凝香園 (已結業)

好少寫小食店，但呢間既魚蛋同碗仔翅值得一讚👍🏻👍🏻👍🏻魚蛋主要係個辣汁，夠惹味，而且魚蛋夠彈牙唔會太淋。碗仔翅特別之處在於會加特製辣菜脯，孤陋寡聞既我真係第一次見，而且估唔倒呢種新鮮既食法又幾正，哈哈😁另外就係叫少少野攞走都用個紙袋打包，而且係田灣村入面竟然有個裝修得幾靚，週末又無咩人既地方可安坐進食，所以想介紹下比大家知。希望人多d之後，可以考慮擴展，再做埋夜市，咁以後宵夜又多個選擇啦!