六角

營業中

休息中

星期五晚上在這裏食咗omakase set🌟第一次嚟到呢間隱蔽嘅餐廳，都用咗啲時間先搵到😅地方唔算大，但氣氛好好，服務都好貼心👍🏻六角原來已經開咗18年先至第一次試到，見到佢哋都好多熟嘅客人。食材新鮮，魚生同熟食都做得幾好，上菜速度都控制得好好，最後仲會問你夠唔夠飽想再加壽司還是熟食🍲甜品有日本訂返嚟嘅咖啡味或者豆腐雪糕🤍佢哋嘅天婦羅都做得好好味👍🏻最後加咗雜菜天婦羅烏冬，非常滿足的一餐😋

聽人講呢間嘢質素ok所以試吓lunch set點知呢間嘢個老闆娘對客人呼呼喝喝book咗檯準時到，喺門口等咗好耐冇人理。到佢理人嗰陣叫人探熱都超惡唔知以為我地成檯前世欠咗佢咁。態度衰過澳牛，又唔係平十二點零坐低已經好多set都冇。老闆娘同我地講嗰陣啲態度都令人好唔舒服。魚生飯係好食，不過太少飯，同埋等好耐先上菜。呢啲態度真係食完都背脊骨落。見到有啲食評都話佢態度有問題，好後悔冇睇就去咗。如果對服務態度完全冇要求，唔介意俾錢去受氣嘅話不妨去試吓

六角係我同同事嘅飯堂😂，諗唔到食咩又想近近地就會去食，成個menu食過唔少，今日就同大家share下食過又好嘅。碎吞拿魚腩飯定食($158)(相左下)，好肥美，充滿魚油香，撈埋蔥食，可以中和下，正。通常都係食魚生，有一日食咗蒲燒鰻魚飯定食($178)，鰻魚軟綿，鰻魚汁好夠，不過overall唔特別。每日有special，其中一個我覺得幾好係有兩碗唔同嘅魚生，$200左右，碎吞拿魚飯(右上）同角切魚生飯(右下）。兩碗係細細碗，比平時嘅細。都幾好，一次過食到兩款，感覺豐富。都試過單獨叫角切魚生飯定食($168)(左上)咩魚生都有啲，新鮮嘅，不過食角切好難真係品賞到魚生嘅質素，都係貪佢咩都有啲，對我嚟講幾開心。Overall 質素唔錯，但價錢真係唔平啦😂，因為次次食完其實唔太飽。好好味就好味，但唔算好抵食。

灣仔可算是日本菜死城( 食日本菜方面真係冇乜選擇） 今日工作需要又喺灣仔出現 咁啱畀我喺 太古廣場三期後面見到呢一間細細哋嘅六角餐廳 可能當其時仲未去到午飯時間唔算太多人 咁樣仲好我鍾意靜靜地食 去到餐牌價錢上算合理始終呢個地段 鋪租都好貴 冇乜諗法之下嗌咗個三文魚親子丼: 頭盤除咗麵豉湯之餘仲有沙律同蒸蛋 有蒸蛋真係有少少出乎我意料: 個蒸蛋都好滑好香 我貪得意加咗啲七味粉落去 又幾夾🤣 到咗三文魚丼上場 啲魚生好新鮮但啲飯感覺有d少 佢啲飯有啲醬油嘅顏色 食落去鹹鹹哋好好味😋之後店員先話我知原來有得加飯 不過係都叫我地食哂先好叫 又係咁問我係咪食得哂（其實都好細碗）不過都明既驚我地哂左😶最尾仲有豆腐雪糕做甜品 我另外再加多杯咖啡 雪糕配醒神啡~飲完又努力去工作lu~😇

