八鯨料理

營業中

休息中

八鯨食物一向也很好, 只係有時等枱會等好耐, 但都有攻略既, 如果4人以上, 平時7點前去排就多數有位, 但一過左7點, 就有排等, 那天和朋友2個人一齊撇甩老公响大埔搵飯食, 8點左右, 去到見到有2個4人响度等緊枱, 好彩我地得2個人, 即時有得入.... 老闆係貌似黑社會大佬既, 以前我地會暗啞底咁樣稱呼佢, 但而家老闆個LOOK 都斯文晒喇 (其實佢本身都係好有禮貌既)今次一坐底就叫左2客三文腩壽司, 然後就一人隊左個豬骨湯底既烏冬, 我食叉燒, 佢食餃子... 之後就叫左焗蠔, 好味, CREAM & 芝士味好濃, 適合喜歡濃味既人, 一客有三隻之後叫左客燒鯖魚, 皮脆肉嫩 最後整多個當日推介既 好好食, 仲要咁多舊, 只係$70 滿足的一餐, 離開時9點15分左右, 仲有人排緊隊.... 果然旺場...

十月十五日 (星期一)最近看到一位網友放上一張沙田新城市廣場的昔日照片是小時候等爸爸放工的噴水池，還有附近的一些小商鋪不知由何時開始消失的一乾二淨每次到大型商場，也是見到一模一樣的格局商鋪來來去去也是這些那些，就如倒模般，真令人嘆息恐怕一天，我成長的大埔也會變成這模樣或許趁大埔還有小商店時，要快點去幫襯慶幸大埔的租金價皮仍與沙田有一段距離，暫仍可容得下一些特色食店，就如是日到訪的這家八鯨日本料理提起八鯨，不少人也會聯想到名古屋何解?問一問身邊的足球迷便知此料理店供應壽司,刺身,烏冬,丼及多日式小吃，可謂包羅萬有而且價錢合理，平日的晚上也會見到在門外等位的食客點了一碗三文魚丼及帆立貝豚骨湯手打烏冬兩件三文魚壽司十四元，倒不如點一碗三文魚丼三文魚丼有五片三文魚，肉雖不是腩位，但吃起來算肥美甘香厚薄適中，飯粒分明有嚼勁，加了醋，酸度也易令人接受帆立貝豚骨湯手打烏冬一碗有三隻帆立貝，大大粒，鮮味十足而豚骨湯亦十分香濃，又不油膩烏冬是自家手打的，誠意十足入口，烏冬果然質感彈牙，煙煙韌韌的，十分滿意二人埋單一百元也有找，性價比之高，怪不得開業以來深受大埔街坊歡迎

好耐無去八鯨食飯，今日心思思走去食LUNCH，知道佢成日都好爆，就專登早D去食LUNCH~去到12:10 noon，已經坐左6-7成客，我與mama兩人就被安排坐2人枱(半疏化位，打對面坐)，跟住有位職員問我們可唔可以調位，因為有一夥為數十人的穿西裝顧客來到餐廳，希望我和mama換坐中間的枱 (店中間的一張2人枱，左右也夾著其他人)，但即使我們調位，只可以變成一張四人枱，而不能組成一張十人長枱比該批客人，由於mama表示不想轉枱，職員也就算數~接著我旁邊的五人家庭，被迫坐著四人枱，跟手店員又叫他們換位，但換給他們的位亦只是四人枱，究竟有咩作用呢? 五人家庭換了位後，來了三人家庭，他們就被安排坐五人家庭原先的四人枱，咁點解疑似老闆娘不停要客人換位呢，換左位又唔見安排得d坐位好好wor~ 不停要唔同既客人調位就係呢間店既風氣，如果大家鐘意玩換位遊戲，依間店一定帶比大家好多歡樂!!!!另外，店裡既冷氣係非常之不足，外面三十幾度氣位，但坐在店內居然會滴汗，見到隔離枱的客人不停用menu當扇用，可想而知係有幾咁熱講番野食，今次叫左牛肉飯+蟹子沙律+麵豉湯 ($38)牛肉飯有很多金菇同本菇，仲有d

聽講呢間日本料理幾好食,就係午餐時間黎一試,兩點就唔係好多人,一點就多人到不得了....點左烏冬,有三件壽司,味道OK,湯底係豬骨湯,雞都好入味,值得再去。而且全日免收加一,39蚊既價錢有咁多野食算係咁~另外餐廳侍應既服務態度也不錯XDD

今日放假,唔想去咁遠,就去咗我心中嘅食堂,我一唔知食咩好就會去<八鯨>食018餐,即係壽司+刺身+細烏冬餐.刺身+壽司:壽司及刺身係SET好,無得揀.刺身夠新鮮...正.細烏冬:烏冬夠彈牙...正總括而言,價錢合理,今餐成為:$44(全日免加一),食品有質素,因此我一定會定期光顧.

