凝香居

坦白說，星星全部是給予食物的分數，態度分數可以的話一顆星我都唔想俾。早前來井財街整車，路過這間凝香居，被電視上面的廣告吸引了，但當天因為趕時間所以未有機會品嚐。這陣子終於有時間，特意找了一個下午帶家人駕車過來品嚐。這邊的點心確實很美味，即叫即蒸，吃得出廚師的用心。我們叫了鮑魚燒賣、蝦餃、粉果等等蒸點，皮好薄，蝦餃裏面隻蝦好大粒，同埋第一次食到咁大隻鮑魚在燒賣上面，覺得很抵食，蒸飯也很有水準。整體性價比很高，很有誠意，只談食物質素的話，值得特意駕車過來品嚐。但是這裡的店員服務態度真的非常差，給了我和家人一個不太好的用餐體驗。當天鋪面只有一位年紀比較大、身形肥胖的女店員坐低咗，跟一堆（看似是客人）的叔叔伯伯傾偈。我們走進店內的時候，和女店員正面對視了，加上我們人數比較多，所以她是不可能看不到我們的。我跟她說我們幾多位，問她是否可以隨便坐？她好像假裝聽不到一樣，繼續坐低和那班叔叔伯伯傾偈沒有接客，於是我們自己找了位置坐下。後尾我們舉手想跟她說飲咩茶，舉了大概10分鐘，那名女店員仲坐咗喺度，連她身旁的叔叔伯伯也忍不住出聲說：「喂，有人搵你啊」，那名女店員居然仲坐喺度，然後只是說了一句「得啦」，然後才不情願地起身過來，呼呼喝喝咁問我哋飲咩茶。後尾我們填好了點心紙，知道就算舉手都好，那名態度惡劣的老店員也不會理我們，所以我攞住點心紙行咗過去，打算親手交給她，請她幫我下單。我站在她面前，她坐喺度，我跟她說：「填好啦，唔該你」，她望了我一眼，然後說：「擺低啦」，我把點心紙放在枱面上，跟她說了一句唔該，就坐返喺自己本來的位置。然後隔了一陣覺得唔對路，他既沒有幫我入機之類，又沒有跟廚師對話過，咁點樣幫我下單呢？在我把點心紙交給她大約15分鐘之後，她才施施然企起身，攞住我張點心紙走向門口的電腦撳機，我在想：「唔係而家先幫我落單掛？」結果計返出餐的時間，那名女店員應該真係收到我張點心紙之後，坐了大概15分鐘才不情願地幫我落單，那15分鐘入面並沒有外賣單，而且客人也不多，這樣令我感覺她好像是故意的，感覺好像我們來吃東西，但是要求佢幫我哋落單一樣，整體感覺不太舒服。知道餐飲業難做，經常可能人手不足，所以在外食飯我大多數時間都會體諒店員的。我不介意店員忙緊唔得閒理我哋，或者出餐慢了一點，多點體諒少啲批評大家都會開心啲。但包容不代表包庇，當天下午在你們這裏用餐，確實可以稱得上係本人多年以來最差的用餐體驗。店員不主動招待，扮睇唔到，呢啲已經係我包容嘅底線。我們舉手叫茶她就坐喺度，我特登拿着點心紙行過去找她，好似求她幫我哋落單咁，一路淨係識得坐喺度同隔籬的叔叔伯伯傾偈。我也不知道那些是她的朋友還是客人，留意到她們好多身體接觸，又攬頭攬頸咁，如果那些是她的朋友，為什麼她可以在上班時間和朋友傾偈玩而不工作？；如果那些是她的客人，為什麼那個女店員招待他們的時候可以這麼熱情攬頭攬頸咁，但是招待我們的時候就好似我們得罪他一樣，對我們呼呼喝喝呢？這樣令我感覺是差別待遇，非常不好受，我們慕名而來是為了品嚐覺得值得一試的美食，而不是來受氣的。親愛的凝香居老闆，如果你看到這則留言，我衷心的跟你說，我和家人初次品嚐，整體對你們的美食都十分滿意，也感受到你們在製作點心的時候下了不少苦功。但是你們必須正視這名店員的態度問題，當天我和家人是在下午來這裏用膳的，在場只有唯一一位年紀大，身材肥胖的女店員，你們是如何接受一個對客人呼呼喝喝，特登拖延唔落單，成日坐喺度同人傾偈唔做嘢的店員呢？我本來也沒有必要說這麼多，但正因為認為你們的食物出色，唔希望有水準的食物比冇禮貌嘅店員糟蹋咗，所以我衷心希望睇到這個留言的你可以正視這名店員的問題。只談食物水準，值得我慕名而來。囊括店員態度，不會再來下一次。…查看更多