六角都算係灣仔嘅隱世小店，隱藏喺星街月街😂，一直都聽到有啲同事話幾好，所以擺咗喺我to-eat list好耐。我叫咗個特上雜錦魚生飯定食 🍱（$178 plus 10%)，無話邊樣特別出色，因為每樣魚生都新鮮軟嫩，仲好爽口，唔係梅梅咁。有好多種魚生🍣，好似三文魚/帶子/甜蝦/白身魚/碎吞拿魚腩。有一種魚生喺丼飯係比較少見，應該係鯖魚，好好味，爽身香甜。不過我覺得個飯🍚有啲太濃味，會搶咗魚生嘅味道。睇返其他人嘅食評，因為係赤醋飯（？），可能係個人味問題啦。個定食仲包埋茶碗蒸🥚同雪糕🍦，無咩特別。💁🏻‍♀️侍應語氣態度非常‘特別’😂，比中環以前某間出名3碗魚生飯嘅日式料理店有過之而無不及。但有同事叫佢加咗3次飯，佢都無問題，似乎又唔太差🤔🤔🌟環境唔錯，唔會逼。我哋幾個人坐咗幾耐下吹咗好耐水，都無點明示暗示我哋要快啲交枱。價錢喺灣仔金鐘食魚生嚟講算係咁。不過要抵受得住侍應特別嘅服務態度先好嚟😂

🍣六角魚生飯定食 ($218)賣相同佢以往其他嘅午餐定食一樣好吸引🥰新鮮嘅魚生鋪滿飯面 刺身維持到高水準 面頭嘅吞拿魚蓉同海膽尤其鮮甜好食😚其他嘅刺身都係屬於中上嘅水準 而且刺身嘅款式好多 俾你好似一次過試晒好多款咁🤪另外個飯仲混合左玉子 青瓜 漬物粒等 令整體口感同味道更加多元化🤪不過飯量就真係一貫佢哋嘅特色係好少薄薄一層 男仔未必會夠食😆

Food was surprisingly good, sashimi was fresh. Chef was polite and attentive to dietary restrictions. Restaurant was quiet so service was speedy except for a lady who was a little more impatient. Other than that, decent selection of food on the menu at reasonable prices

呢間餐廳好古怪，啲侍應好晦氣，啲食物嘅質素唔係次次都咁好，一時好有水準，一時好普通，可能百零蚊一個午餐，係呢個區算平啦，所以好難book。個鯖魚定食燒得好香，但係個燒雞扒定食就非常之麻麻，味道偏甜，食唔到啲雞味。吉列豬扒定食尚算可以，但係唔係好到可以講有咩特色咁，如果你抱住食晏嘅心理幫襯，其實係可以嘅，唔好期望有咩嘢特別，亦唔係太差。見到佢自家製嘅梅酒，講真流晒口水，但係嗰日去食lunch所以冇飲酒，我唔知點解覺得夜晚嗰度應該係會好食啲，但係個晚餐係另一個Menu，價錢貴好多，大家小心。

態度非常差。但係對住隔離枱d鬼佬好好聲氣。遲左一分鐘訂枱已經cancel左booking已經算。安心出行一時又要我地一行8個人係門口寫，一時又鬧我地做咩唔坐低先寫。一路寫安心出行一路吹叫野食，仲要係咁改我地d字既讀音。食物質素係幾好既。都係d常見菜式，無得輸。不過一邊要趕我地1點交枱，個甜品要吹兩三次先到，到個時係12:55，真係有性格。其實明白點解其他評語好似好好咁，因為對住其他食客真係態度唔錯，食物係好好食。不過各位準備如果你夠膽遲到得罪老闆娘咁你可以預左你個+1會俾得好唔抵。

又係我最鍾意食既日本菜，第一次食依間餐廳，入到去先知有咩食同幾錢😂。好彩唔係好貴。裝修好靚，日本居酒屋咁既Feel🇯🇵。見好多食評都有提起女侍應態度問題，有少少粗聲粗氣，指示唔清楚令我地去錯位，女侍應「叫左你地等等」。唔算好差既體驗，不過可以禮貌啲😌！特上雜錦魚生飯定食 $178一個價錢有前菜（燉蛋+唔知咩凍物）、主菜、甜品（咖啡或雪糕）。唔可以話依個價錢好抵，但以灣仔價黎講，好食又值得💗。前菜——燉蛋好滑，成杯都好滑，無一部分係蒸過龍。凍物，唔係好知咩黎，植物黎既😂。少少爽爽地，有得咬下啦🤟🏻。主菜——鮮！魚款多，連貝類都有，每一款都好食🥰。如果侍應可以介紹埋有咩魚就最好不過，我好似食完都唔知咩黎。只可講到好鮮、某啲好肥、某啲好爽、某啲有少少咬口😂。我不嬲都唔食玉子燒/壽司蛋，但估唔到可以好食到咁，好似係焦糖蛋咁滑，蛋既表面係脆架😍！自選雞扒烏冬定食（附加州卷）$138前菜個兩樣有齊，另外仲有加州卷😛。唔好睇好似得三粒仔咁，好食，裡面既料好平均。主菜——我唔知佢點整到塊雞扒咁好食，雞皮好似燒到焦糖化左咁，唔會好乾，同時又做到超級脆，最緊要係鎖到啲肉汁😍。真心出色！大家share咁搶黎

