凱旋餐室

營業中

休息中

凱旋餐室😋😋😋廣式人情味茶記灣仔旺區集中地、人來人往、正中電車站旁、新裝修木係茶室、座位舒適寬敞、透明玻璃牆、開陽、光缐充足、食物選擇種類多、一邊享受食物、一邊欣賞窗外電車往來！真係別🈶️一番風味！唔好掛住欣賞電車、最重要懂🉐️欣賞食物！下午茶必選👇🏻粒粒花生醬西多士38+$12轉特飲（紅豆冰）將二片方包、在中間塗上厚層花生醬、再外層沾上蛋醬、煎炸金黃、外脆內軟的口感、享用時再塗點牛油、糖漿齊用、絕配一流、帶點甜帶點鹹、口感層次有序、豐富、yummy yummy 😋 、加配懷舊紅豆冰、大大粒、軟腍腍紅豆、份量多、很🈵️足！ 炸雞髀配薯條$42🈶️手掌大的大大隻雞髀、醃漬入味、炸至脆皮金黃、肉嫩多汁、將汁鎖住喺肉內、咬一口、肉香爆汁於口中、超自悦、連配菜薯條、炸🉐️出色特色、脆卜卜、外脆內軟、薯蓉香味撲鼻、🈶️𡁻口🙃雙拼公仔麵$38+$4轉出前一丁五香肉丁煎蛋出前一丁、早午晚餐都適用、哈哈😄、冇🉐️輸、出前一丁公仔麵絕配之選、爽口彈牙、配五香肉丁、帶點辣、提升食慾、味蕾享受！*奶茶係茶室的重點、香港人的特色飲料、茶胆好重要、茶香奶滑！*以上茶餐奉送咖啡或茶、凍飲加$3*輕食/三文治油沾多士$19厚厚的

焗鮮茄豬扒飯$79這個屬於經典茶餐廳菜式焗豬扒飯, 煮法好簡單首先將煎好的豬扒放上炒飯上面，再淋上炒好既自家調製番茄醬汁，最後鋪上滿滿芝士碎放入焗爐焗大約10分鐘就攪掂, 上檯聞到陣陣番茄醬香味，配料有紅蘿蔔番茄菠蘿份量十足，豬扒好厚身，食落口質好鬆軟，唔會好韌，配埋用蛋炒底而宜粒粒分明既炒飯同熱溶芝士一齊食，真係令人食唔停口。熱奶茶飲起嚟奶味香濃，入口口感絲滑且絕不苦澀，仲會帶有少少既回甘

餐廳喺電車站隔離，方便食完早餐即刻上電車返工，所以入嚟食，店面算新淨，卡位好闊好好坐，啲位都唔密魚柳同薯餅炸得啱啱好，夠脆又唔會太乾，腸仔炒蛋同茄汁豆都正常麥皮唔甜，夠大碗，蛋治個包軟熟，健康嘅選擇奶茶正正常常茶記嚟講整體正常

最近去咗間灣仔既茶餐廳，食咗佢哋嘅下午茶，真係平靚正呀！佢哋出餐好迅速，服務都好好嘅，而且價錢都好實惠。我試咗佢哋嘅炸鷄脾同埋肉醬意粉，再配上一杯朱古力同咖啡，三點三下午茶好滿足啊！一百蚊有找👍🏻💪🏻而且坐得比一般既茶記闊落，乾淨企理，喺灣仔實屬難得！炸鷄脾大大份，外脆內嫩，好好味。配埋即炸嘅炸薯條🍟超級邪惡！肉醬意粉份量好足夠，大份到可以做晚餐，順帶一提佢下午茶餐仲要去到六點！醬汁濃郁而唔會太鹹，同麵條嘅配合好好。呀囡食到舔舔脷😋最後，我飲咗一杯朱古力同埋一杯咖啡，兩杯飲品都好香濃好好味。朱古力好濃郁但唔會太甜，同埋份量都幾足夠。咖啡就好香濃，加咗啲牛奶之後更加好味，完美地平衡咗咖啡同牛奶嘅味道。總括而言，呢間茶餐廳嘅下午茶真係幾好味，服務快又好，價錢亦都好實惠。如果你鍾意食茶餐廳嘅食物，呢間真係值得一試啊！

常餐A - 番茄薯仔餐肉粒湯公仔麵（加$4轉出前一丁） 配火腿炒蛋、蒜茸厚油多士酸酸甜甜噉好開胃，湯底重有啲薯仔、洋蔥同西蘭花，簡單配個午餐肉出前一丁已經幾好食。滑蛋炒得幾滑幾靚，上面重有啲蛋汁；蒜茸多士烘到外脆內軟，蒜茸牛油好犁好邪惡。午餐A - 香芒汁香煎雞扒 配火腿飯/意粉個香芒汁幾特別，係芒果忌廉汁嚟，無淨忌廉汁咁膩，帶有幾分芒果嘅香甜；雞扒大塊厚切，煎得好香口。西多士熱焫焫新鮮炸起，中間有層花生醬，多奶多油，正到不得了！熱咸檸桔、熱檸茶

