凝香居

營業中

休息中

啱啱搬黎搞搬屋野搞到9點幾先得閒肚餓，諗住帶老婆落樓買外賣算。見呢間餐廳仲有人堂食緊，個侍應話ok，我地就坐低食個快嘅。老婆話父親節要食豪d就叫咗個鮑魚燒賣，我就叫咗佢鍾意食嘅蝦餃春卷，我覺得呢間個蝦餃幾好食，鮑魚燒賣都唔似出面嗰啲又乾又柴，有驚喜！不過都急急腳食完，臨走前買多個馬豆糕比老婆做消夜，等緊個陣聽個侍應講原來呢啲點心係師傅親手整唔係嗌貨，就係呢句就成為我呢個新住客嘅食堂，讚👍🏻

唔使講嘢食質素，淨係咁樣嘅服務已經唔會再嚟，唔怪得知一個客都冇。撫心自問，自己絕對唔係一個無理取鬧嘅客人，咁嘅消費我預咗服務一般，我唔會有要求。但我真係未試過如果一間餐廳既員工可以差到咁樣！尤其是嗰位女員工，我真係好好奇佢老闆究竟知唔知道佢咁樣對啲客，佢唔係冇禮貌咁簡單，而係好似求緊佢賣個飯俾我咁。如果大家真係想貼錢買難受可以不妨一試！我叫咗兩個臘味飯，當時完全冇人，呢位員工叫我：你企出門口等25分鐘！味道方邊，就係一個一般到冇得再一般嘅臘味飯，完

環境入到去 環境呢就就真係唔錯 裝修風格上面有好過好多同類型嘅新式點心舖 詳細啲去講呢咁就冇咁快餐廳格局啦 最吸引嘅係牆上面有一塊塊牌仔用粉筆字寫咗有咩菜色 都幾特别 但係地方真係唔大 枱與枱之間都真係迫嘅 隔離枱去咗入去都爭啲撞到我哋張枱 當然出去都同一個問題 咁呢度都減少少分㗎喇 叫咗咩食我哋今次呢就嗌咗個：鮮蝦燒賣皇金錢肚鹹菜胡椒豬肚青紅蘿蔔豬肺湯馬拉糕藥膳雞腳菜心燒賣燒賣方面呢味道上就唔差嘅咁就係問題嚟喇 咁就係個蝦呢就真係比較少 平時出面嘅點心好燒賣同一隻蝦放上面 但係呢度嘅燒賣蝦就係一細細粒細細喇放喺個燒賣入面 咁呢就真係唔係好食得出味喇 而個皮呢就正到都爛爛地 唔知係咪我哋九點入去食咁就放咗啲嚟啦金錢肚金錢肚呢就唔算大碟 柱侯汁個味都好夠 好深色 但係就真係鹹咗少少啦 同埋下面得幾嚿芋頭墊 連蘿蔔都冇舊鹹菜胡椒豬肚嚟到呢都嚇一跳 因為佢用個透明兜裝住 呢款兜都真係得食甜品嘅時候見過 攞嚟裝豬肚㗎真係賣相麻麻啦 不過唔緊要食過好味些重點吖嘛 問題就係佢都真係唔係幾好味 鹹菜冇鹹味 胡椒冇胡椒味 簡單啲嚟講就係成兜嘢都唔香 都唔好期望佢會好似胡椒豬肚湯咁好飲啦 不過唯一好嘅

是日去左屯門搵朋友，晏晝突然想飲晏晝茶，朋友就帶左我黎紅橋呢間凝香居。雖然店舖小小，但入面都幾骨緻，雖然店員唔多，但係上菜好快，而且好有禮。食物方面，二個男人飲茶點點下都點左好多點心，先介紹下我覺得好好味而值得一試既點心。黑金流沙包：同樣都係店舖推介，流沙包夠熱，而且真係流心，唔似有啲茶樓一摵開已經凝固左。鮑魚燒賣：好少地方有得點，啖啖味,好滿足！鮮蝦腸：腸粉皮夠薄，入面既蝦都大大粒，食落好滑！荷葉珍珠雞：大家睇相都見到，真係好大舊，大食必點。最難得呢度仲有燉湯可以點！味道好夠，絕對唔係味精湯。朋友見到都忍唔住點多份自己飲。