點心非常有特色，餐廳營業時間星期一至六11am-6am，星期日二十四小時。地點非常方便，服務一般，食物質素一流，環境舒適，倘若晚上肚餓的時候，我仍會再來光顧的。…查看更多

好少寫食評，但係嬲到忍唔住寫返一篇：食物味道好麻麻，不過都唔係問題，我本身志在飲杯茶，今日第二次過嚟食嘢，個阿姐（唔知係老闆娘定咩，兩次見佢都係坐喺度自己食嘢）無啦啦攞個雞毛掃出嚟喺度掃電視機啲塵，我仲食緊野，啲塵飛晒過嚟⋯⋯過多一排，佢又無啦啦走出去出面抹玻璃，無關門，我近門口個位，啲藍色玻璃水唧晒過嚟我隻手度⋯⋯好無奈⋯⋯佢態度唔優做我都冇咩感覺，但係咁樣太過分啦啩⋯⋯⋯我就唔會再嚟，都唔建議大家嚟受罪。…查看更多

同師傅一齊飲茶，聽講呢度服務都幾好，睇落又乾淨，坐得舒服，入去飲下茶，叫左都幾多野食。啲食物新鮮熱辣辣，叫左壺鐵觀音，愈飲愈香，唔似茶樓果啲擺好耐既茶淡而無味。叫左點心拼盤，好靚，幾得意，另外又叫小籠包、鳳爪排骨飯、蝦春卷……。食到我地都好飽，再慢慢飲杯茶（沖左咁耐都好香又夠茶味）。埋單兩人二百幾，都算合理，重點食物質素幾好👍茶又香👍（希望保持水準）去飲茶都係想食熱辣辣點心同香濃既茶，宜家啲酒樓質素都麻麻，呢間好有驚喜，值得推薦。（不過場內得一位姐姐，可能唔係繁忙時間）…查看更多

見諒因為冬天夜晚好凍，之後一入去坐低點左個湯之後停唔到，全部食到最後一件先醒起影相，講下佢啲燉湯先，其實我夜晚如果想食得健康啲，尤其係宵夜，我一定係去呢間，因為主題比較健康，又係飲茶，通頂都冇咁大壓力，佢啲茶都好有回甘味，至於佢嘅燉湯算足料，入味但飲唔到味精味，每盅湯都佔左一半係材料，感覺幾好，佢個流沙包都好出色，流出黎嘅奶黃食落係做到有沙粒嘅口感，但我最中意食係佢個紅棗糕，好煙靭同埋又唔會太死甜，蒸得好好食，推得推介。…查看更多

樓面多過廚房 因為全部嘢都係預制 無意見但好明顯見到佢麻醬甜醬重用點解我會知？因為我叫左腸粉但無食醬我食到8899 佢黎收番個醬去番本身出菜個位茶位六蚊 但淡到爆 講真我都飲得淡 佢個茶同紅棗糕係無味嫁…查看更多

