六十年代

員工態度極惡劣，我們二人坐卡位時他要我們二人同坐一邊位，說是繁忙時間要留一邊給其他人，但當其時餐廳是很多位置的，後來我們二人轉去搭枱位置坐而空出的卡位就是留給另一個客人自己單獨坐，這種服務態度唔怪之得香港人要返上內地幫襯啦，這些員工是幫你們趕客的，員工態度對客人極負氣，其實食物質素都不是一個很大的問題在茶餐廳食得早餐都預咗係咩質素但員工嘅態度先至係極度嘅問題對客人嘅服務態度說話的語氣簡直是當你是仇人一樣…查看更多

.近十年建既公屋 屋村商場都係連鎖餐廳🍴.難得大嶼山行山後 仲有啲時間.去逸東商場 食個靚 afternoon tea set.六十年代其他餐廳都 1430 開始食tea佢偏偏要 1400 開始好就選佢快速睇吓食評 麵包類輸出穩定.同朋友各點一個餐📲 掃QR code 手機落單再夾埋叫一個 蜜糖芥末雞翼1️⃣ 豬扒包 配 薯角 2️⃣ 炸雞髀 配 生果沙律🥗凍檸檬茶 & 樽仔桂圓紅棗茶飲品種類繁多.雞翼正常size 蜜糖芥末好重手但豬扒包 中間片蕃茄堅厚 沙律醬平均麵包有牛油 同 焗過 nice 👍🏻 .炸雞髀 都有手掌大 睇落偏乾 但食落唔油有卡位 坐得幾適服樽仔桂圓紅棗茶 小量生產物 都好有料 偏小甜.平均每人 消費$75.…查看更多

今日入東涌行山，經過呢間餐廳，入去叫咗個A餐，葡汁雞皇焗飯，個汁一啖有味一啖冇味，個飯係完全冇味，撈啲蛋碎入去就扮係炒飯，然後個雞扒係白烚，完全冇味，完全唔知自己食緊啲乜…查看更多

又前文提要吓啦，因為入咗東涌近鳳凰山山腳下村落中嘅民宿住番晚，唔包食，所以，早晚兩餐都要自己搞掂。今朝早，屋主就推介我哋去試吓晌「逸東邨」嘅「六十年代 」，所以，就過去試試，跟住，順道先去走訪馬灣涌村，探索昔日東涌嘅小漁村，然後再睇睇東涌炮台。 睇個名，就會估計店家喺玩懷舊，不過，入到去，整體裝修又無話大玩懷舊元素，至少牆身、地磚無搞咩花巧嘢；反而喺晌入門口位置，擺咗少少懷舊物品，如熱水壺、電視機、撥輪式電話，後生一代肯定未見過啦。 有別大多數茶記，餐具放晌暗格，反而放晒晌枱面，但有膠盒冚住，感覺衛生啲。然而，想要熱水洗洗餐具，就要自己出去拎，基本上，真喺零服務。早餐選擇兩頁餐牌睇晒，都喺茶記款式啦，定價$26-$48，食得簡單啲又得，豐富啲亦得。反而飲品有多幾款冬日選擇，都喺啲健康正氣啲嘅飲品，定價$26，但就有跟餐半價嘅優惠。依家好多餐廳都用二維碼落單，就算茶記都唔例外，不過，搞唔掂嘅一樣可以搵店員幫手，始終老一輩未必個個都識。早餐G $38 老婆乜都講健康，又特別鍾意蕃茄湯，所以，醒神系列中G餐嘅鮮茄雜菜濃湯扭扭粉就最啱佢喇，兩款配料仲要揀埋雜菌同素鮑片，夠晒健康，另外，轉咗米粉，一大碗，夠晒份量，肯定佢飽到上心口呀！所謂鮮茄雜菜湯，即喺蕃茄薯仔紅蘿蔔湯，都幾酸香鮮活，飲落醒神，但就唔屬於超濃郁嗰類；唯一挑剔，老婆話喺啲米粉煮得未夠透，仲差少少火喉。 早餐B $42 小弟就揀咗醒神系列中嘅B餐，因為喺沙嗲牛肉嘅忠粉，基本上就配衛星餐包，當然+$3轉丹麥多士啦，再選火腿煎蛋，仲有其他轉配選擇，例如轉轉西煎雙蛋、賜仔煎蛋，又或加錢轉菠蘿包、轉蕃茄湯、轉出前一丁，都幾多變化。 先分享碟火腿煎蛋、丹麥多士，外觀幾靚仔，蛋黃仲喺半生熟，多士烘得金黃，拼埋一齊食，蛋汁甘腴，多士唔止脆口，仲極有牛油香氣，比起一般方包做嘅多士喺唔同啲。 一向嚟講，茶記嘅沙嗲牛唔衰得去邊，雖然嘅牛肉唔算好多，但做得有水準，個沙嗲亦推得好香濃惹味，牛肉軟腍鬆化；湯底喺清湯，撈勻啲沙嗲就變沙嗲湯，香味好多，麵條就無轉喇，唔喺公仔麵，就大光麵啦，煮得亦叫做爽身，無話過腍都收貨。 熱奶茶、熱檸水呢個喺我同老婆落茶記嗌餐飲嘅慣性組合，佢唔喺嗌熱檸水，就喺熱好立克，啲檸檬落得足，又夠清香。而小弟去茶記，奶茶近乎喺必然之選，亦喺最穩膽嘅選擇。杯奶茶稱唔上好滑，但茶底算喺芳香，幽香醇厚，口感不俗。  幾十蚊食個早餐，唔使準備、唔使煮，食完走得，出發，繼續我哋嘅小旅行。題外話，茶記招呼就無乜架啦，不過，晌門口安排入座就幾亂，撳咗飛，但無人叫號碼，卻有唔少街坊客就唔撳飛，直入坐低！…查看更多

