六榕仙館

營業中

休息中

平時真係唔會選擇 Jordan 食晚飯，更加唔會揀齋菜。點知友人 suggest 呢度。佢16 年前黎過，到今日都依然係一樣的裝潢。懷舊一番了。兩個女仔食得不多，我地無叫飯，只係要左：翡翠海皇羹 - 豆腐好滑，重豆味，味道好清，正荔卷拼脆奶 (芋頭) (蜜瓜奶) - 脆奶都幾溜，唔係 d 油炸到溜係 d 奶味本身重菠蘿咕嚕肉 - 至於咕嚕肉就太大舊，變左好重豆腐味，失左真，如果切細舊 d 會更似咕嚕肉既口感非常經濟的一餐呢。

細細個就己經知道呢間位於佐敦區，歷史悠久的齋菜館，但就一次都未幫襯過。因為想食齋菜，所以上openrice搵料。原本想去南蓮園池裡面那間，後來見呢度評價都幾好，臨時改變計劃來了這裡。呢度係開張經年的舊式齋菜館，所以佈置略為簡單，招呼的阿姐也有個別服務態度不太理想，愛理不理的，這方面如果改善一吓會好些。因為午市，沒有叫它的二人套餐，只係散叫了一碟齋鹵味，一碟羅漢齋炒麵同一碟香菜粒炒飯試吓。碟齋鹵味都唔錯，味道適中；碟羅漢齋炒麵都幾足料，但就油多了點，而且好似料多過麵，味道就係正常發揮啦；至於碟香菜粒炒飯味道就清清甜甜，d菜甫同切碎了的菜段混和在飯中的感覺幾夾，只係d油都仲係多了些，如果可以炒得乾身點會較佳。埋單計數兩個人都係$90度，都可算抵食。希望下次再來，可以試吓呢度的小菜水準啦！

feb 08, 09,8大1細人來dinner,叫咗 : 1) 金湯海皇翅-都幾有南瓜味-唔會好"杰"身-+埋素翅同配料,增+口感-不錯 2) 年年有餘-新年大頭,叫嚟應吓節-芋蓉喺厚,但個皮唔多夠脆口 3) 香菜粒炒飯-炒得幾香,又粒粒分明 4) 咕嚕肉-普通,不過勝在用新鮮菠蘿 5) 齋鹵味 x 2-友人們話酸齋好味 6) 炒伊麵-正常 7) 芝麻卷-普通 8) 荷葉飯-賣相麻麻因獻汁太多-味道還可以 9) 7彩生菜包-另附上數片脆卜卜生菜片-多款材料,粟米粒甜,玉豆角粒同紅蘿蔔粒就增+咬口.........夾埋1齊食,好味 10) 酥炸生蠔-外形都幾似真-食咗都唔多知道裡面喺咩,不過都同真蠔1樣,軟軟哋同黑黑哋 11) 香酥鴨-有少少r頭外形同個名有咩關喺-其實即用腐皮炸出嚟,蘸上旁邊嘅酸醬

我好欣賞新派齋菜, 較傳統個D有特色, 佐敦有幾間 also 好好食平時去呢間食 lunch, 已經覺得唔錯, 估唔到食晚飯 so cheap so 抵食 so good, 最重要好味侍應服務一般 OK, 禁嘅價錢仲想點 星期六晚飯, 5 個人叫左: 1. XX蟹肉翅 : 翅黃黃地色透明像真度很高, 雖然翅份量少左 d, 其餘...有蛋白, 蟹柳.....份量多 d, 成碗好足料, 味道 good2. 福建炒飯 : 同樣好足料如冬菇粒, 菜粒, 仲有其他粒粒........好好味3. 菠蘿咕嚕肉 : 口感似用豆腐做, 但唔夠脆口, 脆 d 就好似4. 七彩生菜包 : 加甜醬苟埋餡料用生菜包住, 餡料同福建炒飯料相似5. 錦鹵雲吞 : 即是炸雲吞, 酸汁內有青椒, 大大粒磨菇.... 最後送免費糖水, 加埋茶錢都係 $50 幾蚊 1 位, 抵到爛啦 食 lunch 試過以下幾款:1. 飽魚粒松子炒飯, 松子好香2. 雪菜鮑魚絲炒麵, 勁多料勁好味3. 三菇飯 炒飯炒麵好大碟, 午市 $40 都唔駛, 大食人可以叫 1 碟, 細食 2 個人叫 1 碟都夠 好似三菇飯

我覺得六榕其實做得已經幾好~起碼,佢樣樣野都好夠熱,夠味....特別係桂花炒翅,你一定要叫,包你覺得好OK...佢煮得好大碟,好足料,好有水準,係一定要叫...另外,佢六榕燴飯都幾好架~唔油....總之一句:好啦~