今次我哋嚟到一間位於屯門，廿四小時都有得飲茶、食點心嘅舖頭😝！舖頭裝修新淨，坐得舒服，啱晒早、五、晚、宵夜都得🔥。茶芥每位$12。.🐔北菇滑雞飯($30)雞肉夠嫩滑，而且味道香，配埋冬菇，香味滲入飯粒裏面，加埋豉油就最好食。.🥟點心拼盤($52)我哋揀咗細嘅size，蝦餃、燒賣、菜苗餃各兩件。點心嘅質素都幾好，餡嘅份量好多又好食，而且菜苗餃味道超濃郁。.🥘咖哩魷魚($38)咖喱味香口，配埋魷魚新鮮爽脆，夠晒開胃。.🐄醬皇金錢肚($38)醬香味濃郁，啱晒夾埋金錢肚。金錢肚有咬口，又唔會過韌，而且仲好入味添。.🐔豉汁蒸鳳爪($28)整得夠軟腍，豉汁味好夾鳳爪，啜到停唔到！.💥榴槤千絲酥($22)超級推薦，好高質！榴槤醬香濃。炸餅亦都整得好酥脆，新鮮炸出嚟脆卜卜。.🍯蜜糖蜂巢糕($26)口感好特別！咬落去又綿又有口感，配埋清甜嘅味道好正。.🌱菜心($22)算係幾抵食，呢個價錢有一大碟菜，幾個人share都足夠。…查看更多

放假走到屯門紅橋的「凝香居」吃點心嘆茶，木系古典裝潢盡顯懷舊茶居氣派；提供包點、煎飯、蒸炸/蒸點心、小食、燉湯及甜品，定價合理-🔹涼拌青瓜 $24新鮮爽脆，配搭陳醋及芫茜，開胃之選-🔹點心拼盤 (細) $52蝦餃、燒賣及菜苗餃各 2 件蝦餃晶瑩剔透，餃皮厚薄及濕潤度適中，口感 Q 彈；蝦肉鮮甜爽口燒賣皮完整細薄；蝦肉、瘦肉及肥肉比例平衡而鮮味，加上爽脆蟹籽增加口感菜苗餃飽滿可愛，餃皮同樣輕韌；菜苗細嫩而蝦肉爽甜-🔹蜜汁叉燒腸 $28腸粉柔嫩有彈性，叉燒餡料豐富，肉嫩緊緻，吃起來是啖啖蜜汁香-🔹梅菜蒸鯇魚 $56配白飯；選用鯇魚腩部位，魚肉雪白緊緻，毫無腥味，配搭鹹甜爽口梅菜及蒸魚豉油，下飯一流-🔹胡椒鹹菜豬肚 $48豬肚軟滑無腥味，配搭輕鹹的鹹菜及大量胡椒，足夠暖胃-🔹椰盅燕窩雙皮奶 (熱) $56雙皮奶細滑得入口即化，每一口皆散發著濃郁清甜的椰皇香，滋潤滿足…查看更多

好耐冇飲茶啦！呢間主要做街坊生意 因即叫即做 等候時間會長d 架！點心拼盤 (大) $82這個拼盤非常豐富，包含了蝦餃、燒賣、菜苗餃和峰巢糕，各2件，還有流沙包和叉燒包各1件。好岩打卡！最鐘意特別是流沙包的餡料，濃郁而不膩～椰香炸饅頭 $22炸饅頭外酥內軟，椰香味十足，搭配煉奶是絕配薑蔥牛柏葉 $32牛柏葉有豆卜同埋薑蔥一齊食 不錯芥蘭 $22有蠔油可以點一齊食～香荽牛肉腸 $28牛肉腸好實在 香荽更加提味，好飽肚！椰盅燕窩雙皮奶（凍/熱） $56作為甜品控 推薦這道燕窩雙皮奶無疑是壓軸之作。好滑好大份好好食😋…查看更多