外賣自取，原本叫了另一間店舖主食，然後又覺得想食一點點心，所以就點了這凝香居，叫了一個叉燒腸同埋菜苗餃。叉燒腸皮薄了又算多饀，但皮薄得嚟冇乜米香味， 食落就覺得好普通，唔係唔好食但又唔係話真係好好食咁樣。菜苗餃同樣皮薄，裏面菜苗有菜苗味，蝦就唔係好爽，但係其實都算係幾好食嘅。點心呢樣嘢真係堂食好食好多，外賣自取返到屋企始終凍咗就冇咁好食叉燒腸$31, 菜苗餃$36, 價錢可以接受，唔算特別平又唔算特別貴

疫情期間，聽日又開始晚上六點後禁堂食，趁住最後一晚堂食呢個機會，就過咗嚟紅橋呢邊搵食。咁啱茶癮起，就入咗呢間凝香居解癮。呢度嘅食物雖然無酒樓咁多選擇，但平時食開嘅大路嘢都有齊晒㗎⋯我哋點咗蝦餃、咖喱魷魚、灌湯小籠包、臘味糯米飯、蒜泥白肉同埋紅棗糕。蝦餃皮薄煙韌，蝦肉爽口彈牙，拍得住酒樓質素！咖喱魷魚都唔錯，魷魚爽身有嚼頭，咖喱味濃郁⋯千祈唔好漏咗佢鋪底嘅豆卜，索晒啲咖喱汁精華，真係冇得頂！推介！灌湯小籠包個味道唔錯，餡料豐富，不過略嫌肉汁唔係好夠⋯而個主食臘味糯米飯就好足料，口感煙韌有咬口😋蒜泥白肉爽脆又開胃，而且師傅一啲都唔吝嗇啲蒜泥，啱晒我哋呢啲蒜頭控🤗最後，我哋以呢個養顏紅棗糕作結。紅棗糕濃濃嘅棗味，口感煙靭，而且唔太甜，推介👍🏻其實佢嘅價錢一啲都唔貴，茶位只係$3/位，而且方便隨時都有得食，啱晒我呢啲鍾意「一盅兩件」嘅朋友😋😋😋

愛吃點心飲茶，但要放假先可以去，又要等位。一知道屯門虹橋有間凝香居，不用上茶樓，夜晚都有得飲茶，好開心！天氣冷了，下班就和媽媽去吃熱辣辣點心吧！店舖面積雖然不大，但實木桌椅營造的感覺很溫暖舒適，也沒有壓迫感。一進店就見到牆上掛滿點心名字的木牌，有點古色古香的味道。泡一壺茶，香片茶味香醇而不苦澀，齒頰留香，回應茶居的名字，覺得茶葉比其他茶樓質素更好！先來一盅鳳爪排骨飯，排骨肉質爽口又滑，很新鮮；鳳爪很入味又軟滑，女士就是愛吃鳳爪，補充骨膠原啊！蒸飯的好吃之處就是特別軟綿綿，加甜豉油才是精華，不會鹹但吃得更香。這裏每張枱已放了調味料，隨意 按口味加添，非常貼心的安排，不必像茶樓般找職員傳遞調味料。叉燒腸粉水準頗高，賣相漂亮，腸粉皮晶瑩通透滑嘟嘟的，見到叉燒餡滿滿的，是蜜汁叉燒味道，又爽口，喜歡叉燒不會太多肥肉，加甜豉油更好吃。山竹牛肉球，喜歡有馬蹄爽口感，和芫茜清香。牛肉質感彈滑，加喼汁提升香氣。醬皇金錢肚，喜歡這個醬汁，充滿八角香氣，醃得入味之餘，蒸得軟滑又不韌，輕輕鬆鬆就吃完，不怕媽媽老掉牙也能吃，推介啊！天氣冷，來一碗胡椒豬肚湯暖胃。味道偏鹹的，白胡椒吃得你滿身發熱，鹹菜和豬肚份量很

