初見

營業中

休息中

Tue 12 Mar 2024 nice good受到隔籬隔籬再隔籬嘅隔籬 家興 嘅熏陶，呢個小社區嘅食肆都好親民，同時間佢哋都好俾心機咁將個門面粉色到好有特色好chill咁。咁佢又真係好睇得嘅，日日哋式、偽植物牆、樓底高空間感強、mini stone grill、充斥着煎牛肉嘅氣味、周圍都係煎牛肉 「滋滋」聲。已經滿足到 「餐廳必勝5元素」 其中3樣。不過今日想食得清啲，叫咗一客唔係好起眼嘅「味噌野菜豆腐鍋」 跟白飯。明火鐵鍋，滾住卜碌卜碌咁，可以同朋友慢慢傾慢慢食，食到最後都仲係熱辣辣。鍋物有 豆腐、律白、紅蘿蔔、獅子狗、菇、蒟蒻、芋絲…..喺我嘅Dining Experience scheme （係Dining，唔係Eating 或者 Feeding) 裏面，最重要嘅就係Company👉環境👉回憶👉食物。咁呢間都算合格BTW 記得帶現金

在荃灣海壩街有1連幾間的食店，前2間意壽司和韓正屋已經試過，今次就到這間初見。一入店內，第一發現的事情是這裡的樓底很高，高到可以起多一層似的。有助於樓底高，那壓迫感都不大，很舒適。因為我想吃石燒，所以就沒有點套餐。各自點了自已想吃的，另加一客三文魚剌身。三文魚剌身($48/4片)三文魚厚切，新鮮，魚肉緊密，色澤透亮，油份足夠，是近期吃過質素最高的三文魚剌身。安格斯牛肉鍋($96)肉的份量很多，不過肉的質素就一般。鍋裡有很多配菜，再加一個拉麵。對食量少的女士，這份量應該太多。初見香草吉列牛($146)這個價值$146的石燒牛實在有貴，但第一見這個顏色奇特的吉列牛已很想試。吉列牛被已炸好的綠色香草吉列衣包裹著，內裡仍然呈鮮嫩紅色的牛肉，吃的時候就放到石燒上邊燒至適當熟的程度。這裡有燒肉汁和鹽用來調味，還有一少粒牛脂肪給你放在石燒上增加油份。先說味道，沒有想像中好味，綠色的香草吉列和一般的吉列味道差不多，燒完的牛亦沒有太多驚豔，這味道使我回想起兒時第一次在大快活第一次吃吉列豬扒的味道，可能是吉列的味道太突出，蓋過了牛肉的味道。之後一口味獨特的小絲還將1片三文魚放到石燒上試試，口感腍腍的，有點

𝙄 𝙈𝙐𝙉𝘾𝙃𝙀𝘿 𝙊𝙉 𝙏𝙃𝙄𝙎 𝘽𝙀𝙀𝙁 𝘽𝙐𝙍𝙂𝙀𝙍!!🍔 Munch 喺點解啊?係大啖大啖咁食呀!🤭和風燒餅汁牛肉漢堡包配炸薯條🍟🍔 牛肉好厚身仲好juicy加上燒餅汁，仲有種食緊大阪燒嘅感覺🤣薯條好熱辣辣好脆海鮮龍蝦湯鍋配白飯🦞 湯底幾驚喜係都幾濃嘅龍蝦湯味套餐入面有好多種海鮮新鮮鮮甜，淥下就食得見到好多人食石燒牛肉🐮下次又試吓先😋初見 (荃灣)📍 荃灣海壩街22號華達樓地下F號舖#荃灣初見 #荃灣 #荃灣美食 #石燒牛肉 #海鮮鍋 #牛肉漢堡 #tsuenwan #tw

冇黎一排，又出左二人餐menu同一些期間限定的菜式。今日點左個一直都想試的鍋物。 安格斯牛肉鍋（$88味噌湯配白飯）轉龍蝦湯底（+$12）有安格斯肥牛一碟，肉夠晒大塊，烚完啖啖肉好滿足😌。個鍋有大量蔬菜，娃娃菜，金菇，椰菜，豆腐，芋絲，鳴門卷🍥，獅子狗等等。龍蝦湯底質感幾濃郁，食到淡淡龍蝦味。點埋醬汁，配飯一流！另外，餐廳通風系統做得幾好，食完個身都冇乜味同埋冇出汗。✏️沒有加一服務費荃灣｜抵食牛肉鍋 📍 初見 (荃灣)荃灣海壩街22號華達樓地下F號舖

呢間餐廳喺荃灣已經開咗六年，佢而家仲有特別優惠，所以專登過嚟食！季節海鮮鍋（龍蝦湯配白飯）是一道美味的菜餚，龍蝦湯唔會過鹹，而且仲有青口帶子呢啲名貴配料，超級容易回本，因為真係收得好平我哋仲跟咗套餐配上西式南瓜湯和刺身包括有三文魚等等。安格斯牛肉-豚骨湯拉麵味道都算正宗！唔係味精嘅味道，湯頭經過熬煮豚骨而成，搭配上牛肉味濃厚唔算好多肥膏牛肉！呢個價錢嚟講算唔錯糖心蛋非常有誠意入邊都非常有豉油味！❤️

