 口感都好🐮 creamy嘅布甸加埋麵包都算軟熟 所以整體不錯👍🏻 不過一個當下午茶/飯後甜品會有d漏🤣-📍 嘉多利天然酵母手作麵包店 (油麻地)油麻地碧街54號地舖

Fat boy我終於有機會試到嘉多利餅店嘅麵包啦！我成日下晝經過，但次次都勁多人排隊，好似唔駛錢，搶麵包咁……但夜晚去買就唔使同人爭。雖然好多款都已經賣晒……今次fat boy買咗個紅豆忌廉麵包🥯食落都幾ok嘅！因為fat boy本身唔鍾意食紅豆，但呢個麵包嘅紅豆配埋忌廉又ok喎，我唔太抗拒！個麵包皮都幾鬆軟嘅，麵粉唔算太多，算係一個中上麵包……下次有機會夜晚fat boy都會試埋其他麵包嘅，再食吓好無食

嘉多利麵包店近期又推出了新口味，黑白布甸竹炭芝麻法包，今次用了燉蛋白配上黑芝麻布甸，滿滿黑芝麻好香好濃，蛋白滑溜又唔會太甜，同鬆軟竹炭法包好夾，感覺健康高鈣又美味除了新口味外，還有原味法式布丁包及抹茶紅豆麻糬布丁包，不論味道，賣相同之前一樣吸引又好味！

早排放半日假去左旺角，見時間差唔多就順便去排下隊。16:10左右去到，已經排到轉角百樂快餐店。不過早左開始賣所以16:35左右成功買到芝麻同抹茶各2💛。🔅黑白布甸 ($23)芝麻味幾香，布甸依舊好滑，比起原味無咁甜。包好似係竹炭芝麻味，但唔係好食得出🤣。連埋面頭既蛋白一啖食就balance返濃濃既芝麻味。💬雖然有好多間賣法式布甸包，不過嘉多娜既包都係最好食💛。常溫食就煙韌，焗熱左就香脆啲。同埋個抹茶紅豆麻糬真係太正😋，抹茶+麻糬呢個組合係我既最愛🤣。可能我唔係芝麻控，所以覺得相比下芝麻味就比較普通😝。

究竟係嘉多利? 還是嘉多娜? 唔理係乜，總之聽到這兩個名都會諗起排排排，人人都願意排，但我就唔駛排，點解? 因為有嗰好男朋友.....之前抹茶味一出，他就主動去買，已經好感動，今次芝麻味一出，佢又俾我驚喜，真係好感謝! 因為店舖細細，所以要係條街排隊，幸好，他今次只是排咗半個鐘多啲。今次買了四個，抺茶味和芝麻味各兩個，一打開盒蓋就令人興奮。京都抺茶紅豆麻糬法式布丁包($23)面頭放滿大大粒紅豆，灑上抺茶粉，好有心思的賣相。我最喜歡的食法始終係焗一焗，咁嗰法包皮就脆卜卜，正! 中間的麻糬好黏滑，而抺茶布丁就非常香滑，抹茶味突濃，每啖都甘苦，久久留在口腔，所以加咁多甜美的紅豆都唔會蓋咗抹茶味，仲岩岩好，甘苦中有一點甜，太好味!竹炭芝麻黑白布甸法式包($23) 嗰面就簡單啲，只係灑咗幾粒黑芝麻，但內裏就唔簡單，配起來的顏色好大對比，靚! 法包是黑麻麻的竹炭，而中間就分咗兩層，白色係燉蛋白，灰色係黑芝麻布甸，一樣極之滑嘟嘟，外脆內滑，正! 黑芝麻味突出，芝麻味香濃，有少少蓋咗燉蛋白的味道，但都好好味。老實講，雖然我係抹茶控，但我今次會投竹炭芝麻黑白布甸法式包一票，哈!題外話：有一種幸福叫做..