工作關係忙碌到下午三時才吃午飯，經過見到有是日蒸選頗為吸引。小店地方不大，主要以外賣為主，裝飾帶有一點中式客棧風味。茶芥每位$3不收加一，經濟實惠。點了梅菜蒸鯇魚，因為是即叫即蒸的關係要等大約十分鐘。鯇魚香氣四溢，熱辣辣讓人口水直流。梅菜和青蔥令味道更上一層樓。蒸煮時間剛剛好，鯇魚肉質嫩滑，點一些醬油入口更滋味。白飯的質素也很不錯，軟熟有飯香，這道蒸鯇魚很有驚喜，性價比高。另外也點了幾款點心。黑金流沙包賣相很吸引。內裡奶黃流心非常，餡料幼滑，帶清新奶黃香。鮮蝦菜苗餃皮薄餡靚，每隻都很飽滿。鮮蝦彈牙，菜苗分量多，菜肉比例剛剛好。鮮蝦腐皮卷是新鮮炸熟的，腐皮卜卜脆，香口惹味。最後以椰汁馬豆糕作為甜品，椰汁糕軟硬適中，不會太甜，甜而不膩。

Found this Dim Sum restaurant near my workplace. Let give it a try after work !!!!😛Surprised !!!! Super delicious Chinese food😋Chinese style decoration, attracted my the words” 凝香居”Foreigner may like it too!!!!I ordered 香片茶： just $3 per person 鮮嘏菜苗餃～ very fresh and healthy choice👍🏻👍🏻牛柏葉～ traditional Chinese food~ yummy some香芋頭 inside~鮮蝦腐皮卷～ very crispy and my delicious dish還有叉燒腸！must order this!!!!! 好滑好好食！Finally, tried 椰盅燕窩雙皮奶（hot) just cost $48, super yummmy and the taste of coconut 🥥 is very

上次揸車經過井財街，就見到呢間係鬧市中嘅點心茶居，由外面睇到佢嘅裝修非常別字，就已經好想去試一試佢嘅點心我同家人去到就點左呢啲點心：1. 叉燒腸粉2. 香芋千絲酥3. 椰香紅棗糕4. 小籠包5. 鮑魚燒賣皇6. 豐料糯米雞1. 叉燒腸粉叉燒腸粉米味香濃，而且粉皮打得非常幼滑，皮薄餡靚，裏面仲有好多叉燒粒😻2. 香芋千絲酥香芋千絲酥係即叫即正嘅，上菜是非常熱辣辣，吃上來十分脆口，裏面嘅芋頭粒非常香濃、而且芋頭好粉，真係好好食3. 椰香紅棗糕（我最愛😻）椰香紅棗糕熱辣辣，非常新鮮，所用嘅紅棗非常足料，有好香濃嘅紅棗味，而且口感煙煙銀銀，相比其他酒樓嘅紅棗糕實在係好食太多啦！而且紅棗補血十分適合女士食用4. 小籠包小籠包睇落普普通通，但係內有乾坤，就係湯汁非常多，仲有小籠包粒肉非常大粒！大家睇吓～5. 鮑魚燒賣皇鮑魚燒賣皇係呢間餐廳必點嘅點心之一，鮑魚味非常香濃，而且燒賣內有一粒非常大嘅蝦，最值得一讚嘅係，燒賣嘅肉質不肥膩！爽口彈牙非常好食6. 豐料糯米雞叫得豐料糯米雞，入面嘅餡料當然非常豐富！我同家人食左一半已經好飽啦！因為裏面不單有好多調味一流嘅肉碎，更有雞肉塊同肉絲！正！