只係簡單外賣自取一個小小麵餐，都可以搞到全錯，不知所謂！明明揀咗要煎熟雙蛋，就變咗最憎嘅炒蛋，明明揀咗要奶油脆豬，但又俾咗牛油多士。既然你哋中意俾咩就俾咩，咁不如唔好俾人揀仲好啦，等人好有心機慢慢揀完，最後又完全唔係嗰回事。而且以一個咁普通嘅公仔麵餐，居然咁膽收人五十幾蚊，性價比就更加低無可低！啲炒蛋炒到碎濕濕，完全夾唔起，望落成劈嘔吐物咁，見到都已經唔開胃；而炸豬排亦根本唔係炸豬排，只係一塊煎豬排，根本就違反商品說明條例；而呢個所謂麵餐根本就唔包嘢飲，連熱飲都要加錢，根本就搵笨！…查看更多

今日去食午餐叫左個蒸肉餅，都知道蒸野要等耐d，等左15分鐘重未有得食，要個侍應問下，佢話蒸野要等15至20分鐘，唔知佢有冇幫我入廚房催之後又等左10幾分鐘，個侍應過黎依依哦哦，又話岩岩過左午市盛盛盛，我都唔知關我等左半個鐘重未有得食咩事嬲嬲地叫佢取消左個餐佢，去街市買個飯盒返屋企食算，最抵死係佢上左杯凍飲重要收返我全價20蚊，我都無野食，杯野飲淨係飲左幾啖，趕住買外買醫肚費事同佢計我重要係叫凍齋啡走甜，杯野黎到都係甜既份常餐份量好少呢d就唔多講喇～…查看更多

六十年代的餐廳到底會是怎樣的，說實話年紀較輕的我絕對是沒有認識。不過這一間六十年代的餐廳卻用上現代科技來點餐，縱使現代科技科技的發達，都不是很多餐廳會採用電子下單平台。我和朋友選了沙嗲牛肉公仔麵配奶油豬炒蛋及廚師腸，炒蛋份量大概是一隻半的感覺，奶油豬夠脆口，十分配神及開胃。雖然沙嗲牛肉並不是採用鮮牛肉，但花生味足夠讓牛肉醃得十分入味，值得一讚。另外選了一個扒餐豬扒煎得剛剛好沒有變肉乾，仍有肉汁在內，不會過火。法蘭克福腸在旁，相比起廚師腸，法蘭克福腸皮較為脆，是脆皮腸的感覺，配搭濃味的豬扒不錯，另外只需要加少許錢便可以有一個火腿通粉，雖然說是迷利，但絕不迷利，十分飽肚，而且通粉口感較實淨，適合喜歡有咬口的朋友。…查看更多

喺附近開工諗住搵間餐廳食嘢，喺門口掃完安心出行之後，見冇人就自己掃埋個通行碼入去。跟住見到個黑色制服肥肥地女性員工，就問佢坐邊度？佢就話我：「你未掃通行碼喎！」我話掃咗，佢就串公公咁話：「我聽唔到喎！」跟住我掃第二次佢又話個聲唔係咁啱，掃第三次我叫佢自己睇係藍色有效碼，佢又話唔得!跟住到掃第四次嗰部機佢亦話唔得,個聲唔係咁！我話我掃咗四次佢唔俾我再掃，部機個聲梗係唔同啦！我話你自己出嚟睇，跟住佢就負氣話：「咁得啦！」真係未食已經一肚氣…查看更多