香港茶餐廳文化歷史悠久, 啱曬生活急速, 唔使急, 最緊要快嘅香港人, 今日都係食茶記, 灣仔的凱旋餐室, 夠大衆化, 夠地道。凱旋餐室餐牌都係香港大路茶餐廳美食, 早餐、午餐、常餐、下午茶、晚餐一應俱全, 仲有大排檔小炒美食, LUNCH SET 包熱飲 $58, 灣仔區算抵食了。鐵板黑椒牛柳絲炒麵 ($75）鐵板熱辣辣上枱, 聞到好香的黑椒汁, 除咗牛肉絲, 配料仲有洋蔥、芽菜、蔥段、韭黃及椒絲, 牛柳絲及配料都系啲香口野, 配埋黑椒汁零捨惹味, 牛柳絲及炒麵份量頗大, 炒麵熱辣辣脆卜卜的。紅豆冰 (加配+$12）紅豆煲到粒粒爆笑, 紅豆卻很完整的, 紅豆入口飽滿軟棉, 分量都好多, 夠曬冰涼。

今日同朋友嚟試下呢間灣仔嘅新餐廳 凱旋餐室， 見隔離叫嘅鐵板餐好吸引，我哋都叫返個紐西蘭厚西冷扒鐵板餐($128)。扒餐未嚟到已經聽到吱吱喳喳聲啦，熱度十足仲出曬煙，係看得見的惹味！西冷扒大大塊，如果想食熟D仲可以用鐵板熱度繼續煎下，薯條沾滿洋蔥汁，啖啖滋味。+$3配埋冰凍凍檸茶，正！鐵板黑椒牛柳絲炒面($75)，呢個炒面都係鐵板上，同樣熱辣辣。面底非常香脆，黑椒味好出，洋蔥紅椒芽菜等配料夠爽口，濃味得嚟口感層次豐富。

疫情緩和以黎，lunch多左出黎食飯，所以成日都要出黎搵食，好多餐廳都食到厭，所以一見到新野，必定走過黎試試。呢日見到凱旋餐廳，同同事入黎一試，估唔到甚有驚喜。一入到黎，見到鋪面新裝修又企理，然後我地就叫左焗葡汁雞扒飯（$68）同焗芝士肉醬煎蛋飯（$65），跟餐免加錢加多杯熱華田同熱檸茶。焗葡汁雞扒飯，個葡汁味濃，雞件先煎過再執焗，大份又厚實，十分有咬口。至於個焗芝士肉醬煎蛋飯，肉醬好多，好juicy，拮穿煎蛋再撈飯，口感極佳！凱旋餐室地址：灣仔莊士敦道194-204號灣仔商業中心地下

番工時間搵餐廳，行過見到有間新式茶餐廳，都幾多人，入黎試試佢，同朋友一樣，都想食咖哩，於是就都叫左咖哩飯食喇咖哩雞飯 $62入面係一大塊雞扒，再加埋好多薯仔，咖哩雞飯好濃味又帶點辣，十分之開胃🤭咖喱海鮮飯 $68呢個入面有魷魚🦑，一大塊炸魚，再有d 海鮮，都好足料，另外仲配左條菜，均衡飲食好重要👍🏻😁飲品叫左凍檸茶同凍奶茶，因為唔記得叫少甜少冰，所以好多冰又好甜，建議大家都係叫少冰🥹❄️🧊

這間新開的港式茶餐廳位於灣仔站附近，鄰近多座商業大廈，是附近居民和上班族的福音。店內環境寬敞，設有多個座位，繁忙時間都容易有位置。每日有多款不同的午餐精選，除此之外，亦有單點的餐牌。蜜椒薯角牛肉 - $70一片片牛肉嫩滑軟腍，綿密的薯仔粒外酥內軟，均勻塗滿蜜糖和黑椒，更有不少三色椒和洋蔥等配料，好有鑊氣好惹味。小菜套餐 +$10跟配明火例湯、絲苗白飯和熱飲一杯。全日早餐 - $58大大塊香煎雞扒嫩滑多汁，薄薄的雞皮好香脆，或可轉豬扒或吉列魚柳，還有漢堡扒、炒蛋、香腸和煙肉等非常豐富，外酥內軟的多士塗滿蒜茸牛油。凍朱古力 & 凍檸檬茶 +$3大大杯凍飲好保溫，一杯有著濃郁的朱古力味，另一杯則有透徹琥珀的茶色，檸檬香和酸甜味，少澀帶回甘。

