公車泰國餐廳

營業中

休息中

介紹過好多次了！午餐晚餐我都食過真係好好食 好食到諗唔明點解可以咁平🤣除咗baba day 叫外賣等耐小小其他都好好 冇缺點必叫豬頸肉！超大份 辣辣地好過癮想慳d可以下午茶時段去食2:00-5:00價錢平 d 價值唔過$50但份量係一樣 仲包嘢飲炒飯都好夠鑊氣 好好食唔想食飯或者麵 芒果糯米飯一樣咁正 大大份 泰國的味道泰式奶茶一定唔可以小甜😋以上係我食過咁多次嘅心得公車泰國餐館📍元朗西菁街2號興旺樓地下2-3號舖

西菁街食肆臨立，匯聚多國菜式的餐廳，堪稱元朗食街。午餐時嘅經過這家「公車」泰國菜館，感覺開揚舒適；餐牌上見到餐飲價格十分相宜，所以便入座醫肚。餐廳內部環境光猛整潔，座位寬敞舒適。泰式豬頸肉沙律 $88，豬頸肉肉質稔滑，口感一流，兼且份量十足！喜好豬頸肉的朋友不容錯過！加上惹味的蕃茄及沙律醬汁，十分開胃；很快便清碟。假若沙律青菜份量再加多一點就更完美了～。東南亞菜式不可或缺的，當首數串燒：串燒豬+雞$35，雞肉、豬肉各一串，也是套餐之一，價錢還包括飲品一杯！醬汁惹味，超值之選！海南雞半隻$98，雞肉軟滑且甚為肥美！雖然沒有去骨，亦不影響彈性口感及豐盈鮮味。必然推介！冬蔭肥牛粉絲跟飲品 $48，是午市套餐；湯底是冬蔭功，還有五、六件肥牛，超級抵食！粉絲爽口，湯底茄味濃！鹹檸七、泰式珍多冰，是跟餐飲料，特飲都只是加幾蚊，抵飲！芒果糯米飯$68，一向都是喜愛的泰式甜品，芒果帶點微酸，糯米飯軟糯，加上有點鹹味的椰汁，完美配搭！貼食物相片到社交平台，即送泰式蝦片一客或甜品泰式椰汁糕一客，小妹當然不會執輸，即時上載照片換取蝦片。泰式蝦片，鬆脆有蝦味，以小禮物的質素來說，相當不錯！

這間公車泰國餐廳位於元朗西菁街，係一間地下店舖，店面環境坐著感覺寬鬆舒適😙，我覺得都幾好🤔!.泰式豬頸肉 $88呢一款豬頸肉賣相睇得吓🤔，色香味俱全，食到入口散發香噴噴香燒味😙，肉質口感爽而腍口味道十足😋，配埋佢嘅自家製醬汁更加好食，醬汁帶有小小辣口而味道夠哂惹味😋，我覺得真係好正👍!.辣椒膏炒青口 $128呢款炒青口賣相色澤好吸引🤔望著都好想食🤤，好有泰式風味😙，配料有洋蔥、青椒、紅椒、香茅同埋D辣椒膏夠哂惹味，佢嘅青口大大隻肉質嫰口味道鮮味😋，同時沾滿D汁液更加好味!.泰式黃咖喱雞肉配白飯 $55呢一碗黃咖喱賣相色澤味道好有泰色風味😙，雞肉肉質大大件都好腍而嫰口又有咬口，而每一件雞肉索滿汁液味道十足😋，佢嘅汁液夠哂濃郁香口😙都唔覺得辣🤔!.泰式菠蘿雞絲炒飯 $42呢一碟雞絲炒飯望著色澤好似好正🤔，係用咗雞絲、菠蘿、青瓜、肉鬆而製，佢嘅飯粒粒軟硬適中又有口感，食到入口味道都好特別😋，又帶有咖喱香😙之中有別的味道，配埋菠蘿粒同埋D肉鬆咸咸甜甜食味道都唔錯，加埋D雞絲又有咬口三者都好夾口!.泰式奶茶 $2泰式珍多冰$8呢兩杯泰式飲品好有泰式風味🤔，奶茶味道比起港式奶茶味道都好濃厚😋好香😙