凝香居喺屯門係出名飲夜茶既餐廳。入面環境好古色古香咁，亦都有好多點心選擇😋我地一共叫左6樣野食😋有椰香炸饅頭😋個皮好脆，入面熱辣辣，配埋煉奶，正！😈之後有蝦餃皇同鮮蝦菜苗餃，皮薄彈牙，蝦亦都好新鮮同好爽口！正！👍🏻😋仲有鮮蝦腐皮卷！蝦同樣爽口，個腐皮都炸得好脆！👍🏻我地仲叫左梅菜蒸鯇魚配白飯一大碗！梅菜甜甜地，鯇魚都幾新鮮同大舊，肉質唔錯，調味亦都唔會太濃，唔錯！最後叫多個桂圓蜜瓜花膠燉雞湯補一補做結尾！用料好足夠，亦唔係味精湯，雞肉都燉得好冧，好滋補😋😋

又到周日時間，陪同家人入屯門，於下午茶時間到附近的凝香居休息一陣子～ 門外掛了凝香居排匾～ 裡裡外外都有濃厚傳統中式味道～ 地點位於屯門井財街，即景峰花園5分鐘路程 新式點心店會指定茶，但傳統就不同了！ 這裡普洱茶葉濃烈 有茶香味 HKD 78 一人套餐可控制份量又抵食! 挑選了咸魚肉餅飯 、 菜心 、多加 HKD 15 轉蟲草花乾貝士雞燉鮑魚湯 。另點至愛山竹牛肉球 HKD 28 肉餅與別不同，不會跟一搬那麼多肥膏，是健康版；特別要贊燉湯，湯味道不止濃烈，內裡還有營養湯渣至愛必點牛肉球🤩 上菜時仍是熱騰騰，沾上喼汁好味

首先講服務，樓面兩個後生好似第一日返工咁，等位又唔比飛仔，又唔記住邊個黎先，搞到比人打左尖。我地3個人，得張2人枱問我地坐唔坐 ，咁諗住坐住先得大枱，點知坐到食完都無人走，坐得勁唔舒服。講返野食，基本上除左腸粉蒸飯，其他野都似出面買返黎咁。蝦餃，蒸飯，，，係比較好小小既野食最難食係個蝦燒賣同埋椰皇燕窩雙皮奶！！不知所謂，燒賣難食過叮叮，雙皮奶都無奶，係蒸到過哂龍既蛋白，超難食，又細收40幾蚊。 大家唔好比佢買既好評呃到！

突然之間好想飲茶 所以夜晚就去凝香居試下飲夜茶🍵🥢以我既觀念 平時飲茶都係朝早飲 唔會夜晚飲 原來係有夜茶呢樣野 估唔到夜晚都可以食點心外面同裏面裝修都係古色古香既中式裝修 入面比較細同迫 幸運地我唔洗等位就有得坐所有點心都係即叫即蒸 所以要少少時間等 可以食到熱辣辣既點心 我都覺得值得等下呢個係外面門面蘿蔔糕煎得好香脆 正面同反面都係煎得好平均牛柏葉分量都幾多 唔似平時得幾舊燉湯料都有好多燒賣上面既鮑魚唔會好難咬唔會好難吞流沙包食完唔會覺得好漏 春卷都係熱辣辣好脆口鮮蝦腸已經一早分成六份 每份都有一粒蝦 咁同朋友一齊食既時候就好容易分到 而且唔會食唔到蝦呢個牌都好有特色總括嚟講 凝香居好抵又好食 如果想食點心 不妨可以去試下😉

我們在12:40分點餐，直到13:20還在等！對上一次幫襯是兩三個月前，同樣等候了1小時，情況一直沒有改善，非常失望。在等待之際，同時亦有幾家客人在等，證明不是個別例子。而且貴店真的非常非常十分之不環保，基本上每一道菜也用要一個發泡膠盒，平均每張單使用六至十個發泡膠盒，實在不可思議，希望貴公司可以改善一下，已經不再想評論食物質素。可一不可再，雖然是黃店，但此風不可長，每次等待1小時才能吃飯，以為是法國餐嗎？