加多娜天然酵母手作麵包店

營業中

休息中

個個都話嘉多娜個布甸包好食，日日都排長龍又盛，仲唔少名店小店爭相推出布甸包搶客。是日見排隊嘅人唔算太多，就抱住一試無妨嘅心態去買下。約有十幾個人排緊，條隊好守規矩，仲去得好快添，一陣已經買到。買左一個原味同一個綠茶味試下，其實是日仲有款黑白芝麻味，不過留返下次先試啦。睇個樣又真係唔錯，拎上手仲係微暖嘅。晏晝買擺到夜晚先食，見有人教用氣炸鍋返熱，咁就試下擺落光波爐返焗一下啦，焗緊期間真係香噴噴。出爐～外脆微溫，布甸餡仲係凍，切開仲布甸流心，甜而不膩，滑溜溜有蛋香。另外綠茶味都好正，綠茶甘味帶苦澀，紅豆甜甜地中和返個綠茶，平衡做得好好。價錢貼地又好味嘅布甸包，唔怪之得咁多人排隊買，雖然人多都做唔切，但店員態度仲好友善，支持！

有一晚突然之間好想食甜品咁啱朋友嚟探我佢買咗呢款布甸麵包佢本身唔識得間嘉多利餅店佢只係經過間舖頭見到有人排隊就買咗嚟探我哋啦之前經過呢間餅店都想買來食但因為未出爐所以買唔到今次突然之間有得食所以特別開心食完晚飯之後我係首先將佢焗熱翻嚟食我最鍾意食原味唔係誇張但真係好香蛋味同埋見得到佢個蛋漿要流出黎嘅時候感覺非常之治癒佢本身都好嬲所以食1/2至1/3 個就已經啱啱好食晒成個嘅話MUV就好低啦我覺得大家都可以試吓放啲生果上去切個笑臉出嚟都好開心

一個普通星期二，五點幾行過，見只有10幾人排隊，碰下運氣，咁就買到(對我嚟講係)新嘅「豆腐芝麻味🖤🤍」同埋「抹茶紅豆味💚❤️」。【雪咗兩日，雪櫃拎岀嚟，再焗5分鐘】可以做到外脆，內軟⋯⋯『豆腐芝麻味🖤🤍』先食白，再食黑，豆腐清淡、芝麻濃郁；⋯⋯『抹茶紅豆味💚❤️』大大粒紅豆，煮到啱啱好咬到，但唔係淋晒；抹茶層甘甜⋯⋯比起上次室温食，我鍾意今次「稍為焗香」嘅version 。📍嘉多娜天然酵母手作麵包店 (油麻地)油麻地碧街54號地舖。好味指數：🌕🌕🌕🌕🌑回味指數：🌕🌕🌕🌕🌑

🌟🌟小小願望達成✅⁡之前一直都好想試嘉多娜新口味嘅布甸包🍮，可惜一直都未有試間去排隊呢～⁡⁡今日喺附近做嘢早收工，終於可以排隊買布甸包😁～⁡雖然熱潮好似過左，16：15去到都見到排隊嘅人龍。果然布甸包唔可以睇小🤫!!!⁡油麻地店有原味，🍵抹茶麻糬及⚫黑白口味～⁡⁡🍮原味⁡一如既往，布甸香甜濃厚，滑溜口感🥰~⁡🍵抹茶麻糬⁡布甸比例比較少，質感似抹茶生朱古力😍，濃郁抹茶味，大人苦甜口味😋~⁡麻糬QQ軟糯❤⁡⚫黑白⁡黑芝麻味道濃郁😍，甜度不高，布甸照樣滑溜😍⁡⁡下次要去佐敦試埋🍫朱古力味先🤩!!!⁡