🍣特上雜錦魚生飯定食 ($178)價錢已包括前菜 麵豉湯 茶碗蒸 刺身飯同埋甜品或咖啡😋個刺身飯認真望落好唔錯 刺身係鋪滿整個飯面🍣飯量係較少 只係底下薄薄一層 女仔應該夠食 但係如果男仔或者食量大嘅人可能要加飯🌝不過重點嘅魚生每一款都好出色 尤其係魚類🐟厚切得嚟 完全唔會有筋 食落好肥美 嗰陣魚油香充滿口腔內 每一啖都好滿足🥰我覺得做得好出色 食完已經好想再回訪🥰

This shushi restaurant is famous for their fresh, seasonal Japanese sashimi. Highly recommend their daily special~ This limited daily combo comes with a mini bowl of chopped fatty tuna rice bowl and diced shashimi rice bowl.The shashimi is fresh and in-season. No extra dressing is needed as the fish provide its own sweetness in within. Highly recommend to go during lunch as the lunch set deserve the price~

哩間食肆多人光顧既情況, 引致係必須要訂位既, 如果WALK-IN的話, 分分鐘LUNCH TIME完左都可能未入得倒去食.訂左位之後, 用餐當日店員會Whatsapp個SPECIAL餐單過黎, 睇下有無需要HOLD起, 不過HOLD左就唔可以再轉喀啦, 為左減省時間, 更係落定ORDER先.一坐低就即刻提供前菜同蒸蛋, 不過掛住傾計, 唔記得影相. 店員都好快手快腳, 一見我地食完就馬上收拾, 奉上主菜, 完全唔駛等好耐時間特上雜錦魚生飯定食刺生好新鮮, 7款海鮮+蛋,我最欣賞係凡立貝, 真係好甜. 而佢個飯底係用左赤醋飯, 相比一般醋飯, 味道更加有層次, 飯既份量較中等, 如果食量偏高既人仕, 最好預先講加飯. 因為佢D飯真係薄薄一層, 唔太夠食. 放心, 加飯係唔洗加錢既, 不過就要落ORDER個陣就要講左先, 之後就無得加返架喇.碎呑拿魚腩飯定食吞拿魚蓉一向都係無得輸, 鮮味得黎帶少少咸, 再配埋赤醋飯, 中和返兩樣野既味道, 比起其他日本餐廳食既蔥吞, 更加有變化.之前有中醫教過, 原來壽司飯上面既薑, 就係用黎食完生冷野之後, 食D薑片, 中和返生冷既負面效果, 我估塊紫

從來未試過去過一間餐廳會咁樣玩食客一開始我地係餐廳外面等之後有個侍應就叫我地量體溫 量完就帶我地入座但沿途就有位女職員就好無禮貌咁話：你地係度做咩啊？帶我地入座嘅侍應就答佢：我帶佢地上樓上個女職員就話：睇下夠唔夠食材先啦 你地出去等明明唔係我地自己行入去 俾佢講到好似我地自己衝入餐廳咁 都唔緊要 我地出返餐廳外面等 之後隔咗陣本身帶我地入座嘅侍應就出返黎話：而家冇呢幾樣 有冇問題？我地睇完menu之後話冇問題 但過左陣之後有另一個侍應就話而家冇哂材料喇 之後就閂埋餐廳對門

剛食了一個 $298/10 件 sushi set 裹面包含兩件三文魚和一個蛋壽司；冇uni, 冇中拖羅。問呂師傅點解，佢話 sushi set 係咁㗎。六角主要做 omakase, 靚魚都係留俾佢哋。咁嘅理由，我真係聞所未聞。如果你唔歡迎客人唔叫 omakase, 你大可取消其他 set lunch menu, 只係做一間 omakase 店。