今日黎到元朗，上網查下有咩好餐廳介紹，就見到公車泰國餐廳都幾多人介紹，都算係人氣餐廳。去到都見到有人排緊隊，果然都幾受歡迎。入到去就諗諗嗌啲咩黎食好，一段時間冇食泰國菜，都係嗌啲大路菜式食下，先叫個炸蝦餅同木瓜沙律黎開開胃。炸蝦餅一碟有6大塊，每件都大大件，最重要係粉唔算多，食落淡淡都係肉，外皮又炸得香脆，內裏又爽口彈牙，非常惹味。木瓜沙律方面，幼幼既木瓜絲再加上甜甜辣辣既醬汁，令口腔刺激非常，亦令胃口大增。去到主食方面，馬拉盞炒通菜就冇咩特別好講，係好食既，通菜方面完全唔老，食完唔會黐晒牙罅。泰式金邊粉就炒得好乾身，配上花生碎同小蝦乾，口感非常好，酸酸甜甜令人想食多幾啖。最後配上清甜椰青一個，結束完美既一餐

元朗泰國餐廳唔少，但質素都幾參差。早排有親戚推介屋企附近既 #公車泰國餐廳 ，話抵食又好味，我哋都揾日去試下。店內環境都幾舒服，卡位為主，幾好坐。最驚喜係上菜速度勁有效率，點完菜好快就有得食，心急既人岩晒😆 野食夠地道泰式風味，即叫即煮新鮮熱辣，依家已經變左我哋半個飯堂，唔想煮飯時就去食🫠其中一款每次我地必叫既係 #泰式豬頸肉炒河 ，真係炒得超有鑊氣，豬頸肉嚼勁十足又惹味，河粉炒得乾身又有油香，真係食到停唔到口。食泰國菜又點少得泰式小食，依碟 #泰式蝦餅併炸春卷 ，上菜時仲熱辣辣架，真係即叫即炸。泰式蝦餅有蝦味，口感彈牙，粉同蝦既比例適中，點埋泰式雞醬就更惹味，春卷都卜卜脆超香口，饀料多而且味道調配得好好👍另外點左 #黃咖喱牛肉，見餐牌無辣椒仔喺隔離🌶估計唔會太辣，果然阿女都食到。依碟咖喱都幾大盤，香而不辣，牛肉片份量唔少，肉質稔滑。唔想浪費左個咖喱醬，叫多客蒜蓉包黎點汁食就perfect啦, 一客6件，香脆既蒜蓉包加咖喱汁，真係勁惹味。泰式飲品都係$18大大杯，好抵飲。泰式青檸冰和泰式青檸茶我地最推介，酸酸地又清新，食泰國菜比較濃味，飲依兩杯正好可以解渴消暑，好正呀！依間泰國餐廳可算

公車泰國餐廳早排天氣好熱，好想飲椰青解解渴，就同朋友嚟到哩間泰國餐廳食lunch。見個二人套餐都幾抵食，就試吓。-------------------------泰式豬手(例)入份量都幾多，肉質整得幾軟腍又入味，豬皮幾好味，入口即溶，但幾邪惡，減肥人士不宜食。泰式咖哩海鮮哩個咖哩好creamy，幾香椰奶味，辣得嚟又甜甜地，好啱送飯。海鮮都幾多款，有魷魚，青口，貝類，都唔錯，冇乜沙。椰青清甜解渴，消暑一流👍👍-------------------------環境都有泰國風味，舒服公車泰國餐廳地址🎈元朗西菁街2號興旺樓地下2-3號舖

唔知係咪打風,餐廳冇咩人,可以自由揀位,我哋揀左大卡位坐得好舒服。叫咗個冬蔭功海鮮湯都有唔少海鮮喺入面,有蝦有青口等等味道都唔錯，唔係太辣青咖喱有好多椰奶，雞好大舊，面頭啲配菜仲幾多添。都幾好食幾滿意嘅一餐。