點了二人套餐，130元正加4元一位的茶錢，十分公道~蟹肉燴素翅，很香蛋白和蟹肉味，個人比較喜歡，唯一不足是湯底較”希”，有待改善。枝竹豆腐煲，煲仔上的時候好像一個小山丘似的，鮮腐竹不是一塊塊的，而是層層疊出一件件，口感好好。豆腐是紅燒的，還加入了草菇、馬碲、幾款麵筋，下層還有菜芯和白菜仔。起初有點兒怕煲仔菜會好油，不過這裡的偏偏夠清，又不會過鹹，真係好~荔卷拼脆奶，隔油功夫做得很好，一點多餘的油份都找不到。荔卷鬆脆，算是比較出眾。炸鮮奶其實是炸蜜瓜，脆漿不會太厚，而且有輕輕的甜味，正合我心。免費糖水渣咋，雖不合我口味，但做得還不錯！價廉物美，我一定會再來再來再來再來!

寫返個belated食評.前排中秋時期走黎外賣大什齋 + 2個唔同口味的素月餅(其中一個大約叫3姑6榕之類...我當佢係3姑6婆...) 去男友家食晚飯.個什齋好味又熱辣辣喎, 當中最喜歡個素鵝!(不過auntie話有少少油益味; 我就食唔出)至於月餅, 第一次食素月餅, 個餅皮好乾'鞋鞋地'不過連埋D素涵食落都ok, 味道不錯, 岩哂我呢D怕膽固醇人士.

睇見佢有幾多好評,就一心黎試試可能我唔係叫d招牌菜啦多數叫炒粉,燴飯之類叫左個茄汁炒粉,六榕燴飯,炸雙奶,齋鹵味個茄汁粉d味道同廈門粉米差唔多...只係冇蝦冇肉,都ok六榕燴飯就個茨就真係淡左少少啦...冇乜味道炸雙奶入面有2種奶,一種就好似大良炸鮮奶,另一種就係芋頭,當然芋頭個一隻冇咁好食齋鹵味都算入面之中最好味啦...可能我比較鍾意食濃味d啦,不過佢個齋鹵味又真係唔係幾油總結就係..冇想像中咁好,但都ok

之前食過一次覺得幾好~今次同兩個朋友黎食三個人點了二人套餐冬蓉蟹肉羹好大窩,好清淡,好足料,唔錯~平均每人兩碗菠蘿咕嚕肉今次用罐頭菠蘿整~我覺得甜左d..唔知係咪用罐頭菠蘿既關係?!七彩生菜包有驚喜~最好食係呢個~好清新,必點~飯後免費糖水紫米紅豆沙~不太甜,雖則係免費但都好足料呀!所有食物都偏向清淡,食物唔落味精,價錢又合理~下次會再泥~

上一次黎已經8點尾.一入門口見到成10個人輪緊隊.同我自己講下次一定要早d...到尋日男友早d黎攞位.竟然無人排隊.可能時間好早..7點鬆黎到我倆叫左齋老味,羅漢齋炒麵,芧頸魚,芙蓉蛋.齋老味都可以.酸甜個一隻咪淡左d.羅漢齋炒麵炒得個麵都幾脆.唔錯芧頸魚太大條啦..我倆食唔晒.好食芙蓉蛋好一般..因為無一樣嘢令我記得呢一間鋪.好普通.講到好好食咁.一般啦

本人光顧六榕仙館，以近廿年吃長素的經驗，平心而論，食物質素尚可；但有兩事不得不給點意見，希望他們能夠反省。首先，該素館分兩層，我在樓下吃飯，但樓上卻傳來陣陣麻雀耍樂聲，雖然打打麻雀，無傷大雅，但素食館內供奉了仙佛，也有可能有出家人光顧，這便不太好了，此其一；其二是服務態度奇差，負責門口賣點心餅食的兩位中年婦人，回應甚無禮貌，以這樣的服務態度經營，等同趕客，不要恃著歷史悠久便不思上進，服務、環境、食物應該與時俱進，否則只遭淘汰！