好味指數😋😋😋😋回頭指數 ⭐️⭐️⭐️開心指數🤗🤗🤗之前朋友特登去買呢間餅店何文田分店嘅法式布甸麵包俾我食，我真心覺得好食！我一直都知道油麻地店，係有出另外兩款味，不過每個人都講話要排隊，所以都冇諗過要專登去排。有一個平日嘅下晝，我4點鬆D 響附近，我知道佢嘅出爐時間係4:30pm，就諗住去睇吓多唔多人排隊，諗住唔排得耐就買嚟試吓。我大概4:15pm 左右到，見到有20人左右排緊，因為店舖已貼出每人每款限買2個嘅告示，即係一定買到啦，我就即刻排隊。4:20pm 左右，條人龍開始郁，10分鐘都唔使就入到店，店員已經一早 pack 好晒各種購買組合，講要咩就即刻攞一盒俾你睇啱唔啱，俾錢就走得，買完都只不過係4:30pm，成個過程都幾快，我隨即摸一摸個盒，原來係凍嘅！我一路都響度諗，呢兩款布甸包係凍嘅，咁究竟係熱食定係凍食呢？但我自己又唔太鍾意食又凍又韌咗嘅法包，所以都係用氣炸鍋整返熱食。🍴黑白布甸（$23）竹炭包比較軟身帶煙韌感，因為整熱咗再切開，布甸直接爆漿，白布甸（應該係蛋白布甸）同黑布甸（黑芝麻布甸）已經大致混合咗啦，兩者都非常滑，但基本上一啖食落去，會俾香濃嘅黑芝麻味蓋過，後尾搵返啖蛋白

咁岩去開油麻地就突然間想黎朝聖不過星期六日黎就少左個食「麵包布甸」既機會所以就試另一款出晒名既忌廉泡芙🥧！一夾上盤真係好有份量未食都已經估到係爆cream外皮好似菠蘿包脆皮但唔會甩到周圍都係忍唔住要切開兩半睇下有幾震撼‼️😱😱😱😱😱真係勁勁勁勁勁爆sss試第一啖感覺好似食緊雪糕咁以custard整到好creamy而且甜度適中仲好想追食第二啖揀左宵夜時段食係咪一個超錯的自肥決定呢😅？有機會俾我試到餅店的麵包布甸啦🍮

經常會特登過黎買，因為想支持下，啲麵包其實都唔錯今日拎住好重嘅嘢，買咗幾個麵包，收錢嗰陣我同個阿姐講我有自備盒，點知另一個阿姐照入袋，我話唔駛，之後佢倒返個芋頭酥出黎掉咗個袋佢😳，跟住阿姐叫我俾錢，我俾完嗰個黑面入袋阿姐竟然收哂啲夾，我呆咗。咁收錢個阿姐話叫佢俾個夾黎…之後佢係飛過黎…最後我一隻手拎住好重嘅嘢，另一隻手拎住佢飛埋黎嘅夾將啲麵包入袋請問我做錯了甚麼？？？就係成日專登過黎幫襯先嬲成世人第一次寫食評

⟣原味布甸麵包蛋香甜滑流但不會稀身夠堅挺麵包不會太乾硬果然比起從前吃的布甸麵包高水準⬇️⟣抺茶紅豆麻薯🍵🫘布甸麵包抺茶香濃有味紅豆大粒又綿又甜配埋麻薯不得了值得一試的口味☺️⬇️買完不禁隔離搵個位食左佢🤤原來佢本身係凍左既布甸買返屋企焗返熱應該另一番滋味另加⟣3Q餅肉鬆、蛋黃、蓮蓉飽肚之選，不會太甜，感覺原材料口味⬇️💡想食布甸麵包既朋友其實平日晏晝去就好易買到😉唔駛星期六日同人一齊打蛇餅💭總結：布甸麵包之後都會想再食，價錢合理👍🏻👅

#抹茶紅豆麻糬法式布丁包 $23 👅6.5/10🍵呢個反而有少少失望，👀入邊嘅布丁食到抹茶嘅甘苦味，但係唔係好香 。✨麻糬幾軟熟 ，不過上面嘅紅豆就冇乜存在感啦 。😂.#竹炭芝麻黑白布丁法包 $23 👅7/10🐷呢個配搭唔錯幾新穎，💗食落去好香濃嘅黑芝麻味又唔會太甜 。😛入面嘅布丁好流心。.整體嚟講覺得麵包嘅份量比較細，價錢亦都唔係特別平，有少少名過其實。🤣如果行過買一兩個試吓好唔好食都冇乜問題，但係如果要排隊嘅話就好似唔係幾值得啦。

