影片
港鐵旺角站 B3 出口, 步行約1分鐘
繼續閱讀
電話號碼
61448242 (WhatsApp)
開飯介紹
日式放題餐廳，主打燒肉放題，提供多款放題套餐，熟成極上牛西冷等美食。
繼續閱讀
營業時間
今日營業
12:30 - 22:30
星期一至日
12:30 - 22:30
公眾假期
12:30 - 22:30
公眾假期前夕
12:30 - 22:30
以上資料只供參考, 請與餐廳確認詳情
有關獎賞計劃
相關文章
今日出糧，想好好獎勵下自己，對自己好啲，點咗佢哋嘅‘雨’Set，食物質素真係無得彈，絕對值回票價。 ‘雨’Set嘅頭盤真係好有誠意，份量多而且質素高。首先，A4黑毛和牛燒肉盛頭盤就已經贏咗我一半心。包括咗A4黑毛和牛後腰肉、和牛薄切、三角腩、牛肩、同埋尚頭幾個部位，每件肉都切得好靚，油花分佈均勻，燒完之後入口即溶，係嗰種你食完會不自覺發出哇！嘅感覺。三角腩同尚頭尤其值得一讚，因為口感層次豐富，肉香同油香完美平衡，真係食到人都想拍手掌。 仲有A5和牛西冷，睇返相都覺得出色，係精品級數。A5和牛嘅肉質更加細嫩，脂肪分佈得勻稱，燒到焦香嘅時候，入口果種牛油味真係令人沉醉。 韓風瓷壺醬油牛肋肉係一個幾特別嘅選擇，醃製得好入味，帶少少鹹甜嘅風味，燒到微微焦香嘅時候，仲多咗一層煙燻味，幾過癮。 另外，海鮮方面都有驚喜。新鮮飽魚、魚干同比目頭西京燒都做得好出色。飽魚係鮮甜中帶有少少煙燻香，魚干就係鹹香滿分，加埋燒過嘅比目頭西京燒，味道濃郁得嚟又唔會過鹹，全部野都好新鮮！ 佢哋仲有+$30任食刺身嘅選項，不過因為頭盤嘅量都唔少，我覺得食唔曬咁多，所以無追加。雖然覺得有少少可惜，但以我胃口嚟講，真係未必頂得住。 除咗套餐內嘅食物，我仲追加咗幾樣燒物，包括即食生蠔、燒沙嗲生蠔、虎蝦同埋剪半嘅雞中翼。即食生蠔非常鮮甜，啲蠔肉飽滿得嚟仲帶少少海水味，加啲檸檬汁更加提鮮。燒沙嗲生蠔就係另一種風味，燒過之後啲蠔肉帶少少焦香，再加上沙嗲醬嘅鹹香味，幾有創意！虎蝦亦都係必試之選，燒到啲蝦殼微微焦脆，蝦肉鮮甜彈牙，唔需要任何醬料都已經好好味。至於剪半嘅雞中翼，真係方便食好多，而且燒出嚟啲皮脆肉嫩，調味亦都剛剛好，鹹香得嚟又唔會過重口味，絕對係配啤酒嘅好選擇。 野飲係自助式，汽水，茶，本土野都有（唔記得影相比大家參考下）
繼續閱讀
旺角的和風高質燒肉寶藏，空肚先好食，放題大滿足和風高質燒肉放題，提供高質素的食材，讓你每一口都充滿驚喜，主打燒肉放題，提供多款放題套餐，可按照自己需求選擇不同套餐。還有海鮮，甜品，飲品都任食，滿足晒你所有喜歡食嘅慾望。仲有生蠔食，咁豐富咁多高質食物，真係要空肚先好嚟食。❤️❤️現在仲做緊優惠，我今日係半價推廣😋😋其中，“雨"無限任食燒肉放題包括120分鐘任食A4和牛，A4和牛肉質細膩柔軟，入口即化，獨特帶有微甜的油脂風味為食肉獸必嚐推介！套餐包括多款精選海鮮及肉類選項。