最後一個被我買到了⁉️⁉️⁉️太優秀了💯能打敗嘉多利只有自己🌟新口味【黑白布丁】實在是太絕了。讓我這個能幹吃芝麻糊的人，實在是想捧著黑白布丁吃一輩子🤣🤣🤣看到IG，就馬上跑去打卡嘉多利的【黑芝麻牛奶布丁麵包】‼️週末人多到太可怕啦，就挑了個工作日、快樂排隊。因為下大雨，所以估計人不太多，4:22到店，已經開始售賣了，5:05結賬。幸好沒有再晚一點，最後最後最後一個新品被我買到啦🌟口感和原味、抹茶的是一樣的嫩滑，外皮凍食就是煙韌的法棍皮，加熱一下脆脆的超級好吃⁉️尤其是配上布丁裡面涼涼的嫩滑口感。哇～ 黑芝麻口味我個人覺得沒有原味那麼甜，芝麻更香，稍微有一點壓奶凍的奶香，但是黑芝麻控表示很滿意。整個就是好吃住了😋而且吃了要排隊，這家真的是性價比和口味太絕了啊。哪家好吃的甜品只要十幾二十啊🌟加熱後：原味和黑芝麻，適合左一口右一口，排名不分前後🌟凍食：就是抹茶紅豆‼️YYDS，可以看之前的測評❤️就是店主，多做一點，排隊太心。雖然好吃，但這每一天都是40-60min的排隊好辛苦。❤️喜歡請關注、分享、推薦吖🔥

法式布甸包($15) & 京都抹茶紅豆麻糬布甸包($23)0430pm開賣，0345pm已經開始有人排隊，我0415先開始排，都只係等左～20-25分鐘？職員都算快手，好快pack好哂一盒4個(每款味各2個)😚😚 每人限買4個(每款各2個)，排到你講要幾多盒，直接比錢已經走得😂個人推薦焗番熱食好味d，外脆既包皮，配半溶吉士醬😚😚，$15好抵食，雖然要排隊，但一次過幫埋朋友買都值既🤤🤤 呢啲都係少食多滋味，食多2啖已經覺得濟😂抹茶紅豆麻糬布甸包，抹茶係偏甘味，吾會好甜，麻糬都算軟淋淋，但比較細舊，好似一啖已經無左😂不過以呢個價錢黎講，性價比算高😝😝有時間精力排隊既話，會再encore🤤🤤📍嘉多利天然酵母手作麵包店油麻地碧街54號地舖#ktravelneat油麻地 #ktravelneat觀塘線 #ktravelneat荃灣線 #ktravelneat麵包 #布甸包 #油麻地美食 #九龍美食 #嘉多利餅屋 #puddingbread

每次經過都好想食，今次終於‼️食到了簡簡單單試個$10椰汁麻糬先！🥥拎上重都感覺到幾有份量，個樣成個波咁都幾cute🤣To be honest, 我本身冇咩期待，只係口痕想試下。點知咬落去發現係三重驚喜！有肉鬆！蛋黃！麻糬！OMG！完全冇諗到椰汁🥥麻糬係包括咁多🤣🤣🤣🤣 $10食咁多真係好抵！一定會再回購同試埋其他口味！

嘉多娜大概已經成為城中「法式布甸包」既代表。無它嘅，試過其他餅店既同款包，都不自覺會比較水平高低，而佢的確勝人一籌。最欣賞係店主堅持用靚麵粉同埋唔用乳化劑之類既化學野去造麵糰，又有幾多間麵包店可以咁實牙實齒無添加？自從上次撞手神係佐敦買到原味之後，一直都無再有排隊既動力。但見到有新口味「竹炭芝麻黑白布甸法包」，終於忍唔住要趁下熱鬧。以竹炭法包呈現黑色外圍，燉蛋白和黑芝麻布甸做餡，凍食最推介。一啖咬落去芝麻香氣湧出黎，燉蛋白唔太甜，真心好食到流淚。「京都抹茶紅豆麻糬法式布甸包」都係另一款未曾試過嘅味道，帶濃烈既抹茶香氣，紅豆唔會死甜，煙韌嘅麻糬增加了層次，法包都有混入抹茶呈現出綠色，都係一個不可多得嘅味道。