難得路經嘉多娜，不過時間太夜，剩返嘅麵包選擇唔多，只係買到呢款麵包試試。🔅忌廉芝士🔅合桃栗子🔅紫薯麻薯$20/3個三款麵包都脹卜卜，餡料好足，唔係食空氣😆。Cream cheese味道一流，對於芝士迷，我覺得佢最好食😋 。 合桃栗子中間有合桃碎碎，有咬口，而且栗子味香濃🌰。 紫薯麻薯係比較特別，唔會好甜，值得試試 🍠

加多利天然酵母手作麵包店地址: 油麻地碧街54號地舖#yauyau_油麻地油麻地好出名嘅麵包店，平日中午同埋下晝嘅出爐時間都會有人嚟咗好多人排隊。今次我夜晚經過就去咗買件泡芙嚟食。🧈🍮原味泡芙 $20呢件泡芙非常足料，一撳落去入邊嘅cream即刻爆曬出嚟，再咬多啖我係成隻手都係佢啲餡料。泡芙皮唔會因為雪藏得耐左而變得淋，拎出黎食嗰陣時仲係脆脆地而且非常重牛油香味。味道: 4.5/5番兜: 5/5#油麻地美食 #美食 #好吃 #instafood #foodstagram #foodphotography #yummy #foodiehk #hkfoodie #foodie #igfood #hongkong #hkfood #油麻地麵包店 #麵包店 #加多利

話說我之前呢就住喺附近嘅，我都從來未成功買到呢款人氣布甸包！因為佢係指定下午4:00出爐，放工嘅時候就一定係賣晒！尋晚友人竟然成功經過見到有布甸包出爐，仲打包左兩個俾我試呀，實在太幸運啦！😚😚😚有原味同我最鍾意嘅紅豆綠茶味！因為之前我食過上水有間出名既布甸包，味道真係好一般。嘉多娜既布甸包，食第一啖，我真係「嘩」左一聲。呀！我未講添！我係用焗爐預熱左180度焗咗佢返熱5分鐘，個心都熱埋，個包皮出邊脆卜卜，入面非常之軟熟。最令人驚喜嘅就係布甸好香滑，入面有一大舊mochi 超軟糯，抹茶味超濃，配左大大粒既紅豆甜甜地。如果你係唔特別嗜綠茶，你可能會覺得苦，但我係綠茶控💚，所以覺得超級好味，唔會太甜，亦唔會太膩！相比之下原味嘅布甸包就相對甜！如果再encore嘅我一定係嗌返紅豆抹茶味嘅布甸包，有呢個布甸包做宵夜實在太幸福啦！🥰🥰🥰

#唔使講都知邊間🌟感謝親親記得我想食呢隻味排完好慷慨咁俾左成隻我🥹點解咁偉大🥹口感一如原味咁滑溜基本上係唔使食評既舖頭我仲好鍾意佢地啲鳳梨酥🍍（由$8加到$10🥲仲要近排冇經過唔知有冇又加價）要抵食既就食芝士吐司啦🫶🏼啲芝士多到想問句老細你會唔會蝕本之後唔出我咪冇得食囉😂但呢隻黑白配要排成粒鐘先換黎既味道仲要幾啖成件事就完左（已盡量拖慢即刻覺得好心酸🫠食個包都唔易呀🥲我係抱住邊感激邊心酸邊享受既心情黎食晒非常五味雜陳😂再一次多謝親親❤️好人一世平安🌟😂

話說下午排咗 45 mins，終於買到4個布丁包食。。。😂😂😂買咗兩個紅豆抹茶麻糬布丁包，一個原味布丁包和一個黑白布丁包。。。原味布丁包，驚喜不大。紅豆抹茶麻糬布丁包，抹茶味濃，紅豆夠淋，麻糬夠軟糯，抹茶愛好者就啱晒！黑白布丁包，芝麻味濃，也不錯。

🥢嘉多娜麵包西餅 @油麻地我真後悔了…後悔沒買泡芙沒買其他口味試試🥲一月的時候經過看到這麼多人排隊，於是想等熱潮過去才過來買((畢竟香港的熱潮多數都不能維持太久))，誰知10個月過去，人龍還是一樣長。。。趁空閒點就去排排看，天氣不熱 聊聊天時間很快過~回家一吃。。就後悔了。。真 好吃。。老實說也挺值得排隊的😂可能會再去排個泡芙吧😛法式原味布甸麵包 $15/1-📌 地址：油麻地碧街54号地舖⏰ 營業時間：0630-2130