之前黎過兩次，一次話截左單 (但未到 3 點)，一次話大部份材料賣晒 (只是兩點半)……..今次我地約兩點三黎到，終於有得食。壽司拚盤：魚生新鮮度一般，普普通通。烏冬就滑而有咬口。燒雞丼：燒雞份量少了，燒汁香，撈飯食正。蟹籽沙律既青瓜爽口好味。燒秋刀魚定食：秋刀魚還是洗得唔清，仍有內臟，令到肚位魚肉苦苦地。食完有 puff送，一定要即食，如果唔係，里面既 cream 溶左就變 “淰” 唔好味。大埔好味既日本店其實不多，八鯨算不錯了。

前陣子有朋友帶我去八鯨吃日本野, 水準相當唔錯, 經過4日試吃特別推介是圖中....金菇牛肉卷*什菜*三文魚 set(lunch)其中三文魚煎到恰到好處, 魚不會煎到太干, 但外皮就剛好脆脆的雖然不是去到驚為天人的好味,但相比於好多大型日式餐廳, 更用心去調理值得去試

下著微雨去試新餐廳, 位於大埔廣場不太光眼的地方。二人點了5個items: 魚生拼盤、芥末八爪魚軍艦壽司、牛油炒雜菇、冷烏冬配炸粟米餅及豬軟骨烏冬魚生拼盤, 任選3款剌身, 我們選了三文魚, 帶子及北寄貝帶子比想像中多, 北寄貝味道略少了鮮甜味。豬軟骨烏冬 (此圖為豬軟骨烏冬全走, 走了海帶及粟米, 因為我不吃的 )可以選擇豬骨湯或烏冬湯底,我選的是烏冬湯底, 很清, 豬軟骨沒多餘肥肉,吃到最後湯底也是清的, 而且烏冬口感很好, 讚!牛油炒雜菇味道略淡, 而且份量不多芥末八爪魚軍艦壽司一句: 足料冷烏冬配炸粟米餅相比熱烏冬, 冷烏冬有點失色烏冬口感是ok的, 問題是在於冷烏冬汁味道較淡, 仍然食到冷烏冬的雪味整體不錯, 老闆娘態度殷勤, 價錢也合理, 會再幫襯的。

同朋友賀生日,因一星期前同家人食過一次,覺得ok好食,又便宜,所以今次帶生日朋友來食~今次叫左牛肉炒飯,都好好食~又唔會好油~朋友叫tuna sushi,,,佢話tuna好新鮮,好大舊~好食生日朋友叫左個冷面,睇目錄以為好細碗,但實物好大下,又幾好食~d面唔會好易濟...比起食鳥冬好抵啊~另外叫左炸蝦sushi,,,d蝦新鮮炸起好脆~仲有個粉紅色既sushi...唔記得叫咩名~一條青魚...朋友們都話好大條...好抵食~最尾仲有3個免費puff送~朋友們都食得好開心~埋單只需$223天婦羅我第一次來都叫過...我又覺得幾脆唔油....有人會話2個人食左二百幾蚊...但係價錢呢d野睇你叫咩既jei...選貴價就得出幾多價錢吧~食得日本野就預左會貴...但呢間呢d價錢食到呢d質素又咁大份就真係值...大埔爭鮮我都食過好多次...但我覺得呢間佢既sushi.雖然有d貴過佢小小...但佢製作得好有心機...起碼炸物sushi真係即炸...我今次3個人都係二百二就埋到單另外一讚呢間店既侍應都好nice...要求多多佢都唔會黑面或者唔好態度...而且老闆娘仲有d似馬賽地方也好乾淨...sofa坐得