我哋去咗叫初見嘅日本餐廳，佢嘅招牌係石燒鐵板牛肉！今次我哋叫咗初見香草吉列牛，呢個套餐已經包咗白飯同糖心蛋。香草吉列牛有香草包住，香味好濃郁，外面煎得好脆。當你將牛肉放喺石板上煮，就可以掌握佢嘅熟度。呢個石燒鐵板牛肉真係一試難忘！另外，我哋亦叫咗初見傳統芝士蕃茄漢堡包配炸薯條。漢堡包烘得香口，入面嘅漢堡扒都好多汁，薯條都好脆身。呢2個套餐我哋都升級咗，加咗刺身同埋味噌湯。三款刺身非常新鮮，魚片切得好厚實，入口鮮甜。味噌湯熱辣辣嘅，有獨特嘅麵豉味道，好開胃。最後，我哋仲加咗一個小食，就係日式鐵板煎雞軟骨餃子五隻。呢個餃子特別之處就係加咗雞軟骨，食落有獨特嘅口感，同普通嘅豬肉包菜餃子截然不同。味道鮮美，令人回味無窮。

因為有訂位, 所以唔洗等位, 加上店員有禮.香草吉列牛燒幾耐自己決定. 要3成熟又得, 要全熟又得. 香草牛,份量夠, 配飯配 烏冬都可以.和風燒餅汁牛肉漢堡包配炸薯條牛肉漢堡啖啖肉 又夠JUICY, 薯條份量都好足而且係粗扁果款, 食落特別有口感，仲配搭左沙律菜, 食完唔覺罪惡感.安格斯牛肉鍋呢個鍋相對牛肉無甘多片, 但係肉質嫩滑, 鍋既底味係味噌湯, 用黎配飯一流.章魚燒我地放左好耐先記得食,但係凍左都唔差..但如果章魚大粒D 就更好初見 （荃灣）荃灣海壩街22號華建樓地下F號舖#pro之美食#pro之推介

前幾日啱啱好經過荃灣，睇到呢間又開番即刻入去試吓，之前閂左好耐，嗌咗個吉列牛同埋安格斯牛肉鍋，真係好食到飛起，價錢又公道，吉列牛好嫩，同埋嗰個牛肉鍋啲牛都超靚，我哋食完先記得唔記得咗影相，已經即刻食晒啦，下次再嚟過

❣️日式小店初見在荃灣而家都有分店啦！屬於街坊小店，親民價錢。餐廳檯凳寬敞，坐得都幾舒服。餐牌食物種類繁多，有招牌石板烤肉🍖、鍋物，仲有壽司🍣、拉麵🍜、炸物等。8點後仲有88折！真係好抵食。🌟 初見香草吉列牛（配白飯）$138必點菜式🤤石板燒既好處可以根據自己的喜好燒幾成熟。周邊是吉列脆脆，咬落有口感，而且仲有香草味🌿。套餐搭配珍珠米流心蛋。🌟 安格斯牛肉鍋(味噌湯配白飯）$88可選擇多/少飯🍚。牛肉肥瘦剛好，不過太肥。部位選擇得好適合打邊爐🍲。味增醬汁十分出色，大豆味濃又不會過鹹。雜菜份量啱曬我呢d細食的女孩子，唔會浪費。❣️總括而言，位置舒服，味道不錯，性價比高。無論是石板燒或者鍋物都好適合而家寒冷天氣☺️

行完花市，經過呢間日本小店，價錢唔太貴，甘就入去食下👅炸明太子釀雞翼🍗雞翼炸得香脆又多汁，入面有滿滿明太子，微微帶出鹹香味叉燒拉麵🍜叉燒上桌前應該有輕輕炙過，香氣十足，連埋湯底好濃以不膩，拉麵口感煙韌有咬口，感覺師父好有心機泡製三文魚壽司🍣三文魚肥美，味道鮮美，唔會有凍冰冰的感覺，溫度剛好蟹柳壽司🍣蟹柳似靚貨，味道唔會好鹹，好新鮮甜蝦壽司🍣甜蝦大隻得嚟又鮮甜，啖啖肉本身都想試呢到出名的燒牛，因為買左太多野，唔太方便，下次再試下先🐷🐽

📍初見 （荃灣）💥和風燒餅汁牛肉漢堡包配炸薯條漢堡夠厚食落好juicy😋有大阪燒嘅味道薯條都好夠熱！💥加配刺身西式南瓜湯南瓜湯整體唔錯幾濃👍🏻刺身好新鮮份量啱啱好💥安格斯牛肉鍋(味噌湯配白飯）牛肉雪花分布均勻配埋醬汁一流湯底調味唔錯仲好足料！🉐初見 （荃灣）荃灣海壩街22號華建樓地下F號舖