🥟精選點心 $2x - $3x今次推薦一間廿四小時營業嘅點心店俾大家🤪店舖售賣多款點心、盅飯、燉湯，甚至連甜品都有🥳真係任何時候都實有一款啱你食😚小編特別推薦鮮蝦菜苗餃、鮮蝦餃、同埋排骨鳳爪飯😆每一樣都非常足料，鮮蝦好大隻好彈牙，而且價位都好親民😋另外甜品叫咗燕窩雙皮奶，味道比想像中好食同埋足料，宵夜食返個都真係好滿足😭.💰人均消費: ~$150.🍽味道: 4/5🏙環境: 4/5‍👨🏼‍🍳服務: 4/5💧衛生: 4/5💰價錢: 4/5…查看更多

【屯門紅橋超驚喜點心店☕️凝香居】-係屯門收工同同事係紅橋食晚餐😂經過呢間點心店，諗住飲返個夜茶再吹下水😙點知嘢食超驚喜，要同大家分享吓！-點心店好似係新開嘅✨幾乾淨企理，有幅水墨畫，裝修古色古香，幾靚仔😙食物選擇都幾豐富，基本上茶樓有嘅佢都有，仲有點心拼盤啱晒兩個人但又想食唔同口味嘅朋友👩🏻‍🤝‍👨🏼-😋蜜糖蜂巢糕🍯$26最得我心嘅莫過於呢個蜜糖蜂巢糕😚識落有啲似紅棗糕，甜度適中，口感煙靭鬆軟！好味指數：🌕🌕🌕🌕🌗-😋燒賣拼盤$63拼盤有鮮蝦、鮑魚、鵪鶉蛋燒賣各兩件😙用細細嘅蒸籠裝住好的骰😜小編最鍾意食鵪鶉蛋燒賣😍口感豐富啲～好味指數：🌕🌕🌕🌕🌘-😋原隻椰青花膠燉雞湯🐣$78呢個燉雞湯大推‼️ 味道超！鮮！甜！原隻椰青攞去燉😍再加埋花膠、雞同埋甘筍🥹咕嚕咕嚕就飲曬！好味指數：🌕🌕🌕🌕🌗-😋蔥花炸兩腸$28腸粉軟滑夾住香脆嘅油炸鬼🥰點埋甜醬花生醬真係好鬼正😚好味指數：🌕🌕🌕🌕🌘-😋黑金流沙包$32 黑金配搭好型格🖤包夠軟熟😍中間鹹蛋黃流沙香味十足🙂‍↕️記得趁熱食！好味指數：🌕🌕🌕🌕🌑-😋椰盅燕窩雙皮奶🥥$56面頭鋪滿燕窩勁足料😝雙皮奶口感幼滑奶香十足～好味指數：🌕🌕🌕🌕🌑-整體而言，味道唔錯feel到點心係新鮮熱辣嘅😝而且好足料😚有機會想試埋佢其他嘅點心拼盤😋-📍凝香居 (屯門)屯門井財街15號金銘大廈地下1-2號舖💸人均消費：$150茶芥（茶芥$6位）…查看更多

