八鯨料理

營業中

休息中

經常出入大埔見到呢間舖新開張就同朋友入去試下！我哋叫咗幾款壽司：1.三文魚腩（good!)2.燒帶子（good!)3.赤貝（一般）整體來講，壽司d飯都幾好，起碼唔會一夾就爛！最推薦食嘅係金菇牛肉卷！切成細件，無咁易黐牙，仲好入味tim!可以encore再食呀！以新開張嘅店來講，環境、侍應都唔錯，食物都ok! 以後來大埔食日本嘢又多個選擇！

同朋友去大埔行街,見到有人派傳單,有間日本料理新開,門面整得幾靚就決定入去試下我地6人叫左好多野,有好多掛住食無影相d friend 話,鰻魚壽司好味 鰻魚炒飯都好好味!!另外叫左牛肉同海鮮手打烏冬,烏冬好滑,印象中牛肉烏冬好似係$38 only!我係同區,散叫一碗牛肉烏冬要$5x...最欣賞係玉子壽司,好甜好味道~好食過元x壽同司好多呀~~~~~~~天婦羅都好正~唔油!三文魚刺身就好肥美另一個重點係環境坐得舒服,夠光猛。

去大埔一田行街，順便逛埋大埔廣場，見到有人派傳單布新日本食店，就同ｄ朋友去試下。去到門口見到感覺幾光猛，同埋都乾淨，就入去坐坐。野食方面算多樣化，有夀司、燒物、天婦羅、烏冬等等。我地叫左燒鯖魚、夀司、串燒煙肉車厘茄、燒雞翼、燒茄子、蟹子沙律。食物整體ok~~我本人最推介係串燒煙肉車厘茄，同燒鯖魚。串燒煙肉車厘茄加埋之後好鬼正，驚喜!!!至於燒鯖魚比出面的juicy好多，唔會乾~~價錢方面都ok，今次4個大人1個小朋友，食左$300幾，出去食都差唔多。我諗下次都會再去，試下其他野食都好，又可以行下街，正!!