平時搭車經過總會見到一大班後生仔女係「初見」門前大排長龍，特別weekend同假期前夕，一定有十幾人係門前聚集，我總會好奇究竟有何吸引力呢？今日早收工，一早就約定老婆由荃灣西站行過去，岩岩好6點正，見無人等位，二不話說就走入餐廳，剛好係最後一張枱😅一睇餐牌，原來係serve日式料理，今日天氣咁涷，即刻點左兩款上菜可以熱辣辣，無咁快降溫既菜式👍🏻🍁初の焼 - 初見香草吉列牛（配白飯）石板一上枱嘅已經燒得非常夠熱，奉上牛脂粒用黎俾你「開鑊」，將佢均勻塗在石板上既每個角落，我隨即將四塊牛件放上，一分鐘內每邊煎下就食得😌牛肉用咗USD Prime，質量味道已經有保證，再以吉列油炸造法再沾上香草粉包住牛肉外圍再厚切，食落出奇地唔油膩，點少許岩鹽或者味噌，入口鮮嫩充滿肉汁，肉味幾出眾，香草令牛肉變得清香，再加上溏心蛋，半生熟creamy蛋黃，醬汁亦入味，配白飯食一流👍🏻🍁 初の鍋 - 安格斯牛肉鍋（味噌湯配白飯）無意會到原來鍋底就係味噌湯（仲以為係吸物），依個配搭都係少見，天氣寒冷我地都忍唔住不停飲湯，感覺溫暖又順喉舒服😌主角牛肉質素意外地好，肉質厚實，牛味香濃，平均既脂肪比例，份量十足；配料有豆

成日都好想嚟試 今晚終於試到✌🏾📍初見 (荃灣)荃灣海壩街22號華達樓地下F號舖Order左初の二人前$298咁多嘢食 我以為老花睇錯…好抵食🤭✨頭盤 特選四式刺身盛 食材新鮮👍🏽小食(選二款)✨章魚燒 還可以 係個皮硬咗少少✨芝士餃子雞翼 不過不失✨鍋物 季節海鮮龍蝦湯鍋(配白飯+$8轉拉麵/讚岐烏冬/日式味素飯)濃郁龍蝦湯 而且湯內有大量配菜 有娃娃菜 菇類 芋絲 豆腐加上海鮮有三文魚 蝦 魷魚 青口 帆立貝🤤👍🏽相當豐富拉麵/飯/丼（選一款）✨四色刺身丼三文魚 𩶘魚 油甘魚 帶子👍🏽男職員的服務態度超級好👍🏽$298二人前已經覺得好抵…撞正6周年限定優惠有88折👍🏽唔怪得Openrice上好評如潮👍🏽👍🏽整體用餐體驗✨味道(4/5)✨環境(4/5)✨服務(5/5)
✨抵食(5/5)

冇收服務費都唔洗個客一入來就黑嗮塊面同啤住嗮啊 唔知以為我地阻止你收工咁 成間鋪都冇人 我地入左來食 仲要咁嘅態度？ 不如成間鋪自助算啦 俾錢買難受 見咁出名過來試下 😅原來出名服務差

去開荃灣，見呢間800幾個舔舔脷，決定一試。門口睇完濕濕哋嘅餐牌就見到只收現金同支付寶🥶不過聽講係有良心嘅食店（但係收支付寶）所以試吓啦，好在身上有現金啫。入面環境都幾好，樓底好高幾舒服，抽風都無問題，其他客人食吉列牛都無乜油煙味👍🏻講咗食物先，食物都有好多種類，用QR code落單。有趣係日本餐廳竟然有意粉同意大利飯。今次叫左安格斯牛肉鍋$88，加咗$38跟刺身、南瓜湯同玄米茶，另外嗌咗煙三文魚明太子意粉$98同埋初見特上豚骨湯拉麵$88。🐮安格斯牛肉鍋 2.8/5分有4片牛肉，望落都好大塊好靚，鍋入面有啲菇菜等等普通野，湯底無特別，成個鍋食完都無乜印象嗰種。🍣煙三文魚明太子炒扁意粉 2.3/5比較重口味，煙三文魚係正常入貨質素，有3塊，明太子醬汁偏咸，除咗咸味之外都無其他味。🍜初見特上豚骨湯拉麵 2.8/5拉麵有肥牛、豬軟骨、叉燒各兩件，仲有荀、紫菜同溏心蛋，正常發揮，湯底係無要求嗰種咸味湯底。$38加錢配套餐 3/5有4件刺身，算係不錯；南瓜湯飲到南瓜味，不過偏咸；餐飲要咗玄米茶。食物質素同800幾舔舔脷唔成正比，食完餐飯仲有啲口渴添！附近係路德圍可以順便買杯嘢飲嘅。好喇，講完食