這晚和住屯門的朋友在屯門搵食，虹橋選擇多，我們走一圈後選擇吃這間點心店，店舖裝修很新，茶位每人$6也可以不飲茶，我們怕睡不著就飲水，而且它無加一收費，感覺幾實惠。點心拼盤(大)$82包括蝦餃、燒賣、菜苗餃、蜂巢糕各2件，流沙包、叉燒包各1件，用小蒸籠裝著，感覺很別緻，二人分享這個拼盤剛好，可以試到不同款式，最驚喜是流沙包，超強流沙效果，奶黃味道濃郁，包也軟熟；叉燒包餡料豐富，吃到傳統滋味；即使放久了，燒賣、蝦餃皮也不會變得硬，蝦餃和菜苗都吃出用料新鮮。榴連千絲酥$22外表像炸蘿蔔絲酥，咬下去外層酥脆，內裡有較甜的榴連味餡料。藥膳雞腳$48這個好足料，雞腳件數十分多，煮到軟腍適中，而且還附有好多藥膳湯，這個湯可以飲的，還感覺有點骨膠原的膠質，帶著淡淡藥膳香味。蟲草花乾貝土雞燉飽魚湯$68平時缺乏湯水，當然要來喝喝湯，這裡的燉湯以雞湯為主，好滋補，湯底香甜，連各樣材料都一拼吃了，份量都幾多抵飲。籠仔金銀蒜海蝦飯$85打開荷葉立即聞到香噴噴的飯，蝦隻已開邊加左金銀蒜去蒸，蒜味香濃，蝦的鮮度也不錯，飯都好有心思，見到有蛋和少少肉碎撈在一起，令每口飯味道更豐富，不太愛吃飯的我也一口接一口的吃。喜歡吃點心的我，好開心在虹橋發現到一間高質出品，點心都感覺新鮮，即叫即蒸，調味不會過鹹，水準高，下次可以帶家人朋友再來吃。…查看更多

𖤐ˊ˗在有料案料所旁有間點心店，裝潢頗中國風，面積不大，整齊而舒適，想不到晚市也多人飲茶。｡ﾟ･𖥸──────-ˋˏ 𝓜𝓮𝓷𝓾 ˎˊ-──────𖥸 ｡ﾟ･✎ ̼點心拼盤 $52有齊燒賣、蝦餃和菜苗餃，個人覺得菜苗餃最好吃，餡料多皮軟韌，其他正常發揮。✎ ̼蜜汁叉燒包 $26三隻白胖胖的包子，餡料不多，包夠鬆軟。✎ ̼咖哩魷魚 $38這個咖哩醬較濃郁，魷魚煮得入味，入口軟而有嚼口，但不會過韌。✎ ̼原隻鮮蝦腸 $30滑溜溜的口感，不錯。✎ ̼梅子蒸排骨（配白飯） $56份量足，蒸得剛好熟，鹹香而送飯一流。✎ ̼ 灼芥蘭 $22份量足，伴豪油醬。✎ ̼香芋千絲酥 $22外脆內綿的口感，帶出淡淡的芋香。✎ ̼椰皇桃膠雙皮奶（熱） $54小小的椰皇上是軟彈的桃膠，內裏是滑溜溜，滿奶香的燉雙皮奶。…查看更多

Lunch 時間去食，位子5多，有陣陣廁所渠味都算，想轉位又比女侍應呼喝🤬🤬🤬員工態度又極差，不知所謂，坐係客人同枱休息玩電話😅😅食物質素裝修後以為好d，點知都係無變過，棉花雞 棉花又硬，雞又鹹蝦餃就正正常常燒賣都okok見到隔離枱有一鍋鍋食物好似幾香噴噴問侍應員只係一鍋鍋咩食物黎？一點鐘前去到話賣晒，態度不知所謂，其實比人睇張紙幾咁難？個女侍應仲兇惡過客人改善下員工態度會比較好，同改善食物質素…查看更多

屯門虹橋最多好嘢食🤩今次就過嚟嘆一盅兩件🫖🥢呢間凝香居鋪面唔算大 不過都坐得幾舒服菜苗餃呢個係我飲茶必點之選 原隻鮮蝦夠爽口🤩菜苗脆炸鮮奶 $26呢個係我第一次食炸鮮奶😂食落口好香脆仲有淡淡的鮮奶味🥰黑金流沙包 $32一搣開即刻流沙流出嚟🥰🥚勁香蛋黃味 必點！🥢山竹牛肉球 $28大大粒山竹牛肉食落佢唔會好粉 喼汁必落🤩重點係佢哋即叫即蒸夠晒熱辣辣🥰桂圓蜜瓜花膠燉雞湯 $58最鍾意就係飲湯🥰 呢個燉湯好足料 真材實料，夠火候…查看更多