即使未到布甸包出爐時間，油麻地嘉多娜鋪頭細細都幾多人係入面揀麵包🥯🍞🥖抹茶紅豆貝果 $9嘉多利既bagel size偏小巧，好cute😂因為之前食過抹茶紅豆布甸包一直都念念不忘，揀bagel第一時間都揀返抹茶紅豆味🫘🍵呢款bagel包質唔算太煙韌，鍾意chewy口感既可能會有少少失望，不過餡料係好食，bagel包既抹茶味淡左少少，如果覺得布甸包果隻太苦，呢隻就應該會岩啲，而且大大粒紅豆保持一貫軟軟甜甜，加上紅豆底下有類似cream cheese/乳酪既醬，中和返紅豆既甜味，食晒成個一啲都唔會膩👍🏻

下雨天都無阻香港人排隊食好西，仍然排長龍，果然受歡迎👏🏻❇️抹茶紅豆麻糬布甸 $23🌀真材實料，抹茶味濃，紅豆足，仲有麻糬，口感軟糯煙韌，抵食又好食👍❇️黑白布甸竹炭芝麻法包 $23🌀味道有驚喜，好好食😋上層燉蛋白香滑，下層芝麻香濃，好似食芝麻糊👍👍👍 好值得一試！

嘉多娜人氣法式布甸限量法式布甸今日好好彩，剛好開售時間前十分鐘度在附近出現，見唔算太多人，於是照排，排咗唔係好耐條隊就開始郁，店員已經預先整好左一盒盒唔同嘅組合，有啲係一盒兩個原味，有啲係一盒一原味一紅豆等不同組盒，因應各顧客嘅要求而俾貨，有限買數量，可能因為咁，所以輪候俾錢時間都縮短咗，味道方面，我自己覺得三款都各有特色，而且都好味，餡料香滑，雪凍食別有一番風味，有啲似食雪糕感覺，而個麵包皮都唔會好韌，唔會柴皮咁，係咬到的，原味價錢$15，特別口味$23，價錢可接受，而且餡料十足，唔怪之得咁多人排隊買👍🏻.#人氣#排隊美食#油麻地美食#甜品#布甸#法式#抹茶#蛋#egg#pudding#プリン#紅豆#黑芝麻#新產品#限量

剛幫襯油麻地店, 一次去買咗6樣野, 先俾錢拎住法包再去取其他餅, 負責俾鬆餅嗰女仔態度都不說,我買的是芋頭酥不是芋頭麻薯, 跟她說但她堅持話就係呢個, 我排左半小時趕住離開, 上網再看清楚真的是她弄錯, 本應可以糾正錯誤, 但佢不但堅持冇錯仲話打發我叫下一個, 自己店舖有咩買都唔清楚,我是專程去的,由排隊到但入店只逗留兩分鐘,忙著都不應用打發方式, 遇著咁劣質店員, 真令人失望！希望相關人士注意注意！

高人氣法式麵包布甸！麵包布甸已經推出左咁耐，仲以為人氣會減退少少，星期一晏晝四點半會少啲人排隊。點知我哋大概四點二十五分到，前面已經有約三十人等緊麵包布甸出爐。不過流水式作業，好快就輪到我哋去買，每人限買兩個原味、兩個抹茶，店員好好咁提醒我哋要盡快放入雪櫃、兩日之內要食晒。原味法式布甸$15- 個人鍾意原味多啲，布甸好滑，甜味啱啱好，麵包雪凍左之後有啲煙韌，真係幾好味！京都抹茶紅豆麻薯布甸$23- 呢個限定口味唔係唔好食，不過原味純粹一啲。呢個有麻薯喺入面，又有粒粒紅豆同抹茶粉係面，反而搶咗抹茶布甸嘅風頭。抹茶味道好重，因為有紅豆所以比起原味甜多少少。

終於食到嘉多利最出名嘅法式布丁包，拎左返屋企再用焗爐焗咗幾分鐘，外面係好脆嘅法包，入面係好creamy嘅蛋布丁，好滑，甜度啱啱好，一脆一軟，我覺得真係好好既combination! 其實10幾蚊一個包做到呢個效果，我覺得真係做得好好。支持