第一次幫襯,叫左二人套餐,即係一個羹和二個餸,另外叫左一碟齋老味同兩個白飯金湯蟹黃翅:好大窩,兩個人食唔曬,平均每人吃到三碗!用南瓜煮素翅,清淡得泥又有南瓜既香味,加上我好中意食南瓜,所以我覺得唔錯架~羅漢上齋l有好多材料,豆付皮,磨菇,面筋,菜心,竹笙,冬菇,金菇,草菇,髮菜,條型粟米,雲耳等,淡淡地,好好味菠蘿咕嚕肉:傻baby見枱枱都有人食,所以佢又點左~用新鮮菠蘿,淡口d,咕嚕肉口感好得意,冇平時食果d菠蘿咕嚕肉咁濃味~唔錯唔錯齋老味:份量幾多,有酸齋,咖喱齋,炸腐竹,冇出面食果d咁濃味兩個人叫左兩個白飯都食唔曬,總之叫一個算,因為食餸都食飽喇食完仲有糖水送,今日係綠豆沙,好足料!埋單$168總括來講都幾抵食,味道好,份量多,下次會再幫襯!!題外話有個好得意既現象,就係d客叫套餐又好,散叫又好,都唔會叫白飯架喎...佢地就咁食餸唔食飯...見到幾枱都係咁...點解呢???

12.7(sat), dinner約左食齋既朋友食晚飯~之前已book左常悅~但因為今日我o係佐敦行去食tea時經過呢間六榕,記得o係OR睇過食評唔錯~就轉移到呢度喇~食齋的o個位朋友當然之前已食過呢間啦,佢就話呢間就傳統d low…好~岩晒我~每枱都有碟前菜,今日係一小碟罐頭菠蘿.4個人叫左3餸一羹餐$170, 再加左一個小菜及一碟炒飯 .冬蓉羹, 菠蘿咕嚕肉, 南瓜炒鴨脯, 油椎煲, 另加的要了桂花炒素翅, 香菜松子炒飯落order後10分鐘內已上左4樣上枱~好快~冬蓉羹好多料~有6碗的份量~夠味道~唔錯~南瓜炒鴨脯有d失望~因為之前o係菜香齋食過好好味架~呢度呢個小菜同佢差好遠~菠蘿咕嚕肉好味~幾似~而且啖啖肉的感覺~但個獻汁一食就覺得係齋鹵味的甜齋的汁~即是話冇平時菠蘿咕嚕肉應有的酸味.油椎煲-油椎本身應該係魚類~呢個餸食落就唔多似~同埋唔知係唔係因為係煲既關係呢~好多油呀~桂花炒素翅-味道唔錯~清清地又有口感~食到底好多油.小菜套餐唔包飯~所以要左個香菜松子炒飯, 味道幾好,有崧子有咬口~但都係略油左d,我地4個人都食到一個羹4個小菜一碟炒飯,就知道小菜份量唔太大~唔係齋期

六榕仙館係佐敦老牌齋菜館，平時小弟少食素，都係親戚阿姨介紹先識去，入到去幾有一種舊式茶居嘅味道，有個上層嘅閣樓，環境乾淨企理，又靜靜局，幾啱食客閒話家常！最實惠係佢有2人套餐（$130，1湯羹2餸）同3人套餐（$170，1湯羹3餸），雖然仲有4人、6人、12人套餐，但食乜定晒，唔似2人同3人套餐咁有彈性，可以自由揀飲咩湯羹食咩餸咁好。我哋5個人，叫咗個3人餐，揀咗綿繡三絲翅、時菜鮮草菇、菠蘿咕嚕肉同葡汁南瓜燴鴨脯，另外再加多個桂花炒翅同松子香春炒飯。個三絲翅都幾大兜，足足分咗5大碗，剛啱一人一碗，而且味道幾夠，材料幾足。哩得依度食素菜，都預咗清淡D，但估唔到又唔係完全係咁，好似個桂花炒翅，無論賣相同味道都有驚喜，D素翅幾爽口，加埋素火腿同蛋白炒，幾好食，係略嫌桂花味唔夠！至於個炒飯亦都係另一個驚喜，因為炒飯加咗紫菜碎一齊炒，而松子仁又令個飯咬口咗好多，D荷豆都好清甜！晚市有糖水送，紅豆沙，不過反而好一般添！

早幾晚去六容食齋,平日晚上七八點要等位,當晚等咗30分鐘左右,但都無問題因見到啲齋鹵味就流晒口水,差不多到我地有位既時候,我己經落定單要一碟齋鹵味多酸齋,一個二人套餐,套餐可以選兩款小菜,一款湯羮,小菜款式好多,亦可選擇菜牌裏既菜,我選擇咗(咕嚕肉,松子雜錦生菜包,一個翅羮),三樣都好足份量,我地兩個人食唔晒,松子生菜包,食落好清新,所有食物都偏清淡味道,無味精感覺,個翅羮係我最欣賞,入面好足料,當然入面有素翅啦,實在太飽,唔係一定試埋啲点心,一碟齋鹵味加一個二人套餐埋單唔使二百非常低食,下次要試炒粉麫同埋啲点心.