行過灣仔, 見到有果皮蒸龍躉餐或炒龍躉球$128就試下, 點餐時話要龍躉餐蒸嘅, 個侍應回左一句 ”128蚊個餐嘛, 有”, 等左半個鐘, 個收銀睇唔過眼, 走黎幫我追, 一追又剛剛整好, 上檯時見到條魚似石班多過似龍躉, 我以為細條龍躉個樣似石班, 食落唔似石班又唔似龍躉, 無魚味, 無甜味, 少少鹹味, 好似食病人餐. 果皮又無, 我疑為佢聽到我無講果皮就幫我轉清蒸, 都無追究.食完後, 後面客人點了石班餐就望下啦, 點解個魚頭係一樣, 最後埋單, 個收銀可能見到我影後面個條魚, 就主動話收返$88, 佢就話出左個唔係龍躉餐畀我.我問佢出左咩畀我! 佢答返我係頭班腩.

第一次嚟食，整體感覺都唔錯，透過大玻璃都可以見到入面裝修得幾靚，起碼光鮮整潔，食個飯都舒服啲～午飯時間早少少嚟到，就有多啲位選擇，卡位都幾多午餐選擇都算幾多，價錢係灣仔銅鑼灣嚟講都算係咁。熱奶茶，做得唔錯喎，茶味同奶味幾平均，幾好飲👍🏼咁啱早幾日同朋友講開福建炒飯關注組，就成日心思思想食福建炒飯😂😂呢個福建炒飯唔算正宗，不過材料都幾豐富！除咗雞粒之外，仲有蝦、魷魚，瑤柱絲都唔少，食落都幾惹味。蔬菜粒都唔少，令口感更豐富。

今日嚟灣仔開會，中午就順便喺附近食埋晏先返公司。喺官立小學斜對面見到有間新開茶餐廳，門面光鮮企理，反正又未到 rush hour，唔使排隊，一於試下。餐牌包羅萬有，由全日早餐、常餐、西式飯類、意粉，以至中式碟頭飯、鑊氣炒粉麵、輕食/三文治等，一應俱全。見到隔離檯叫咗碟芙蓉煎蛋飯 ($65)，色澤金黃，賣相討好，即刻跟風，原來 +$12 仲可以轉炒底。雞蛋煎得好靚仔，乾濕度適中，邊位香口酥脆。入面嘅材料有叉燒、蝦仁、火腿絲、銀芽、洋蔥同韭黃等，食落口感好豐富。飯底炒得夠乾爽，粒粒分明，用嚟配煎蛋食一流！另外仲點咗吞拿魚三文治 ($26) 同 美式熱狗 ($28)，方包好軟熟，入面夾了一片厚厚嘅牛油，吞拿魚醬很香，沒有魚腥味，配埋牛油同麵包食，味道不錯。熱狗即點即製，包身輕輕烤過，夾喺中間嘅熱狗腸肉汁好豐富，腸身香脆，配上醬汁，更添滋味！飲品嗌咗杯紅豆冰 (+$12)，紅豆大大粒，香甜軟稔，加上甜度啱啱好，挺合心意。

👉經過見到🈶️新店，大量卡位，坐位寬濶，試吓先。。。☺️.☝️每款小菜由$75-$88，另加$10可升級為套餐，包括 例湯🥣、白飯🍚、熱飲☕️（凍飲🥤+$3）📌魚香茄子煲 $75 ～ 其實係碟上。每件茄子經過走油特別香口入味，豬肉碎、香菇、咸魚粒⋯足料冶味，下飯一流。🤤📌粟米魚塊 $75 ～ 魚塊厚身啖啖肉，甜甜哋嘅粟米🌽汁非常濃稠，掛🈵️每件魚塊。。。魚塊雖然被粟米汁包住，但每件都仲好脆口。😋📌凍鴛鴦 📌凍奶茶 ～ 茶味🉑️以，但點咗少甜依然甜到漏。。。😳🏬 凱旋餐室 (灣仔)🚦 灣仔莊士敦道194-204號灣仔商業中心地下

行過灣仔，係人來人往既莊士敦道經過呢間茶餐廳，見裝修都幾新淨，menu都多選擇，就入咗去試午餐時間有lunch Menu ，50幾蚊有好多款選擇，送埋飲品都幾抵食！Main menu就咩都有得揀，炒面飯、焗飯、鐵板餐都有，價錢都幾合宜近排減肥，揀咗個扒餐，汁另上～有成六款汁選擇，吾係間間餐廳都有！黑椒汁香煎鷄扒意粉鷄扒好香口！吾會肥～意粉烚得啱啱好～唔會太淋或者太硬黑椒汁另上都做得好足！凍檸茶走甜少冰，真係做到少冰👍🏻👍🏻茶味好香