款款食材高質，更有無限任食小食吧及飲品供應，款式之多，可以滿足不同需要！餐廳內部環境整潔寬敞，可以舒適的用餐氛圍。柔和的燈光搭配日式風格裝潢，讓人感受到一份恬靜與放鬆。無論是與朋友聚餐，還是家庭聚會，這裡都是理想的選擇。雨 套餐 原價每位$1,128, 今日係半價推廣😋😋 兩個人食，一人價錢，真開心。套餐 雨”A4和牛120分鐘110品無限任食燒肉放題，讓你一次滿足對和牛及肉類的渴望。頭盤 四品和牛燒肉盛，A5黑毛和牛和尚頭，A5黑毛和牛三角腩，A5黑毛和牛牛肩，A5黑毛和牛後腰肉，和牛肉質鮮嫩，脂肪同肉嘅分怖，非常之平均，睇到已經好吸引，和牛味濃郁，入口即化，加少少鹽已經好好味。韓風瓷壼醬油牛肋肉，醃好咗嘅牛肋肉，非常之美味，而且燒起來嘅時候仲有點甜甜嘅味道。香蔥簿切和牛，另一種輕食的口感A5岩手和牛西冷特別推薦A5岩手和牛西冷，肉質鮮嫩，入口即化，大滿足。海鮮拼盤 更是不可錯過, 讓你在燒肉之外也能享受到海鮮的鮮美。海鮮拼盤有 鮑魚，味淋魚干，比目魚西京燒，厚切鰻魚。鰻魚去骨啖啖肉，鮑魚新鮮，比目魚嘅油脂分布非常好魚油味濃郁，而且仲好特別竟然有雞泡魚乾，簡直係大滿足。服務態度親切熱情，讓客人感受到賓至如歸的感覺。交通方便，位於地鐵站上蓋，無論你從哪裡來，都能輕鬆抵達。小貼士切記，請勿浪費食物，珍惜每一份美味！
繼續閱讀
最近喺旺角發現一間高質燒肉放題 ，環境幾好。去到任食都要睇餐牌，揀食邊個餐啊！最平果兩個餐無咩特別，所以去到都係考慮比較高級嘅兩款，比較多特色食物。霞餐有得食成條牛肋肉，$418再加一。雨餐除左有一塊A5和牛西冷，更加有得任食A4和牛、鮑魚、生蠔……不過$1018再加一，真係幾貴。舖頭原來有做推廣，霞餐買一送一，更高級嘅雨餐有半價優惠，即刻抵超多，所以都係俾多少少食雨餐。生蠔連殼生蠔，醬料齊全，除左檸檬汁之外，都有烙爹、蔥蒜。不過當擠完檸檬汁，食到好濃味，金屬同海味都有，唔係大眾食慣嘅淡淡鮮甜，唔怪得餐牌建議熟食啦！A5和牛西冷A4和牛燒肉盛黑毛和牛薄切最適合做起鍋，咁就連油都唔需要落。跟住如果你想食油花，就食三角腩；想食肉味，就揀後腿肉或者牛肩，而和尚頭就最平衡，又有肉味又有油。韓風瓷壺醬油牛肋肉成條牛肋放入磁壺裡面，醃製好有特色，不過原來真係好難燒，成條唔慣控制生熟，剪開之後有啲太生，有部分過熟，不過好厚肉，筋肉都有，其實都唔錯。味淋魚乾店員話呢個係雞泡魚乾，平時果啲係太甜，呢個係有酒香同鮮味，竟然唔錯。比目魚西京燒呢個係一塊油份充足，比較滑嘅魚。鮑魚為保安全，原來只需要燒肉果邊，不過我地之前做錯左，之後殼會自己甩出來，焦香鮮甜，感覺唔錯。除左高級食材，都有幾款好正嘅大眾化調味肉類，適合用生菜包住食。青檸汁燒豚拖羅腩肉本身好多油，一般要燒得乾身啲，燒走啲脂肪。不過有清新香辣嘅青檸汁，可以保留少少肉汁，所以調味好重要。法芥牛胸腹牛胸腹比較瘦，所以真係好靠醃料。