星期日同朋友行完元朗見到有間泰國菜餐廳，裝修得不錯就入去試試。兩個人點左三個餸一個湯，先來個海鮮冬蔭公湯，味道酸酸甜甜又帶點辣，非常足料，好開胃。之後仲點左個金邊粉同炸物拼盤同咖哩大頭蝦。金邊粉好夠火喉，香氣十足，加了幾滴青檸檬更加吊味。咖哩大頭蝦 ，咖哩可以再辣一點，不過味道好好，咖哩汁夠多，下次可以再嗌埋薄餅一齊食更好。大頭蝦有手掌甘大隻，好新鮮。個拼盤有埋蝦片，好好味，蝦片上有點點黑椒粉，好惹味同脆卜卜，蝦餅入面有蝦肉，好彈牙！最後仲叫左菠蘿冰，咁熱天氣飲真係消暑又解渴！最後埋單都好抵食！下次可以同多d friend 去試多d送😊

泰菜係元朗區很多，但係經常會去幫襯就得幾間，今次去咗公車泰國菜！呢度下午茶餐非常抵食，$50已經可以食到即炒粉麵飯，仲包埋特式青檸梳打。炒椰菜苗惹味又爽口，個人認為馬拉盞炒係最夾，越食越辣，正！泰式小食拼盤，有魚餅、春卷、炸蝦片、炸蝦餅，串燒等等，基本上有齊泰國必吃小食，新鮮即炸，惹味小吃，平均都係幾蚊件非常抵食！泰式牛肉炒河粉，用上泰國闊粉，即叫即炒，鑊氣十足，有驚喜！泰式鳳爪，酸酸甜甜，夏日炎炎很開胃龍眼冰好香龍眼味，秉承泰國飲品，夠晒甜！性價比極高，發現二人餐同樣抵食，下次要來試吓！

食飯時間都係得2~3成入座率，心諗會唔會中伏架，咁就坐低嗌野啦，個職員就問食唔食泰式生蝦啦，平時去開泰國餐廳都會嗌泰式生蝦既， 都知無寫幾多隻，通常都6/8 隻，咁都係靠睇番價錢判斷啦， 所以就無問到職員，第一次黎食， 諗住168$ 點都有八隻掛，點知得5隻， 唔係掛？ 食水咁深咩要🤔其他野食就算不過不失啦.......價錢又唔係偏貴，係個生蝦有少少over 左，不過應該食一次唔會再去啦， 除非附近d 餐廳無位啦。

入到鋪頭，餐廳環境光猛卡位闊落，感覺舒服食物選擇多，因為好多款想食，同友人揀咗散叫，2個人叫咗4樣嘢泰式蝦醬炒飯 $78咁多樣嘢食入面，最鍾意呢個炒飯煎蛋外脆軟心，蝦醬味適中，仲有肉鬆燒豬頸肉 $88燒得較乾身，醬汁酸甜微辣，好開胃泰式生蝦 $168賣相特別，擺盤靚蝦新鮮，算大隻如果多幾隻就好友人話上面嘅青辣椒仔好辣，後勁犀利🌶🌶🌶生菜包 $88肉碎半肥瘦，辣到適中龍眼冰 青檸梳打 $28（一杯）梳打水原支上 讚👍🏻👍🏻👍🏻👍🏻👍🏻另外，餐廳仲送咗兩碗冬瓜湯，例湯嚟講算重料，有冬瓜、原粒黑胡椒、薑、蒜、肉碎兩個人食好飽好滿足如果下次再嚟，會選擇試二人套餐，會更抵食

