影片
以上資料只供參考, 請與餐廳確認詳情
依間舖頭買啲香港小食 我覺得就幾好食 價錢又實惠👍🏻依家出面啲雞蛋仔 格仔餅多數都要二 三十蚊 一底，依到10蚊就可以食到🤤🤤🤤真正嘅平民街頭小食，除咗價錢平之後，最估唔到係即叫即整！唔係整定！👍🏻🤤🤤🤤加上佢多醬 真係食到停唔到口㗎🤫
繼續閱讀
好少寫小食店，但呢間既魚蛋同碗仔翅值得一讚👍🏻👍🏻👍🏻魚蛋主要係個辣汁，夠惹味，而且魚蛋夠彈牙唔會太淋。碗仔翅特別之處在於會加特製辣菜脯，孤陋寡聞既我真係第一次見，而且估唔倒呢種新鮮既食法又幾正，哈哈😁另外就係叫少少野攞走都用個紙袋打包，而且係田灣村入面竟然有個裝修得幾靚，週末又無咩人既地方可安坐進食，所以想介紹下比大家知。希望人多d之後，可以考慮擴展，再做埋夜市，咁以後宵夜又多個選擇啦!
繼續閱讀
本局長是日與副局長行經田灣商場，見商場提供泊車優惠，內裡裝修新簇簇，food court 小而精緻，當中凝香園價錢合理。食物富有香港街頭特色，遂二話不說幫襯。局長倆選擇咖喱魚蛋、燒賣、腸粉、雞蛋仔、碗仔翅，擺副到成檯嘢都唔駛一嚿水，甚為滿足。食物價錢實惠，味道亦出乎本局長意料，相當出色。碗仔翅十分足料，每一羹都有好多嘢咬到，加入胡椒粉、辣酸菜等調味後風味更佳。咖啡魚蛋入味而彈牙，好食。燒賣不俗。腸粉香滑，醬汁香甜可口。夾餅、雞蛋仔新鮮出爐，理所當然地好味。總括而言，此店價錢經濟實惠，食物看似普通卻美味非常，富有香港街頭風味，局長倆盡興而歸。
繼續閱讀
街頭小食己進化為高級版小吃，以前企在街邊，一路行一路食，現在己進駐入了商場內的美食區，價錢依然平民化，吸引！腸粉 + 魚蛋 + 燒賣 $16大大碗！腸粉好滑。魚蛋彈牙，如辣度加多少少就更好。燒賣不錯啊，入口不會是肥肉，有質感有味道。傳統雞蛋仔 $10十元一底好抵呀！熱辣辣，有蛋香，簡單就是好味。足料碗仔翅 $20果然足料，調味恰到好處。生菜魚肉湯 $20魚肉份量頗多，魚香滿溢。加入了糊椒，麻油和菜甫，增加味蕾感。
繼續閱讀
而家咁既環境，我就唔敢掃街啦。但每次行過旺角，啲街頭小食就不停吸引我對眼，喉嚨就不停吞口水。今日，終於比我發現呢個地方，人小，又乾淨衛生, 我可以盡情掃街啦。田灣食mart入面既凝香園，乜野既街頭小食都有呀🤩食物價錢好似時光倒流，平到嚇死人。$10格仔餅，$20碗生菜魚肉，唔食走寶。魚肉碗仔翅$22雙併都係$22，仲要超足料，有食羮既口感。魚肉又多又大件，有拇指咁粗，認真誇張。而阿姐知我食得辣，就比左成坐山咁高既辣菜脯，所以碗翅既顏色都染紅左啦😆好味又抵食。腸粉魚蛋燒賣餐$16$16有魚肉燒賣二粒，咖啡魚蛋三粒，白滑腸粉有四條，請問邊到仲有咁平。腸份真係好滑好食，加埋混醬食到甚過癮。腸粉控既我地，再叫多份腸粉$10，一於掃街當晚餐。格仔餅$10即叫即製，熱辣辣。醬料塗得滿滿的，牛油，花生醬，煉奶，再加大量砂糖，搞到我地食到變花面貓。肯好呢度有自助清潔區，洗手清潔無難度。呢個細商場都竟然有咁既設施，即刻對佢加分啦。呢度仲有泊車優惠，不過食左咁多野，我就會選擇行返去香港仔坐車減少罪惡感啦。
繼續閱讀