微辣嘅法芥，原來同瘦牛肉好夾，仲可以帶出牛肉香味添。Mozzarella芝士雞腿肉原來芝士同雞係分開嘅。先將裝左芝士碎嘅錫紙杯，放落爐。煮融之後，就可以將雞肉點芝士啦！呢度嘅芝士，除左可以拉絲之外，仲有奶香味。冷素麵冰凍爽滑，一碗得一啖。竟然正過赤坂魚蛋烏冬，除左個人喜好之外，原因係佢已經用左日本豉油，但唔係配返急凍烏冬，而係一般嘅烏冬，雖然除去酸味，但無左爽滑感覺係有啲可惜。雨 （120分鐘） （大人） $1108服務費（10％）： $221.6 總數：$1330
繼續閱讀
## 食評：放工後的A4和牛放題放工後，我同老婆決定去試下A4和牛放題，呢間餐廳真係好有質素，值得一試！### 環境與服務首先，餐廳環境幾好，氣氛輕鬆，適合放鬆心情。服務員態度友善，幫助我們解釋菜單，對於選擇不同肉類和醬汁都有詳細介紹，令人感覺貼心。### 食物評價1. **肉類**： - 今次我哋選擇咗「雨」餐。佢哋先嚟咗個拼盤。有A5和牛西冷，仲有各種部位的A4和牛，每一片肉都切厚薄適中，燒肉時幾乎瞬間就熟，口感滑嫩。特別推薦韓風瓷壺牛肋肉，味道好入味，香氣四溢，仲有和牛啲油花，食落去真係好幸福。各款牛舌同燒雞軟骨都係大推之選。好，唔該2. **小食**： - 小食方面，炸物表現亦相當好。我特別鍾意佢嘅香芋丸同蟹肉可樂餅，炸得外脆內軟，味道相當好。燒比目魚、白鱔同埋雞泡魚乾都好美味，鮮味十足，配埋醬油食，簡直無法抵擋。3. **海鮮**： - 蠔和鮑魚的鮮味都非常足，食落去彈牙，令人一口接一口，真係好開心。4. **醬汁**： - 餐廳提供多款醬汁，可以混合搭配，增加食物風味，真係為肉類增添唔少風味，建議大家多試幾款。5. **甜品**： - 不過，美中不足嘅係當天冇雪糕或者雪條，我哋只能點佢嘅忌廉泡芙同蕨餅。泡芙香滑可口，蕨餅則係清新口感，都算唔錯。### 總體評價總結嚟講，呢間A4和牛放題真係質素高，價錢合理，仲有半價優惠，食物選擇豐富，令我哋十分滿足。
繼續閱讀
今次同朋友一齊嚟試呢間A4和牛嘅燒肉放題，午市仲有買一送一優惠，真係超抵，性價比極高。套餐限時120分鐘，絕對夠時間慢慢燒慢慢歎。食物選擇超過110款，牛肉方面最搶眼一定係A4等級嘅和牛，油花分佈平均，入口即溶。推介佢哋嘅「岩手和牛三角腩」同「岩手和牛肩胛肉」，燒完外層微脆，內裡肉汁豐富，牛香四溢。仲有「香蔥薄切和牛」都好好，薄薄地好快就熟，入口溶化。除咗牛肉，仲有鮑魚、蠔、比目魚西京燒等海鮮選擇。鮑魚新鮮彈牙。比目魚西京燒外層微焦，帶有甜甜味噌香，魚肉嫩滑無腥味，鹹甜平衡得宜入口即溶，值得一試！韓風醬油牛肋肉真係好正，牛味濃郁又唔會太鹹，燒完啖啖肉汁，帶少少甜味，愈食愈開胃。好大條好厚肉，咬落去好滿足，醬汁入晒味，配生菜一齊食就更加正！炸物幾有驚喜，天婦羅蝦一咬落去脆卜卜，蝦肉彈牙唔會淋晒。蟹柳外層炸得香，入面又唔會乾。春卷外皮酥脆，熱辣辣食正。
繼續閱讀