天氣咁熱，今日下午去元朗搵返間餐廳坐下，食返個yummy lunch…今日想食泰國野，熱辣辣，食下泰國菜，過返個hot summer…呢間公車泰國餐廳…之前都黎食過，感覺唔錯，野食多元化，又抵食又好味,所以今日再黎食返個lunch..呢度有lunch menu,下午茶menu,仲有常餐或恆常散叫既menu…我們點了一個海南雞飯。呢個海南雞飯好好味，先講一講海南雞件好嫩滑,而且仲切得大大件，啖啖肉好好味，好正呀。沾埋個醬汁食，酸酸的仲為惹味，十分吸引好好味。另外個椰漿飯都超好味。啖啖椰香，香而不油，超惹味。而且份量仲好多，吃得飽飽，好抵食。另一款點了泰式炒金邊粉，誠意之作，入面有好多配料，豆腐乾、蝦米、花生、蔥等等，炒得好乾身好惹味，好正呀。個金邊粉仲有惹惹茄香，十分惹味香口，好正。除了主食外，仲點了一些小食，過下口癮。由於有選擇困難症，所以點了一份小食拼盤，雖然只是細既size…但份量都唔少，而且岩曬二人分享。入面有彈牙爽口既炸蝦餅、足料又煙煙韌韌既炸魚餅、脆卜卜又多餡料既炸春卷、啖啖肉雞肉串燒、大量既炸蝦片。全部小食都好好味、好吸引。另外仲點了兩隻香茅雞全翼，啖啖肉好好味，又香又濃汁

個個食泰國菜就會去九龍城，我地就特登入元朗，就係為左食呢間地道泰國菜，性價比超高價錢相宜！下次一定會再黎食！S2 海南雞飯 $58叫左個常餐海南雞飯，雞皮爽滑，雞肉嫩口已去骨，油飯除左好香椰香味，仲有淡淡黃薑味，咸咸地唔錯！Q3 泰式蝦醬炒飯 $42另外叫左份下午茶餐，離遠已經聞到好香濃嘅蝦醬味，熱辣辣未食已經加分，食落味道又唔會太咸啱啱好，配微甜肉鬆味道更加豐富！椰汁冰 +$8餐飲椰汁冰好香濃椰奶味，食濃味泰菜最啱配椰子，天氣熱又解渴！凍泰式奶茶 +$2另一杯餐飲泰式奶茶，知道一般泰式奶茶都偏甜，所以我地叫左少甜啱啱好，係好正宗嘅泰式奶茶味！燒豬頸肉 $88好惹味，燒得好香口，次次食泰菜一定會叫！泰式明爐烏頭魚 $148今餐嘅主角！湯好清甜，烏頭魚肉嫩滑，每啖肉都會連湯一齊食，更加帶出魚嘅鮮甜，配菜豬肉碎同菇都好入味，好好味！

<Hong Kong🇭🇰•Yuenlong>“ 咬我唷！元朗高水準泰國菜”週末通常鍾意同屋企人留喺新界區，感覺新界區人潮相對比較疏少少😂可能是幻覺!!!不過向來知道元朗區很多特色食物，不論街頭小吃還是手信，連泰國菜也有很多選擇！咁早排屋企人說想吃泰國菜，靈機一閃 立即醒起這間泰國餐廳，聽聞位置闊落而且食物選擇很多，真的沒有錯！泰式海南雞飯平常去泰國也會去水門吃海南雞飯，我想這個是泰國菜菜式之一！雞皮爽脆，雞肉嫩滑！配油飯的確不錯👍🏻招牌豬扒撈蒙豬扒煎炸金黃色，香口不得了！而且味道非常入味，蒙粉跟酸甜汁一起吃，夏天吃的話簡直是消暑！乾炒牛河比起濕炒牛河我更愛乾炒牛河，入口比較乾身啲，而且河粉炒出嚟更有鑊氣！牛肉仍很嫩，而且份量很多！木瓜沙律味道酸辣開胃！不能吃辣嘅你記得跟說啊！每次吃泰國菜也必定叫的！這間的做法也不錯本來很想吃芒果糯米飯，可惜真是太飽！下次到訪再吃！這裏環境的確很闊落、食物的套餐選擇很多，都包含一杯飲料還有餐湯，價格非常之便宜，一個餐大概$50左右！另外因為天氣太熱了我還叫了椰青，消暑後就不會中暑！

見到咁多好評專登去試吓，完全唔掂，泰式炒金邊粉嘅蝦係凍嘅；海南雞好一般，最大問題係碟雞上枱時見到條長長嘅頭髮，即時咩胃口都無晒，怕會加料都係唔敢要求換另一碟；馬拉盞炒通菜十分油，見到勁多紅色嘅油，菜又韌，唔會再幫襯！