隔離日子期間，食咗幾日酒店嘅飯餐，菜無味，粥無味，雞肉諧霎霎，食到冇晒人生樂趣。卒之的起心肝叫外賣，第一餐叫咗60年代嘅喇沙海南雞米線，蔥油豬扒撈公仔麵，一打開蓋成間房香氣撲面，個人好似回到陽間。第二日點左土炮咖喱雞球飯，咖喱汁非常之正，簡直可以撈飯食三碗。下次要試吓咖喱牛腩。食品水準非常之好，喇沙湯有蝦味，海南雞滑嘟嘟，蔥油豬扒雖然送錯咗蔥油雞扒，但係都一樣咁好味，跟住第二日再encore左一次，呢間小店值得推介。係我哋喺隔離日子入邊，覺得非常重要嘅精神支柱。有機會會去餐廳糖食再試吓是真啲味道。…查看更多

餐廳服務極差，外賣出來後完全不會叫號，放到餐廳裡面就算，仲要有職員企係門口，叫都唔叫下，亦唔會出黎問客人，客人點知餐出左黎？？之前堂食時經常出錯食物，食物永遠是冷的，完全不熱，連有湯的粉麵都是冷的。價錢又貴，比起同區的茶記仲貴，88折都可以貴過人地9折，味道又唔係好食，仲要份量又細。員工態度又差，位置又窄又唔好坐，啲位全部細一細，啲位肥啲唔好話坐，行都行唔過。超級垃圾既餐廳，我就算食屎都唔會再食呢間垃圾餐廳。…查看更多

以前間中都會去食點知越做越差 無乜餐廳開唯有黎呢到買外賣晚飯 點知收銀員態度超級惡劣竟然可以同客人聲言 晤夠人手做 晤滿意就去第二間到食令人驚訝。。。講番自己先 外賣雲耳蒸雞 等左好耐由於收銀禁惡 都已經費事出聲番到屋企打開 入面啲雞全部生既？？？廚房禁都可以出品 真係佩服到五體投地 雖則話而家疫情無得選擇姐但您禁既服務同出品真心衰過垃圾囉…查看更多

忽然想食焗飯就去買外賣，第一次係呢間到嗌外賣，真係唔會有第二次！野食正常味道，但員工態度真係極差☺️冇話你要比高級餐廳既服務我，但基本禮貌都冇，真係唔會有下次。問收銀個啊姐有冇餐牌睇，佢勁晦氣咁話出面咪有，我問佢淨係睇外面個牌？佢就指住張檯，但又冇明確話我聽啲餐牌收係檯底個格到。問多佢一次先好唔情願咁離開佢收銀櫃檯拎個餐牌比我。其實唔係老馮要知你餐廳啲嘢放邊，詳細啲講我會識拎唔麻煩你。唔會再幫襯😊…查看更多

外買成日少咁啲嘢，上次少咗腸仔，已經好耐好耐冇買過佢。但今日麥當勞過咗早餐時間，諗住不如試多次啦，點知都係少咗個炒蛋！仲要等咗半個鐘！態度又差😡😡😡😡 冇下次！…查看更多

今晚8:45 店舖唔算多人，叫左個時菜炒牛肉理應15分鐘內上到嘅菜，我等左接近30分鐘！都算！碟餸上到黎牛肉兩三舊！而碟菜全碟！係全碟！都係燶！仲要苦！同咗個新人侍應講：仲話可能因為大火左！我夠知係因為大火啦！但我等係半個鐘炒碟咁嘅野出黎！？ 差！十分差！唔會再食！第二次重新上叫正常左，但都係燶同埋超咸！！…查看更多

一早起身肚餓落街買早餐行吓行吓向到60年代見到餐牌價錢方面都好抵食就嘗試吓叫黎食叫咗一個豬扒餐肉公仔麵同埋叫咗一個豬扒蕃茄烏冬豬扒同餐肉大大嚿同埋佢哋用咗分湯設計攞到返屋企都唔會冧晒就咁睇都好有食慾打電話落去叫定先一落到街就有得攞啱晒香港人嘅拼搏精神…查看更多