上次經過, 見佢細細間, 睇個樣一定唔會貴, 而且又新開張...所以今次食lunch就同同事去試下...去到都要等一陣位, 相信好多人都好似我地見佢新開張黎試試....o係等位期間我地已經諗定食乜, 佢地d set lunch都算抵食wor...雞扒手打烏冬(豬骨湯底) + 3件壽司 (不能自選) -- 烏冬煙韌, 又滑身...掂, 而且湯底夠濃味, 但又唔會過咸...壽司有3件但係指定既, 以$38既餐黎計, 三文魚算新鮮~細烏冬 + 4件壽司 (可以選擇) + 手卷 + 炸雞 -- , 烏冬係普通湯底,而且偏甜, i dont like....炸雞只屬普通, 壽司都係幾好, 手卷仲好大卷tim...不過豉油過咸, wasabi又唔辣, 希望呢點可以改善一下 散叫饅魚炒飯 -- 炒到一粒一粒飯, 加左燒汁炒, 少少甜, 饅魚份量都算多, 唔錯....燒牛舌 -- 牛舌燒得剛剛好, 已經幾厚身, 不過有少少"穌" 味, 加左好多檸檬汁同7味粉先減退左d....免費嘅puff -- 每枱都會一客, 凍凍既雪糕加面上既穌皮, 正, 而且唔會太甜, 食埋呢個puff有完滿既感覺...埋單

約左朋友係大埔食飯, 上網揾到呢間舖,見食評唔錯就去試下~~同其中一位朋友先到, 店舖空間比較細, 大約只可30人, 但唔會太逼!吉列蝦卷: 即炸蝦仲熱辣辣好脆口, 配上沙律醬食落唔覺膩燒牛舌: 厚身爽口唔韌, 燒得好香口八鯨(什錦刺身): 靚女老闆娘(我估,因不是穿制服)提議加多30元有吞拿魚刺身, 入口即溶, 每款刺身都好有鮮味, 唯獨附上既紫菜潮濕左,不脆了醬燒魷魚筒: 唔韌又唔會燒得好燶, 魷魚鬚仲脆脆地好香口鰻魚壽司: 叫左兩客共4件俾朋友個仔食, 魚肉切得比較長身, 不過醬汁較少, 發生左一段小插曲, 因一些突如其來的事, 要求靚女老闆娘換另一件, 佢即時不斷講sorry及即叫廚房做, 後來換上兩件仲再次講對唔住唔好意思呢!飯後送上雪糕Puff, 涼到入心! 下次入大埔必定再去幫襯!

只係第二次黎，店員已經認得我地，請我地食 puffy，令人窩心。豬軟骨拉麵：豬軟骨肉嫩，拉麵有咬口。滑蛋豬扒定食：湯汁好味，豬扒炸粉又濕又 “淰”、唔脆口，好在豬扒醃得好味。什錦壽司定食：壽司款式多而 size 唔大件，味道ok啦。燒鯖魚定食：鯖魚燒得肉嫩，可惜魚洗得唔乾淨，仍有內臟，攪到苦苦地。其餘跟餐既刺身壽司和烏冬也不錯。而店員請我地食既朱古力puff 凍冰冰好好味。

果日去大埔廣場同bb買下新衫仔時, 發現到地下開左間新既日式料理, 睇下個餐牌都幾多款式, 入左去試一試.點之都幾好味, 尤其係個燒牛舌, 一定要再食!!!我同老公同幾個朋友叫左壽司, 天婦羅, 鰻魚炒飯, 肉炒蘆筍洋蔥, 燒牛舌/車厘茄/雞軟骨/三文魚頭/鯖魚/魷魚筒/雞泡魚干....壽司唔錯, d剌身都幾新鮮.d燒物就真係好好味, 唔會乾爭爭, 燒完都仲有肉汁!! 特別係個燒牛舌, 唔會太薄, 食落去又有肉汁!!! 值得推介!!!而個燒雞泡魚干係我第一次食, 唔錯, 甜甜地, 好似食緊d晒魚干咁, 又幾好味.仲有個唔知咩肉炒蘆筍洋蔥, 好香口, 多汁多汁.仲叫左個鰻魚炒飯, 粒粒飯都有汁, 甜甜地, 都幾惹味, 而d鰻魚都唔少, 都ok抵.lee間日式料理d燒物真係唔錯, 一定要再食下個牛舌先! 因為食完上面d野, d朋友都話飽啦, 我仲好想試下佢哋sell個d手打烏冬, 唯有下次再試啦!!!

同老公行大埔..經過八鯨....見乾淨企理...就入左去試下!!原來新開張架.....hehe!!各樣食物都ok..又唔太貴..3大1小晚餐埋單都係$300.....ok woooooo!!!!

見到新開黎試下，叫左幾客壽司，一個天婦羅手打烏冬，一個鰻魚炒飯三文魚壽司唔夠肥，同埋個質感好一pad pad其他壽司無咩特別，我覺得食爭鮮好過，爭鮮起碼平一半天婦羅好油，唔夠乾身鰻魚炒飯，好小料，得幾粒鰻魚無下次，又無特別又唔抵食，2個人都食左二百幾蚊ps:新屎坑，三日香，每個大埔人都試一次佢都唔憂做